ကိုယ့်ကိုယ်ကို အားကိုးပါ
၁။ ကိုယ့်ကိုယ်ကို နဲ့ ကိုယ့်ကိုယ်ကိုယ် ဘယ်ဟာအမှန်လည်း သိချင်လို့ပါဆရာ၊ ကျနော်က နောက်စာလုံး ကိုယ် ကို အမှန်လို့ ယူဆပြီး ရေးနေမိလို့ပါ
၂။ ဆရာ ကျနော်ရောထွေးနေလို့ပါဗျာ ကိုယ့်ကိုယ်ကို လို့ပေါင်းရမှာလား ကိုယ့်ကိုကိုယ်လို့ပေါင်းရမှာလား ကိုယ့်ကိုယ်ကိုယ် လို့စာလုံးပေါင်းရမှာလား ရောထွေးနေပါတယ် ကျနော်ကတော့ ကိုယ့်ကိုယ်ကိုယ်လို့ သုံးထားပါတယ် ဆရာ အမှန်ကိုပြင်ပေးပါ ဆရာ
၃။ ကိုယ့်ကိုကိုယ် အားကိုးပါ နဲ့ ကိုယ့်ကိုယ်ကို အားကိုးပါ၊ ဘယ်ဟာမှန်ပါသလဲဆရာ။
၄။ တခါတည်းထပ်မေးပါရစေဆရာ ကို နဲ့ ကိုယ် အသုံးကိုလည်း သိပ်မကွဲလို့ခင်ဗျ။ ကိုယ့်ကိုယ်ကို၊ ကို့ကိုယ်ကို၊ ကိုယ်ကိုယ်တိုင်၊ ကိုကိုယ်တိုင်၊ ကိုယ့်ဟာ သူ့ဟာ၊ ကို့ဟာ သူ့ဟာ၊ ကိုယ်တိုင်ကိုယ်ကျ၊ ကိုတိုင်ကိုကျ။
သတ်ပုံစာအုပ်ဟောင်းတွေမှာ အတိအကျမပါ။ ကျောင်းနေကတည်းက ကိုယ့်ကိုယ်ကိုလို့သာ သင်ခဲ့ပါတယ်။ ခုခေတ်ဆရာတချို့က ရေးခိုင်းနေတာတော့ သဘောမတူနိုင်ပါ။ ခုဆရာတွေက ကျွန်တော့်နောက်မှ စာသင်ကြသူတွေ များမယ်ထင်တယ်။
မိမိကိုယ်မိမိလို့ ရေးတာတော့ နားလည်သူများမယ်။ ပဌမမိမိက ကိုယ့် နဲ့၊ နောက်မိမိက ကို သဘောဖြစ်တယ်။ အလယ်ကိုယ်က အတူတူ။ အဲလိုစဉ်းစားရင် ကိုယ့်ကိုယ်ကို ကို နားလည်နိုင်ပါတယ်။
ကို
ကိုလူချော (လူအမည်)၊
ကိုကင်းဆေး
ကိုဓဥပဒေ
ကိုရင်သာမဏေ
ပင်ကိုနာမ်၊
ပင်ကိုသဘော၊
ပင်ကိုရေးဝတ္ထု၊
ပင်ကိုမူလ၊
ကိုယ်
ကိုယ်ထူကိုယ်ထ
ကိုယ်ရေးရာဇဝင်
ကိုင်တိုင်ကိုယ်ကြပ်
ကိုယ်ကျင့်တရား
ကိုယ်ကျပ်အကျႌ
ကိုယ်ကျိုးနည်း
ကိုယ်ခံဆေး
ကိုယ်ချင်းစာတရား
ကိုယ်ခန္ဓာ
ကိုယ်စွမ်းကိုယ်စ
ကိုယ်စားလှယ်
ကိုယ်စီကိုယ်င
ကိုယ်တုံးလုံး
ကိုယ်တိုင်ကိုယ်ကျ (မိမိကိုယ်တိုင်)
ကိုယ်ထင်ပြ
ကိုယ်ထည်
ကိုယ်ထီးကျန်
ကိုယ်ထူးကိုယ်ချွန်
ကိုယ်ပစ်လက်ပစ်
ကိုယ်ပိုင်အုပ်ချုပ်ရေး
ကိုယ်ဖိရင်ဖိ
ကိုယ်ရံကြီးပင်
ကိုယ်ရုံသင်္ကန်း
ကိုယ်ရံတော်တပ်
ကိုယ်ရင့်တတူ
ကိုယ်ရည်သွေး
ကိုယ်ရှိန်သတ်
ကိုယ်လုံးကိုယ်ပေါက်
ကိုယ်လုံးတီး
ကိုယ်လုံးပေါ်မှန်
ကိုယ်လွတ်ရုန်း
ကိုယ်လုပ်မောင်းမ
ကိုယ်ဝတ်သင်းပိုင်
ကိုယ်ဝန်ဆောင်
ကိုယ်တွေ့မျက်မြင်
ကိုယ်ယောင်ပြ
ကိုယ်ယောင်ဖျောက်
ကိုယ်ရောင်ကိုယ်ဝါ
ကိုယ်လေးလက်ဝန်
မိမိကိုယ်မိမိ
ဂို
နဂိုမူလ
ဂိုထောင် (ဟိန္ဒီစကား)
နဂိုဇာတိ
ဂိုရ်
စမ္ပါနဂိုရ် (အရင်က စမ္ပန္နဂိုရ်လို့ရေးတယ်)
နဂိုရ် = နဂရ = မြို့
သင်္ကဿနဂိုရ် = မြတ်စွာဘုရား လူ့ပြည်ကို ပြန်လည်ကြွတဲ့နေရာ
ကိုယ့်ကိုယ်ကို
ကိုယ်၏ဆိုတာ ကိုယ့်လို့ဆိုလိုတယ်။ သူ၏ဆိုတာ သူ့။
ကိုယ့်ခန္ဓာဆိုတာ ကိုယ်ပိုင်တဲ့ခန္ဓာ၊ ကိုယ်ပိုင်တဲ့ခန္ဓာကိုယ်။
ကို ဆိုတာ ကံပုဒ်ကိုညွှန်ပြတဲ့စကားလုံးဖြစ်တယ်။ သူ့ကို၊ ငါ့ကို၊ မောင်ဘကို။
ကိုယ့်ခန္ဓာကို၊ ကိုယ်ပိုင်တဲ့ခန္ဓာကို (ကို ကံပုဒ်)၊ ကိုယ်ပိုင်တဲ့ခန္ဓာကိုယ်ကို (ကို ကံပုဒ်)။
ကိုယ့်ကိုယ်ကို သုံးသပ်နည်းတရားတော် (က ၂၇/၇၃) (၃-၉-၁၉၆၁)၊ မိုးကုတ်ဆရာတော်ဘုရားကြီး ဦးဝိမလ။
ကိုယ့်ကိုယ်ကို အားကိုးပါ (အဓိပတိဘသန်းလေး)
နောက်ပေါ် မြန်မာစာပါမောက္ခတွေ ဘယ်လိုပြောပြော ကျွန်တော်ကတော့ မိဘတွေလက်ထက်ကတည်း မိုးကုတ်ဆရာတော်ကြီးရေးတာ (ကိုယ့်ကိုယ်ကို) ကိုသာ မှန်တယ်ထင်တယ်။
မြန်မာအဘိဓာန် အကျဉ်းချုပ် (၁၉၇၈)
ကိုယ့်အားကိုယ်ကိုး = သူတပါးကို အမှီမပြု၊ မိမိကိုယ်ကိုသာ မိမိအားပြုသည်။
ကိုယ့်ကိုယ်ကို ဆိုတာ ကိုယ့်ခန္ဓာကိုယ်ကို သို့မဟုတ် မိမိ၏ခန္ဓာကိုယ်ကို သို့မဟုတ် ခန္ဓာကိုယ်အားလို့ ဆိုလိုတယ်။
“ကိုယ့်ဂုဏ်ကိုယ်ဖော်၊ မသူတော် ခုနစ်ပါး” ဆိုတာမှာ မိမိဂုဏ်ကို မိမိကိုယ်တိုက် ဖေါ်တာ။ ကိုယ်ဆိုတာ ကိုယ်တိုင်။ ကိုယ့်ဂုဏ်ကို ကိုယ်တိုင် ဖေါ်တာဖြစ်တယ်။ ကိုယ့်ကိုယ်ကိုဆိုတာက ကိုယ့် ကိုယ်
ကို = ကံဝိဘတ် (မောင်ဘကို မောင်လှက စာဖတ်ပြသည်။)
ကိုယ့်ကိုယ်ကို သို့မဟုတ် ကိုယ်စိတ်ကို ကိုယ်တိုင်ပြုပြင်သည် မှန်တယ်။
ကိုယ့်စိတ်ကိုယ် ဆိုရင် မှားပြီ။ စိတ်ကို ကိုယ်ခန္ဓာကနေ ပြုသလိုသဘော ဖြစ်သွားမယ်။
ဒေါက်တာတင့်ဆွေ
Comments
Post a Comment