Dr. Tint Swe Medical and Knowledge Writings

ငွေတာရီရဲ့ကဗျာကို မူရင်းအတိုင်း တယောက်က ပို့ပေးတယ်။ နောက်တယောက် တတွေကို တစ်လုပ်ထားတာကို ပို့ပေးတယ်။ မြန်မာစာ အောက်ဆုံးသို့ရောက်နေပြီလို့ သက်သေပြတာဖြစ်တယ်။ မြန်မာစာ ထိပ်ဆုံးသို့ ပြန်ရောက်ပါစေသတည်း။ တတောင်ပေါ် တတောင်ဆင့် တောင်အမြင့် ပတ်ခြံရံ။ တတောင်ဆုံးပြန်တော့ တလုံး ကျန်ပြန်ပေသမို့ ဖန်ဖန်လေ အားအင်နှိုးလို့ရယ် ကြိုးလျှောက်ရပြန်။ ခါတလေ တကယ်ပန်းတာကြောင့် တော်ပါပြီ ဆက်မလှမ်းချင်ဘူ့ ရပ်တန်းက ရပ်မယ်ကြံ အမှန်တော့ ဖြစ်နိုင်မလား။ စ ခဲ့မိဟာပေါ့ တနေ့မှာ ဆုံးရာရောက်ပါလိမ့် အားလျှော့ကာ ဆုတ်ချင်စမ်းပါနဲ့ စိတ်နွမ်း အသာဖြေအုံး မာလာငွေ ကန်ရေအေးရယ်နှင့် ငှက်တေးကို အာရုံဆင်လို့ မူတသွင် အားအင် သစ်လိုက်ပေါ့ ချစ်ဖွယ့်လူသား။ ။ (ငွေတာရီ) ဒေါက်တာတင့်ဆွေ

အဆိပ်ဓာတ်နှင့် ဆိုးဆေးအရောင်အတုများပါဝင်နေသော Centrum အားဆေးလို့ ခေါင်းစဉ်တပ်ထားတဲ့ စာတပုဒ်ကို တယောက်ကနေပို့ပေးလို့ ဖတ်ရပါတယ်။ အမေရိကန်မှာ ရောင်းအားအကောင်းဆုံး နာမည်ကြီးတံဆိပ်အားဆေး Centrum အားမရှိစေတဲ့အပြင် လူကို အန္တရာယ်တောင်ဖြစ်စေနိုင်လို့လည်းပါတယ်။ စာကို တော်တော်ရှည်ရှည်ရေးထားပေမဲ့ အချုပ်ကို ထုတ်ယူတော့ - မလိုအပ်ပဲ သတ်မှတ်ထားတဲ့ ပမာဏထက် ကာရိုတင်းက်ိုပိုစားမိရင် အဆုတ်ကင်ဆာနဲ့ နှလုံးရောဂါဖြစ်နိုင်ခြေက်ုိ ၂၀% မြင့်တက်လာစေတာတွေ့ရတယ်။ ဗိီတာမင်အီး လိုတာထက် ပိုစားသုံးရင်၊ ပရိုစတိ်တ်ဆီးကျိတ်ကင်ဆာ ၁၇% အထိ မြင့်တက်လာစေတယ်။ ဖောလစ်အက်စစ်နဲ့ ဗီတာမင်တွေက်ို ပမာဏထက်ပိုသောက်ခဲ့ရင်၊ အဲဒီအူကင်ဆာ ဖြစ်နိုင်ခြေတောင် ပိုမြင့်တက်လာစေနိုင်ပါတယ်။ ကျန်တာတွေမှာတော့ သဘာဝနည်းနဲ့ ဗီတာမင်ရယူနည်း၊ ဖြည့်စွက် ဗီတာမင်အားဆေးတွေဖြတ်ကြပါစို့လို့ နှိုးဆော်ထားပါတယ်။  အဲတာနဲ့ နိုင်ငံတကာ ဝဘ်ဆိုက်တွေကို လိုက်ဖတ်ရပါတယ်။ အကိုးအကား ၂ ခုကိုသုံးပြီး ကျွန်တော့်အယူအဆကို တင်ပြပါရစေ။  ၃-၁-၂ဝ၁၄ နေ့စွဲနဲ့ Centrum ဆင်ထရမ်က ဗီတာမင်တွေက စိတ်ချရသလားဆိုတာအရင်ဖတ်ပါတယ်။ လူတွေ အဲလို ဆင်ထရမ်ကထုတ်တဲ့ ဗီတာမင်တွေထဲမှာ တခြားဟာတွေပါနေလို့ တချို့လူတွ

• အကြော်တငြာ • တပါးထို့နောင် • တချက်နောက်သော် • ကန္နားတဆောင် • နန်းကြီးတသွန် မန်လည်ဆရာတော်ဘုရားကြီး သီကုံးထုံးဖွဲ့အပ်သော မဟာသုတကာရီမဃဒေဝလင်္ကာသစ် နဝမအကြိမ် ၂၀၀၉ ခုနှစ်ထုတ် ဒေါက်တာတင့်ဆွေ

ငယ်သူငယ်ချင်းတယောက်က အသက်လည်းကြီးပြီ မြန်မြန် မသွားလာနိုင်တော့။ ဒါပေမဲ့ နောက်ပြန်တော့ မလျှောက်တဲ့။  နောက်ပြန်လမ်းသလားတာက အသက်ငယ်ငယ်ကြီးကြီး ခက်တယ်။ စာအုပ်ဇောက်ထိုးဖတ်တာလည်း ခက်တယ်။  အခုရက်တွေမှာတော့ စာအုပ်ကို အတည့်ဖတ်တာတောင် နားမလည်တဲ့ မြန်မာလိုရေးတာတွေက များတယ်။ ရောင်းကောင်းတဲ့စာအုပ်တွေလည်း ပါတယ်။ သတ်ပုံတွေက မမှန်။ အင်္ဂလိပ်လိုရေးတာတော့ ဖတ်လို့ရတယ်။ နောက်ပြန်သွားတာ ကျန်းမာရေးအတွက် ကောင်းသတဲ့။ ကျွန်တော်တို့ ဆေးကျောင်းသားနှစ်တွေ (၁၉၆၅-၁၉၇၂) က နိုဝင်္ဘာအားကစားလလို့ သတ်မှတ်ခဲ့တယ်။ တပါတ်မှာတခါ ကျုံးတပတ်လမ်းလျှောက်ကြတယ်။ ကျုံးတပါတ်ပြည့်တော့ ကောက်ညှင်းပေါင်းကျွေးတာ စားခဲ့ရတယ်။ ပိုက်ဆံမထွက် ချွေးသာထွက်တယ်။ အခုတော့ ပြည်တွင်းမှာ ကျန်းမာရေးဆိုလို့ ကင်ဆာ နဲ့ ကိုဗစ်ကိုသာ ဂရုစိုက်အားသူ များတယ်။ ကပ်ရောဂါတွေက တခုမှမပြီးသေး နောက်တခု။ နောက်ပြန်သွားသော် တိုင်းပြည်ကျန်းမာရေး ကိုဗစ်ထက်ဆိုးပြီး ကင်ဆာလို အကုရခက်တယ်။ ဒေါက်တာတင့်ဆွေ

(တွံတေးသိန်းတန်) နွေမိုးနှောင်း၍ ဆောင်းဟေမန္တ  လေပြန်စရင် သဇင်ပွင့်မည် နှင်းကျပေတော့မည်။ သီဝေသွယ်နှင်း မင်းလွင်ကျင်းပြန်တော့ ပင်မြင့်စံတဲ့ ငွေသဇင် ခင်မင်ခိုလှုံ ဆောင်းရိပ်မြုံထဲ သူ့မှာရန့ံသင်း သင်းပျံ့လှိုင်ကြည် လှမာန် စိန်မြခြယ်စီ  လသာစဉ်အခိုက် လရောင်ကို သူကြိုက်ပါ၍ ထိုမှလွန်ကာ နေခြည်လာသော် နေခြည်ကိုပင် တပ်မက်မောသည်  သည်သို့ သည်အလား ကိုယ့်ချစ်သူရယ် ဒီပုံအတည် တချစ်မှ တချစ်ပြောင်း အချစ်ဟောင်း မေ့လေပြီ။ ငွေနှင်းရယ်မှုန် လေညင်းသုန်သော တညဆီ ချစ်ခွန်းဝေရွှန်း လမင်းရှက်အောင် ချစ်သက်နှောင်ခဲ့ မောင်မမေ့ပါချေပြီ မြောက်လေ သုတ်ဖျန်း နှင်းမြူတွေ ဝှေ့ကာလွှမ်းရင် အချစ်ဟောင်းကို အောက်မေ့မိသည် ပန်းမဥ္ဇူ မြတ်ပန်းခိုင်နဲ့ ဦးတိုင်မြှောက်ချီ လျှောက်တင်ကာ အတည် ဒီလိုဆောင်းကို ရောက်ရင် နှင်းမကျစေကြောင်း ဆုတောင်း နေပါသည်။ သည်နွေ သည်မိုးတွေ ပြောင်းရင်  သည် ဆောင်းကိုလည်း ရောက်လာပေ ဦးတော့မည်  ဆောင်းရောက်ရင် သဇင်ပွင့်မည် နှင်းကျမည်  ဆုတောင်း မပြည့်ခဲ့ပါလေပြီ။ သီဝေ သွယ်နှင်း  မင်းလွင်ကျင်းပြန်တော့ ပင်မြင့်စံတဲ့ ငွေသဇင် ခင်မင်ခိုလှုံ ဆောင်းရိပ်မြုံထဲ သူ့မှာရန့ံသင်း သင်းပျံ့လှိုင်ကြည် လှမာန် စိန်မြခြယ်စီ  လသာစဉ် အခိ

လွန်ခဲ့တဲ့ ၇ နှစ်တိတိက ဒီလိုနေ့မှာ မိုးလေးဖွဲဖွဲကျနေပြီး လေလေးဝှေ့လိုက်ရင် အတော်အေးတယ်။ ကျွန်တော်တို့နှစ်ယောက် သွေးသွားဖေါက်ရတယ်။ ဒေါ်မြမြအေးက ဆီးချိုအတွက် ‘ဖတ်စတင်း ရှူးဂါး’၊ ကျွန်တော်က ‘ကိုလက်စထော’။  ဆေးခန်းအသွားမှာ ‘ကက်သလစ် ချာရတီ’ က ကျန်းမာရေးဆိုင်ရာ လိုက်ကူညီရတဲ့ မြန်မာလူမျိုး အမျိုးသမီးက လိုက်ပို့တယ်။ လူမျိုးထည့်ပြောနေရတာ ဒီမှာ မြန်မာ (ဗမာ) ဆိုတာရှားလို့ပါ။ မနေ့က အပို့ရော အကြိုပါလုပ်ပေးသူက မွန်။ ဆေးခန်းမှာ အလုပ်လုပ်နေသူ တယောက်က ဟာခါး။ နောက်တယောက်က ဖလမ်း။ ဆေးစစ်လာတဲ့ ခူမီးလူမျိုး မိသားတစုတွေ့တယ်။  သွေးဖေါက်ပြီး အောက်အဆင်းမှာ သနပ်ခါးလိမ်းထားတဲ့ ၄-၅ နှစ်အရွယ် ကလေးမလေးကိုတွေ့တော့ ကျွန်တော့်ဇနီးက အတော်သဘောကျသွားတယ်။ သူ့အမေက မတူပီ။ သူ့သမီး သနပ်ခါးကြိုက်တယ်လို့ ပြောတယ်။ ကလေးအဖေက ကရင်၊ ကျွန်တော်တို့ သားသမီးတွေနဲ့ ဘုန်းကြီးကျောင်းမှာ တွေ့ဘူးတယ်တဲ့။ သူကပဲ ကျွန်တော်တို့ကို သူ့ကားနဲ့ အိမ်ကိုလိုက်ပို့တယ်။  အမေရိကန် ဆေးခန်းကနေ စစ်မပေးတဲ့အမျိုးအစားကတော့ ပြည်ထောင်စုမြန်မာနိုင်ငံသွေး။ ဒေါက်တာတင့်ဆွေ ၃၁-၁၀-၂၀၁၄ ၃၁-၁၀-၂၀၂၁

ကျောက်ကပ်အစားထိုးထားတဲ့သူ ကိုဗစ်ကာကွယ်ဆေးထိုး၍ရပါသလား ဆရာ ဖြေရတာ များလှပြီ။ ကိုဗစ်ကာကွယ်ဆေးထိုးလိုသူတွေရှောင်စရာဆိုတာ မဟုတ်ကဟုတ်က ပြောတာတွေသာရှိတယ်။ ရောဂါတွေလည်း မေးတာ ၉၆ ပါး ၂ ခါပြန်ရှိပြီ။ ကျောက်ကပ်၊ အသဲ အစားထိုးသူတွေဟာ ခုခံအားကို တမင်တကာ နှိမ်ဆေး သောက်ကြရတယ်။ ခုခံအားကျသူတွေက တခြားသူတွေထက် ကိုဗစ်ကာကွယ်ဆေး အကြိမ်ရေ ပိုထိုးရတယ်။ ယူအက်စေအေမှာ သူများတွေက ၂ ကြိမ်၊ သူတို့ကို ၃ ကြိမ် ထိုးစေတယ်။ ဒေါက်တာတင့်ဆွေ

မြန်မာပြည်အတွက် ၂၀၂၁ အတွက် ဒေဝါလီရက်ဟာ ၄-၁၁-၂၀၂၁ နေ့မှာကျရောက်တယ်။ Diwali - Deepavali - Dīpāvali ဒေဝါလီအသံထွက် Happy Diwali ဟက်ပီး သီတင်းကျွတ်ပို့စ်ကိုတင်စဉ်က ကွန်မင့်တွေလာတယ်။ ၁။ ဆရာခင်ဗျာ ဒေဝါလီနေ့မဟုတ်ဖူးထင်တယ် ဒီပါဝလီနေ့ထင်ပါတယ် သတင်းစာမှာ ဟိန္ဒူတွေ ကြော်ငြာတာ မြင်ဖူးပါတယ် အမှားပါရင် ခွင့်လွှတ်ပါခင်ဗျ။ ၂။ မြန်မာတွေ အသံထွက်မှားတယ်ထင်ပါတယ်။ ပ သံမပါဘူးလို့ထင်ပါတယ်။ Diwali ဒေဝါလီ သို့မဟုတ် Deepavali ဒိပါဝါလီလို့ အင်္ဂလိပ်စာလုံးနဲ့ရေးပါတယ်။ သကတ္တ ခေါ် ဆန်းစ်ခရစ်လို Dīpāvali ဒီပဝါလီလို့ ခေါ်တယ်။ မြန်မာလိုရေးရတာ အသံထွက် ထပ်တူမကျတတ်ပါ။ ဟင်ဒူဘာသာကိုးကွယ်တဲ့နေရာဒေသတွေမှာ အသံထွက် နည်းနည်းစီကွဲတာလည်းရှိပါတယ်။ ကျွန်တော် ၂၄ နှစ်ကြာနေခဲ့ရတဲ့ အိန္ဒိယမှာ ဒေဝါလီနေ့ ကျရောက်တိုင်း လမ်းတွေပေါ်မှာ လူတွေအပြည့်။ ဆိုင်တိုင်းမှာ လက်ဆောင်ပေးစရာ ဝယ်သူကတွေကလည်း တိုးမပေါက်အောင် စည်တယ်။ အမျိုးတွေ မိတ်ဆွေ သင်္ဂဟတွေအိမ်ကို လက်ဆောင်ပစ္စည်းတွေ အပြန်အလှန် ပို့ကြတယ်။ ကျွန်တော် နေစဉ်ကလည်း အဲဒီထုံးစံကို လိုက်ရတယ်။ လက်ဆောင်တွေရတယ်။ လက်ဆောင်ပြန်ပေးရတယ်။ ညမှာ မီးရောင်စုံတွေ အပြိုင်အဆိုင်ထွန်းကြတယ်။ ဗျောက်တွေဖေါက်ကြတယ်။ ဒေါ

အချို့အနည်းငယ်သောအရာ၌ ရှေးရိုးသတ်ပုံ မလိုက်ဘဲ အသံမှန်သို့လိုက်၍ ရေးအံ့။ ပုံကား - မရှိပါပဲလျက်၊ သို့သော်လည်း၊ လျစ်လှူ - ဤသို့စသော အရာတို့၌ မရှိပါဘဲလျက်၊ သို့သော်လဲ၊ လစ်လျူ - ဤသို့ ရေးအံ့။ ကျမ်းဂန်သုံးစကားသို့ မလိုက်မူ၍ ထင်ရှားသိလွယ်စေရန် အရပ်သုံးစကားသို့ မလိုက်မူ၍ ထင်ရှား သိလွယ်စေရန် အရပ်သုံးစကားသို့လဲ လိုက်၍ ရေးအံ့။ ဤသို့ရေးသားချက်များသည် အထူးအားဖြင့် အခဏ်း (၅) ၌ များစွာပါဝင်လတံ့။ မြတ်စွာဘုရားသည် တရားတော်ကို ထိုစဉ်အခါက ကျမ်းသုံးစကားဖြစ်သော သက္ကတဘာသာဖြင့် မဟောခဲ့ချေ။ တောရွာသူကလေးများထိ အများပင်နားလည်၍ သုံးစွဲပြောဆိုနေသော မာဂဓဘာသာဖြင့် ဟောတော်မူခဲ့ပေသည်။ သို့ဖြစ်၍ ဤအရပ်သုံးစကားကိုလဲ အလေးပြုသင့်သည်သာတည်း။ ဆန်းသည်၊ သေးနုပ်သည်ဟူ၍ကား မအောက်မေ့သင့်ပေ။ မဟာစည်ဆရာတော်ဘုရားကြီး ရေးသားစီရင်တော်မူသည့် ဝိပဿနာရှုနည်းကျမ်း၊ ပထမတွဲ။ ၁၉၉၇ ခုနှစ်က ထုတ်ဝေပါတယ်။ အဲဒီခုနှစ်မှာ မြန်မာစာအဖွဲ့က တစသတ်သတ်ပုံစာအုပ်သစ်ကို ၁၉၉၁ စက်တင်ဘာလမှာ ထုတ်ဝေပြီးပါပြီ။ သဘောမတူသူတွေက အမှန်အတိုင်း ရေးသားထုတ်ဝေခွင့်ရှိခဲ့သေးတယ်။ နဝတ စာပေဆင်ဆာအဖွဲ့ လက်ဝါးစောင်း ထက်လာတော့ သတ်ပုံအမှန်ကို အမှန်အတိုင်း ရေးခွင့်မပြုတော့ပါ။ ဆရာတော်ကြီးက

ကျွန်တော်ငယ်စဉ်က ဘုန်းတော်ကြီးတွေ တရားဟောတာတွေ နာကြားခဲ့ဘူးတယ်။ အမျိုးတော်တဲ့ ဘုန်းကြီးတွေနဲ့လည်း စကားပြောဆိုခဲ့ရပါတယ်။ တခါတခါမှာ ဘုန်းတော်ကြီးတွေပြောဟောတဲ့ စကားလုံးတချို့ကို နားထဲမှာ ဆန်းနေတယ်။ သတိစကားလုံးလည်း ပါတယ်။ လူအများအသံထွက်သလို (သဒိ) လို့ မထွက်ပါ။ ဘာလို့လဲ။ သတိဟာ ပါဠိစာလုံးဖြစ်ပါတယ်။ အဲလိုအသံထွက်ရတာကို မြန်မာစာမှာ ရေးတော့ အမှန်၊ ဖတ်တော့ အသံလို့ ထုံးစနစ်လုပ်ထားတယ်။ လူနာတွေက ဂေါင်းကိုက်တယ်လို့ပြောပါတယ်။ ဆရာဝန်က ဆေးပညာစာမှာ ခေါင်းကိုက်တယ်လို့သာ ရေးရတယ်။ ရေးတော့ အမှန်၊ ဖတ်တော့ အသံ။ ဒါမှ ဆေးနည်းလည်း မှန်တယ်။ ခုခေတ်မှာ တခါတရံကို စသတ်တွေနဲ့ရေးမိန့်ထုတ်ထားပြီး တခါတရံသံသာ ထွက်စေဆိုတာ မှားယွင်းလွဲချော်တဲ့ မြန်မာစာသတ်ပုံဖြစ်တယ်။ ပြင်ဆင်သင့်ကြပါတယ်။ မြန်မာဇာ ဂေါင်းကိုက်နေဘာဿီ။ ဒေါက်တာတင့်ဆွေ

အနန္တသူရိယ တည်သည် မင်းနန်သူဘုရားသုံးဆူမှာ ပုဂံမြို့အရှေ့မြောက် ခရီး ၅ မိုင်မျှကွာသော မင်းနန်သူ ခေါ် ရပ်ကွက်တွင်တည်ရှိ၍ အရည်းကြီးတို့နေရာ သမထီးရပ်ကွက်နှင့်လည်း ခရီးတမိုင်မျှသာ ဝေးသည်။ အနန္တသူရိယကို မင်းနန်သူ ခေါ်သည်။ ဦးကုလားပြုစုတဲ့ မဟာရာဇဝင်ကြီး ပထမအုပ်မှာပါတယ်။ ဦးကုလားဟာ ဟံသာဝတီဆင်ဖြူများရှင်လက်ထက် စဉ်းကိုင်သူဋ္ဌေးဒေဝနှင့် မဏိသြဃတို့ကနေ အင်းဝမြို့မှာ ဖွားမြင်သူဖြစ်တယ်။ မွေးသက္ကရာဇ်ကို ပညာရှင်တွေ စိစစ်နေကြတယ်။ မဟာရာဇဝင်ကြီး နှစ်တွဲကို မြန်မာသုတေသနအသင်းက ဟံသာဝတီပုံနှိပ်တိုက်ကနေ ၁၉၆၀ မှာ ရိုက်နှိပ် ထုတ်ဝေတယ်။ ဆရာပွါး တည်းဖြဋ်တယ်။ တည်းပြဋ်အုပ်ချုပ်သူ ဦးဖေမောင်တင်။ ဒေါက်တာတင့်ဆွေ

• အဲသည်နှစ်မိုးတွင်း ငါတို့ရန်ကုန်ဆင်းကြရသည်၊ • ဂန္ဒီကအဆင်းမှာ ထီးမပါတဲ့ငါတို့ကို ထီးမဆောင်းတဲ့လူထုက ဖြောင်းဖြောင်းလက်ခုပ် တီးပေးကြသည်၊ • ၁/၉ဝ နဲ့တုံ့ပြန်တာကို ငါတို့က သုံးလရာဇသံ ပြန်ပေးလိုက်ကြသည်၊ • နာခံမယ်မဟုတ်မှန်းလဲ ငါတို့သိကြသည်။ • အညာတက် အကွက်ချဘို့ဖြစ်လာသည်၊ • ဟိုနေရာ သည်နေရာထိုင်ပြီး တိုင်ပင်ကြသည်၊ • တောင်းတာမရရင် ညောင်းကြတာကောင်းမည်၊ • ၁၄ ကို ၂ နဲ့မြှောက် ၂၈ ယောက်၊ နောက်ထပ် ၂၈ ယောက်၊ သွေးသောက်ဖြစ်ကြသည်။ • ထောက်လှမ်းရေးတကောက်ကောက် ကြံတိုင်းမပေါက်၊ တဖက်ကမ်းရောက်သူကရောက်၊ ငရဲခန်းရောက်သူကရောက်၊ ထင်တိုင်းမပေါက်ပေမဲ့ ကြံတဲ့အတိုင်းမြောက်ခဲ့ပါသည်၊ • အဲသည်နှစ်ဆောင်းမှာ ငါတို့ဖါသာ အစိုးရဆိုတာဖွဲ့လိုက်ကြသည်။ • ဒို့နေရတာက ဝါးတောသစ်တော ‘မာနယ်ပလော’၊ • ရန်ကုန်မှာက အတိုက်အခံပေါ၊ နေပြည်တော်မှာ စစ်သားပေါ။ ရေးထားတာ ၂၀၁၃ ကတည်းက။ အခုတော့ နေရာတိုင်းမှာ မာနယ်ပလာ။  ၁၈-၁၂-၁၉၉၀ မှာဖွဲ့ခဲ့တဲ့ စင်ပြိုင်အစိုးရ NCGUB မာနယ်ပလောရုံး အထက်နားက ဘားတိုက်လိုတဲရှည်ကြီးမှာ ကျွန်တော် အိပ်ခဲ့ပါသည်။ ခေါင်းရင်းမှာ ဗုံးခိုကျင်းလည်းရှိပါသည်။ ဒေါက်တာတင့်ဆွေ

ပဲတီချဉ် စားချင်သလားအောက်မှာ တယောက်ကရေးတယ်။ ကယ်ပါ စားချင်လိုက်တာတဲ့။  ရေးတဲ့သူကတော့ ပေါ့ပေါ့ပါးပါး၊ ခေတ်စကားလို ရေးပုံရပါတယ်။ ဒါပေမဲ့ ကယ်ပါဆိုတာ အဓိပ္ပါယ်ရှိထားပြီးသားစကားလုံး ဖြစ်နေတယ်။  ကယ်ပါ = ဘုရားကျွန်၊ တောင်းစားရသူ။ ပုဂံခေတ်က ဘုရားတွေတည်ရင် ဘုရားကျွန်အဖြစ် သတ်မှတ်ပေးထားခံရသူတွေကိုပါ ဘုရားကို လှူတယ်။ ရုပ်ပွားတော် မျက်နှာတော်သန့်စင်ပေးခြင်း၊ ကြမ်းပြင်လှည်းကျင်းခြင်း၊ ဆွမ်းနဲ့ သောက်တော်ရေ ကပ်လှူခြင်း စတာတွေလုပ်ကြရတယ်။ တချို့ဘုရင်တွေကနေ ကျွန်အဖြစ်ကနေ နှုတ်ပယ်ပေးတာတွေလည်းရှိတယ်။ လွတ်လပ်ရေးရတော့လည်းကြိုးပမ်းပါတယ်။ အခုထိ အမျိုးအနွယ်တွေ ကျန်သေးတယ်။ နောက်ပိုင်းမှာ တောင်းရမ်းစားသူတွေနဲ့ ရောထွေးလာတယ်။  ကျန်စစ်သားဟာ စောလူးမင်းရန်ကြောင့် မြင်းပါရွာအနားမှာ ပုန်းအောင်းနေရစဉ်မှာ အပယ်ရတနာမိဖုရားက လာတွေ့ခဲ့တဲ့နေရာမှာ အမှတ်တရအဖြစ် အပယ်ရတနာဘုရားကို တည်ခဲ့သည်။ ရှုမဝဦးကျော်ရိုက်ကူးခဲ့တဲ့ အပယ်ရတနာရုပ်ရှင်ကို ငယ်ငယ်ကကြည့်ခဲ့ရတယ်။ အပယ်ရတနာဘုရားရှေ့မှာ တောင်းရမ်းစားသောက်ရတဲ့ ဦးကျန်အဖြစ် သရုပ်ဆောင်သူ တယောဆရာကြီး ဦးကြည်မောင်နဲ့ မြေးမကလေးမိအေးအဖြစ်သရုပ်ဆောင်သူ ရှုမဝ စမ်းစမ်းအေးတို့ နာမည်ကြီးပါတယ်။ ဇာတ်ဝင်သီခ

သတ်ပုံမှန်အကိုးအကား အထောက်အထားတွေ ထောင်ဂဏန်းတင်ပြထားပါတယ်။ ရွှေသွေးနဲ့ တေဇတွေလည်းပါတယ်။ အဲဒီအမှန်တွေက သတ်ပုံစာအုပ်သစ်မျိုးဆက်မတိုင်မီကသာဖြစ်ပြီး နောက်ထုတ်တွေမှာ မြန်မာစာသတ်ပုံတွေ မမှန် (မမှန်) တော့ပါ။ မြန်မာစာအဘိဓာန်ကို ၁၉၉၁ ခုနှစ် စက်တင်ဘာလမှာ ပထမအကြိမ်ထုတ်တော့ မူရင်း (တ) သတ်ပုံအမှန်တွေ ၈၀% လောက်ကို စသတ်လိုက်တယ်။ နဝတ စာပေဆင်ဆာအဖွဲ့က အဲဒီအတိုင်းသာ ထုတ်ဝေခွင့်ပေးလို့ဖြစ်ပါတယ်။  စစ်အာဏာသိမ်းလိုက်တာနဲ့ ပညာရှင်တွေ ရုတ်တရက် အသိပညာတွေ ကမောက်ကမဖြစ်သွားကြတယ်လို့ မယူဆပါ။ အမှန်ကို ပြန်ပြင်သင့်ကြပါတယ်။ ဒေါက်တာတင့်ဆွေ

ဟိုးရှေးရှေးတုန်းက သူဌေးကြီးတဦးမှာ သမီး သုံးယောက် ရှိပါတယ်။ တနေ့မှာ ဖခင်သူဌေးကြီးက သမီးသုံးယောက်ကို သူ့အား ဘယ်လောက်ချစ်သလဲလို့ မေးပါတယ်။ အဓိက ကတော့ သူပိုင်ဆိုင်တဲ့ အမွေတွေကို ခွဲပေးဖို့ ပါဘဲ။ ပထမသမီးက သူ့ဖခင်ကို လမင်းကြီးလောက် ချစ်ပါတယ် လို့ ဆိုပါတယ်။ ဒုတိယသမီး ကလည်း သူ့ဖခင်ကို နေမင်းကြီးလောက် ချစ်ပါတယ်တဲ့။ အငယ်ဆုံး သမီးလေးကတော့ ဖခင်ကြီးကို ဆားတဇွန်းစာလောက် ချစ်ပါတယ် လို့ ဆိုပါတယ်။ ထိုအခါ ဖခင်ကြီးက သူ့ကို တကယ်ချစ်တဲ့ သမီးကြီး နဲ့ သမီးလတ်ကို အမွေ အများဆုံး ခွဲဝေပေး ခဲ့ပြီး ဆားတဇွန်းစာသာ ချစ်သော သမီးငယ်ကိုတော့ အနည်းဆုံး ဝေစုကိုသာ အမွေပေးခဲ့ ပါတယ်။ သူဌေးကြီးဟာ သူပိုင်ဆိုင်တဲ့ အမွေတွေ အားလုံးကို ခွဲဝေပေးပြီးတဲ့ အခါမှာတော့ သူဌေးကြီးဟာ သူ့သမီးတွေဆီကို အလှည့်ကျ သွားရောက် လည်ပတ်လို့ နေပါတော့တယ် ။ သမီးတွေလည်း အိမ်ထောင်ရက်သား ကျကုန်လို့ သားသမီးတွေလည်း ထွန်းကားကြပါတယ်။ ဒီလိုနဲ့ အချိန်တွေ ကြာလာတဲ့ အခါမှာတော့ သမီးကြီးနဲ့ သမီးလတ်ဟာ ဖခင် လာရောက်တာကို မကြည်ဖြူကြတော့ ပါဘူး။ အလုပ်ကြီးတခု ပိုလာတယ်လို့ မြင်လာပါတယ်။ ဖခင်ကြီးကလည်း သူ့ကိုပိုချစ်တဲ့ သမီးနှစ်ယောက်ဆီ ကိုဘဲ အများဆုံး သွားရောက်နေတာကိုး။ နောက်ဆုံး

စိမ့်ကြီးမြိုင်ကြီး၊ ရိပ်ကြီးတောတောင် နေရောင်မခံ၊ ပန်းပျံပင်ဆင့် မြေနှင့်ရန်ဘက်၊ ခက်လက်စိမ်းမြ မိုးမခဘူး၊ နွေလသန်ပေါက် ယဉ်ချိန်ရောက်ခါမှ၊ နှင်းသောက်ကယ်ရွှင်ရွှင် ပွင့်ဖူးတွေ ဆင်ကြသည်။ ရွှေပင်ဆင့်ငွေပင်ဆင့်၊ ပတ္တမြားပင်ဆင့် ဂမုန်းအင့်အဖက် ဆောင်းစက်ရိပ်ခို၊ ရေတွက်လို့ဆိုတော့မည်။ လက်တံတိုတမည်၊ လက်တံရှည်နှင့် နေရောင်ခြည် လရောင်ဝါ မိုးလုံးပြာ မိုးလုံးမှိုင်း ပုလဲဆိုင်း ပုလဲနှစ် ချစ်စရာ့ လိပ်ပြာတောင် နီလာရောင် တောင်လုံးမြိုင် သုံးပွင့်ဆိုင် ခိုင်လုံးဆန်း ပင်လုံးလန်း နွဲ့တန်းယိမ်း ညှာတံစိမ်းများတို့ လေသိမ်းတိုင်းလှ၊ ကိန္နရီကသည့်နှယ် တချို့ကနီပြာပြာ၊ တချို့ကဖြူဝါဝါ တချို့မှာချိပ်ပွင့်၊ တချို့မှာပန်းရင့်ကို ပင်ဆင့်ပန်းပျံ၊ ဘွဲ့မည်ရည်ခံချင်းတွင် ဝေယန်နန်းမြင့်၊ ပန်းတိုင်းတင့်မို့ မြို့ဝန်မင်းစာ၊ လိပ်မပါဘဲ ကွယ်ရာဈေးပြင်၊ ရောင်းလို့များမြင်မလား။ သေချင်သေ၊ ရှင်ချင်ရှင် အင်မတန့် အင်မတန်၊ ရာဇဝတ်တော်ခံရမည်။ မြတ်ပန်တော်ပန်း၊ ခိုင်လုံးလန်းကို ဟိုလောင်ပန်းပွင့်၊ ဘယ်ဂုဏ်ကြောင့် ဝင့်မတုံး ဘုန်းနှင့်ကံနှင့်ရွှေသဇင်။ ဦးတိုးရေးဖွဲ့ခဲ့သည့် ရာမရကန်မှ ရကန်ကဗျာအမျိုးအစားဖြစ်သည်။  ရွှေသဇင် (ဘုန်းနှင့်ကံနှင့်ရွှေသဇ

နီနီဝါဝါ ပြာတချို့ ကြူကြူမွှေးပါလို့ တချို့မှာလေ မုန်တိုင်းမွှေ (တင်မိုး) ဆရာခင်ဗျား (တစ်)ချို့တွေကြောင့် ဆရာ့ဆုတောင်း မပြည့်ဝသေးပါ။ ဒေါက်တာတင့်ဆွေ

  အဲလို ပြောလေ့ရှိကြတယ်။ ဆုံးမစကားလို ပြောတတ်တယ်။ ကိုယ့်ကိုယ်ကို နှိမ်ချပြီး ရေးတတ်ကြတယ်။  ငါသိတာ တခုကတော့ ငါဘာမှ မသိဘူးဆိုတာပဲ။ ငါတခုတည်းသိတယ်။ ဘာလဲဆိုတော့ ငါဘာမှမသိဘူး။ အဲတာကို Socratic paradox ဆိုကရေးတီးစ်ရဲ့ ဝိရောဓိလို့ ဆိုပါတယ်။ ဂရိပညာရှိ ပလေတိုထဲကပါ။ ဆိုကရေးတီးစ်က အဲလိုပြောခဲ့တာတော့ မဟုတ်ပါတဲ့။ စာတွေဖတ်ပြီး ငါအတော်သိလာပြီလို့ ထင်မှတ်ကြတယ်။ စာတွေအများကြီးဖတ်ပြီးတော့ ငါဘာမှမသိသေးပါတကားလို့ သဘောပေါက်လာတယ်။ ကျွန်တော့်အမြင်ကတော့ နည်းနည်းကွဲလွဲတယ်။ ကိုယ့်ကိုယ်ကို နှိမ်ချပြောဆိုတာတော့ ကောင်းပါတယ်။ အသားလိုလို့ အရိုးတောင်းတာ မဖြစ်အောင်တော့ သတိပြုသင့်တယ်။ ဖတ်လေ မှတ်လေ သိလာလေ။ သင်ယူလေ့လာလေ တတ်မြောက်လာလေ။ သိစရာတွေ များလွန်းတာကိုပါ သိလာလေ။  လေ့လာရာမှာလည်း ဖတ်တာအပြင် ရေးချနိုင်ရင် ပိုသိတယ်။ စာကျက်တာ ချရေးသူမျိုးရှိတယ်။ ကျွန်တော်ပြောလိုတာက သိလာတာတွေကို စာဖြစ်အောင်စီကာစဉ်ကာ ရေးစေချင်တာ။ ဖတ်တုန်းကအသိထက် ပိုတိကျတယ်။ ပိုပြီးနက်တယ်။ ရေးတတ်ရင် ကိုယ်ပိုင်အယူအဆပါ ပါလာလိမ့်မယ်။ အဲလိုသိသိလာတာတွေဟာ တကယ်ရရှိတာဖြစ်တယ်။ ငါတော့ ဘာမှ မသိသေးပါလို့တော့ မပြောအပ်ဘူးထင်နေတယ်။ သိစရာတွေ များလွန်းတာကိုပါ သိလာလို့ အလုံ

တင်ထားတာတခု တွေ့ပါတယ်။ မူရင်းနေရာအကိုးအကားပုံတော့ မပါ။  ဟိုယခင်က မြန်မာစာသတ်ပုံ ဗရားသား ဗုံဗိုင် ဗွတ်ဖိနပ် ဗားလမ်း ဗိလတ် ဗီလင်း ဗယ်ညာ စသည့် စကားလုံးများ ဘယ်သောအခါမှ ``ဘ"ကုန်းကို မသုံးရ ဟု တွေ့ရ ယခု မြန်မာစာသတ်ပုံတွင် ဘွတ်ဖိနပ်  ဘုံပိုင် စသည်ဖြင့် တွေ့ရ (ဆုံး) (ဘ) နဲ့ (ဗ) အသံထွက်ကတူတော့ အမျိုးမျိုးရေးကြတယ်။ မူကွဲအဖြစ်လက်ခံသင့်တာတွေလည်းပါတယ်။ မြန်မာစာလုံးအစစ်မဟုတ်ပဲ အင်္ဂလိပ် သို့မဟုတ် ဟင်ဒီစကာဒလုံးတွေကို အသံထွက်ကိုယူပြီး မွေးစာတာလည်း ရှိတယ်။ အဲလိုဘာသာပြန်ယူရာမှာ စည်းကမ်းထားပါတယ်။ (ဘီ) နဲ့စတာကို (ဘ) နဲ့၊ (ဗွီ) နဲ့ဆို (ဗ) လို့ စည်းကမ်းထားခဲ့တယ်။ မနေ့တနေ့က တင်ပြသေးတယ်။ (ဘီ) နဲ့ပေါင်းလို့ ဘက်တီးရီးယားနဲ့ (ဗွီ) နဲ့ဖြစ်လို့ ဗိုင်းရပ်စ်။ ကိုဗစ်။ သတိထားစရာရှိသေးတယ်။ ဘိလပ်စကားလုံး ဘယ်ကနေဖြစ်လာသလဲလို့ မေးတယ်။ မသေချာလို့ ဘိလပ် ခေါ် လန်ဒန်မှာနေတဲ့ သူငယ်ချင်းကို လှမ်းမေးတယ်။ ကုလားစကားခေါ် ဟင်ဒီကနေလာတယ်။ Wīläyat ဆိုတဲ့ ဟင်ဒီစကားကနေ ယူထားတာဖြစ်တယ်တဲ့။  လွတ်လပ်ရေးရစခေတ်မှာ ဖန်ဘရောင်းတိုင်လို့ ကြော်ငြာရှိခဲ့တယ်။  ဗုံးကြဲ ဗုံးဆံ ဗုံးပေါလအော ဗုံးခိုကျင်း ဗုံးလက်နက် လက်ပစ်ဗုံး အနုမြူဗုံး (အဏုမြူဗုံး)

- ကွန်မင့်မှာ အရုပ်တွေလာတိုင်း ဟိုဒ် လုပ်တယ်။ - လက်နဲ့ ကောင်း၏ ဆိုး၏ မရေးအားသူတွေ အရုပ်တွေလည်း မပို့ကြစေလိုပါ။ - မက်စင်ဂျာကနေ သတင်းတွေ၊ သီချင်းတွေ၊ လင့်တွေ၊ ဗီဒီယိုတွေ၊ ဆုတောင်းစာတွေ၊ တရားစာတွေ၊ ဘုရားပုံ၊ လူပုံတွေလာတိုင်း မပို့ပါရန်လို့ ပြန်ရေးပါတယ်။ - ၈၀% လောက်က သတ်ပုံမမှန်။  - သတင်းဆိုတာ လူတိုင်းသိပြီးသားတွေ။ သတ်ပုံမှန်အထောက်အထားပုံတွေ ပိုပေးသူတွေကို ကျေးဇူးတင်ကြောင်း ပြန်ရေးပါတယ်။ ဒေါက်တာတင့်ဆွေ

ကနေ့ ဒေါ်သန်းသန်းနုရဲ့ မွေးနေ့ဖြစ်ပါတယ်။ အိန္ဒိယမှာ ကျေးဇူးတင်စရာ ၄-၅ ပုဒ်ရေးထားပြီးပြီ။ လွန်ခဲ့တဲ့ အနှစ်နှစ်ဆယ်ကျော် သုံးဆယ်လောက်အတွင်း အိန္ဒိယမှာအခြေစိုက်ပြီး မြန်မာနိုင်ငံဒီမိုကရေစီရေးအတွက် ကြိုးပမ်းကြတဲ့အခါ မြန်မာ့ ဒီမိုကရေစီအင်အားစုတွေကို အကူအညီပေးကြတဲ့ ထင်ရှားတဲ့ အိန္ဒိယနိုင်ငံသားတွေ မနည်းမနောရှိပါတယ်။ နိုင်ငံရေးသမားတွေ၊ နိုင်ငံရေးနဲ့ဆက်နေသူတွေ၊ မီဒီယာနဲ့ မြန်မာပြည်ပြန် အိန္ဒိယနိုင်ငံသားတွေပါတယ်။ ကျွန်တော့်အတွက် ပုဂ္ဂိုလ်ရေးအရ ကူညီခဲ့ကြသူတွေထဲမှာ ထိပ်ဆုံးက မိသားစုနှစ်ခုရှိတယ်။ ဦးမောသီရိ ခေါ် (စီ၊ ပီ၊ ပရာဘားကား) မိသားစုနဲ့ ဝန်ကြီးချုပ်ဟောင်း ဦးနုသမီး ဒေါ်သန်းသန်းနုမိသားစု။ သူ့တို့ကျေးဇူးကင်းတဲ့သူ မရှိသလောက်ပါ။ ၂၁-၁၂-၁၉၉၁ နေ့မှာ ကျွန်တော် ဒေလီကိုရောက်လာတော့ ဦးမောသီရိနဲ့ ဒေါ်သန်းသန်းနုရဲ့ခင်ပွန်း ဦးအောင်ငြိမ်းတို့က မီးရထားဘူတာရုံကိုလာကြိုကြတယ်။ ဦးမောသီရိနဲ့ ဇနီးတို့ ကွယ်လွန်သွားကြပြီ။ ဦးအောင်ငြိမ်း ဆုံးသွားတာ သိပ်မကြာလှသေးပါ။ နာမည်တွေရေးရင် ကျန်နေရစ်မှာစိုးပါတယ်။ ပြန်အမှတ်ရတဲ့အခါ ထပ်ဖြည့်ပါမယ်။ သမတကြီး (ကေအာရ် နာရာယန်း) ကနေစတယ်။ သူ့ကို အထက်လွှတ်တော်အမတ်ဘဝကတည်းကတွေ့တာပါ။ သူ့ဇနီး ဒေါ်

တလုံးနှစ်လုံး စာစီကုံး ကျောင်းသားတွေတပြုံးပြုံး ပြုံးပျော်ရွှင်မြူးကြလို့သာ ကျောင်းသင်္ခဏ်းစာမှာ စာကိုကြိုးစားလို့ဖြင့် သင်ကြားတာ မိဘဆရာ ရိုသေညွတ်တွားဘို့လိုတာ တိုင်းပြည်အတွက်ပါ အို ့့့ သစ္စာရှိကြဘို့ ဆရာမပြောချင်တာ ကြိုးစားကြမှာ နိုးကြားကြမှာ နောင်တခေတ်မှာ ခေါင်းဆောင်ဖြစ်မှာ ကျနော်တို့ဘဲ မဟုတ်လားခင်ဗျာ ဟုတ်တာပေါ့ကွဲ့ မှန်ပါပေတာ သို့သော် တခုပြောမှာ ပညာကိုသာ ခုလိုငယ်တုန်းခါ ကြိုးစားသင်အံလေ့လာ သို့မှသာ အမြင်မှန်တွေ့မှာ လူရည်ချွန်မောင်မယ်များဖြစ်အောင်သာပင် ကြိုးစားရဦးမှာ။ ခုခေတ်မှာတော့ ဆရာမတွေက ့့့ စာရေးဆရာတွေက ့့့ ကဗျာဆရာတွေက ့့့ မြန်မာစာပါမောက္ခတွေက ့့့ ကြိုးစားရဦးမှာ။ တလုံးနှစ်လုံးစာစီကုံး နွဲ့ယဉ်ဝင်း (ရေး-စန္ဒရားလှထွတ်) https://www.youtube.com/watch?v=LT_AV_uztpg သီချင်းတင်သူတွေက စန္ဒရားလှထွတ်ကို ဆရာလူပ်ပြီး တကို စသတ်ထားကြတယ်။ ပျက်ရော။ ဒေါက်တာတင့်ဆွေ ၅-၁-၂၀၁၉ ပုံပို့ပေးသူ ကျေးဇူး။

ကွန်မင့်တခုရတယ်။ ကျနော် ရုံးမှာ အမြဲပြောနေရတယ်ဗျ ဥပမာ တခုခုကို တစ်ခုခုလို့ဘဲ ရိုက်နေကြလို့ပါဗျ အထောက်အထားပြပြီး သူတို့ကို ပြန်လည်ပြသပေးနိုင်ရန် လမ်းညွှန်ကူပေးပါဦးဗျ ဆရာ။ ရုံးတွေ ကျောင်းတွေ နေပါစေ။ ဝန်ကြီးတွေကလည်း အဲလိုရေးနေကြတယ်။ ဝန်ကြီးတွေအထက်က မြန်မာစာအဖွဲ့ အမိန့်အရ ရေးနေကြတာ။ မေတ္တာစာနဲ့သာထိုက်တယ်။  ဝတ္ထုနိပါတ် ပိဋကတ်များနှင့် လျှာပြတ်အောင် ဟောသော်လည်း ဟောရင်းသာ ပျံတော်မူရမည် ဆန်ဖြူဖြူ တခွက်မျှ ထွက်နိုင်ပုံမရ။ (ဦးပုည မေတ္တာစာ) ဒေါက်တာတင့်ဆွေ

ရှေးရှေးတုန်းက ရွာတရွာတွင် ချမ်းသာ ကြွယ်ဝသော သူဌေးတဦး ရှိတယ်။ ထိုသူဌေး ကြီးမှာ သူပိုင်သော ဆန်စပါးများကို အိမ်ဘေး၌ ကျီများဖြင့် သိုလှောင် ထားတယ်။ တညတွင် သူခိုးများသည် အဆိုပါ သူဌေးကြီး၏ စပါးကျီတိုက်ကို ဖောက်ထွင်းကာ ပါလာသော လုံချည်နှင့် ဆန်စပါးများကို သိမ်းကျုံး ထည့်ယူပြီး ပြန်သွားကြ၏။ တယောက်သော သူခိုးမှာမူ လက်၌ အနာရှိ၍ လုံချည်ထဲသို့ ဆန်စပါး ကျုံးထည့်စဉ် လက်မှ လက်သည်းခွံ ကျွတ်ကျလေ၏။ ထိုအခါ သူခိုးသည် လက်မှ လက်သည်းခွံ ကျွတ်ကျသောကြောင့် သူဌေးကြီး ချမ်းသာရာက မွဲတော့မည်ဟူ ၍ စိတ်မကောင်းဖြစ်ကာ သူ့ကို မိလိုက မိစေတော့ လက်သည်းခွံကို တွေ့အောင် ရှာမည်ဟု ဆုံးဖြတ်လိုက်၏။ သူခိုးသည် စပါးပုံထဲတွင် တညလုံး လက်သည်းခွံ ရှာဖွေသော်လည်း အရုဏ်တက်ခါနီး အထိ မတွေ့သေးချေ။ နေဝန်းကြီး ထွက်စ အချိန်တွင် လက်သည်းခွံကို တွေ့ရှိ၍ စပါးကျီက အထွက်၌ သူခိုးအား သူဌေးကြီး၏ တပည့်များက ဖမ်းဆီးပြီး သူဌေးကြီး လက်သို့ အပ်နှံလိုက်၏။ သူဌေးကြီးသည် သူခိုးအား "အဘယ်ကြောင့် မိုးလင်းသည် အထိ ခိုးယူရသနည်း" ဟူ၍ မေးမြန်း၏။ သူခိုးက ညဉ့်ဦးပိုင်း ကပင် ဆန်စပါး များကို သိမ်းကျုံး ယူငယ်ရာ၌ လက်သည်းခွံ ကျွတ်ကျသဖြင့် သူဌေးကြီး မမွဲစေလိုသော စေတနာကြ

၁။ ကင်ဆာအုပ်စုထဲက မေးခွန်းတခုတွေ့တယ်။ ဆရာဝန်ကိုမေးတာတော့ မဟုတ်ပါ။ ကင်ဆာဆေးသွင်းရင်းနဲ့ အသားဝါလာတာမျိုးဖြစ်ဖူးကြလားခင်ဗျ ကျနော့်အဖေဆေး ၆ကြိမ်မြေက် day 1 day 2 သွင်းပြီးအသားတွေဝါလာလို့ lft စစ်တာ အသည်းအင်ဇိုင်းတွေများနေလို့ day 8 မသွင်းပဲအသည်းဆေးသွင်းထားရပါတယ် ဖြစ်ဖူးတဲ့သူရှိကြလားဗျ သည်းခြေကင်ဆာပါ ၂။ ပို့စ်တခုခေါင်းစီးကို အပြေးအလွှား ဖတ်မိတယ်။ ဝါဝါမြင်တိုင်း ရွှေမဟုတ်တဲ့။ ကျွန်တော်ကတော့ ဆရာဝန်မျက်စိ။ ဝါတာမြင်ရင် ဂျွန်းဒစ်ပဲထင်တယ်။ အသားဝါတာကို ဂျွန်းဒစ်လို့ အတော်များများက သိကြပါတယ်။ မွေးစကလေးတွေမှာ အဖြစ်မနည်းပါ။ လူကြီးအသားဝါဖြစ်စေတာတွေက များတယ်။ သုံးမျိုးခွဲထားတယ်။ ၁။ Pre-hepatic Jaundice အသည်းမတိုင်မီရောဂါတွေဆိုတာ - • Malaria ငှက်ဖျား၊ • Sickle cell disease ဆစ်ကယ်ဆဲလ်ရောဂါ၊ • Hereditary spherocytosis မျိုးရိုးလိုက်ရောဂါ၊ • Thalassemia သာလာဆီးမီးယားရောဂါ၊ • G6PD အင်ဇိုင်းမ်ချု့ယွင်းရောဂါ၊ • Drugs or other toxins ဆေးဝါးနဲ့ အဆိပ်အတောက်တွေကနေဖြစ်တာနဲ့ • Autoimmune disorders အော်တိုအင်မြူးခေါ် ရောဂါပြီးစနစ် ကမောက်ကမရောဂါတွေဖြစ်တယ်။ ၂။ Hepatic jaundice အသည်းရောဂါတွေကတော့ - • Hepatitis A, B, C,

အိမ်ကလေးတဆောင် ဒီတကွက် တနေ့သော် ဗန္ဓုလခေတ်က သတ်ပုံမှန်ခဲ့တယ်။ ခေတ်သစ်ဗန္ဓုလခေတ်ရောက်ရင် တစ်ပည့်တော်ဟုလည်းကောင်း၊ တစ်ကာကြီးဟုလည်းကောင်း ရေးသားလာကြလိမ့်မည်။ ဒေါက်တာတင့်ဆွေ

ဆန်ဖြူဖြူတခွက် (ဦးပုည) ကဗျာတခေတ် ဆန်းသစ်နိုင်ပါ့မလား (မောင်သာနိုး) ဦးပုညနဲ့ မောင်သာနိုးတို့ခင်ဗျား သတ်ပုံ(တစ်)ခေတ်ကတော့ ကောင်းကောင်းကြီး ဆန်းသစ်နေပါပြီ။ ကြားရာအရပ်ကနေ (ဂွတ်ဂျော့) လို့သာ ဆိုကြစေလိုပါသည်ခင်ဗျား။ ဒေါက်တာတင့်ဆွေ

နေရောင်နဲ့တွေတာများတဲ့ ဦးခေါင်း၊ လည်ပင်း၊ လက်၊ ကိုယ်အထက်ပိုင်း၊ ခြေထောက်တွေမှာ အဖြစ်များတယ်။ အမာရွတ်ကနေလဲ ဆက်ဖြစ်နိုင်တယ်။ ဆိုးတာနဲ့ သိပ်မဆိုးတာဆိုပြီးရှိတယ်။ တိုးတာ-ပွါးတာ နှေးတယ်။ အရေပြား ကင်ဆာထဲမှာ ဒုတိယအများဆုံးဖြစ်တယ်။ အသက်ကြီးသူတွေမှာ ပိုဖြစ်တယ်။ အသားအရေမဲသူတွေမှာ ပိုဆိုးတယ်။ ဘာလို့ဖြစ်သလဲ မပြောနိုင်ပါ။ အသားစဖြတ်ယူစစ်ဆေးမှ ရောဂါအမည်တပ်နိုင်တယ်။ အဆင့် (၁) = 2 cm (0.8 inches) အချင်းထက်ပိုမကြီးသေးဘူး။ ဘေးကတက်စေ့တွေမှာလဲ ကင်ဆာဆဲလ်မရှိသေးဘူး။ အဆင့် (၂) = 2 cm (0.8 inches) အချင်းထက်ပိုကြီးလာပေမဲ့ ဘေးကတက်စေ့တွေမှာလဲ ကင်ဆာဆဲလ်မရှိသေးဘူး။ အဆင့် (၃) = တက်စေ့၊ အရိုး၊ ကြွက်သားတွေမှာ ကင်ဆာဆဲလ်တွေတွေ့လာပြီ။ အဆင့် (၄) = အသဲ၊ အဆုပ်တွေအထိရောက်နေပြီ။ • တည်နေရာ၊ အရွယ်အစားနဲ့ အဆင့်အရကုသရတယ်။  • ခွဲစိတ်ထုတ်ပြစ်မယ်။ ရိုးရြိးခွဲနည်း၊ လေဆာနဲ့ခွဲနည်းအပြင် Moh's micrographic surgery ခွဲနည်းဆိုပြီးရှိတယ်။ ဒါ့အပြင် Cryosurgery နည်းနဲ့ Electro dessication and curettage နည်းတွေလဲရှိသေးတယ်။  • ဓါတ်ကင်နည်းကို ခွဲဘို့ခက်တာအတွက်သုံးတယ်။  • ခွဲစိတ်ပြီးနောက်မှာ ကင်ဆာဆေးပေးတာလိုက်ရတာလဲရှိတယ်။ ဓါတ်ကင်ပြီး

နာမည်ကြီး ဂူဂယ်လ်ကုမ္ပဏီ ကနေ ကင်ဆာရောဂါတွေ၊ စထုပ် ခေါ်တဲ့ နှလုံးအတက်ရတော့မဲ့အခြေအနေနဲ့ တခြားအရေးကြီးရောဂါတွေကို စမ်းသပ်နိုင်မဲ့နည်းလမ်းကို စမ်းသပ်ရှာဖွေနေပါတယ်။  ဆေးလုံးသောက်ပြီးရင် Nanoparticles လို့ခေါ်တဲ့ အလွန်ကိုသေးငယ်တဲ့ အမှုံလေးတွေ သွေးထဲကို ဝင်လာချိန်မှာ လက်ကောက်ဝတ်မှာ ပတ်ထားတဲ့ ‘ဆင်ဆာ’ ကိရိယာကနေရှာဖွေပါမယ်။ ကိုယ်ခန္ဓာမှာ ဗီဝဓါတုဖြစ်စဉ် နည်းနည်းလေးပြောင်းလဲတာနဲ့ သိပါမယ်။ ကင်ဆာဖြစ်လာတဲ့ တစ်ရှူးဆိုတာ တစ်ရှူးအကောင်းတွေနဲ့ ခြားနားလှပါတယ်။ စမ်းသပ်မှုက စောတော့စောပါသေးတယ်။ Google X ယူနစ်ကနေလုပ်နေပါသတဲ့။ Nanoparticles ဆိုတာ သွေးနီဥရဲ့ ၂ဝ၀၀ပုံ ၁ ပုံသာရှိပါတယ်။ သူတို့ကနေ ကင်ဆာဆဲလ်အပါအဝင် ဆဲလ်တွေကို ပူးကပ်ပြီး ‘ဆင်ဆာ’ ကနေဆင့် သတင်းအချက်အလက်တွေပေးနေပါလိမ့်မယ်။ ဒေါက်တာတင့်ဆွေ ၃၁-၁၀-၂၀၁၄

ဒီတိုင်းပြည်ကို စရောက်တဲ့နှစ်က။ ၇ နှစ်တိတိက။ • လေလည်းရောရာ၊ မိုးမပါဘဲ၊  • သံဝါဖြောက်ဖြောက်၊ ဆီးနှင်းပေါက်လည်း၊  • မိုးလောက်ပြင်းထန်၊ သွန်းချပြန်သော်၊ ဒီနေ့ည စနိုး မကျပါ။ အေးတော့ အေးတယ်။ အိမ်ပြင် မထွက်ရဲ။ ဒေါက်တာတင့်ဆွေ ၃၁-၁၀-၂၀၁၄ ၃၁-၁၀-၂၀၂၁

ပို့ပေးသူ ကျေးဇူး ခုခေတ်ခွပ်ဒေါင်းတွေရော ကဒေါင်းတွေရောကတော့ (တစ်) ဝေဝေ တဲ့။ ပျက်ရော။ ဒေါက်တာတင့်ဆွေ

မင်္ဂလာ နံနက်ခင်းပါဆရာခင်ဗျ ကျနော် မြန်မာ စာလုံးပေါင်း တခု မေးချင်လို့ပါ မြန်မာစာမှာ အညတရ လို့ပဲ ရှိတယ် အညတြ လို့ ရေးလို့ မရဘူး မဟုတ်လား ခင်ဗျ အညတရ။ မြန်မာစာအစစ်တော့ မဟုတ်ပါ။ ပါဠိဖြစ်ပါတယ်။ ပါဠိ-မြန်မာ အဘိဓာန် (ဦးဟုတ်စိန်) အညတရ = တပါးသော။ အမှတ်မယှိသော။ အမျိုးအမည်အားဖြင့် မထင်ရှားသော။ တပါးအပါအဝင်ဖြစ်သော။ အညတြ = အခြားအရပ်၌။ ကြဉ်၍။ ထား၍။ မင်္ဂလသုတ် သမိုင်း မိမိတို့ထင်ရာမြင်ရာ ပြောဆို၍ ငြင်းခုန်လာသည်မှာ ၁၂ နှစ်မျှ ကြာသွားလေသည်။ အဖြေမှန်ကိုကား မည်သူ တဦးတယောက်မျှ မင်္ဂလာ၏အဓိပ္ပါယ်ကို မဖွင့်နိုင်ကြ၊ ဂေါတမမြတ်စွာဘုရား ပွင့်ပေါ်လာမှ ဤပြဿနာ ငြိမ်းသွားတော့သည်။ မင်္ဂလာတရားကို သာဝတ္တိပြည် ဇေတဝန်ကျောင်းတော်ကြီး၌ အညတရ နတ်သားတဦး လျှောက်ထား၍ မြတ်စွာဘုရားက ဖြေရှင်းဟောကြားတော်မူခဲ့ပါသည်။ ယခုသော်ကား တဦးတယောက်မျှဟူ၍မဟုတ်၊ နတ်သားတဦးဟူ၍မဟုတ်၊ မိမိတို့ထင်ရာမြင်ရာ ရေးသားသင်ကြားနေကြသည်မှာ ၁၂ နှစ်မျှမက ကြာပေပြီ။ မြန်မာစာ မင်္ဂလာအပေါင်းနှင့် ပြည်စုံပါစေသတည်း။ ဒေါက်တာတင့်ဆွေ

သိနိုင်တာ့မည် မဟုတ်။ လွန်ခဲ့တဲ့ ၂၃ နာရီက သတင်းဖြစ်ပါတယ်။ ကိုဗစ် ဘယ်ကနေစသလဲ အမေရိကန် ထောက်လှမ်းရေးအစီခံစာ ထွက်လာပြီ။ သေခြာတခုကတော့ ဇီဝလက်နက်အတွက်ဖန်တီးတာ မဟုတ်လောက်ပါ။ အမေရိကန် Office of the US Director of National Intelligence (ODNI) အစီရင်ခံစာအရ ဗိုင်းရပ်စ်ဟာ တိရစ္ဆာန်ကနေ လူကိုကူးစက်ခြင်းနဲ့ ဓါတ်ခွဲခန်းကနေ မတော်တဆထွက်လာခြင်းဆိုတဲ့ hypotheses ခေါ် အယူအဆဟာလည်း လက်သင့်ခံနိုင်စရာတော့ မှန်တယ်။ ဒါပေမဲ့ တိကျခိုင်မာတဲ့ အထောက်အထား မတွေ့ပါ။ ဒီအစီရင်ခံစာကို တရုပ်က မကျေနပ် ဝေဘန်ပါတယ်။ ဒီအစီရင်ခံစာဟာ declassified report ခေါ် အများသူငါလည်းသိသင့်တဲ့အတန်းအစာမှာ ထုတ်ပြန်လိုက်တာဖြစ်ပါတယ်။ အစီရင်ခံစာကို အမေရိကန်သမတထံ တင်ခဲ့တာက ပြီးခဲ့တဲ သြဂုတ်လကတည်းကဖြစ်ပြီး ရက် ၉၀ မှာ အပ်ဒိတ် လုပ်ထားပါတယ်။ အမေရိကန်ထောက်လှမ်းရေးဌာန ၄ ခုက လေ့လာခဲ့တာဖြစ်ပြီး အားလုံးက တသဘောတည်းမကျပါ။ ထောက်လှမ်းရေးဌာန တခုတည်းကတော့ ဒီဗိုင်းရပ်စ်ဟာ Wuhan Institute of Virology ဝူဟန် ဗိုင်းရပ်စ် ဓါတ်ခွဲခန်းထဲမှာ လူကနေ ကိုင်တွယ်ခဲ့တဲ့ အကာင်ကတဆင့် ပြန့်တာဖြစ်နိုင်တယ်လို့ ဆိုပါတယ်။ အစီရင်ခံစာထဲမှာ တရုပ်အာဏာပိုင်တွေဟာ ဝူဟန်မြို့မှာ ကိုဗစ်ကူးစက်ရောဂ

ပါဠိသက် စကားလုံးများလို့ ခေါ်တယ်။ ကထိန - ကထိန် ကမ္မ - ကံ ကာယ - ကိုဝ် (ယ်) ကန္န - ကန်ရာသီ ဂဏန - ဂဏန်း ဂဟ - ဂြိုဟ် (သကဋ) ဂုဏ - ဂုဏ် ဂန္ထ - ကျန်းဂန် စက္က - စကြာ (သကဋ) စာရိတ္တ - စာရိတ် စျာန - စျာန် ဇနပဒ - ဇနပုဒ် ဇာတက - ဇာတ် ဌာန - ဌာန် တိရစ္ဆာန - တိရစ္ဆာန် ဒါန - လှူဒါန်း ဓာတု - ဓာတ် နက္ခတ္တ - နက္ခတ် နာမ - နံ နိယာမ - နိယံ ပံသုကူလ - ပင့်သကူ ပဋ္ဌာန - ပဋ္ဌာန်း ပဋိလောမ - ပဋိလုံ ပဒ - ပုဒ် ပဒ - ပုဒ် ပရိသ - ပရိသတ် ပါသာဒ - ပြသာဒ် (သကဋ) ပုဂ္ဂလ - ပုဂ္ဂိုလ် ပုထုဇန - ပုထုဇန် ပုရောဟိတ - ပုရောဟိတ် ပယောဂ - ပြယုတ် (သကဋ) ဗလ - ဗိုလ် မဂ္ဂ - မဂ် မဟာသမတ - မဟာသမတ် ရူပ - ရုပ် သံယောဇန် - သံယောဇန် (ဉ်) သကဒါမိ - သကဒါဂမ် သဏ္ဌာန - သဏ္ဌာန် သုဝဏ္ဏ - သုဝဏ် သုဝဏ္ဏသာမ - သုဝဏ္ဏသျှံ ဟံသာဝတီ - ဟင်္သာဝတီ အဓိပတိ - အဓိပ် အနာဂိမိ - အနာဂါမ် အပါယ - အပါယ် အန္တရာယ - အန္တရာယ် အနုလောမ - အနုလုံ ဥဒါန - ဥဒါန်း ဉာဏ - ဉာဏ် (န်) ဂေါမုတ္တ - ဂေါမုတ်ကျောက် စေတသိက - စေတသိက် ပေတ - ပြိတ္တာ လောကဓမ္မ - လောကဓံ ဘုရားလက်ထက်က မဇ္ဈိမဒေသဆိုတာ ယခု အိန္ဒိယနိုင်ငံ ဘီဟာနယ်ဖြစ်ပါတယ်။ သက္ကတိုင်း (ကပိလဝတ်)၊ မာဂဓတိုင်း (ဗိမ္ဗိသာရမင်း၊ ရာဇဂြိုဟ်မြို့ နှင့် ပါဋလိပုတ

ချစ်သူတယောက် ရန်သူတရာအောက်မှာ မေးတယ်။ ငတက်ပြားလို့ဘဲ သိခဲ့တာ တဲ့။ ငတက်ပြား နဲ့ ငတက်ဖြား၊ ဦးစံရှား နဲ့ ဦးရှံစား၊ ဦးသိန်းမောင် နဲ့ ဦးဒိန်းဒေါင်။ အင်းဝသတိုးမင်းဖျားလက်ထက်က စစ်ကိုင်းမှာ အလွန်ထင်ရှားတဲ့ သူခိုးကြီးငတက်ပြားရှိခဲ့တယ်။ အဲတာကို ကာတွန်း မောင်လွင်က သူခိုးကြီးငထက်ဖြားလို့ ကာတွန်းစာအုပ် ထုတ်ပါတယ်။ ကောင်းတယ်။ Sherlock Holmes ရှားလော့ဟုမ်း ရေးသားတဲ့ စုံထောက်ဝတ္ထုတွေထဲမှာ ရှားလော့ဟုမ်းနဲ့ လက်စွဲတော် Dr. Watson ဒေါက်တာဝပ်ဆင်တို့ကို ရှွေဥဒေါင်းကဘာသာပြန်တော့ ဦးစံရှား နဲ့ ဦးသိန်းမောင်ဖြစ်လာတယ်။ ကောင်းတယ်။ အဲတာကို ကာတွန်းအောင်ရှိန်က ဦးရှံစားနဲ့ ဦးဒိန်းဒေါင် လို့ ကာတွန်းတွေ ရေးပါတယ်။ ကောင်းတယ်။ မူရင်းစာအုပ်တွေရော ဘာသာပြန်တွေရော ကာတွန်းတွေပါ နာမည်ကြီးတယ်။ Sherlock Holmes အင်္ဂလိပ်လိုစာအုပ်ကို အကြိမ်များစွာ ထပ်ထပ်ထုတ်တယ်။ စပယ်လင် မပြင်ပါ။ ဦးစံရှားကိုတော့ ရွှေဥဒေါင်းထက် မြန်မာစာတော်သူတွေက သတ်ပုံပြင်ကြတယ်။ မြန်မာစာလောကမှာ သူခိုးတက်ပြားရှိတယ်။ မကောင်းပါ။ ဒေါက်တာတင့်ဆွေ

ပွဲကြည့်ပရိတ်သတ်များသည် တခန်းလုံး ကျိတ်ကျတ်တိုးနေသည်။ ထောင်တွင်း လှည်းနေလှေအောင်း မြင်းစောင်းမကျန် လာရောက်ကြည့်ရှုကြရာ တခန်းလုံး ပွက်လောရိုက် ဆူညံနေတော့သည်။ လူရွှင်တော် လေးမျက်နှာက သာတောင့်သာယာ အသံဖြင့် လေးချိုးတပုဒ်ကို ကောက်ဆိုပြီး အသံစမ်းလိုက်၏။ လတန်ခူးပေမို့ အလှထူးပါဘိ မြမြဖူးရယ်တဲ့ ခိုင်ရွှေဝါခိုင်ရွှေဝါ တကယ်တန်းသာဖြင့် ဘယ်ပန်းသော် စံမတူဘူး နန္ဒမူဖန်ကူထိပ်မှာလ ပစ္စေကာ ချွေးတော်သိပ်ရတယ် ဧရိပ်သာယာ အရင်ကထုတ်ဝေခဲ့တဲ့ ရွှေသွေးဂျာနယ်တွေဟာ လူကြိုက်များပြီး အကျိုးလည်းပြုတယ်။ မြန်မာစာသတ်ပုံတွေလည်း မှန်တယ်။ လေးချိုးတပုဒ်ကို လေးချိုးတပုဒ်လို့သာ ရေးတယ်။ တကယ်တန်းသာဖြင့်ကိုလည်း တကယ်တန်းသာဖြင့်လို့သာ ရေးတယ်။ ဒေါက်တာတင့်ဆွေ

၁။ ပညတ် အဟုတ်တကယ် ရှိသကဲ့သို့ လောကသင်္ကေတ အမှတ်ဖြင့် ခေါ်ဝေါ်ကြသော သဘောသည် ပညတ် ဖြစ်ပါတယ်။ လောကီနယ်မှာ လူမျိုးအလိုက် ဒေသအလိုက် ကာလအလိုက် အများသဘောတူ ခေါ်ဝေါ် သမုတ်ကြတဲ့ အမည် တွေသာ ဖြစ်ပါတယ်။ ပညတ် ဥပမာ လူ၊ ခွေး၊ ကြောင်၊ သစ်ပင်။ ပညတ် ခြောက်မျိုးရှိပါတယ်။ (၁) ဝိဇ္ဇမာနပညတ် (၂) အဝိဇ္ဇမာနပညတ် (၃) ဝိဇ္ဇမာနေန အဝိဇ္ဇမာနပညတ် (၄) အဝိဇ္ဇမာနေန ဝိဇ္ဇမာနပညတ် (၅) ဝိဇ္ဇမာနေန ဝိဇ္ဇမာနပညတ် (၆) အဝိဇ္ဇမာနေန အဝိဇ္ဇမာနပညတ် ၂။ ပရမတ် ပရမတ္ထ ဆိုသည်မှာ ပါဠိ စကားတည်း။ မြန်မာလို “မြတ်သောအနက်သဘော”ဟု ဆိုလိုသည်။ “မြတ်”ဆိုသည်မှာလည်း “မွန်မြတ်၊ မြင့်မြတ်၊ ကောင်းမြတ်”ဆိုသော အမြတ်မဟုတ်။ ပင်ကိုယ်သဘောအတိုင်း မဖောက်ပြန် မပြောင်းလဲပဲ ခိုင်မြဲတည့်မတ်သော အမြတ်တည်း။  ပရမ = မြတ်သော၊ အတ္ထ = အနက်သဘော။ ပရမတ္ထ = မြတ်သောအနက်သဘော။ ဤ ပရမတ္ထသဘောကို “ပရမတ်”ဟုလည်းခေါ်၏။ ထို ပရမတ္ထတရားကား စိတ်၊ စေတသိက်၊ ရုပ်၊ နိဗ္ဗာန် အားဖြင့် ၄ ပါးရှိသည်။ (မဟာဂန္ဓာရုံဆရာတော် အရှင်ဇနာကာဘိဝံသ ၏ ကိုယ်ကျင့်အဘိဓမ္မာကျမ်း) စေတသိက် သတ်ပုံကို မှားရေးတာတွေ မကြာခဏတွေ့ရတယ်။ ကသတ်နဲ့သာရေးရတယ်။ တသတ် မဟုတ်ပါ။ စေတသိက - စေတသိက်။ ဒေါက်တာတင့်ဆွေ

မြို့တမြို့ရေးတာ မှန်။ ကွန်ဂရက်ကျူလေးရှင်း။ ပျက်ကျေ ပျက်စီး ပျက်ပြား ပျက်ပြို ပျက်ပြုန်း ပျက်ပြယ် ပျက်ယွင်း ပျက်သုဉ် ဖျက် ပျက်အောင်ဖျက် ဖျက်ချေ ဖျက်ဖြို ဖျက်ဖြုန်း ဖျက်မှုန်း ဖျက်သင်္ဘော ဖျက်သိမ်း စီး စီးစီးပိုးပိုး မပြောအပ်။ စီးပွားရေးကောင်းပါစေ၊ တရားဘာဝနာ စီးဖြန်းပါ။ ဘတ်စကား စီးသွားပါ။ လှည်းတစီး၊ ကားတစီး၊ အပျက်အစီး များတယ်။ အသက်ကြီးပြီး အချိန်မစီးသူ မဖြစ်ပါစေနှင့်။ ဆီး ကိုယ်ဝန်ရှိတာသိချင်ပါက ဆီးစစ်ပါ။ ကလေးကို သင်္ကန်းဆီးပေးပါ။ ဆီးခုံက နာတယ်။ ဆီးချုပ်နေပါသလား။ ဆီးချိုရောဂါ စစ်ထားပါ။ ဆီးချူပေးမယ်။ ဆီးစပ်မှာ အလုံးရှိနေတယ်။ ဆီးတန့်ထားလို့ ဆက်သွားမရပါ။ ဆီးဖြူသီးစားမလား။ ဆီးဝမ်းလေ မှန်ပါသလား။ ဆီးသီးကောင်းကောင်းစားချင်တယ်။ ဆီးနှင်းတွေ ကျနေတယ်။ တားဆီးပိတ်ပင်ထားသည်။ လူဆိုးကို ဖမ်းဆီးပါ။ ဧည့်သည်ကို ဆီးကြိုပါ။ ဒေါက်တာတင့်ဆွေ

(ကန်တော့) အသက် ၂၇၊ ကျား၊ အိမ်ထောင် မရှိ ဆရာ ဆေးခန်းလည်း ပြထားပါတယ်။ Ultrasound အဖြေလည်း ရပါပြီ။ နောက်တပါတ်မှ ဆရာ၀န်နဲ့ ထပ်တွေ့ရမှာပါ။ အခုချိန်မှာ မခွဲချင်သေးလို့ပါ ဆရာ။ တခါတခါ နည်းနည်းတော့ အောင့်သလိုဖြစ်ပါတယ်။ ကျားအစေ့က အောင့်တာ မဟုတ်ဘဲ ကပ်ပယ်အိတ်နဲ့ ဆီးခုံကြားက အကြောကအောင့်သလိုဖြစ်တာပါဆရာ။ ဆရာအချိန်အားရင် ဖြေပေးပါဦးဆရာ။ ကင်ဆာမဟုတ်ပါ။ တချို့ကို Spermatoceles လို့လည်းခေါ်တယ်။ ထပ်တူ တူတာတော့မဟုတ်။ အရည်သာပါတာနဲ့ သုက်ရည်ပါတာ။ Epididymitis ခေါ် ကျားအစိရောင်တာနဲ့ ရောတတ် တွဲနေတတ်တယ်။ ရောင်တာက နာတယ်။ အဲဒါက အင်ဖက်ရှင်ခေါ် ဘက်တီးရီးယား သို့မဟုတ် ဗိုင်းရပ်စ်ကနေ ဖြစ်တယ်။ အရည်အိတ်က ရှိနေမှန်းမသိဖြစ်နေနိုင်တယ်။ အလုံးသေးသေးအပိုလေးရှိတာကို သတိထားမိမယ်။ အောင့်နိုင်တယ်။ လေးသလိုလိုနေမယ်။ အရောင်နီနိုင်တယ်။ အန္တရာယ် မရှိပါ။ နာရင်တော့ အနာသက်သာဆေးလိုနိုင်တယ်။ တချို့တော့ ခွဲစိတ်ကုသရမယ်။ တချို့ကို Aspiration အရည်စုပ်ထုတ်ပေးမယ်။ အရည်ပြန်အောင်းတတ်တယ်။ Percutaneous Sclerotherapy နည်းလည်း တချို့တိုင်းပြည်တွေမှာ လုပ်တယ်။ မေးခွန်က အသက်ကို ရှေ့ပြောင်းရတယ်။ အသက် ကျား မ ကိုအရင်မပြောတာတိုင်းကို ၂ ခါပြန်ဖတ်ရတယ်။ အဲလိုမေး

၁။ ဒေါက်တာ ခဗျာ ပညက်နဲ့ ပရမက် အကြောင်း အခြေခံမှ စပြီး ရှင်းပြပေးပါ။ ကျေးဇူးတင်ပါသည်။ ကျွန်တော့်ထက် ပြောနိုင်သူတွေက ပြောတာ ပိုကောင်းပါမယ်။ ကျွန်တော်က ပိုပြောတတ်တာက ပညတ် နဲ့ ပရမတ်။ ပညက် မဟုတ်။ ပရမက် မဟုတ်။ ကသတ်နဲ့ တသတ် မှားရေးနေတာတွေ နေ့တိုင်းတွေ့ရတယ်။ ၂။ ချစ်ခင်စုံမက် ချစ်ခင်စုံမတ် ဘယ်ဟာအမှန်လဲဆရာ မတ် တသမတ် ဒိန်းမတ်နိုင်ငံ ပရမတ် မင်းတိုင်ပင်အမတ် မတ္တရာမြို့ မတ် (ညီမ၏ခင်ပွန်း) မတ်ခွက် မတ်တတ်စာ မတ်တတ်နာ မတ်တတ်ယပ် (ယပ်တောင်) မတ်တတ်ရပ်လို့ လမ်းမှာငို မတ်တရာ = ကျပ်အစိတ် မတ်ပဲ မတ်မတ်စိုက်ပါ မတ်မတ်တူးပါ မတ်ရပ်ပုံတော် မတ်လ မတ်စေ့ မတ်စောက်သော မရီးနှင့် မတ် မှူးမတ် ရာဇမတ် သွားကာမတ္တ ထောင်မတ်နေသည် ဖြောင့်မတ်သူ နှစ်မူး တမတ် ငွေတမတ်၊  မတ်တရာ ကျပ်အစိတ်။ မတ် သဒ္ဒါ ညီမနှင့် မတ်၊ လောကနတ်ကို၊ ရိုညွတ်အစုံ မင်းထက်အမတ်၊ အရှိမြတ်မူ၊ ရေရွတ်ဗိုလ်လူ မင်းမှူးမင်းမတ်၊ ဝန်ပတ်ပြောထူ နိုင်တမ်းမချွတ်၊ တရားဖြတ်သည်၊ မတ်မတ်နှလုံး တော်သတည်း ရွေးပဲမူးမတ်၊ ခွဲကျပ်ပိဿာ ငွေစင်တမတ်၊ ဖြတ်၍ရောင်းလည်း တံခွတ်ရိမတ်၊ မလည်ထွတ်ဝယ်၊ ရေနတ်နဂါး (ကျော်အောင်စံထားဆရာတော် ဝါဟာရတ္ထပကာသနီ ကောက်နုတ်ချက် ၁၉၆၉ ခု၊ ဟံသာဝတီတိုက်ထုတ်) မက် ကရမက် စုံ

ဦးပုညရဲ့ ခွေးတပ်မတော် သတ်ပုံမှန်လေးတွေလို့ပါ ဖုန်းလိုင်းမရှိပါ။ ဖြတ်ထားပါတယ်။ မိုင်ချီလာပြီး အင်တာနက်သုံးစဉ်တွေ့တာလေးပါ။ "အို ဟဲ့ဟရို့၊ ခွေးနီပါးတို့၊ ရဲကျားတို့၊ ကြန်စုံမတို့၊ ဂုတ်မတို့၊ နင်တို့သခင်၊ စေတမည်ရှိ။ စွမ်းသတ္တိနှင့်၊ လေးကြီးရင်မှာ၊ ခုပင် ယနေ့၊ အခင်းတွေ့ပြီ။ ရှေ့တပ်ဦးက၊ မင်းရဲလှနှင့်၊ ဂုတ်မသမက်၊ မင်းအောင်နက်တို့၊ မကရ်းကွက် စစ်ဆင်၍၊ တပ်လုလင် ခွေးမိုးမှောင်၊ နံဘေးချင်မြှောင်၊ အယ်အောင်ကြီး မပူးစေနှင့်၊ တပ်ဦးက ယခု ချီတက်စေ။ တောခွေးနှင့်သားကျသည့် မိကြောင်မ တူ၊ ခွေးလက်ဖြူကို၊ အရည်တူ ရွေး၍၊ ဗိုလ်တပ်ရေး နခံခန့်။ နန့်တန့်တန့်၊ ရှုပ်တတ်တတ်၊ တခုလပ်ခွေးမများကို၊ ဂုတ်ကျား ရဲကျော်တို့က၊ ကတော်စု အရေးပိုင်၊ ကြပ်တည်းစွာ ချုပ်ကိုင်၍၊ ဝမ်းလှိုင်က လိုက်ကြစေ။ ကွပ်ညှပ်တော်မူရာ၊ ရှောင်ခွာပြေးပုန်း၊ တလုံးကြွင်းကျန်၊ ဝတ်ဆံမကုန်၊ မှုန်တသွတ်သွတ်၊ နတ်ကွပ်သိုးကြောင်၊ စွယ်ရောင်ဖွေးဖွေး၊ မကွပ်သေးတဲ့၊ ခွေးလူပျိုသိုး၊ ကျားထက်ဆိုးများနှင့်၊ ပဲကိုးဒလ၊ အောက်ပြည်က ရခဲ့တဲ့၊ ဝဲထူမ အရီး၊ အောင်နီကြီးကို၊ အပြီးလက်မှတ်၊ စစ်ကဲစာ ပေးအပ်၍၊ တပ်မတော်လက်ဝဲက၊ ရှေ့နဲတူ ဆွယ်မြှောင်၊ သူ့ရန်သူ ကြောက်ရှောင်အောင်၊ ဂဠုန်တောင်

မင်္ဂလာပါဆရာ vitamin K2 အကြာင်းလေးသိချင်လို့ပါ သောက်သင့်မသောက်သင့်နဲ့ သွေးတိုးအတွက် အထောက်ကူ ဖြစ်မဖြစ် သိချင်လို့ပါဆရာ ဗီတာမင် (ကေ) ကို ၁၉၂၉ ကတည်းက ဒိန်းမတ်-ဆရာဝန်တဦးက စတွေ့ခဲ့တယ်။ Vitamin K1 နဲ့ Vitamin K2 ဆိုပြီး ၂ မျိုးရှိတယ်။ အဆီမှာ ပျော်ဝင်တဲ့ ဗီတာမင် အမျိုးအစား ဖြစ်တယ်။ ဆီမစားသူတွေမှာ နည်းစေနိုင်တဲ့သဘော ဖြစ်တယ်။ အူထဲမှာ နေတဲ့ ဗက်တီးရီးယားတွေကနေလဲ လုပ်ပေးတယ်။ Vitamin K1 က သွေးခဲစေတယ်။ ဒါ့ကြောင့် Clotting vitamin လို့ခေါ်တယ်။ သွေးတိတ်စေတယ်။ Vitamin K2 က အရိုး-တစ်ရှူးတွေနဲ့ ဆိုင်တယ်။ ဓါတ်ခွဲခန်းမှာ လုပ်ယူတဲ့ Vitamins K3, K4 နဲ့ K5 တွေရှိတယ်။ သဘာဝ ဗီတာမင် (ကေ) လောက်တော့ မကောင်းဘူး။ အစိမ်းရောင် အသီးအရွက်တွေမှာ ပါတယ်။ ဟင်းနုနွယ်၊ မုံလာ၊ မုံလာစိမ်း၊ ကညွတ်၊ ကီဝီသီး၊ စပျစ်သီး၊ ပန်းသီး၊ ငှက်ပျောသီး၊ လိမ်မော်သီး၊ စထောဘယ်ရီ၊ ပဲသီး၊ အမဲသား၊ အသဲ၊ နွားနို့၊ ပဲပုပ်၊ ပဲအမျိုးမျိုး၊ ဂျုံ၊ စတာတွေမှာ ပါတယ်။ Vitamin K2 ဟာ အသား၊ ဥတွေမှာပါတယ်။ ပဲပုတ်ဆီမှာ ပါတယ်။ ဗီတာမင် (ကေ) နည်းတတ်တာဟာ ရှားတယ်။ ပုံမှန် အစာစားနေရင် မချို့တဲ့ပါ။ အသဲမကောင်းရင်၊ အရက်သောက်များရင်၊ အူလမ်းမကောင်းရင် နည်းနိုင်တယ်။ ကျား-မ အတူတ

ကံလှေနဲ့ ချွေးထွက်အောင်လှော်ခဲ့တဲ့ ကျွန်တော်တို့  အဆုံးမှာတော့ ကမ်းပေါ်ကို ရောက်နိုင်ကြပါသည်။ ရေပြင်ကား ကျယ်လွန်းလှ၏။ တဘက်ကမ်းကိုလည်း လှမ်းမြင်ရပါသည်။  လမင်းကား ရေနစ်နေတော့၏။ (Van Goh ဗင်းဆင့် ဗန်ဂိုး ပန်းချီ) ဒေါက်တာတင့်ဆွေ