မြန်မာစာလုံးပေါင်းသတ်ပုံကျမ်းဆိုတာ ဘယ်စာအုပ်လဲ

 

၁။ ဆရာရှင့်။ ယုံကြည်ကိုးကားသင့်တဲ့ မြန်မာစာလုံးပေါင်းသတ်ပုံကျမ်းများရှိရင် သိခွင့်ရှိမလားရှင့်။ အချိန်များရခဲ့ရင် မျှဝေပေးပါဦးရှင့်။ ကျေးဇူးတင်ပါတယ်။

မြန်မာစာလုံးပေါင်းသတ်ပုံကျမ်းဆိုတာ ဘယ်စာအုပ်လဲ။ အဘိဓာန်တွေ၊ သတ်ပုံကျမ်းတွေက များတယ်။ အမည်တွေ၊ ထုတ်ဝေခုနှစ်တွေ၊ ပြုစုသူအမည်တွေနဲ့တကွ တင်ပြထားတယ်။

၂။ ဆရာ ကျနော်တို့ အင်တာနက် မှာ မြန်မာစာလုံးပေါင်း သတ်ပုံကျမ်းရှိရင် အဲဒါကို အပလီကေးရှင်းပေါ့ ဒေါင်းလို့ရ ပြီးတော့ အမှန်တွေထပ်ထည့် ဆင့်ပွားကြ အဲလိုဆိုကောင်းမှာပဲ ဆရာ ကျနော်တွေးမိတာပါ ခင်မျ

ကျွန်တော်က အွန်လိုင်း မြန်မာသတ်ပုံကျမ်းစာမျက်နှာကို နေ့တိုင်း ဖွင့်ပါတယ်။ အမှားတွေပါနေတယ်။ စုံလည်း မစုံ။ ဒါပေမဲ့ အလွယ်ယူလို့ရတယ်။ ကျေးဇူး။ 

၃။ မြန်မာစာလုံးပေါင်းသတ်ပုံကျမ်းထဲမှာတော့ ဒီလိုတွေ့ရပါတယ်ဆရာ ဟုတ်ပါသလားဆရာရှင့်

၄။ အဖုံးပုံတခု ပို့တယ်။ ဟုတ်ဆရာ အမေက ငါသေတော့မယ် မင်း ဒီစာအုပ်ဝယ်ထားဆိုလို့ဆရာ တန်ဘိုးမထားကြပါဘူးဗျာ ကြိုက်တာယူ တထောင် ထဲမှာဗျ

မြန်မာစာလုံးပေါင်းသတ်ပုံကျမ်းဆိုတာ ဘယ်စာအုပ်လဲ။ သတ်ပုံကျမ်းတွေက အများကြီးရှိတယ်။ ကျွန်တော်ကတော့ အမျိုးမျိုးကို အကိုးအကား အထောက်အထား ရှာပါတယ်။ တကယ်လိုအပ်တဲ့ စာလုံးမျိုးဆိုရင် လက်ထဲမှာရှိတာတွေရော ဒစ်ဂျစ်တယ်သတ်ပုံရောကို လှန်ရတယ်။

မသေချာတာကို ကဝိဓဇသတ်ပုံစာအုပ် အစုတ်ကို သားရေကွင်းဖြုတ်ရှာရတယ်။ လိုသေးရင် စာမျက်နှာ မစုံတော့တဲ့ ဦးသာမြတ်သတ်ပုံကိုပါ သားရေကွင်းဖြုတ်ရတယ်။

ဘာသာရေးစာကို စစ်လိုရင် ဆဋ္ဌသံဂါယနာတင် ပါဠိမြန်မာပြန်စာအုပ်တွေ လှန်ရပြန်ရော။ ပါဠိစာလုံး သိချင်ပြန်ရင် ဦးဟုတ်စိန် ပါဠိမြန်မာအဘိဓာန်ကြီးဖွင့်ရှာ။

ဗဟသုတအတွက်ဆို မြန်မာ့စွယ်စုံကျမ်း ၁၅ အုပ်ကို လက်တကမ်းမှာ ထားတယ်။

ကဝိဓဇသတ်ပုံစာအုပ်ကို ပီဒီဖက်ဖ် လုပ်ထားပြီး အထောက်အထားအတွက် ဖိုတိုရှော့လုပ်ပါတယ်။ ပီဒီဖက်ဖ်ဖိုင်တွေကို လိုချင်ပါတယ်ဆိုသူတွေဆီ အီးမေးလ်ကနေ ပို့ပေးပါတယ်။

ကျွန်တော်တို့ ဆယ်တန်းမှာ ကိုးကားအဖြစ်ပြဋ္ဌာန်းတဲ့ ဝဏ္ဏဗောဓနသတ်အင်းလည်း စာအုပ်စင်မှာရှိတယ်။

လက်ထဲမှာရှိတဲ့ သတ်ပုံ ကိုးကားစရာ စာအုပ်များ

၁။ ဝဏ္ဏဘောဓနသတ်အင်း (ရှင်ဥက္ကံသမာလာ)

၂။ ကဝိဓဇသတ်ပုံကျမ်း (ဦးစံချစ်)

၃။ မြန်မာစာရေးထုံးကျမ်း (ဦးသာမြတ်)

၄။ မြန်မာသံယောဂဒီပနီကျမ်း (မင်းလက်ဝဲနော်ရထာ)

၅။ ဝေါဟာရတ္ထပကာသနီ (ကျော်အောင်စံထား ဆရာတော်ဘုရားကြီး)

၆။ မြန်မာ့စွယ်စုံကျမ်းတစုံ (၁၅) အုပ်

၇။ ဆဋ္ဌသံဂါယနာတင် ပိဋကတ်တော်တစုံ ၃၂ အုပ်

၈။ ယုဒသန် အင်္ဂလိတ် မြမ္မာ အဘိဓာန်

၉။ ကဝိလက္ခဏာ သတ်ပုံကျမ်း

၁၀။ ၁၉၇၈ ထုတ် မြန်မာစာလုံးပေါင်း သတ်ပုံကျမ်း

၁၁။ ဦးဟုတ်စိန် ပါဠိ-မြန်မာ အဘိဓာန်

၁၂။ ကဝိလက္ခဏာ သတ်ပုံကျမ်း https://kupdf.net/download/_5a3a2d9be2b6f5045a2c2cad_pdf

ကံကောင်းတာက ဂူဂယ်လ်ကနေရှာရင် မဂ္ဂဇင်းခေတ်က ကဗျာတွေ၊ စာတွေ၊ စာအုပ်တွေရှိတယ်။ သတ်ပုံတွေ မှန်တယ်။ ရွှေသွေးဂျာနယ်တွေ စောစောကထုတ်တာမှန်သမျှ သတ်ပုံတွေ မှန်တယ်။ လှပစာအုပ်က ပေါ်လစီခေတ်ရောက်ပြီ။ တေဇလည်း အရင်ထုတ်တွေက သတ်ပုံ မှန်တယ်။ ကာတွန်းတွေမှာ ဘဂျမ်း၊ ကဆ ကျော်ဆန်း၊ ဗကလေး၊ ဖေသိန်း၊ ဘထွေး၊ အောင်ရှိန်၊ သန်ကြွယ်၊ စံရွှေမြင့် သတ်ပုံတွေ မှန်တယ်။ မောင်စိန် မှန်တာများတယ်။ ဒါပေမဲ့ နောက်ပိုင်းမှာ တချို့စာလုံးသတ်ပုံတွေကို ပြင်ထားကြတယ်။

ကြွားဝါသလိုတော့ ဖြစ်မယ်။ လယ်တီဆရာတော်ကြီးရဲ့ ဒီပနီပေါင်းချုပ်၊ မဟာစည်ဆရာတော်ကြီးရဲ့စာအုပ်ချို့နဲ့ မိုးကုတ်ဆရာတော်ကြီး စာအုပ်တချို့လည်း ဖတ်ပါတယ်။ သတ်ပုံတွေ မှန်တယ်။ စာအုပ်တွေကတော့ အတော်ဟောင်းနေပြီ။ သတ်ပုံမှန်အတိုင်း ပုံနှိပ်တဲ့ စာအုပ်ဟောင်း တထောင်လောက် လက်ထဲမှာ ရှိတယ်။

မြန်မာစာပျက်လာချိန်မှာ ဘာရေးထားထား သန့်ရှင်း လတ်ဆတ်ပြီး ချက်တတ်ပြုတ်တတ်လုပ်ထားရင် စားကောင်းပါမယ်။ ခေတ်က အဲလို။ သူများနိုင်ငံသွား စကားကမတတ်။ ဆိုင်မှာ လက်ညှိုးထိုးဝယ်ရင်ရတယ်။ ဘိုလိုကတော့ အတန်အသင့်တတ်ကြတယ်။ မြန်မာပြည်မှာ မြန်မာလို မှန်အောင် ရေးတတ်သူက ရှားလာပြီ။ မှားတဲ့ဘက်ကနေ ရှေ့နေလိုက်တဲ့ ပွဲစားများလာတဲ့ခေတ်။ နိုင်ငံတော်ကြီးမှာ မှားနေတာက အလျှံပယ်။

ဒေါက်တာတင့်ဆွေ