လက်ဝါးပြ လျက်ဆားရ
.jpeg)
- ဆေးနည်းလေး ပြောပါဦး။
- ဘယ်ဆေးသောက်ရမှလဲ ဆရာ။
လင့်တွေ စာတွေ ပို့ထားပေမဲ့ ပြန်မေးကြတယ်။ စာကိုတော့ ဖတ်ပုံမရ။ ခဏခဏလာတယ်။
ဆေးပေးရတယ်ဆိုတာ လက်ဝါးပြ လျက်ဆားရဆိုတာမျိုး ဘယ်သူ့လက်ဝါးလာလာ တတို့ပေးရတာမျိုး မဟုတ်ပါ။
ဆေးသောက်တဲ့သူ ကလေး-လူကြီး-အသက်-ကျား-မ ရွေးရတယ်။
အမျိုးသမီးဆိုရင် ကိုယ်ဝန်ရှိ မရှိ မေးရတယ်။
ကလေးဆိုလည်း အသက်။ ၆ လအောက် ဆေးမလိုတာများတယ်။ သန်ချဆေး ၂ နှစ်နဲ့ ၂ နှစ်အထက် ကွာခြားတယ်။
ရောဂါအမည်ဟုတ် မဟုတ် စစ်ရတယ်။
တချို့ရောဂါအဆင့် သိရသေးတယ်။
ကင်ဆာလိုဆေး၊ ပဋိဇီဝလိုဆေးတွေမှာ ဘေးထွက်သက်ရောက်မှု ရှိတော့ ဆေးသောက်သူရဲ့ ကိုယ်ခံကျန်းမာရေးကိုပါ ကြည့်ရတယ်။
စာဖတ်မပျင်းကြစေလိုပါ။ လိုမယ်ထင်ရင် ကလေး-လူကြီး-အသက်-ကျား-မနဲ့ အချက်အလက်ပါထည့်မေးနိုင်ပါတယ်။
ဒေါက်တာတင့်ဆွေ
Comments
Post a Comment