Covid-19 ကိုဗစ် ကုသဆေး အတိအကျ မရှိ

ဆရာ ကျမ အမျိုးသားက covid လူနာပါ အခု oxygen နဲ့ရှုရပါတယ် ချောင်းလဲဆိုးပါတယ် အဲ့ဒါ ကျမအနေနဲ့  ကိုယ်ခံအားကောင်းအောင်အရင်လုပ်ရမလားအဆုတ်အားကောင်းအောင်အရင်လုပ်ရမလား ဆရာ အဆုတ်အားဆေး ကျွေးလို့ရလားရှင့် ဆေးရုံက အလုံပိတ်ဆိုတော့ လေကောင်းလေသန့် မရဘူးဆရာ SO2 96 (အိမ်သာသွားတုန်းက 73ထိကျ) PRbpm 89 BP 106/62 Body temp 36.9 C

ခဏခဏ ထပ်ခါထပ်ခါ တင်ပါတယ်။ 

• ကိုဗစ် ကာကွယ်နိုင်တဲ့ အစားအသောက် မရှိ။ 

• ကိုဗစ် ကာကွယ်နိုင်တဲ့ အားဆေးတွေ မရှိ။ 

• ကာကွယ်နည်းတွေနဲ့ ကာကွယ်ဆေးသာရှိတယ်။ 

• ကူးစက်ခံရရင်လည်း ကုသဆေး အတိအကျ မရှိ။ 

• ပျောက်စေတဲ့ အစားအသောက် မရှိ။ အားဆေး မရှိ။

• ခံစားရတာတွေ မတူကြပါ။ 

• ၈၀% လူနာတွေက ပါရာစီတမောလောက်သာ လိုကြတယ်။ 

• တချို့ အောက်စီဂျင် လိုတယ်။ 

• တချို့ ရက်စ်ပရေကရိယာလိုတယ်။ 

• တချို့ အထူးဆေးဝါးတွေ လိုကြတယ်။

• အခုစာရေးနေတဲ့အချိန်အထိ အမေရိကန် CDC ကနေ covid-19 ကုသရန်အတွက် အတည်ပြုချက် ပေးထားတဲ့ဆေး မရှိသေးပါ။

• ကာကွယ်နည်းကို အထူးဂရုစိုက်ကြပါ။ 

• အဆုတ်အားဆေး မရှိ။ အသားဖြူဆေး မရှိ။ အရပ်ရှည်ဆေး အရပ်ပုဆေး မရှိ။ သားအိမ်အားဆေး မရှိ (ကန်တော့) အပျိုလူပျိုပြန်ဖြစ်ဆေး မရှိ။

• ကျန်းမာရေး အသိမှန်ကိုသာ အားကိုးပါ။

• ဖြစ်လာရင် ကံတရားကိုလည်း အားကိုးပါ။

ဒေါက်တာတင့်ဆွေ