Dr. Tint Swe Medical and Knowledge Writings

မောင်သာချို ရေးတာ။ ကျွန်တော့်ကိုများ စောင်းရေးသလား မပြောတတ်။ တပြည်တရွာတွေမှာသာနေရတဲ့ ကျွန်တော် ကိုယ့်မွေးရပ်ရွာက စာတွေဟာ သူငယ်တန်းကနေ ကောလိပ်အထိသင်ခဲ့ရတဲ့ မြန်မာစာနဲ့ တခြားစီဖြစ်နေတာတွေ့ရတယ်။  NLD လည်း အရင်က သတ်ပုံ မှန်ခဲ့တယ်။ ကျွန်တော်တို့ တိုင်းပြည်ကနေထွက်ပြေးရတဲ့နောက် NLD လည်း တစ်တော့တယ်။ ၁၉၉၀ နောက်ပိုင်းမှာ သတ်ပုံတွေက ကမောက်က။ ၁၉၉၀ ဟာ နိုင်ငံရေးနဲ့ စာအရေးအသား သမိုင်းမှတ်တိုင်ကြီးတခု ဖြစ်တယ်။ ၁၉၉၀ ရွေးကောက်ပွဲ ပညာပေးလက်ကမ်း စာစောင်တခုမှာ မဲတရွက် ခေတ်ဖြစ်လို့ ရေးပါတယ်။  တရွက်ကို တရွက်လို့ မရေးတဲ့စာတွေကို မဖတ်တတ်ပါ။ စာက တခြား ရွာက တခြား။ ဒေါက်တာတင့်ဆွေ ၁-၇-၂၀၂၀ ၁-၇-၂၀၂၁ ပုံပို့ပေးသူ ကျေးဇူး

အိမ်မှာပဲနေကျပါ အိမ်မှာပဲနေကြပါ အမှန်က ဘယ်တခုလဲ ဆရာ နေနေကျအိမ်မှာ နေကြပါ။ စားနေကျ အစားအစာ စားကြပါ။ သွားနေကျနေရာတွေတော့ မသွားပါနဲ့ လက်ကို ကျကျနနဆေးပါ။ နှာခေါင်စည်း စနစ်တကျသုံးပါ။ သုံးနေကျဆပ်ပြာ ကောင်းပါတယ်။ ဒေါက်တာတင့်ဆွေ

လူငယ်တဦးက ဆရာ ကျွန်တော် ဗမာစာကို နိုင်နိုင်နင်းနင်း ရေးတတ်ချင်တယ်လို့ ပြောတဲ့အခါ ဆရာဇေယျက အကြံပေးပါသတဲ့။ မြန်မာစာတွေ နာနာဖတ်ပေးပေါ့။ လောကီရော လောကုတ္တရာရောပေါ့ကွာ။ လောကီဆိုတာကတော့ ပျို့၊ ကဗျာ၊ ရာဇဝင်တွေပေါ့။ လောကုတ္တရာဆိုတာကတော့ ဘုရားတရားနဲ့ စပ်တဲ့စာတွေပေါ့။ မင်းတို့အင်္ဂလိပ်စာအရေးအသားမှာ ခရစ်ယာန်သမ္မာကျမ်းကြီးကလာတဲ့ ဥပမာ ဥပမေယျ သဘောသကန်တွေ၊ ဂရိတ်ဘာသာ၊ လက်တင်ဘာသာ၊ ပြင်သစ်ဘာသာတွေမှာပါတဲ့ စကားအသုံးအနှုန်းများ ပါဝင်သလို တို့မြန်မာ အစဉ်အလာ အတွေးအခေါ် အရေးအသားမှာလည်း ပါဠိဘာသာမှာပါတဲ့ အတွေးအခေါ် ဥပမာ ဥပမေယျတွေ၊ ဗေဒင်ကျမ်း၊ ဆေးကျမ်း၊ နက္ခတ်ကျမ်း၊ စသည်တို့မှာပါတဲ့ အခေါ်အဝေါ်တွေ၊ ကဗျာ လင်္ကာ ရာဇဝင်မှာပါတဲ့ စကားလှ၊ စကားချော၊ စကားလုံး ပြောင်ပြောင်တွေ၊ ပေါရာဏခေါ်တဲ့ ရှေးစကားဟောင်းတွေ၊ ပေါရာဏမဟုတ်ပေမယ့် ခုခေတ်မှာ အသုံးနည်းတဲ့ ဒေသန္တရဝေါဟာရတွေ ပါနေတယ်။ ဒါကို ကျွမ်းကျင်မှ ပိုင်ပိုင်နိုင်နိုင်ရှိတယ်။ ဇေယျဆိုတာ မြန်မာ့မျက်ပွင့်ကို ရေးတဲ့ ပညာရှင်ဖြစ်ပါတယ်။ ကျွန်တော်တို့ ဆယ်တန်းသင်နေချိန်က စိတ်ကြိုက်မြန်မာစာ ပြဋ္ဌာန်းစာအုပ်ဖြစ်ပါတယ်။ မြန်မာ့မျက်ပွင့်ထဲမှာ - အကြောင်းအရာတခုကိုမူတည်၍ မဂ္ဂဇင်း သတင်းစာတို့တွင...

၁။ B ပိုးနှင့်ဆိုင်သော ဆောင်ရန်၊ ရှောင်ရန်နှင့် ရောဂါအကြောင်းသိချင်ပါတယ်ရှင်။ ကိုယ့်ပတ်ဝန်းကျင်မှာ ဘီပိုးရှိတယ်ဆိုရင် ဘယ်လိုနေထိုင်ရမည်နှင့် ထိုသူအားဘေးဖယ်ထားချင်း (ခြင်း) မျိုးမဟုတ်ဘဲ မည်သို့ ပြုမူရမည်နည်း။ ကျေးဇူးပြု၍ ဖြေကြားပေးပါရှင့်။ ကျွန်မတို့နဲ့ အလုပ်လုပ်နေသူမှာ B ပိုးရှိနေတဲ့အတွက်ဘယ်လိုလုပ်သင့်ပါသလဲ။ ရုံးလုပ်ငန်းပိုင်းမှာပါ။ သူက သိပ်မကြာသေးခင်က အခြားနယ်မှ ပြောင်းလာတာပါ။ သူနဲ့စကားပြောဖြစ်ရင်း ဘာကြောင့် နေပြည်တော်တွင်မလုပ်ဘဲ ကျွန်မတို့ဆီလာလာရတာလဲ မေးတော့ ရုံးက B ပိုးရှိတာသိလို့ အဝေးပို့တာပါတဲ့။ ဒါကြောင့်ခု ကျွန်မတို့ အလုပ်ကိုယ်တူတူလုပ်နေရပါတယ်။ ရောဂါကူးမခံချင်ပါဘူး။ သူ့ကိုယ်လည်းမချန်ထားချင်ပါဘူး ဘယ်လို လုပ်ရမလဲဆိုတာ နည်းလမ်းလေးပေးပါအုံးရှင့် ကျွန်မ B ပိုးကာကွယ်ဆေးကိုယ် သုံးကြိမ်ထိုးပြီးပါပြီ safe ဖြစ်ရဲ့လားဆိုတာ သိချင်ပါတယ်ရှင့် လမ်းညွန်ပေးပါအုံးရှင့်။ ၂။ ဆရာ ကျတော့အသက် ၃၁ နှစ်ပါ။ အိမ်ထောင်ရှိပါတယ်။ ကျတော့မှာ အသည်းရောင် အသားဝါ B ပိုးရှိပါတယ်။ ကလေးယူလို့ ရ-မရ ဖြေပေးစေရှင်ပါတယ်။ ၃။ ၂၈နှစ်/Male/နယ်ကပါဆရာ။ လွန်ခဲ့တဲ့ ၃ နှစ်လောက်က သွေးလှူချင်လို့ သွေးစစ်ကြည့်တဲ့အခါ ကျွန်တော်မှာ HBV ဘီ...

• ‘မိုးစနေ၊ လေရာဟု’ သိပြီးနောက်မှ လေနာကိုသင်ရသည်။ • ‘မိုးတောင်က၊ ပွေးပေါင်က’ သိပြီးတော့မှ ဆေးပညာသင်ရသည်။ • ‘တောင်ကလာမှမိုး၊ ဒေါင်ဒေါင်မြည်မှအိုး’ ကြားပြီးတော့မှ နှလုံးခုန်တာနားထောင်ရသည်။ • ‘မိုးလေဝသမှန်မှန်ပြော တောက်တဲ့ကိုလူချော’၊ ပြောတာကြားပြီးမှ ‘ပလပ်စတစ် ဆာဂျရီ’ ဖတ်ရသည်။ • ‘တိမ်တမန်’ သီချင်းကြားရင် အိမ်ပြန်ချင်လာသည်။     ။ ဒေါက်တာတင့်ဆွေ ၁-၇-၂ဝ၁၄ ၁-၇-၂၀၂၁

၁၈-၃-၂၀၂၀ CNN က ပင်တိုင် ဆရာဝန် Dr. Gupta က အဲလိုပြောတာဖြစ်ပါတယ်။ ဒီလိုအချိန်မှာ ဘယ်သူမှ ကိုရိုနာဗိုင်းရပ်စ်ပိုး ကူးစက်ခံထားရ မထားရ မစစ်ဆေးပဲ သေချာ မသိကြပါ။ တရုပ်ပြည် ဟူဘေးမှာ လူနာ ၁၈၁ ယောက်ကို ၂၄-၂-၂၀၂၀ မတိုင်မီ လေ့လာတယ်။ သူတို့အသက်တွေက ပျမ်းမျှ ၄၄့၅ နှစ်ရှိတယ်။ ပိုးကူးစက်ခံရပြီးနောက် ၄့၅ ရက်ကနေ ၅့၈ ရက်အကြာ (ပျမ်းမျှ ၅့၁ ရက်) မှာ ရောဂါလက္ခဏာတွေ ပေါ်တယ်။ ၈့၂ ရက်ကနေ ၁၅့၆ ရက် (ပျမ်းမျှ ၁၁့% ရက်) ထက်နောက်မကျပါ။ သီးခြားခွဲထားရသူ တသောင်းထဲက လူနာ ၁၀၁ ယောက်တို့ဟာ ၁၄ ရက်ကျော်မှသာ ရောဂါလက္ခဏာတွေ ပေါ်တယ်။ အချုပ်ပြောရရင် COVID-19 ပိုးရဲ့ ပိုးကူးစက်ပြီး ရောဂါလက္ခဏာပေါ်ချိန်ဟာ ၅ ရက်ဝန်းကျင်ဖြစ်တယ် SARS ပိုးနဲ့ ဆင်တူတယ်။ ပိုးကူးစက်ခံထားရသူ မဟုတ်ပါလို့ ရောဂါလက္ခဏာမပေါ်သေးမီ ၅ ရက်အထိ ပြောမရပါ။ Test စစ်မှသာ သိပါမယ်။ ရောဂါလက္ခဏာတွေဖြစ်တဲ့ ဖျားတာ၊ ချောင်းဆိုးတာနဲ့ အသက်ရှူအားမရသလိုဖြစ်တာ ရှိရင် စစ်ဆေးရပါမယ်။ ဒီရောဂါဟာ ရောဂါလက္ခဏာပေါ်လာမှ သူများတွေကို အများဆုံးကူးစေနိုင်တယ်။ ရောဂါလက္ခဏာမပေါ်ခင်လည်း တချို့က ကူးစက်နိုင်သေးတယ်။ နည်းတော့ နည်းတယ်။ ကိုယ့်အနီးအနား ၆ ပေအတွင်းကလူတွေမှာ ပိုးရှိနေ မနေ မသိနိုင်ပါ။ အမြ...

၁၉၄၇ ဇူလိုင် (၁၉) ရက်နေ့ ဗိုလ်ချုပ်အောင်ဆန်းနဲ့ အစိုးရအဖွဲ့ဝင်များ လုပ်ကြံသတ်ဖြတ်ခြင်းခံကြရ။  လုပ်ကြံသူများ = ဦးစောနှင့် အပေါင်းပါများ  နိုင်ငံရေးအတွက် အစွန်းရောက်ခြင်း ၁၉၆၂ ဇူလိုင် (၇) ရက်နေ့ ရန်ကုန်တက္ကသိုလ်ကျောင်းသားတွေကို ပဌမဆုံးသတ်ဖြတ်။  ၁၉၆၂ ဇူလိုင် (၈) ရက်နေ့ သမိုင်းဝင် ကျောင်းသားသမဂ္ဂအဆောက်အဦကို ဖေါက်ခွဲဖျက်ဆီး။  သတ်ဖြတ်၊ ဖေါက်ခွဲဖျက်ဆီးသူ = တော်လှန်ရေးကောင်စီ  အာဏာအတွက် အစွန်းရောက်ခြင်း ၂၀၁၃ ဇူလိုင် (၇) ရက်နေ့ အိန္ဒိယနိုင်ငံ၊ ဗုဒ္ဓဂယာမှာ ဗုံးတွေပေါက်ကွဲ။  ဖေါက်ခွဲသူ = မွတ်ဆလင်အစွန်းရောက်များ  ဘာသာရေးအတွက် အစွန်းရောက်ခြင်း ဒေါက်တာတင့်ဆွေ ၃၀-၆-၂၀၁၇ ၃၀-၆-၂၀၂၁

ဝင်းဦးပါဝင်တဲ့ ရုပ်ရှင်ဖြစ်ပါတယ်။ အခုနောက်ပိုင်းမှာ တပွင့်တည်းလို့ ရေးလာကြတယ်။  ဝင်းဦးသီချင်းများ ချစ်သော သူတယောက် ကမ္ဘာထဲတလယ်လယ် ဆောင်းတညဝယ် တပွင့်ထဲ တပွင့်ပန်း မုန်းတလှဲ့ ပြုံးတလှဲ့ (တ) တွေကို (တစ်) လုပ်တာကတော့ မှန်ကန်ခြင်း မရှိပါ။ ဒေါက်တာတင့်ဆွေ

COVID-19 ဗိုင်းရပ်စ်ဟာ အရင်ကတွေ့နေကျပိုး မဟုတ်ပါ။ လူကနေ လူကို ကူးစက်တယ်။ ချောင်းဆိုး နှာချေရာမှာ ပိုးပါတဲ့ အမှုန်လေးတွေထွက်တယ်။ အဲတာကိုရှူမိရင် ကူးစက်နိုင်တယ်။ အမှုန်ကျနေတဲ့မျက်နှာပြင်တွေကို ထိကိုင်မိရာကနေ လက်မဆေးပဲ ကိုယ့်မျက်နှာကို ထိကိုင်မိရက် ကူးစက်နိုင်တယ်။ အဲတာကြောင့် လက်ကိုလိုအပ်တိုင်းမှာ ဆေးပါ။ နေအိမ် အလုပ်လုပ်တဲ့ နေရာတွေမှာ ပိုးမရှိအောင် သန့်ရှင်းပါ။ အိမ်ပြင်ထွက်ရရင် လူတယောက်ယောက်နဲ့ ၆ ပေ အကွာမှာသာနေပါ။ ၁။ Wash your hands လက်ဆေးပါ။ ဆပ်ပြာနဲ့ ရေသုံးပြီး စက္ကန့် ၂၀ ကြာဆေးပါ။ အယ်လ်ကိုဟော အနည်းဆုံး ၆၀% ပါ လက်ဆေးရည်လည်း သုံးနိုင်တယ်။ ၂။ Avoid touching your eyes, nose, and mouth မျက်စိ နှာခေါင်း ပါးစပ်ကို လက်မဆေးပဲ မထိကိုင်ပါနဲ့။ ၃။ Clean and disinfect surfaces often အိမ်ရှိမျက်နှာပြင်တွေကို မကြာမကြာ ပိုးသန့်ပါ။ ပိုးမသန့်မီ ညစ်ပေနေတာတွေကို ခါတိုင်းလို အရင်သန့်ပါ။ • Disinfectants (Lyzol) ပိုးသန့်ဆေးတွေက ၁၀ မိနစ်လောက်ကြာမှ ပိုးတွေကို သေစေတယ်။ ဆေးရည်စိုနေတာ ကောင်းတယ်။ • Washing machines အဝတ်လျှော်စက်မှာ အပူပေးချိန် ၄၅ မိနစ်နဲ့ ပိုးတွေသေစေတယ်။ • Dishwashers ပန်းကန်ဆေးစက်မှာ အပူချိန် ၁၅၀ ...

ကလေးမြို့မှာ သွေးတိုး၊ ဆီးချိုနဲ့ ကွယ်လွန်သူအတွက် သူ့အမျိုးက ဘုန်းကြီးကျောင်းမှာ တနေ့က ဆွမ်းကပ်တယ်။ ပင့်ဖိတ်သံဃာ သုံးပါးကြွတယ်။ တကြိမ်မှ မတွေ့ဖူးသေးတဲ့ ဆရာတော်တပါးလည်း ပါတယ်။ စကားစပ်တော့ ပုလဲအဆက်၊ မုံရွာအဆက်၊ ဗောဓိတထောင်အဆက် ဖြစ်နေတယ်။  ဗောဓိတထောင်တည်စကတည်းက အဲဒီမှာသီတင်းသုံးခဲ့တယ်။ ဗောဓိတထောင် မူလဆရာတော်ကြီးနဲ့ သက်ဆိုင်တာ တချို့ ပြောပြတယ်။ စိတ်ဝင်စားစရာတွေ။ ကျွန်တော်လည်း ဗောဓိတထောင်မှာ ညောင်ပင်တွေ လူတရပ်လောက်သာရှိစဉ်က ရောက်ဖူးတယ်။ ဆရာတော်ကြီးက ဓါတ်လုံးတလုံး ပေးလိုက်တယ်။ အတော်ကြာအထိ သိမ်းထားတယ်။ နိုင်ငံရေးကြောင်း ပြေးရလွှားရနဲ့ ပျောက်သွားပြီ။ ဆရာတော်ကို မေးလိုက်တယ်။ ဗောဓိတထောင် စာလုံးပေါင်း။ ဆရာတော်ကြီးက သတ်ပုံကိုပြင်တာ လက်မခံဘူးတဲ့။ (တစ်) လို့ရေးချင် ဒီဘုရားမှာ ပွဲလာမလုပ်ကြနဲ့တဲ့။ အရင်စစ်အစိုးရလက်ထက်က။ ဘုရားတည်တဲ့ ဆရာတော်ကြီး ပျံလွန်တော်မူသွားပြီ။ အင်နယ်လ်ဒီအစိုးရလက်ထက် တရက်မှာ ဗောဓိတထောင် ဝေယျာဝစ္စအသင်းရဲ့ တီရှပ်မှာ (တစ်) ထားတယ်။ ၂၀၁၈ နွေရာသီမှာ အလည်တခေါက်ရောက်တော့ ရပ်တော်မူဘုရားကြီးက အံ့ဘနန်း။ သတ်ပုံမှန်သာ အဓွန့်ရှည်ပါစေသတည်း။ ဒေါက်တာတင့်ဆွေ

ကိုဗစ်အတွက် သုံးရတယ်။ ကူးစက်ခံထားရသူတွေနဲ့ သံသယရှိသူတွေအတွက် အသုံးကျတယ်။ Finger pulse oximeter လို့လည်း ခေါ်တယ်။ အောက်စီမီတာနဲ့ စမ်းရင် သွေးထဲက အောက်စီဂျင်လယ်ဘယ် ခေါ် အနည်းအများကို သိမယ်။  လက်ချောင်းမှာ အနေတော်တပ်ပြီး ခလုတ်နှိပ်ရတယ်။ ဂဏန်း (၂) မျိုးပေါ်မယ်။ တခုက အောက်စီဂျင်နဲ့ နောက်တခုက နှလုံးခုန်နှုန်း။ SpO2 100% ကနေ 96% က အကောင်းဆုံး။ 95-100% ကောင်းတယ်လို့ သတ်မှတ်ချက်လည်းရှိတယ်။  90% အောက်ဆိုရင် ဆေးရုံပြပါ။ နှလုံးခုန်နှုန်းက 70 beats/min (50 to 90 beats/min) ပုံမှန်ဖြစ်တယ်။ ခေတ်ပေါ် စမ်းသပ်ကရိယာတွေကို သတိတော့ထားရတယ်။ ကရိယာသက်တမ်း၊ ဘက်ထရီသက်တမ်း၊ ဘက်ထရီအတိအကျမထည့်တာတွေကြောင့် ဖတ်တာ မှားနိုင်တယ်။ ထပ်တိုင်းရတတ်တယ်။ ပုံမှန်ပြနေရင်တော့ ထပ်တိုင်းရန် မလိုပါ။ ဒေါက်တာတင့်ဆွေ

ဤလူ့ရွာသို့ ငါလာခဲ့ငြား၊ ဤတံခါးမှ ဖဝါးခြေလှမ်း၊ နေကြာပန်းကား ပန်းပွင့်လေးဆယ် ပြည့်တော့မည်။ ဆရာမိဖ၊ ဆုံးအမဖြင့် ဘဝတခွင်၊ လူဟုတွင်လျက် သိမြင်သမျှ၊ တေးအလှကို ဝေငှချိုမြိန်စေခဲ့သည်။ နောင်သောအခါ၊ ပန်းနေကြာတို့ တရာတိတိ၊ ပွင့်သည်ရှိသော် ငါ၏တာဝန်၊ နှလုံးမွန်ဖြင့် ကျေပွန်စွာပင်၊ ထမ်းမည်ပြင်လျက် အဆင်သင့်ပေ၊ ပန်းနှယ်ဝေအံ့။ မိဖသခင်၊ ဆရာရှင်ငဲ့ ့့့ ကြည်လင်ငြိမ်းချမ်း၊ မေတ္တာပန်းတို့ ငါ့လမ်းပေါ်၌ ပွင့်စေသတည်း။ ၁၅-၁၁-၁၉၇၃ နေ့မှာ ဆရာတင်မိုး ရေးသားခဲ့တာပါ။ ဆရာတင်မိုးက ၁၉၃၃ ခုနှစ် နိုဝင်္ဘာလ ၁၉ ရက်နေ့မှာမွေးဖွားခဲ့ပြီး ၂၂-၁-၂၀၀၇ နေ့မှာ ကွယ်လွန်ပါတယ်။ ပန်းပေါင်းတရာ မပွင့်နိုင်ပေမဲ့ ဆရာ့ကဗျာပန်းတွေဟာ ရာထောင်သိန်းသန်း လန်းလျက်ပါ။ ဆရာ့ပန်းမူရင်းတွေက လန်းပေ မွှေးပေမဲ့ တစသတ် ပိတုံးတွေက မည်းနက် မှောင်နေအောင် များတယ်ဆရာ။  ဒေါက်တာတင့်ဆွေ

Fake Fake Fake ရောင်းတဲ့သူတွေကိုရော ဝယ်တဲ့သူတွေကိုပါ အားနာရတယ် ၁။ ဆရာ ဒါမျိုးလေးသုံးရင်ကောင်းပါသလား ကလေး လူကြီး ခရီးသွားသူများအတွက် တင်ထားတာ တနှစ်ကျော်ပြီ။ ကြာထဲလည်း ထပ်မေးကြလို့ ထပ်တင်တယ်။ ရောင်းကောင်းပုံရတယ်။ ၂။ ဆရာရှင့် Virus Shut Out နဲ့ ပတ်သတ်ပြီး ဆရာ့ blog မှာ post တင်ထားတာရှိပါလားရှင့်။ Information လေး ပြန် share ပေးချင်လို့ပါ။ တနေ့တခြား ဈေးကြီးတွေပေးပြီး အလုအယက်ဝယ်နေကြလို့ပါရှင့်။ ၂ ခါတင်ထားပြီး။ ယုံတဲ့သူတွေ ဝယ်ပါစေ။ ထပ်ထပ်တင်ရတာ ရောင်းတဲ့သူတွေကိုရော ဝယ်တဲ့သူတွေကိုပါ အားနာရတယ်။ တချို့က ဘယ်သူကပြောပြော မရ။ ၁၀-၃-၂၀၂၀ နေ့က တင်ထားခဲ့တယ်။ မနက်က ထပ်တင်တယ်။ ၃။ ဆရာ ဒီလိုမျိုးလေးတွေ့လို့ ဟုတ် မဟုတ် သိချင်ပါတယ် အမှားပါရင်ခွင့်လွှတ်ပါ VIRUS SHUT OUT လည်ဆွဲ တဲ့ ၁၆၀၀၀ ပါ ကျမ ဝယ်တဲ့ OS link အဲတာ လူလိမ်။ လိမ်နည်းတွေ ပေါတယ်။ လူလိမ်တွေများတယ်။ အလိမ်ခံချင်သူတွေ မနည်းပါ။ အခုကြော်ငြာမှာတော့ ၁၃၀၀၀ နဲ့ယူပါတဲ့။ ပုံကို မထည့်တော့ပါ။ ရောင်းနေကြသူတွေကိုရော ဝယ်ယူအားပေးသူတွေကိုပါ အားနာရတယ်။ တချို့က ဘယ်သူကပြောပြော မရ။ ရောင်းကောင်းတယ်။ ဒေါက်တာတင့်ဆွေ ၁၀-၃-၂၀၂၀  ၃၁-၃-၂၀၂၀ ၃၀-၆-၂၀၂၁

၁။ ဆေးကိုတော့ အိမ်ဝန်း (ဝင်း) ကြမ်းပြင် လူအသွားအလာများတဲ့ ဈေးဆိုင်တွေမှာ ဖျန်းပေးပါတယ် ဆရာ ထိရောက်မှု ဘယ်လိုရှိမလဲ ဆေးအာနိသင်အရဆိုရင် ပိုတယ်လို့မရှိဘူးမှို့လား (မဟုတ်လား) ဆရာ ခဏခဏ ထပ်ခါထပ်ခါ တင်ထားတယ်။ ဟုတ် ကလေးမြို့ပေါ်မှာ အားလုံးလိုလို အခုဆေးကို ပိုးသတ်ဖို့အသုံးပြုနေကြတာပါ အများသိအောင် ပို့စ်တင်ပေးပါဦး ဆရာ ၂။ ဆရာ တခုမေးချင်လို့ဗျ ရန်ကုန်မှာ ကိုဗစ်ကာကွယ်ဆေးဖြန်းတဲ့ အချိန်မှာ တချို့က ထုံးတွေပါ ဖြူးကြပါတယ်။ ထုံးက ကိုဗစ်ကို ကာကွယ်ပေးနိုင်လား အကျိုးသက်ရောက်မှုရှိလားမေးချင်လို့ပါ မြန်မာ အယူအဆ အရ တခုခုဆို ထုံးသုတ်တာ ထုံးဖြူးတာ ထုံးစည်းတားတွေ နဲ့ ရောထွေးနေကြလို့လား လို့ပါ ကယ်စီယန်ဓာတ်က ကိုဗစ်ကို ကာကွယ်နိုင်သလားပေါ့ အဆင်ပြေတယ်ဆိုရင် အလုပ်အတွက် အင်တာဗျူး လိုချင်လို့ပါ။ ထုံးဆိုတာ ဓါတုဗေဒလို calcium oxide (CaO) ကယ်လ်စီယမ်အောက်ဆိုဒ် ဖြစ်တယ်။ Lime နဲ့ Quicklime လို့ခေါ်တယ်။ limestone ထုံးကျောက် ခေါ် calcium carbonate (CaCO3) ကို above 825 °C (1,517 °F) မီးသင့်ပြီး ရလာတာ။ လေနဲ့ထိတွေ့ပြီး ဓါတ်ပြောင်းတယ်။ Alkaline အယ်လ်ကာလီဓါတ်ဖြစ်တယ်။ လောင်စေနိုင်တယ်။ Powdered lime အမှုန့်ဖြူးထားနည်းလည်း လုပ်တယ်။ Cl...

ထောင်ထမင်းစာထဲမှာ ရေးတယ်။ ကျွန်တော်က (အခုထိ) ထောင်မကျဘူးပါ။ ထောင်ထဲမှာတော့ တရက် (တနေ့ခင်းသာ) နေရဘူးတယ်။ မန္တလေးနန်းတွင်းထောင်မှာ ဆေးကျောင်းသားဘဝက။ ယင်ကောင်တွေနဲ့ လုစားခဲ့ရတဲ့ ထောင်ထမင်းကို သတိရတယ်။ ထောင်ထဲကနေ ဆေးကျောင်းဆောင်ကိုပြန်ရောက်တော့ ကျောင်းတွေက ပိတ်ပြီ။ အဆောင်က ထမင်းမကျွေးတော့ပါ။ ရတားနဲ့ မုံရွာအိမ်ပြန်ရတယ်။ အမေချက်ကျွေးတဲ့ ညစာထမင်းကို မမေ့ပါ။ ဆေးကျောင်းသား သူငယ်ချင်းတယောက်က ကွန်မင့်ရေးတယ်။ နန်းတွင်းက အဆွဲခံရတာလား လေ့လာရေးလားတဲ့။ အမဲ တနပ်၊ ပဲ တနပ်၊ လူ တဝက်၊ ယင် တဝက်လို့ ဖြေလိုက်တယ်။ သူက ဒေးစကူလာ ခေါ် သူ့အိမ်ကနေ ကျောင်းလာတယ်သူ။ ကျွန်တော်က ကျောင်းဆောင်မှာနေသူ။ နေ့ကျောင်းသားတွေက အဆောင်မှာ ဖြစ်တာတွေကို အကုန်မသိနိုင်ကြပါ။ တရုပ်-ဗမာ အရေးအခင်းဖြစ်တော့ ကျွန်တော် မန္တလေးဆေးကျောင်းသား အဖမ်းခံရပါရော။ ကျွန်တော့ နိုင်ငံရေးနောက်ခံဆိုလို့ အဲတာပဲရှိတယ်။ နိုင်ကျဉ်းစာရင်းထဲလည်း မပါဘူး။  ကျွန်တော် ဆေးကျောင်းသားဘဝရောက်တော့ နိုင်ငံရေး နည်းနည်းလေး နားလည်လာတယ်။ တရုပ်ပြည်ကနေ အသံလွှင့်နေတဲ့ ဗမာပြည်ကွန်မြူနစ်ပါတီ ရေဒီယိုက အပြောအဆို အသုံးအနှုန်းတွေကို နားကြားပြင်း ကပ်ရာကနေ တရုတ်အရေးအခင်းမှာ ပါသွားတာ။ ...

နှစ်ပတ်လည်ပို့စ်အဖြစ် ဖေ့စ်ဘွတ်ကနေ အသိပေးတယ်။ အရင်ကလည်းတင်ခဲ့တာမို့ ထပ်မတင်တော့ဘူးလို့နေတာ ဖတ်ချင်ပါတယ်ဆရာ၊ စာလုံးကသေးနေဆိုတာနဲ့ ပြန်တင်ပါရစေ။ သူပုန်တွေကြားမှာ ငယ်ဘဝကို ဖြတ်သန်းခဲ့ရတဲ့ ဆရာဝန်နိုင်ငံရေးသမားနဲ့ ၉ဝ အမတ် (သို့) ဒေါက်တာတင့်ဆွေ ၁၉၈၈ လူထု အရေးတော်ပုံကြီးအပြီး အာဏာသိမ်းစစ်အစိုးရက ရွေးကောက်ပွဲလုပ်ပေးမည်ဟုဆိုချိန်က ပြည်သူတွေ ပျော်ခဲ့ရသည်။ ထိုအချိန်က တိုင်းပြည်တွင်း အတိုက်အခံပါတီကြီးဖြစ်သော အမျိုးသား ဒီမိုကရေစီအဖွဲ့ချုပ်၏ အားအကောင်းဆုံးအချိန်ဟု ပြောနိုင်သည်။ အဖွဲချုပ်ကို ကိုယ်စားပြုပြီး ၁၉၉ဝ ရွေးကောက်ပွဲဝင်သော အမတ်များထဲတွင် သူလည်း တစ်ယောက် အပါအဝင်ဖြစ်သည်။ သူ့၏ ဇာတိဖြစ်သော စစ်ကိုင်းတိုင်း၊ ပုလဲမြို့နယ်ဆိုသောနေရာမှာ ၁၉၉ဝ NLD အမတ်အဖြစ် ရွေးချယ်ခံဖို့ ရဲရဲဆုံးဖြတ်ပြီး ရွေးကောက်ပွဲဝင်ခဲ့သည်။ အချိန်သည် အရာရာကို ပြောင်းလဲသည် ဆိုသော စကားအရ ထိုအချိန်က ၉ဝ ရွေးကောက်ပွဲနိုင် NLD အမတ်များသည်် လွတ်တော်ထဲ မရောက်ဘဲ အချို့က ထောင်ထဲရောက်သွားသည်။ အချို့တော့ နယ်စပ်ဒေသကနေတဆင့် ပြည်ပနိုင်ငံများ ရောက်သူကရောက်နှင့် အင်အားကြီး ပါတီကြီးမှာ စစ်အစိုးရ၏ တစ်စစီခြေမွခြင်းကို ခံခဲ့ရသည်။ ပြည်ပရောက် ရွေးကောက်ပွဲ...

Envoy journal interview အင်တာဗျူး ၁။ ငယ်ဘဝ ဖြတ်သန်းမှု ကျွန်တော့်ငယ်ဘဝက သူလိုကိုယ်လိုပါဘဲ။ စစ်ကိုင်းတိုင်း၊ ပုလဲမြို့နယ်၊ မင်းရွာဆိုတဲ့ ရွာလေးမှာ မွေးတယ်ပြီး၊ အမေ့ရွာက မင်းတိုင်ပင်။ ကျွန်တော်က မင်းဘေးသင့်လို့ မင်းပြေး။ မင်းရွာမှာ ငါးနှစ်သားအထိနေခဲ့တယ်။အဲဒီကာလက တောနယ်တွေမှာ လက်နက်ကိုင်အဖွဲ့ အရောင်စုံတွေဟာ နေ့ရောညပါ လှုပ်ရှားနေခဲ့တာကို ကလေးမျက်စိနဲ့မြင်ခဲ့ရတယ်။ အိမ်မှာ သေနတ်မျိုးစုံကို စပါးကျီမှာ ခြင်းတောင်းနဲ့ အပြည့်ရှိတာလဲ မှတ်မိတယ်။ သူပုန်တဖွဲ့ဝင်လာလိုက်၊ နောက်တဖွဲ့ဝင်လာလိုက်၊ အစိုးရတပ်တွေလာလိုက်။ အားလုံးက ကျွန်တော်တို့ မိဘအိမ်မှာဘဲ တည်းခိုကြတယ်။ ဒါ့ပြင် ညဆိုရင် ဓါးပြတွေရွာဝင်လို့ ပုန်းခဲ့ရဘူးတယ်။ ဒီအခြေအနေတွေကြောင့် မိဘတွေက ကျွန်တော် ငါးနှစ်သားမှာ နွားလှည်းတစီးနဲ့ မုံရွာကိုအပြီးအပိုင် ပြောင်းခဲ့ကြရတယ်။ မုံရွာမှာဘဲ (၅) တန်းကနေ (၁ဝ) တန်းအထိကျောင်းနေခဲ့တယ်။ မုံရွာမှာ မီးကြီးလောင်တဲ့အထဲမှာ ဇာတာတွေပါသွားလို့ ကျောင်းအပ်တဲ့အခါ အဖေက သူမှတ်မိတဲ့မွေးနေ့ကိုပေးတယ်။ အမေမှတ်ထားတဲ့ မြန်မာသက္ကရာဇ်မွေးနေ့နဲ့က မတူဘူး။ အဲဒီခေတ်က (၄) တန်၊ (၇) တန်း၊ (၉) တန်းနဲ့ (၁ဝ) တန်းတွေအားလုံး အစိုးရစစ်လို့ခေါ်တာကိုဖ...

(တို့ခေတ်သတင်းဂျာနယ်) ၁၉၉ဝ ပြည့်နှစ်၊ မေလ ၂၇ ရက်နေ့တွင် ကျင်းပခဲ့သည့် ပါတီစုံဒီမိုကရေစီ အထွေထွေရွေးကောက်ပွဲတွင် စစ်ကိုင်းတိုင်း၊ ပုလဲမဲဆန္ဒနယ်မြေ အမှတ် ၂ မှရွေးကောက်ခံ လွှတ်တော်အမတ် ဒေါက်တာတင့်ဆွေ (အမျိုးသားဒီမိုကရေစီအဖွဲ့ချုပ်) နှင့် တို့ခေတ်သတင်းဂျာနယ်အင်တာဗျူး တို့ခေတ်။ ဆရာ့မိသားစုတွေအကုန်လုံးက အခုလက်ရှိ အမေရိကန်ပြည်ထောင်စုမှာပဲလားခင်ဗျ။ ဒေါက်တာတင့်ဆွေ။ ဟုတ် ကျွန်တော် ၂၁-၁၂-၁၉၉ဝ နေ့မှာ အိန္ဒိယနိုင်ငံကိုရောက်ခဲ့ပြီး၊ ၁၈-၈-၂ဝ၁၄ နေ့ စစ်အာဏာသိမ်းနှစ်ပါတ်လည်နေ့မှာ အမေရိကန်ပြည်ထောင်စုကို တရားဝင်အခြေချနေထိုင်ဘို့ ရောက်ပါတယ်။ သားသမီးတွေကလည်း သူတို့အစီအစဉ်နဲ့သူတို့ တယောက်ပြီးတယောက် ဒီကိုရောက်နေနှင့်ကြပါတယ်။ တို့ခေတ်။ ၁၉၈၈ ခုနှစ်လူထုအရေးတော်ပုံဖြစ်တော့ ဆရာကအစိုးရဝန်ထမ်းဘဝ (ထားဝယ်) မှာတာဝန်ကျနေရာကနေ အလုပ်က ထွက်ခဲ့တယ်။ အဲဒီအချိန်ကစပြီး အမျိုးသားဒီမိုကရေစီအဖွဲ့ချုပ်ထဲ ပါတီဝင်တစ်ယောက်အနေနဲ့ ပါဝင်လာခဲ့တယ်။ အခုလက်ရှိရော NLD ပါတီဝင်တစ်ယောက်အဖြစ်ရှိနေဆဲပဲလားဆရာ။ ဒေါက်တာတင့်ဆွေ။ ကျွန်တော် NLD ထဲဝင်ပြီးနိုင်ငံရေးလုပ်ဘို့ ကျန်းမာရေးဦးစီးဌာနကိုရော NLD ကိုရော လျှောက်လွှာတင်ပြီး ၁၅ နှစ်ကြာ လုပ်ခဲ့ရတဲ့အစိုး...

ပဌမဆုံး Wuhan Pneumonia လို့ စခေါ်ခဲ့တယ်။ ၄-၁-၂၀၂၀ နေ့က ရေးထားတယ်။ နောက်မှာ 2019 novel coronavirus ဗိုင်းရပ်စ် လို့ ခေါ်လာတယ်။  ၃၁-၁၂-၂၀၁၉ နေ့မှာစတွေ့လို့ ၁၉ ထည့်ထားတာ။ ၁၁-၂-၂၀၂၀ နေ့မှာ WHO က COVID-19 လို့ အမည်အတိအကျ ပေးလိုက်တယ်။ တရားဝင်အမည် ရောဂါအမည် Disease = coronavirus disease (COVID-19) ဗိုင်းရပ်စ်ပိုးအမည် Virus = severe acute respiratory syndrome coronavirus 2 (SARS-CoV-2) ရောဂါအမည်တွေကို ချစ်လို့ပေးတဲ့အမည် ကြောက်လန့်စေအောင်ပေးတဲ့အမည်တွေ မသုံးသင့်ကြပါ။ ဒေါက်တာတင့်ဆွေ

ရှင်လိန်ပြန်၊ မင်္ဂလာဆောင်နဲ့ ထောင်ကထွက်တဲ့နေ့တွေဟာ လူ့ဘဝရဲ့ အပျော်ဆုံးနေ့တွေလို့ ဆိုကြပါတယ်။ ငယ်လင်ငယ်မယား စုံတွဲတွေအတွက် မင်္ဂလာရက်က အပျော်ဆုံးဖြစ်ပါမယ်။ ညစာမစားခဲ့ရတဲ့ ဒုက္ခကနေ လွတ်လာကြတဲ့ ကိုရင်ငယ်တွေ ရှင်လူထွက်တော့ ပျော်ကြတာလည်း အမှန်။ ကနေ့ ထောင်ကလွတ်လာသူတွေ အရင်က ဘယ်နှစ်ကြိမ်ကျခဲ့ပါသလဲ။ တကြိမ်မက ကျခဲ့သူတွေလည်း မနည်းလောက်ပါ။ သူတို့က ပျော်တယ်လို့ ပြောကြရဲ့လား။ နိုင်ငံရေးကြောင့် ထောင်တကြိမ်တည်းသာကျရမယ်လို့ မရှိပါ။ တချို့ဆို အကြိမ်ကြိမ်၊ အခါခါ၊ နှစ်လရှည်ကြာစွာ ထောင်ကျကြတယ်။ သူတို့ထူလာတာ ကျွဲပခုံး၊ ဆင်ပခုံး မကပါ။ ကျွန်တော်က (အခုထိ) ထောင်မကျဘူးပါ။ ထောင်ထဲမှာတော့ တရက် (တနေ့ခင်းသာ) နေရဘူးတယ်။ မန္တလေးနန်းတွင်းထောင်မှာ ဆေးကျောင်းသားဘဝက။ ယင်ကောင်တွေနဲ့ လုစားခဲ့ရတဲ့ ထောင်ထမင်းကို သတိရတယ်။ ထောင်ထဲကနေ ဆေးကျောင်းဆောင်ကိုပြန်ရောက်တော့ ကျောင်းတွေက ပိတ်ပြီ။ အဆောင်က ထမင်းမကျွေးတော့ပါ။ ရတားနဲ့ မုံရွာအိမ်ပြန်ရတယ်။ အမေချက်ကျွေးတဲ့ ညစာထမင်းကို မမေ့ပါ။ YBS ပေါ်ကဆင်းပြီး အိမ်မှာ ထမင်းစားရသူတွေကို ကိုယ်ချင်းစာမိပါတယ်။ ဒေါက်တာတင့်ဆွေ

တင်ထားတာတခု တွေ့တယ်။ ယောအတွင်းဝန် ဦးဖိုးလှိုင်သည် အာယုဒါယ အသက်အပိုင်းအ ခြားကို နားလည်သဖြင့် သူမကွယ်လွန်မီ (တစ်)လခန့် ကြို၍ ငယ်သူငယ်ချင်း ဦးတူဆိုသူကို သူ့အိမ်မှာ ခေါ်ထားသတဲ့။  သတ်ပုံကတော့ (ထောင်အတွင်းဝန်) ရေးတာလိုဘဲ။ ၁၂-၇-၂၀၁၆ နေ့က ဖေ့စ်ဘွတ်မှာ တွေ့ပါတယ်။ ယောအတွင်းဝန်အမည်ကို (ဦးဖိုးလှိုင်) လို့ပေါင်းရေးတားပြီး၊ သူရေးတဲ့စာတခုကိုပါ ပူးတွဲတင်တာမှာ (တစ်) တွေနဲ့ ရေးထားပြန်ပါသေးတယ်။ အဲဒီပုံကိုတော့ မတင်ပါရစေနဲ့။ အမှားကို အမှန်ထင်မှာစိုးလို့။ မြန်မာ့စွယ်စုံကျမ်း၊ အတွဲ (၈)၊ စာမျက်နှာ (၃၆၃-၃၆၆) မှာ ယောအတွင်းဝန် ဦးဘိုးလှိုင်လို့သာရေးထားပါတယ်။ ဦးဘိုးလှိုင်အကြောင်းရေးသားတာမှာ - - မြန်မာ့နိုင်ငံရေး သုခမိန်တဦး (တစ်ဦး မဟုတ်)၊ - မဟာသမ္မတ တဆယ့်တပါး (တစ်ဆယ့်တစ်ပါး မဟုတ်)၊ - ဂျာမန်အမျိုးသား သစ်တောဝန်တဦး (တစ်ဦး မဟုတ်)၊ - သူတပါး (သူတစ်ပါး မဟုတ်) စသဖြင့် ပါရှိတာကို သတိပြုကြစေလိုပါတယ်။ မြင်းထိန်းငတာဆိုသူဟာ အလှူတွေ၊ မင်္ဂလာဆောင်တွေမှာ ယောအတွင်းဝန် ဦးဘိုးလှိုင်ရေးတဲ့ ကျမ်းကြီးတွေ ဘယ်လောက်ကောင်းကြောင်း အာပေါင်အာရင်းသန်သန်နဲ့ လိုက်ပြောလေ့ရှိပါသတဲ့။ အဲတာနဲ့ ဦးဘိုးလှိုင်က ငတာကိုခေါ်ပြီး - - မောင်မင်းက ငါရေးတဲ့ကျ...

၁။ ဆွဲး ကို မေးတယ်။ ၂။ ဝစ္စနှစ်လုံးပေါက်မထည့်ပဲ (မဲ)လို့ အသံထွက် မရဘူးလားခင်ဗျာ။ မဲးပင်၊ မဲးမဲးသဲးသဲး၊ မဲးလိပ်။ မကြာခဏ တင်ပြထားတယ်။ မိုဃ်း၊ ၍့၊ ၏့၊ ကျမ္မာ၊ စွဲး၊ စဲး၊ ထဲး၊ ဆြာ၊ မင်းသ္မီး၊ မိုဃ်း၊ မဲးဇာ၊ မှု့၊ ယ္ခင်၊ မြမ္မာ၊ သ္ခင်၊ သဲး၊ ဥူး၊ ဧး၊ ယ္ခု၊ မိမ္မ၊ ဆုမ္မ စသည်။ အဲတာတွေကို မဆင့်တော့ပဲ ခွဲရေးတာဟာ ပိုရှင်းလင်းပြီး အဓိပ္ပါယ်လည်း မပျက်စေလို့ သင့်မှန်တယ်။ ဝစ္စနှစ်လုံးပေါက်တွေနဲ့ အောက်မြစ်တွေ ဖြုတ်ရေးလာတာ ကြာပြီ။ ၁၉၅၃ နဲ့ ၁၉၅၄ ခုနှစ်ထုတ် သတ်ပုံကျမ်းတွေ ပါသေးတယ်။ ၁၉၆၁ ခုနှစ်ထုတ် ဝဏ္ဏဗောဓနသတ်အင်းမှာ မပါတော့ပါ။ အဲလိုပြောင်းလဲခြင်းကသာ ခေတ်အရပြောင်းတာ မည်ပါတယ်။ ပိုလွယ်ကူပြီး အဓိပ္ပါယ်လည်း မပြောင်းစေပါ။ ဒေါက်တာတင့်ဆွေ

NLD အစိုးရလက်ထက်မှာ ပေါ်လာတယ်။ ထောင်ကနေ လူတွေလွတ်တိုင်း တွေ့ နေရတယ်။ လူစီးများပါစေသတည်း။ မနေ့က ဘတ်စ်ကားတွေအကြောင်း ပြောမိကြတယ်။ ကျွန်တော်တို့နဲ့ ပိုပြီးရင်းနှီးတာက မန္တလေးမှာပြေးဆွဲခဲ့တဲ့ ဘတ်စကားတွေ။ ကားပြာ (၆) က ဘုရားကြီးကနေ ထွက်တယ်။ ကားနီ (၄) လည်း ရှိတယ်။ ကျွန်တော်တို့နေခဲ့တဲ့ (၁၅) လမ်းမှာ ကားဝါ (၇) က အိုးဘိုအထိ သွားတယ်။ အဲဒီတုန်းက အိုးဘိုမှာ ထောင်မရှိသေးပါ။ အိုးဘိုထောင်ကျတဲ့ နိုင်ငံရေး မိတ်ဆွေအကြောင်း စကားစပ်မိကြတယ်။ YBS နဲ့ အိုဘိုကား စီးရသူတွေ နေကောင်းကြပါစေ။ ဒေါက်တာတင့်ဆွေ

ခင်မင်ရင်းနှီးသူတယောက်က ဒေါ်မြမြအေးကတဆင့် မေးပါတယ်။ အန်တီရှင့် ယခု စင်္ကာပူမှာ အခု Pfizer ကိုရွေးရင် Pfizer /Comirnaty vaccination အဆင်ပြေလား ဦးကိုမေးပေးပါဦး။ Moderna ကတော့ only Moderna.တဲ့။ Pfizer ရွေးရင် Comirnaty လဲရနိုင်တာမို့ အဆင်ပြေလား မေးပေးပါရှင့်။ Pfizer Comirnaty Singapore will be receiving a batch of Covid-19 vaccines called Comirnaty, which the Ministry of Health (MOH) says are the same as the Pfizer-BioNTech vaccines that are now used in the national vaccination programme.  YouTube စင်္ကာပူသတင်းမှာ Pfizer-BioNTech နဲ့ Pfizer Comirnaty အတူတူလို့ပြောတယ်။ https://www.youtube.com/watch?v=NGjQKqatDLE အမေရိကန် Pfizer ကုမ္ပဏီ၊ အမေရိကန် Moderna ကုမ္ပဏီနဲ့ ဂျာမန် BioNTech တို့က ကာကွယ်ဆေးထုတ်လုပ်မှုမှာ ထိပ်ဆုံးက ကုမ္ပဏီတွေ ဖြစ်တယ်။ Pfizer က နယူးယောက်မှာ ဌာနချုပ်ထားတယ်။ ၁၈၄၉ ခုနှစ်ကတည်းက ဂျာမန်-အမေရိကန်လူမျိုး Charles Pfizer ချားလ်စ်ဖိုင်ဇာက တည်ထောင်တယ်။ အဲဒီအချိန်က မြန်မာပြည်မှာ ပဌမ အင်္ဂလိပ်-မြန်မာ စစ်နဲ့ ဒုတိယအ င်္ဂလိပ်-မြန်မာစစ် ကြားကာလမှာဖြစ်တယ်။ ဒေါက်တာတင့်ဆွေ