Penicillin Allergy ပနယ်စလင်နှင့် မတည့်ခြင်း

ယူအက်စ်အေ တခြားမြို့တခုမှာနေတဲ့ မိတ်ဆွေ ကရင်မိသားစုတခုထဲက သမီးလေး Amoxicillin အမောက်ဆာစလင်နဲ့ မတည့်လို့ ဆေးရုံတက်ရရှာတယ်။ ဆောရီး။ အမောက်ဆာစလင်ဆိုတာ ပနယ်စလင်ဆေးအုပ်စုထဲက ဖြစ်တယ်။

Penicillin ဆိုတာ Antibiotics ခေါ် ပဋိဇီဝဆေး သို့မဟုတ် ဘက်တီးရီးယားသေဆေးဖြစ်တယ်။ အသုံးများတယ်။ အမျိုးအစားတွေ များတယ်။ ပနယ်စလင်တမျိုးနဲ့ မတည့်သူ ကျန်အမျိုးအစား ပနယ်စလင်တွေကိုပါ ရှောင်ရမယ်။ penicillin G, amoxicillin, nafcillin, oxacillin, dicloxacillin, flucloxacillin, ampicillin, carbenicillin, ticarcillin နဲ့ piperacillin တွေဖြစ်တယ်။

ယူအက်စ်အေမှာ ပနယ်စလင်နဲ့ မတည့်သူ ၁၀% ရှိတယ်လို့ဆိုပါတယ်။ တချို့က ဆိုးတယ်။ ဆေးရုံတက် ကုသရတယ်။

ဆေးမတည့်ဘူးဆိုရာမှာ အလာဂျီရတာနဲ့ အလာဂျီမဟုတ်တာလို့ ၂ မျိုးရှိပြန်တယ်။ အလာဂျီမဟုတ်တာက ပိုအဖြစ်များတယ်။ ဥပမာ ဝမ်းပျက်တာ၊ အစာအိမ်အနေခက်တာ။ အလာဂျီမဟုတ်တာဆိုရင် ဆေးအုပ်စု တခုလုံးကို ရှောင်ရန် မလိုပါ။ ပနယ်စလင်ဟာ ထိရောက်တဲ့ဆေးဖြစ်လို့ အကုန်ရှောင်ရတာ မသင့်မှန်ပါ။

Rashes ခေါ် အင်ပြင်လို အရေပြားမှာ အနီကွက်တွေထွက်မယ်။ ယားမယ်။ ပေါ်လိုက် ပျောက်လိုက်ဖြစ်မယ်။ ဆက်ပြီးတော့ အသက်ရှူလမ်း ပန်းနာလိုဖြစ်တာနဲ့ နှာရည်ယိုတာတွေပါ ဖြစ်ရင် အလာဂျီ သေချာတယ်။

Rashes ခေါ် အင်ပြင်လို အရေပြားမှာ အနီကွက်တွေက အပြောင်းလဲဘဲနေမယ်ဆိုရင် မဆိုးတဲ့ အမျိုးအစားဖြစ်တယ်။ အနီပြင်ပေါ်တာကလည်း ဆေးသောက်ပြီးနောက် ကြာမှပေါ်တယ်။

Allergic reactions အလာဂျီ အစစ်

အင်ပြင်လို အရေပြားမှာ အနီကွက်တွေထွက်မယ်။ ယားမယ်။ မျက်နှာ ရောင်မယ်။ လည်ပင်းလည်း ရောင်နိုင်တယ်။ ပန်းနာလို ရင်ကြပ်မယ်။ ချောင်းဆိုးမယ်။ အသက်ရှူရခက်မယ်။

Anaphylaxis ရှော့

ဆိုးတဲ့အဆင့်။ ရုတ်တရက်ဖြစ်မယ်။ အထက်ကလက္ခဏာတွေ ပေါ်မယ်။ သွေးဖိအား ကျမယ်။ ဗိုက်အောင့်မယ်။ လျှာ၊ လည်ချောင်း ရောင်မယ်။ အန်မယ်။ ဝမ်းပျက်မယ်။ ဖြစ်တာတော့ ရှားတယ်။ ပနယ်စလင် စားဆေးကြောင့် အဲလိုထိဖြစ်တာ 0.0005% သာရှိတယ်။

Testing for penicillin allergy ပနယ်စလင်နဲ့ တည့် မတည့်စမ်းခြင်း

လိုအပ်သူတွေကို ဆေးမပေးမီ စမ်းရမယ်။ အရေပြားကို စမ်းတယ်။ တနာရီလောက်ကြာရင် အဖြေသိမယ်။

Desensitization ပနယ်စလင်နဲ့ ဆေးယဉ်ပါးလာအောင်လုပ်နည်း

တချို့ကို လုပ်ပေးနိုင်တယ်။ နည်းကို မရေးတော့ပါ။

အရင်ခေတ်က ပနယ်စလင်ထိုးဆေးကို အားထားခဲ့ရတယ်။ ပနယ်စလင်နဲ့ မတည့်သူကို ထိုးမိပြီး ချက်ချင်း မကုသနိုင်ရင် အသက်ဆုံးပါးတဲ့အထိ ဖြစ်နိုင်တယ်။ ဖြစ်ခဲ့တယ်။ ဆောရီး။ စာသပ်သပ် ရေးထားပါတယ်။ ကြာပြီ။

Allergies Treatment (အလာဂျီ) ကိုကုသခြင်း https://dr-tint-swe.blogspot.com/2021/01/allergies-treatment.html

Anaphylaxis ရှော့ခ် https://dr-tint-swe.blogspot.com/2021/08/anaphylaxis.html

Penicillin ပနယ်စလင် https://dr-tint-swe.blogspot.com/2021/07/penicillin.html

Shock ရှော့ခ်ဖြစ်နေတဲ့တိုင်းပြည် https://dr-tint-swe.blogspot.com/2022/05/shock.html

ဒေါက်တာတင့်ဆွေ