High levels of stress increase hypertension risk in black individuals သွေးတိုး နှင့် စိတ်ဖိအား

တင်ထားတာတခုတွေ့လို့ လေ့လာမှုလုပ်ပြီး ရေးပါတယ်။ ဆေးစျေးနှုန်းများမေးမယ်ဆို သွေးကျဆေးဆောင်ထားပါ တဲ့။

၁၆-၁၀-၂၀၁၉ နေ့က ဆေးသုတေသနသတင်းတခုကို ကိုးကားပါမယ်။ အာဖရိကန်နွယ်ဘွား အမေရိကန်တွေကို Jackson Heart Study ကနေ လေ့လာမှုလုပ်ခဲ့တယ်။ လူပေါင်း 1,829 ယောက်ကို ဆန်းစစ်တယ်။ ပျမ်းမျှအသက် 49 နှစ်။ ကျား 40% တို့ပါဝင်တယ်။ သူတို့ဟာ systolic BP သွေးဖိအား အထက်ဂဏန်း less than 140 mm Hg ထက်နည်းပြီး အောက်ဂဏန်း 90 mm Hg ထက်မများသူတွေ ဖြစ်ကြတယ်။

လေ့လာမှုက ၇ နှစ်ကြာတယ်။ 48.5% တို့ဟာ hypertension သွေးတိုးဖြစ်လာတာတွေ့ရတယ်။ 

သူတို့ထဲက 30.6% တို့မှာ low-perceived stress စိတ်ဖိအားနည်းနည်းသာရင်ဆိုင်ခဲ့ရတယ်။ 

34.6% စိတ်ဖိအားအသင့်အတင့် ရင်ဆိုင်ခဲ့ရတယ်။ 38.2% စိတ်ဖိအားများများရင်ဆိုင်ခဲ့ရတယ်။

ဒီသုတေသနကို တင်ပြသူအမည်က Darlene Dobkowski ဖြစ်ပါတယ်။

Mayo Clinic ကလေ့လာမှုတခု

Anxiety စိုးရိမ်စိတ်ကြောင့် တာရှည်သွေးတိုး မဖြစ်စေနိုင်။ သို့ရာတွင် ရုတ်တရက် စိုးရိမ်စိတ်များခြင်းကြောင့် ယာယီသွေးတိုးစေနိုင်။

တကယ်လို့ နေ့စဉ်နေ့တိုင်းလိုလို ရုတ်တရက် စိုးရိမ်စိတ်များနေရင် နှလုံး၊ သွေးလွှတ်ကြောလေးတွေနဲ့ ကျောက်ကပ်ကို ထိခိုက်သက်ရောက်စေပါမယ်။ အဲလိုကနေတဆင့် နာတာရှည်သွေးတိုးကို ဦးတည်စေနိုင်တယ်။

ဒါ့ပြင် စိုးရိမ်စိတ်များသူတွေမှာ တခြားကျန်းမာရေးနဲ့မညီတဲ့အလေ့အထိတွေဖြစ်ကြတယ်။ ဥပမာ ဆေးလိပ်သောက်ခြင်း၊ အရက်သောက်ခြင်း၊ အစားလွန်ကဲခြင်း။ 

တချို့ဆေးတွေကနေလည်း သွေးတိုးစေတယ်။ ဥပမာ serotonin and norepinephrine reuptake inhibitors (SNRIs) ဆေးအမျိုးအစားတွေ။

ဒေါက်တာတင့်ဆွေ


Comments

Popular posts from this blog

Cancer-Fighting Foods ကင်ဆာအတွက် အကောင်းဆုံးအစားအစာ

Colorectal cancer အူမကြီး ကင်ဆာ

Allergic skin အရေပြား အလာဂျီ