Insecticide-Treated Bed Nets ခြင်ထောင်ကို ခြင်ဆေးစိမ်နည်း
ခြင်မကပ်နိုင်အောင် ဆေးသုတ်ပေးထားတဲ့ခြင်ထောင်ကို Insecticide-treated bed nets (ITNs) လို့ခေါ်ပါတယ်။ ခြင်းကတဆင့်ကူးစက်တဲ့ရောဂါတွေကာကွယ်ရေးနည်းတွေထဲက နည်းတခုဖြစ်တယ်။ ဒီနည်းသုံးလို့ အဲလိုရောဂါတွေ ထူပြောတဲ့ အာဖရိကမှာ ၅ နှစ်အောက်ကလေးသေဆုံးတာ ၂ဝ% လျှော့ကျလာပါတယ်။ ဆေးက ခြင်သာမကာ တခြား အင်းဆက်ပိုးမွှားတွေကနေပါ ကာကွယ်မှုပေးမယ်။
ခြင်ထောင်အရွယ်အစားက အမျိုးမျိုးရှိလို့ ဆေးသုံးနည်းကိုလိုက်နာရပါမယ်။ ခြင်ထောင်လုပ်ထားတဲ့အစကလည်း အမျိုးမျိုး polyester, polyethylene, polypropylene စသဖြင့်ရှိတယ်။
Pyrethroid insecticides ဆေးကိုသာ အသိအမှတ်ပြုထားသေးတယ်။ နေရောင်ခံတယ်။ လျှော်ဖွပ်ခံတယ်။ ဆေးမပျယ်ဘဲ တာရှည်နေတယ်။ ဆေးနည်းနည်းကျန်သေးတာတောင် ခြင်းကိုသေစေမယ်။ အရင်က ၆ လကနေ ၁၂ လအထိခံတယ်။ ဆေးစိမ်ပြီး အရိပ်ထဲမှာ ခြောက်စေသင့်တယ်။
သုံးစွဲတာကြာလာတော့ ဆေးယဉ်လာတာကို စိုးရိမ်ချက်ထားပါတယ်။ အဲတာကြောင့် Piperonyl butoxide (PBO) ဆေးကိုပါ Pyrethroid insecticide ဆေးနဲ့တွဲသုံးလာရတယ်။ ပိုထိရောက်သလားကတော့ လေ့လာမှုတွေ လုပ်နေဆဲ ဖြစ်ပါတယ်။ WHO ကတော့ ဆေး ၂ မျိုးရောဘို့ မပြောသေးပါ။
Long-Lasting Insecticide-treated Nets (LLINs) တာရှည်ခံခြင်ထောင်သုံးခြင်ဆေးပေါ်လာပြီ။ ဆေးတခါ စိမ်ပေးထားရင် ၃ နှစ်အထိခံတယ်။ အကြိမ်ကြိမ်လျှော်လို့လည်းရတယ်။ WHO Pesticide Evaluation Scheme (WHOPES) ကနေ ၁၅ မျိုးအသိအမှတ်ပြုပေးထားတယ်။ အမေရိကန် CDC ကတော့ စစ်ဆေးတုန်းရှိပါသေးတယ်။
ဒေါက်တာတင့်ဆွေ
Comments
Post a Comment