Dr. Tint Swe Medical and Knowledge Writings

မြန်မာအခေါ်ဆို ဂုတ်ပိုးတက်တယ်ဆိုတာမျိုးပါ။ ဝိတ်လဲ တအားမများပဲ ဖြစ်နေတာပါ။ ပိန်သွားလဲ neck hump ရှိနေတုန်းပါ။ အဲ့အတွက် အမြဲစိတ်မလုံခြုံမှုဖြစ်နေတာပါ ဆရာ။ ဘယ်လိုကုသမှုမျိုးနဲ့ပျောက်နိုင်မလဲ ဆရာ။  Dowager's Hump လို့လည်း ခေါ်တယ်။ ပျောက်အောင်လုပ်နည်းတွေတော့ တွေ့တယ်။ လေ့ကျင့်ခန်းလုပ်ရတယ်။ တကိုယ်လုံးမှာရှိနေတဲ့အဆီတွေကို လျှော့ကျအောင်လည်း လုပ်ရမယ်။ Shoulder rolls နည်း Chin tucks နည်း Cat pose နည်း Chin-to-shoulder stretch နည်း Squeezing your shoulder blades together နည်းတွေလို့ရှိတယ်။ တခုစီအကြောင်း ဂူဂယ်လ်မှာရှိနိုင်တယ်။ လည်ပင်းအဆစ်နေရာ ရောဂါကြောင့်ဖြစ်တာကိုတော့ အခံရောဂါကို ကုသရပါမယ်။ ဒေါက်တာတင့်ဆွေ

ဆရာ ​မေးစရာ​လေးရှိလို့ပါဆရာ​ဆေး​ခြောက်အနံကိုနည်းနည်း​လေး ရှူမိယုံနဲ့ ​ဆေးစစ်ရင်​ဆေးကျနျုင်လားဆရာ ကျွန်​တော်ကပြည်ပထွက်မှာမို့ပါ မသုံးပါဘူးဆရာ အချိန်ဘယ်​လောက်ထိစစ်ရင်​ပေါ်နိုင်လဲဆရာ ​ဆေး​အောင်မြင်​အောင်​ရောဘာ​တွေလုပ်ရလဲဆရာ စာလုံး​ပေါင်းအမှာပါးရင်​ဆောရီးပါဆရာ ဆေးခြောက်ထဲမှာ Tetrahydrocannabinol (THC) ခေါ် ဓါတ်ပါတာကို စစ်ရတယ်။ အလွယ်ဖြေရရင် သုံးစွဲပြီးနောက် ရက်ပေါင်းများစွာအထိ စစ်ရင်သိနိုင်တယ်။ အရက်က သိပ်မကြာခင်မှာ စစ်ရင် မတွေ့နိုင်တော့ပါ။ ဘယ်လောက်များများ သုံးစွဲထားသလဲ သုံးစွဲသူရဲ့ကိုယ်ထဲမှာ အဆီများ မများ မကြာခဏသုံးစွဲသူလား တခါတလေသာသုံးတဲ့သူလား စစ်ဆေးနည်းတွေအပေါ်မှာ မူတည်တယ်။ ဆေးခြောက်စစ်နည်းအတွက် ဆီး၊ သွေး၊ ဆံပင်ကနေ စစ်တယ်။ တံတွေးကိုစစ်ရင် နာရီအနည်းငယ်မှာ သိနိုင်တယ်။ လေ့လာမှုတွေလုပ်တော့  ဆေးခြောက်ကို စသုံးသူ ၃ ရက်။ တပတ်မှာ ၃-၄ ကြိမ်သုံးသူ ၅-၇ ရက်။ နေ့တိုင်း တနေ့တခါသုံးသူ ရက် ၃၀ အနည်းဆုံး။ Urine tests ဆီးစစ်နည်း ၁-၃၀ ရက်အထိ။ Saliva tests တံတွေးစစ်နည်း ၂၄-၄၄ နာရီ။ Hair tests ဆံပင်စစ်နည်း ၉၀ ရက်။ Sweat tests ချွေးစစ်နည်း ၇-၁၄ ရက်။ Blood tests သွေးစစ်နည်း နာရီအနည်းငယ်။ ဒေါက်တာတင့်ဆွေ

နယူးယော့ Memorial Sloan Kettering Cancer Center မှာ စမ်းသပ်ကုသမှု လေ့လာချက်တွေအရ အစာဟောင်းအိမ်ကင်ဆာ လူနာ ၁၄ ဦးတို့ဟာ ကင်ဆာကုသနည်းသစ်ကြောင့် ၁၀၀% အောင်မြင်တယ်လို့ ဆိုပါတယ်။ သတင်းကတော့ ၁၆-၆-၂၀၂၂ နေ့ကတည်းက ထွက်ပါတယ်။ လူနာတွေကို Dostarlimab ခေါ် အင်မြူနိုသာရာပီဆေး ပေးခဲ့တာဖြစ်ပါတယ်။ ဆေးပေးပြီး ၆ လနေတော့ စမ်းသပ်တဲ့အခါ ၁၀၀% အောင်မြင်တာတွေ့ရတယ်။ ဒေါက်တာတင့်ဆွေ

ဒူးရင်းသီးက ကလေးမွေးပီး(ပြီး) ဘယ်နှစ်လနေရင်စားလို့ရလဲ ဆရာဝန်ကိုမေးတာ မဟုတ်ပါ။  ဆေးသိပ္ပံသုတေသနတွေအရ ကိုယ်ဝန်ဆောင်တွေ ဒူးရင်းသီးမစားရလို့ မရှိပါ။ တကယ်ဆော့ ဒူးရင်းသီးမှာ အာဟာရဓါတ်တွေကြွယ်ဝတယ်။ အသင့်အတင်စားရင် ကိုယ်ဝန်ဆောင်တွေအတွက် ကောင်းတယ်။ ဒူးရင်းသီးမှာ သကြားဓါတ်များလို့ များများ မစားသင့်ပါ။ နည်းနည်း စားနိုင်တယ်။ ကိုယ်ဝန်ဆောင်စဉ်ဖြစ်တဲ့ ဆီးချိုရှိသူတွေကတော့ ရှောင်သင့်တယ်။ နောက်အချက်တခုက ကိုယ်ဝန်ဆောင်တွေ ဒူးရင်းသီးစားရင် အထဲကကလေးပိုထွားသလား။ အဲတာအတွက်လည်း ဆေးသိပ္ပံသုတေသန သက်သေခံချက် မရှိပါ။ မြန်မာပြည်မှာ ဘာဖြစ်ဖြစ် ဖေ့စ်ဘွတ်မှာ မေးကြတယ်။ ဖြေတဲ့သူတွေကလည်း ထင်ရာဖြေကြတယ်။ စားစရာတခုခုမေးလို့ မစားနဲ့ဖြေသူတွေဟာ အဲဒီစားစရာရောင်းတဲ့ဆိုင်နဲ့ မတည့်သူတွေဖြစ်ကောင်း ဖြစ်နိုင်တယ်။ စားပါစားပါ များများစားပါဆိုသူတွေက အဲဒီစားစရာရောင်းတဲ့သူတွေလား မသိ။ ဒေါက်တာတင့်ဆွေ

ဆရာ hiv နဲ့ပတ်သတ်ပီး(ပြီး) မေးချင်လို့ပါဆရာ။ ဆရာ blog မှာလဲဖတ်ပီးပါပီ။ window period အပြီး ၁၀၇ရက်မြောက်မှာ hiv test လုပ်တာ non reactive ပါဆရာ။ ဒီကြားထဲလဲ exposure မရှိပါဘူးဆရာ။ ၃လပြည့်စစ်တာမှာ hiv.b.c.vdrl non reactive ပါဆရာ။ အခုခြောက်လပြည့်ပီး(ပြီး) ဆေးစစ်ဖို့မလွယ်တဲ့နေရာရောက်နေလို့ပါဆရာ။ ၃လပြည့် non reactiveအဖြေက ပြောင်းလဲနိုင်ပါသလားဆရာ။ ဆရာ့ blog မှာ၃လပြည့်ပီး(ပြီး)စစ်လို့မတွေ့ရင် ကူးစက်ခံရခြင်းမရှိလို့ဖတ်မိပါတယ်ဆရာ။ ၆လပြည့်ပီး (ပြီး)ဆေးမစ - သံသယရှိစရာနဲ့ တွေ့ပြီး ၆ ပတ်မှာစစ်တဲ့ HIV antibody-only tests စစ်နည်းအဖြေမှာ Nonreactive ပြခြင်းဟာ ကူးစက်ခြင်းမရှိလို့ ဆိုနိုင်တယ်။ ထပ်စစ်ရန် မလိုပါ။  ၃ လပြည်ပြီးရင်တော့ စစ်သင့်တယ်။ ၆ လအထိ Nonreactive စက်ခံရခြင်း မရှိတာ သေချာတယ်။ လေ့လာမှုတခုအရ သံသယရှိစရာနဲ့ တွေ့ပြီး ၃ လမှာစစ်တဲ့ HIV antibody-only tests စစ်နည်းအဖြေမှာ Nonreactive ပြခြင်းဟာ ယေဘုယျ မှန်တယ်။ ဒါပေမဲ့ ၁၀၀၀ မှာ ၃ ခုက အဖြေလွဲနိုင်တယ်။  မေးခွန်းက အီးမေးလ်ကနေလာတယ်။ အီးမေးလ် မရေးတတ်သူဖြစ်မယ်။ အီးမေးလ်မှာ အပေါ်က Subject အကြောင်းအရာနေရာမှာ စာကိုယ် မရေရပါ။ ရေးရင် စာတွေအကုန် မပေါ်ပါ။ အောက်မှာ

အခုချိန်ကစပြီး Linkedin ကို သုံးကြည့်ပါတယ်။ https://www.linkedin.com/feed/update/urn:li:share:7188557949231915008/ ဒေါက်တာတင့်ဆွေ