Rheumatism လေးဘက်နာ

၁။ ဆရာရှင့်ကျွန်မအသက် ၂၈နှစ်ရှိပါပြီရှင့်။ အရေပြားလေးဘက်နာဖြစ်တာ ၁ နှစ်ရှိပြီရှင့်။ အရင်က အနီစက်တွေ မဖြစ်ဘူးရှင့်။ အခုမျက်နှာမှာ အနီဖုတွေထွက်နေလိုရှင့်။ အရမ်းစိုးရိမ်ရလားဆရာရှင့်။ ဖျားတော့မဖျားဘူးရှင့်။

၂။ ကျွန်တော့် သမီး အသက် ၂၅ နှစ်။ ခြေလက်ကအမြဲကိုက်နေသဖြင့် ဆရာန်မှ သွေးစစ်ခိုင်းရာ ASO 400 နှင့် RA positive ဟုအဖြေထွက်ပါသည်။ ကျွန်တော်စိုးရိမ်မိပါသည်။ သို့ပါသောကြောင့် မည်သို့နေထိုင်ရမည်နှင့် RA မှာ ဘာရောဂါလည်းဆိုသည်ကို သိချင်ပါသည်။ ဆရာကျန်းမာချမ်းသာပါစေခင်ဗျာ။

၃။ လေးဖက်နာအကြောင်းမေးချင်လို့ပါရှင့်။ သမီးအသက် ၁၉ ပါရှင့်။ ဖျားပြီးဆိုရင် လည်ချောင်းနာ ကိုယ်တွေလက်တွေ ကိုက်ပါတယ်ဆရာ။ ဖြစ်နေကျပါဆရာ။ ဒီတခါကျ အဖျားရှိလာတယ်။ လည်ချောင်းနာလာတယ်။ ကိုယ်တွေလက်တွေ အရမ်းကိုက်ခဲလာပါတယ်။ အရင်ကလိုပဲထင်လို့ အကိုက်ခဲပျောက်ဆေး အပြင်းစား သောက်လိုက်ပါတယ်ဆရာ။ မသက်သာလို့ ဆေးခန်းပြတာ အဖျားပျောက်ပေမဲ့ကိုက်တာကျန်ခဲ့တယ်ဆရာ။ ကျောဘက်ကပိုကိုက်တယ်ဆရာ။ လေတိုက်ရင်ပိုကိုက်ပါတယ်ဆရာ။ လမ်းလျှောက်လိုက်ရင် သက်သာသလိုရှိပေမဲ့ မသက်သာဘူးဆရာ။ ဆရာဝန်ကို ပြန်ပြတော့ သွေးစစ်ခိုင်းပါတယ်ဆရာ။ သွေးစစ်တော့ ASO 450 ပါဆရာ။ လေးဖက်နာရှိတယ်လို့ ပြောတယ်ဆရာ။ တကိုယ်လုံးလဲကိုက်နေပါတယ်ဆရာ။ ဘာလုပ်ရမှန်းမသိပါဘူးဆရာ။ ဘယ်မှာပြရမှန်းမသိပါဘူးစရာ။ ထမင်းအများကြီးစားရင် ပိုကိုက်ပါတယ်။ အစားအစာကဘာတွေရှောင်ရမလဲဆရာ။ ဘာတွေစားရမလဲဆရာရှင့်။ ကျေးဇူးပြု၍ဖြေပေးပါရှင့်။ နောက်လဆိုသမီးကကျောင်းပြန်တက်ရတော့မှာပါဆရာရှင့်။ ဘေးဖက်နာက တခြားသူကို ကူးစက်နိုင်လားဆရာ။

RF = Rheumatoid factor ရူမက်တွိုက် ဖက်တာ

RA = Rheumatoid arthritis ရူမက်တွိုက် အဆစ်နာ

ASO = Antistreptolysin O အင်တိုင် ဆထွက်ပတိုလိုက်စင် အို

ခြေနှစ်ဘက်၊ လက်နှစ်ချောင်းနာလို့ လေးဘက်နာလို့ ပြောကြတယ်။ ဟိုအဆစ်-ဒီအဆစ် ပြောင်းနာတာမို့ ဟိုသွား-ဒီသွား အဆစ်နာလို့ ဆေးစာမှာလာတယ်။ အနီးစပ်ဆုံးက Rheumatism ဖြစ်ပါတယ်။ ဒီထဲမှာ ရူမက်တစ်အဆစ်နာ၊ ရူမက်တစ်အဖျား၊ ရူမက်တစ်နှလုံးရောဂါ၊ စတာတွေကို ခြုံခေါ်တာဖြစ်ပါတယ်။ ဒီအသုံးက နည်းနည်းတော့ ခေတ်နောက်ကျသွားပါပြီ။

အဆစ်နာအမျိုးပေါင်းက ရာကျော်ရှိတယ်။ အဆစ်နာတယ်ဆိုလိုက်ရင် လေးဘက်နာလို့ဘဲ ထင်ကြတယ်။ ဒါပေမဲ့ အဆစ်နဲ့မဆိုင်တဲ့ နှလုံး၊ အရေပြား၊ ကျောက်ကပ်၊ အဆုပ်တွေမှာလည်း ဖြစ်တာတွေ ရှိသေးတယ်။ ရောဂါခွဲတွေက များသလားမမေးနဲ့၊ ၁ဝဝ-၂ဝဝ ရှိတယ်။ လည်ပင်းကျီးပေါင်းတက်၊ ဂေါက်၊ အရေပြား၊ အရိုး၊ အဆစ်၊ တွယ်ဆက်တစ်ရှူး ရောဂါတွေ အများကြီးပါနေတယ်။ အဆစ်နာတာသာမက ဖျားတာ၊ လည်ပင်းနာတာ၊ နှလုံးရောဂါတွေလည်း ဆက်စပ်နေတယ်။ အများအားဖြင့် ခြေ၊ လက်၊ လည်ပင်း၊ ခါး၊ အဆစ်မှန်သမျှ ဒုက္ခပေးတယ်။ အဆစ်နာအပြင် အရွတ်နာ၊ အဆစ်ဖုံးနာ၊ အရွတ်ကြောနာ။ အများဆုံး ထိတာက အဆစ်ဖုံးနေရာ ရောင်တာပါ။ ကြွက်သားမှာဖြစ်ရင် ဝတ်နေကြ အဝတ်တောင် အတင်မခံနိုင်ဘူး။

အောက်တိုဘာ ၁၂ ရက်ကို ကမာ္ဘ့အဆစ်နာနေ့လို့ သတ်မှတ်ထားတယ်။ လူ ၁ဝဝ မှာ ၁ ယောက် ဖြစ်နေကြတယ်။ အမျိုးသမီးတွေမှာ ၃ ဆများတယ်။ သွေးထဲမှာ အဆိပ်လို ကိုယ်နဲ့ မသင့်တာရှိလာလို့။ ရာသီဥတုနဲ့ ဆိုင်တဲ့သူတွေက ဆိုင်တယ်။ တချို့က ခုခံအားစနစ်နဲ့ဆိုင်လို့ အော်တိုအင်မြူးရောဂါအုပ်စုမှာ ပါတယ်။ သူ့အောက်မှာလည်း ရောဂါမျိုးစုံ ပါတယ်။ မတည့်တာဝင်လာရင် ခန္ဓာကိုယ်က ခုခံတိုက်ထုတ်နိုင်စွမ်းရှိတယ်။ သူ့လူနဲ့ ကိုယ့်လူ မခွဲခြားတတ်ဘဲ၊ လူမှားပြီး၊ အော်တိုအင်မြူးရောဂါဖြစ်လာရတယ်။ အဲဒီထဲက တခုကတော့ Rheumatoid arthritis ရူမတွိုက်အဆစ်နာပါ။ ဒါကို လေးဘက်နာလို့ ပြောတာမှန်တယ်။ တကယ်တော့ လေးဘက်မကပါ၊ အဆစ်အများကြီးမှာ ဖြစ်တတ်တယ်။ အဆစ်အသေးစားရော အကြီးစားပါ ဖြစ်တာ။

အဆစ်နာတာနဲ့ နှလုံးရောဂါ တွဲနေတတ်တာက အရေးပါတယ်။ များသောအားဖြင့် အသက် ၅-၁၆ နှစ်တွေမှာ ဖြစ်တတ်တယ်။ နှလုံးရောဂါက ရူမက်တစ်အဖျားရဲ့အကျိုးဆက်ဖြစ်တယ်။ Group A Streptococcus ဗက်တီးရီးယားကြောင့် ဖြစ်ရတဲ့ လည်ပင်းနာနဲ့ အဝါရောင်အဖျားရောဂါတွေကို လက်ညှိုးထိုးရတယ်။ နှလုံးရောဂါဆိုတာကလည်း အမျိုးမျိုးရှိသေးတယ်။ လေးဘက်နာနဲ့ ဆိုင်တာက အဆို့ရှင်ရောဂါတွေပါ။ MS ကျဉ်းတာ၊ MI ကျယ်တာ။

လူ ၁၀၀၀ မှာ ၆ ယောက်မှာ RA ရှိတယ်။ အမျိုးသမီးတွေက ၂-၃ ဆ ပိုတယ်။ အဆစ်မှာ အများဆုံးဖြစ်တယ်။ ကျန်အင်္ဂါအစိတ်အပိုင်းတွေကိုဖြစ်တာ ၁၅-၂၅% ရှိတယ်။ အဆုပ်မှာ ခဲနေတယ်။ ကျောက်ကပ်မှာ ရောင်ရမ်းဖြစ်စဉ်တမျိုး ဖြစ်တယ်။ နှလုံးနဲ့သွေးကြောမှာ သွေးလွှတ်ကြောမာ-ကျဉ်းလို့ နှလုံးသွေးကြောပိတ်တာဖြစ်စေနိုင်တယ်။ နှလုံးအဖုံးလွှာ ရောင်တာ၊ နှလုံးကြွက်သားရောင်တာ၊ ဘယ်ဘက်အောက်ခန်းအလုပ်မနိုင်တာ၊ အဆို့ရှင်တွေရောင်တာစတဲ့ နှလုံးရောဂါတွေကိုပါဖြစ်စေနိုင်တယ်။ အာရုံကြော၊ မျက်စိ၊ အသည်း၊ ထိခိုက်မှုနဲ့ သွေးအားနည်းတာတွေဖြစ်နိုင်တယ်။

ရူမတွိုက်အဆစ်နာဆိုတာ အော်တိုအင်မြူးရောဂါအုပ်စုမှာပါတယ်။ သူ့လူနဲ့ ကိုယ့်လူ မခွဲခြားတတ်ဘဲ၊ လူမှားပြီး ရောဂါဖြစ်လာရတယ်။ အဲဒီထဲက တခုကတော့ ရူမတွိုက်အဆစ်နာပါ။ ဒါကို လေးဘက်နာလို့ ပြောတာမှန်တယ်။ တကယ်တော့ လေးဘက်မကပါ၊ အဆစ်အများကြီးမှာ ဖြစ်တတ်တယ်။ အဆစ် အသေးစားရော အကြီးစားပါဖြစ်တာ။ သူ့အောက်မှာလည်း ရောဂါမျိုးစုံပါတယ်။ မတည့်တာဝင်လာရင် ခန္ဓာကိုယ်က ခုခံတိုက်ထုတ်နိုင်စွမ်းရှိတယ်။

ရောဂါသေခြာအောင် ASO, Complete blood count, ECG, ESR တွေလုပ်ရတယ်။ ASO ဆိုတာ Group A streptococci ကို ခုခံပေးမဲ့ အင်တီဘော်ဒီဖြစ်ပါတယ်။ ပုံမှန် 160 Todd units per milliliter တနည်းပြောရရင် လူကြီးဆို 200 units အောက်၊ ကလေးဆို 300 units အောက်ရှိတယ်။ အဲတာတွေအပြင် Rhumatic factor (RF) positive ဒါမှမဟုတ် Cyclic Citrullinated Peptide (CCP) antibody test လုပ်မယ်။ ရှိနေသူဆိုတာ Rheumatoid arthritis ဖြစ်နေတာကို သေချာစေတယ်။ မရှိတိုင်း မဖြစ်ဘူးမဟုတ်ပြန်ပါ။ ၃ဝ% မှာ RA မတွေ့ဘူး။ အထူးသဖြင့် ရောဂါဖြစ်တာစောသေးရင် မရှိကြဘူး။ Anti-CCP antibody ရှိနေသူက ၉၆-၉၈% သေခြာတယ်။ များလာလေလေ အဆစ်ပျက်စီးနေလေလို့သိတယ်။ ဒါပေမဲ့ ဒီစမ်းသပ်နည်းမှာ အနုတ်ပြပေမဲ့ ဒီရောဂါမဟုတ်ဘူးလို့ မပြောနိုင်သေးပါ။

• Rheumatoid Factor (RF) ၇၀-၈၀% မှာ ရှိနေမယ်။

• (ESR) မြင့်နေမယ်။

• (CRP) အသင့်ကနေ များနေမယ်။

• Anti -CCP အသင့်ကနေ များနေမယ်။

• Antinuclear Antibodies (ANA) အသင့်ကနေ များနေမယ်။ SLE ဖြစ်နေရင် ၉၅% သေခြာတယ်။

• Scleroderma ဖြစ်နေရင် ၆၀-၈၀% သေခြာတယ်။ Sjogren’s syndrome ဖြစ်နေရင် ၄၀-၇၀% သေခြာတယ်။ Rheumatoid arthritis ဆိုရင် ၃ဝ-၅ဝ% သေခြာတယ်။

• သွေးဖြူဥ များနေနိုင်တယ်။

• Human Leukocyte Antigens (HLA) တချို့မှာ ရှိတယ်။

• Uric Acid များနေနိုင်တယ်။ ဂေါက်ဖြစ်နေသူတွေမှာ သေခြာတယ်။

• ဓါတ်မှန်နဲ့ MRI ပါလုပ်နိုင်တယ်။

အဆစ်နေရာမှာ နီနေမယ်၊ ရောင်နေမယ်၊ နာနေ၊ တင်းနေမယ်၊ အဆစ်ထဲမှာ အရည်ပိုဖြစ်လာလို့ ရောင်နေမယ်၊ အလုံးလို-အကျိတ်လို ဖြစ်လာမယ်၊ တဖက်ထဲလဲ ဖြစ်နိုင်၊ ဘယ်-ညာလဲ ဖြစ်နိုင်တယ်၊ လှုပ်ရှားရတာ အရင်လောက်မရ ဖြစ်လာမယ်၊ ကိုယ်ပူနိုင်တယ်၊ အားယုတ်နေမယ်။

ဆေးကုနည်း သုံးပိုင်းရှိတယ်။ (၁) နာနေတဲ့နေရာကို ဒဏ်သက်သာအောင်လုပ်တာ၊ (၂) ရုပ်ပိုင်းဆိုင်ရာ-အလုပ်အကိုင် ပြန်လုပ်နိုင်အောင် ကုသပေးတာနဲ့ (၃) ခွဲစိတ်ကုသတာတွေပါ။ ဆေးဝါးမှာလဲ သုံးမျိုး။ (၁) (စတီရွိုက်) မပါတဲ့ NSAID အနာ သက်သာဆေး၊ (၂) (ကော်တီကိုစတီရွိုက်) ဆေး၊ (၃) (DMARD) ရူမက်တစ်ဆန့်ကျင်ဆေး။

ရူမက်တစ်အဖျားဖြစ်ရင် ပဋိဇီဝဆေး (Penicillin, Amoxicillin, Sulfadiazine, Erythromycin) တမျိုးမျိုး ချက်ချင်း ပေးတယ်။ လက္ခဏာတွေ သက်သက်သာဦးတော့ ဆေးကို ၁ဝ ရက်အပြည့်ပေးတယ်။ နာတာသက်သာအောင် Aspirin ပေးတယ်။ ရောင်တာသက်သာအောင် Corticosteroids စတီရွိုက်ဆေးပေးတယ်။ ပါးစပ်-လည်ပင်းနဲ့ဆိုင်ရင် ဆားရည်နဲ့ ပလုပ်ကျင်းရတယ်။ Throat lozenges ငုံရတယ်။ သူများကို ကူးစေနိုင်လို့ ၂-၃ ရက် ကျောင်းမတက်ဘဲနေ၊ လူကြားသူကြားလဲ မသွားစေနဲ့။

ဆိုးဝါးတဲ့နှလုံးရောဂါ ရမလာအောင် တာရှည်ခံပနယ်စလင်ထိုးရတယ်။ Benzathine Penicillin G 1.2 ဖြစ်တယ်။ အများအားဖြင့် ၁ လ တခါ၊ ၆ လကြာ၊ ထိုးလေ့ရှိတယ်။ အဖျားက ပြန်ပေါ်လာတတ်တယ်။ ဒါ့ကြောင့် ပဋိဇီဝဆေး နည်းနည်းကို ၃-၅ နှစ်ကြာ ပေးတတ်တယ်။ Penicillin V စားဆေးရော Benzathine penicillin ထိုးဆေးပါ ကောင်းတယ်။ ဈေးလဲမကြီးဘူး၊ ဒီပိုးမျိုး သန့်သန့်ကိုနိုင်တယ်၊ ရေရှည်ထိရောက်တာကို သိထားပြီးဖြစ်တယ်။ ဒီပိုးက ဒီဆေးကို ယဉ်တာမျိုးလဲမဖြစ်ဘူး။ ပနယ်စလင်ဆေးဟာ ကိုယ်ဝန်ဆောင်ကိုသုံးတာ အန္တရာယ်မရှိပါ။ မိခင်နို့ထဲမှာ နည်းနည်း ပါနေနိုင်ပေမဲ့ နို့စို့ကလေးကို မထိခိုက်စေပါ။ ပနယ်စလင်စားဆေးကို ရူမက်တစ်အဖျားရောဂါ ကာကွယ်ဘို့သုံးတယ်။

Strep-throat လည်ချောင်းနာ

Group A β-hemolytic streptococcal (GAS) tonsillopharyngitis လို့ အတိအကျ ခေါ်ရတယ်။ ဖြစ်စေတဲ့ ဗက်တီးရီးယားနာမည်နဲ့ အာသီး-လည်ချောင်းရောင်ဆိုတာ နှစ်ခုကို တွဲခေါ်တာ ဖြစ်ပါတယ်။ ရောဂါသေခြာအောင် Throat culture လည်ချောင်းက အကျိအချွဲကိုယူပြီး ရှိနေတဲ့ပိုးကို စစ်ဆေးရတယ်။ ကုသဘို့ အကောင်းဆုံးဆေးက Penicillin ဖြစ်တယ်။ Penicillin V စားဆေးရော Benzathine penicillin ထိုးဆေးပါကောင်းတယ်။ ဈေးလဲမကြီးဘူး၊ ဒီပိုးမျိုး သန့်သန့်ကို နိုင်တယ်၊ ရေရှည်ထိရောက်တာကို သိထားပြီးဖြစ်တယ်။ ဒီပိုးက ဒီဆေးကို ယဉ်တာမျိုးလဲ မဖြစ်ဘူး။ 

ပနယ်စလင်မတည့်သူတွေကိုတော့ Cephalosporin နဲ့ Clindamycin စားဆေး ဒါမှမဟုတ် Azithromycin, Clarithromycin, Dirithromycin, Erythromycin, Roxithromycin, Telithromycin, Carbomycin A, Josamycin, Kitasamycin, Midecamycin, Oleandomycin, Solithromycin, Spiramycin နဲ့ Troleandomycin စားဆေးတွေ ပေးနိုင်တယ်။

တခါဖြစ်ဘူးသူဟာ ထပ်ဖြစ်ဘို့များတယ်။ ဒါ့ကြောင့် ကာကွယ်နေရတယ်။ ဘယ်လောက်ကြာကြာကာကွယ်နေရမလဲ။ (၁) အရင်က ဘယ်လောက်များများ ခံထားရသလဲ၊ (၂) နောက်ထပ် ရောဂါပိုးဝင်နိုင်ခြေ၊ လူနာရဲ့ အသက်၊ နှလုံးကို ထိခိုက်မှု ရှိ-မရှိ၊ ဆိုတာတွေ အပေါ်မှာ မူတည်တယ်။ ကာကွယ်ရေးမှာလည်း ပနယ်စလင်က အကောင်းဆုံး။ ပနယ်စလင်ဟာ ကိုယ်ဝန်ဆောင်ကိုသုံးတာ အန္တရာယ်မရှိပါ။ မိခင်နို့ထဲမှာ နည်းနည်း ပါနေနိုင်ပေမဲ့ နို့စို့ကလေးကို မထိခိုက်စေပါ။

လေးဘက်နာနဲ့ ငှက်ဖျားဆေးများ

ရုမတွိုက်အဆစ်နာကို ငှက်ဖျားဆေးတွေပေးပြီးကုသနည်းကို အသင့်အတင့် ရောဂါမွမ်းမံနည်းအဖြစ် သုံးတယ်။

နာနေတာ သက်သာမဟုတ်ဘဲ ရောဂါပြီးစနစ်ကို ကြည့်ရတယ်။ ဆေးကို တုန့်ပြန်မယ် ဆိုရင် ၂-၆ လအတွင်းမှာ သိသာပါမယ်။ ငှက်ဖျားဆေး တမျိုးထဲပေးနည်းရှိသလို တခြား Methotrexate ဆေးနဲ့ပါ တွဲပေးတာလဲရှိတယ်။ အဲလိုနည်းကနေ Methotrexate ရဲ့ ဘေးထွက်-ဆိုးကျိုးနည်းစေတာတွေ့ရတယ်။

ဘေးထွက်ဆိုးကျိုးတွေ = နေလောင်မခံနိုင်၊ အရေပြား အစက်အပျောက်ဖြစ်၊ အလာဂျီ အနီကွက်ဖြစ်၊ ပျို့ (အထူးသဖြင့် ခါးတာစားမိရင်)၊ နားထဲအသံမည်၊ မျက်စိကြည့်မကောင်း (ရှားပါး)။

ဆေးဘယ်လောက်ပေးမလဲ

• Chloroquine - 4mg/kg chloroquine base

• Hydroxychloroquine - 6mg / kg

ခဏခဏအဆစ်နာရင် အလုပ်အကိုင်ပါပျက်မယ်။ ကြာလာရင် အထူးသဖြင့် လက်ဆစ်တွေက ပုံသဏ္ဌာန်ပြောင်းသွားလို့ ကြည့်မကောင်း ဖြစ်လာတတ်တယ်။ အမျိုးအဆွေထဲမှာ လူနာရှိရင် စိတ်တော့ မပျက်ပါနဲ့လို့ အရင်ပြောထားပါရစေ။ ရိုးရိုးသားသား ဝန်ခံရရင် လုံးဝပျောက်သွားစေရမယ်လို့ ဆရာဝန်များက အာမမခံပါ။ ဆေးကုတာရဲ့ ရည်မှန်းချက်က နာနေတာတွေ သက်သာအောင်၊ အထိခိုက်နည်းအောင်၊ ဒုက္ခိတဖြစ်မသွားအောင်သာ ဖြစ်ပါတယ်။ ရောဂါရှိတာကို စောစောသိဘို့လိုတယ်။ သိလို့ အပြင်းအထန်ဆေးကုခံပေမဲ့ ပျောက်စေမယ်လို့ မပြောနိုင်တာ ဆောရီးပါ။

လူကသိပ်ဝနေရင် အရိုးအဆစ်ကို ဒဏ်မပိစေဘို့ ကိုယ်အလေးချိန် ထိန်းပေးရတယ်။ နားခိုင်းတယ်။ လိုအပ်ရင် တုတ်ကောက်၊ ဂျိုင်းထောက် သုံးရမယ်။ ဖီဇီယိုပညာရှင်တို့ အလုပ်ပြန်လုပ်နိုင်အောင် ကူညီသင်ကြားပေးတဲ့ ပညာရှင်တို့နဲ့ ကုသရတယ်။ ဆိုးရင် အဆစ်ထဲ စတီရွိုက်ဆေးထိုးပေးရတတ်တယ်။ အဆစ်လှုပ်ရှုားမှုကို ထိခိုက်လာရင် ခွဲစိတ်ရတယ်။ ပနယ်စလင်၊ Sulfadiazine, Macrolide နဲ့ Azithromycin, Clarithromycin ဆေးတွေ ပေးနိုင်တယ်။

လေးဘက်နာကုသနည်းတွေကို (RCT) လို့ခေါ်တဲ့ ဆေးကုသနည်းတွေရဲ့ ထိရောက်မှုကို စနစ်တကျလေ့လာမှု

(၁) ထိရောက်တဲ့ ဆေးတွေ = Disease Modifying Anti-Rheumatic Drugs (DMARDs) = Adalimumab, Azathioprine, Chloroquine and Hydroxychloroquine, Ciclosporin (Cyclosporin A), D-penicillamine, Etanercept, Golimumab, Gold salts (sodium aurothiomalate, auranofin), Infliximab, Leflunomide, Methotrexate (MTX), Minocycline, Rituximab, Sulfasalazine (SSZ) ဆေးတွေ စောစောပေးတာ သက်သာစေတယ်။

ငှက်ဖျာဆေးတွေ (Chloroquine and Hydroxychloroquine) ပေးတာ သက်သာတယ်။ Methotrexate ကင်ဆာဆေး ပေးတာ သက်သာစေတယ်။ Minocycline ပေးတာ သက်သာစေတယ်။ Sulfasalazine ပေးတာ သက်သာစေတယ်။ Corticosteroid ရက်တိုနဲ့ နည်းနည်းပေးတာ သက်သာစေတယ်။

(၂) ကောင်းစေနိုင်တယ်လို့ ယူဆတဲ့ဆေးတွေ = Auranofin ဆေးဟာ (DMARDs) ဆေးတွေလောက်တော့ မထိရောက်ဘူး။ မဆိုးပါ။ Leflunomide ဆေးကလဲ သက်သာလောက်မယ်လို့ ထင်ရတယ်။ ရေရှည်ပေးတာတော့ မသေခြာပါ။ (DMARDs) ဆေးတွေကို တမျိုးနဲ့တမျိုးတွဲပေးတာလဲ ကောင်းနိုင်တယ်။

(၃) မသုံးသင့်တော့တဲ့ဆေးတွေ = Azathioprine, Ciclosporin, Cyclophosphamide, Corticosteroid lone term use, Parenteral gold, Penicillamine တွေဖြစ်တယ်။

ဒေါက်တာတင့်ဆွေ

၂၁-၈-၂၀၁၇