ယောက်ျား ယောင်္ကျား ယောကျာ်း
ယောက်ျားကို ယောင်္ကျားလို့ရေးရင် ယောင်ကျားဖြစ်သွားစေတယ်။ ယောကျာ်း လို့ရေးတာလည်း မှားတယ်။
၂။ ယောင်္ကျားယူတာကောင်းလားဆိုတော့ နေမကောင်းတဲ့ချိန် တော်တော်ကောင်းပါတယ်
၃။ ဟသာင်္တမုန့်ဟင်းခါး လို့ ရေးတာ တွေ့လိုက်တယ်။ ဟင်္သာတလို့ ရေးရတယ်။
၄။ ဆရာရှင့် လကျာ်ဆိုသော စကားလုံးကို အသံထွက်လျှင် လက်ယာဟု ထွက်ပြီး အဓိပ္ပါယ်က ညာဖက်ဟု ကျွန်မ နားလည်ထားတာ မှန်ပါသလားရှင့် ကျွန်မရေးထားသော လကျာ် စာလုံးပေါင်းရော မှန်ပါသလားရှင့်
လက်ယာ အသံထွက်တယ်။ လက်ျာလို့ ရေးမှသာ မှန်တယ်။ အသတ်တင်တဲ့စာလုံးတွေ အတော်မှားရေးနေကြတယ်။ ယောက်ျားကို မှန်အောင် မရေးတတ်သူနေ့တိုင်း ၄-၅ ယောက်ဆီကလာတယ်။ ယောကျာ်း မှားတယ်။ ယောင်္ကျား (ယောင်ကျား) မှားတယ်။
မင်းလက်ျာ မှန်တယ်။ င် အသေးကို အပေါ်တင်ထားရင် လင်ယာလို့ ဖတ်မယ်။
ဗိုလ်ချုပ်အောင်ဆန်း စစ်သေနာပတိ။ ဗိုလ်မှူးကြီး လက်ျာ ဒုတိယစစ်သေနာပတိ။ (သမိုင်း)
၅။ လကျ်ာဆိုတဲ့အသုံးနှုံးက မရှိတော့ဘူးဆိုတာ ဟုတ်ပါသလားရှင့်။ လက်ယာဆိုတာက လက်ဝဲ လက်ယာ ဘယ်ညာကို ဆိုလိုတာဖြစ်ပြီး လကျ်ာဆိုတဲ့အဓိပ္ပါယ်ကို သိချင်ပါတယ်ရှင့်။ လကျင်္ာမဟုတ်ပါက လကျ်ာလို့ ပေါင်းတာ မှန်ကန်ပါသလားရှင့်။ ဇမ္ဗူဒီပါလကျ်ာတောင်ကျွန်း အဲ့လိုဟုတ်ပါသလားရှင့်။
၆။ လက်ဝဲလက်ယာအကြောင်း အရှင်းဆုံး ဘယ်စာအုပ်မှာ လေ့လာရမလဲဆရာ။ Online ပေါ်မှာ လက်ယာယိမ်း၊ လက်ဝဲယိမ်း၊ ဆိုတာတွေတော့ ခဏခဏဖတ်နေရလို့ပါ။ အဓိပ္ပါယ်နားမလည်လို့ပါဆရာ။
၇။ ဆရာ လက်ဝဲက ကွန်မြူနစ်လား လက်ယာက ကွန်မြူနစ်လား
လက်ဝဲက ကွန်မြူနစ်။ ဆိုရှယ်လစ်တွေကိုလည်း လက်ဝဲလို့သုံးတာလည်းရှိတယ်။ အိန္ဒိယက ဘီဂျေပီပါတီကို လက်ယာယိမ်းဟိန္ဒူအစွန်းရောက်ပါတီလို့ ငယ်ငယ်ကဖတ်ခဲ့ရဘူးတယ်။
လကျ်ာလို့ အရင်ကတည်းကရေးပါတယ်။ နောက်တော့ လက်ယာလို့ပြောင်းရေးကြတယ်။ အရင်က ယ ကို ယပင့်နဲ့ ပြောင်းရေးတာတွေရှိတယ်။ ရ ကို ယရစ်နဲ့ပြောင်းတယ်။ လက်ယာ = လကျ်ာ။ ဆရာ = ဆြာ။ လကျ်ာလို့ရေးတာကို မှားတယ်ပြောမရပါ။ လင်္ကျာကတော့ မှားတယ်။
ဗိမ္ဗိသာရမင်းကြီး၏ အဂ္ဂမဟေသီဝေဒဟီမိဖုရားမှာ ထိုမင်းသား ပဋိသန္ဓေတည်နေလျှင်ပင် ငါသည် မင်းကြီး၏ လက်ျာ လက်မောင်းသွေးကို သောက်မျိုရမူ ကောင်းလေစွာ့ ဟူ၍ တောင့်တမှု = ချင်ခြင်း ဖြစ်ရှိလေသည်။ (အဇာတသတ်မင်းသားအကြောင်း)
မန်းတောင်လက်ျာ - မစိမ်းစိမ်း https://www.youtube.com/watch?v=vlaXvlDvfLo
ဒေါက်တာတင့်ဆွေ
Comments
Post a Comment