Daflon 500 mg လိပ်ခေါင်းဆေး

(ကန်တော့)

၁။ ဆရာရှင့် သမီးကအသက် ၂၂နှစ်ပါရှင့် သမီးမှာလည်းလိပ်ခေါင်းဖြစ်နေပါတယ်ရှင့် ခွဲစိပ်မှုမလုပ်ရင်သက်သာလာနိုင်မှာလားရှင့် သမီးအရမ်းကိုစိုးရိမ်နေမိလို့ပါရှင့် သမီးကိုပြန်ဖြေပေးဖို့မေတ္တာရပ်ခံပါတယ်ရှင့်

၂။ ဆရာ တခုကူညီပါ လိပ်ခေါင်းရောဂါက ရပ်ကွက်ထဲက ဆရာဝန်နဲ့ပြတာ ရလားဆရာ လိပ်ခေါင်း ဆရာဝန်က သီးသန့်ရှိတာလားဆရာ။

တခုရေးတာ မှန်။ ကွန်ဂရက်ကျူလေးရှင်း။

၃။ ကျွန်မအသက် ၃၅ ပါဆရာ။ လိပ်ခေါင်းဖြစ်လို့ သားရေကွင်းတခါပစ်ဖူးပါတယ်။ နောက်ပိုင်း တခါထပ်ဖြစ်လို့  ခွဲလည်းခွဲစိတ်ဖူးပါတယ်ဆရာ။ အခုလည်း ထပ်ဖြစ်လို့ daflon ဆေးသောက်နေတာ ၄ ရက်ရှိပါပီ(ပါပြီ)ရှင့်။ ဝမ်းသွားပီး(သွားပြီး)ရင် ခဏနေရင် အဖုပြန်ဝင်သွားပါတယ်။ ဒါပေမဲ့ အထဲမှာ အောင့်ပီး(အောင့်ပြီး)နာနေတာ ၄ ရက်ရှိပီ(ရှိပြီ)ဖြစ်လို့ ထပ်ခွဲစိတ်ရမှာစိုးရိမ်လို့ပါရှင့်။ ကျွန်မ ကလေး ၃ ယောက်မိခင်ပါ။ အမျိုးသားက အဝေးမှာဖြစ်လို့ ကိုယ်ခွဲမရှိလို့ ခွဲစိတ်ရမှာ အဆင်မပြေဖြစ်မှာစိုးနေလို့ပါ။ ကျေးဇူးပြု၍ဖြေကြားပေးပါရှင့်။

တခါရေးတာ မှန်။ ကွန်ဂရက်ကျူလေးရှင်း။

၄။ မင်္ဂလာပါဆရာ ကျွန်​​တော်​လိပ်​​ခေါင်​းဖြစ်​​နေတာကြာပြီခင်​ဗျ ဝမ်​းသွားလျှင်​​သွေးပန်​းထွက်​​နေလို့ပါဆရာ deflon 500mg စွဲ​သောက်​ရင်​အန္တာရာယ်​ရှိတတ်​လားခင်​ဗျ အခြားဘာ​ဆေး​တွေ​သောက်​ဖို့လိုလဲဆရာ​ကျေးဇူးပြု ပြီး​ဖြေကြား​ပေး​ပါ

၅။ မင်္ဂလာပါ ဆရာ ဆရာ့ကို ရိုသေစွာမေးချင်တာလေးရှိလို့်ပါဆရာ သမီးယောင်းမက ကိုယ်ဝန် လေးလကျော်ရှိပါပြီဆရာ အခုဝမ်းချုပ်တော့ သွေးပါတယ်ဆရာ အဲ့ဒါ surgeon နဲ့ပြတယ် Daflon လိပ်ခေါင်းဆေးရယ် သွေးတိတ်ဆေးရယ် ပေးလိုက်ပါတယ် သူကိုယ်ဝန်ရှိတဲ့အကြောင်းကိုလဲ ပြောထားပါတယ်ဆရာ လိပ်ခေါင်းဆေး Daflon သောက်ရင် ကိုယ်ဝန် ဆိုးကျိုးရှိလားသိချင်လို့ပါဆရာ (လူနာ အသက် မသိ။)

ဆရာဝန်မပြမီ ကိုယ်တိုင် လုပ်ဆောင်နိုင်တာတွေလည်း ရှိပါတယ်။

Daflon 500 mg ဆေးကို vasoprotector venotonic agent လို့ခေါ်တယ်။ 90% diosmin နဲ့ 10% flavonoids expressed as hesperidin ဆေးတွေပါတယ်။ ကိုယ်ဝန်ရှိနေသူသောက်ရင် အချင်းလမ်းကြောင်းကနေ ဆေးဖြတ်သွားတာ အလွန်နည်းတယ်။ နို့ရည်ထဲရောက်နိုင်တာလည်း အလွန်နည်းတယ်။ လူနာပေါင်း ၂၈၅၀ ယောက်ကို Daflon 500 mg ဆေး တနေ့မှာ ၂ ပြား ၆ ပတ်ကနေ ၁ နှစ်ကြာပေး လေ့လာထားတာ။

1 tablet x2 times/day with meals တခါသောက် ၁ ပြား။ တနေ့ ၂ ကြိမ်။ အစာနှင့်သောက်ပါ။

Hemorrhoids (Piles) ခေါ် လိပ်ခေါင်းဆိုတာ စအိုနဲ့ အစာဟောင်းအိမ်အောက်ပိုင်းမှာ သွေးပြန်ကြောလေးတွေ ဖေါင်းနေတာကို ခေါ်တယ်။ ကိုယ်ဝန်ဆောင်ချိန်မှာ လိပ်ခေါင်းရှိရင် ဒီလိုလုပ်သင့်တယ်။

၁။ ရေနွေးထဲမှာ စိမ်ထိုင်ပါ။ ဆပ်ပြညထည့်ရန် မလို။

၂။ အချိန်အကြာကြီးမထိုင်ပါနဲ့။ လဲလျောင်း အိပ််နေပါ။

၃။ ဆေးဆိုင်ကဝယ်လို့ရတဲ့ hemorrhoid cream or rectal suppository ခရင်နဲ့ စအိုထည့်ဆေးတွေ ဆရာဝန်ညွှန်တာ သုံးနိုင်တယ်။

၄။ ဖိုက်ဘာပါတဲ့အစားအစာတွေစားပါ။ အသီးအရွက်တွေနဲ့ အသီးအနှံတွေကိုပြောတာ။

၅။ ရေ နဲ့ အရည်များများသောက်ပါ။

၆။ နေ့စဉ်ကိုယ်လက်လှုပ်ရှားမှု လုပ်ပါ။

Piles Q and A လိပ်ခေါင်းရောဂါ အမေး-အဖြေများ https://dr-tint-swe.blogspot.com/2021/05/piles-q-and.html

Daflon 500 mg လိပ်ခေါင်းဆေး https://dr-tint-swe.blogspot.com/2021/07/daflon-500-mg.html

Piles and Pregnancy ကိုယ်ဝန်နဲ့ လိပ်ခေါင်း https://dr-tint-swe.blogspot.com/2021/10/piles-and-pregnancy.html

Sitz bath ရေနွေးထိုင်နည်း https://dr-tint-swe.blogspot.com/2021/07/sitz-bath.html

ဒေါက်တာတင့်ဆွေ