Medicines ဆေးတွေအကြောင်း

-

ဆေးတမျိုးတိုင်းမှာ ဘေးထွက်သက်ရောက်မှုတွေရှိတယ်။ မတူကြပါ။ တခြားကင်ဆာတွေအတွက်လည်း အလာတူ ဆေးအမျိုးမျိုးရှိတယ်။ ဆေးအမျိုးအမည်တူပေမဲ့ လူနာတွေက မတူကြလို့ ခံစားရတာ ဆိုးတာ မဆိုးတာ မတူတတ်ပါ။

ထုတ်တဲ့နိုင်ငံအလိုက် ထိရောက်မှုကွာပါသလားရှင့်

ဆေးတွေအကြောင်း အများကြီးရေးထားတယ်။ ဒီအဖြေစာမှာတော့ တိုတိုလေးသာ ရေးပါမယ်။

ဆေးအမည်က ၂ မျိုးရှိတယ်။ မူရင်းအမည်နဲ့ ရောင်းကုန်အမည်။ ဆေးကုမ္ပဏီတခုက အမည်တမျိုး ပေးကြတယ်။ ဆေးအမည်ရင်းက အရေးကြီးတယ်။

ဆေးအမည်၊ ရောဂါအမည်တွေကို အင်္ဂလိပ်စာလုံးနဲ့သာ ရေးပါတယ်။ တလုံးတလေ ကွဲလွဲလို့ မရပါ။ ကနေ့ခေတ်မြန်မာစာကို ရေးချင်သလိုရေးနေကြတော့ ရောဂါလည်းမှား၊ ဆေးလည်းမှားမယ်။

ဆေးအလေးချိန် အရေးကြီးတယ်။ ဆေးအမည်ရင်းတူ၊ ဆေးအလေးချိန်တူရင် ဆေးအာနိသင် တူတယ်။

ဆေးထုတ်တဲ့နိုင်ငံ

အရေးကြီးပြန်တယ်။ တိုးတက်ချမ်းသာတဲ့နိုင်ငံတွေက ထုတ်တဲ့ဆေးတွေက စိတ်ချရတယ်။ ဥပဒေစည်းကမ်းတွေနဲ့အညီသာ ထုတ်လုပ်၊ ရောင်းချကြရလို့ဖြစ်တယ်။ မှားရင် လျှော်ကြေး နင့်ကနည်း ပေးရတယ်။

ချွင်းခက်တချို့လည်း ရှိတယ်။ ဥပမာ ကိုဗစ်ကာကွယ်ဆေးကို အသင့်အတင့်သာတိုးတက်တဲ့နိုင်ငံတွေကို ထုတ်လုပ်ခွင့်ပေးတယ်။ အသည်းရောင်စီ ဆေးက အတော်ကို သိသိသာသာ ဈေးနှုန်းကွာခြားတယ်။ ကိန်းဂဏန်းတွေ ထပ်မထည့်တော့ပါ။

ကြော်ငြာ

ကြော်ငြာကောင်းတိုင်း ဆေးမကောင်းတတ်ပါ။

နာမည်ကြီးလို့ ဖေ့စ်ဘွတ်မှာရေးတိုင်း ဟုတ်ချင်မှ ဟုတ်တယ်။

ဆေးဗူးပြလည်း ကျွန်တော်ကတော့ ကောင်း၏ ဆို၏ မဖြေတတ်ပါ။ ဆေးအမည်ပြောတိုင်းလည်း မဖြေတတ်ပါ။ ဆရာဝန်ဆိုတာ ကိုယ်ဖြေတာကို တာဝန်ယူရတယ်။ လက်လွှတ်စပယ် မရေးရပါ။

ကျွန်တော်တို့ ကိုယ်တိုင် အကောင်းစားဆေးတွေ မထုတ်လုပ်နိုင်သေးရင်တောင် ဆေးကောင်းတာ မှန်တာကို ဝယ်ယူသုံးစွဲနိုင်အောင် လုပ်ရဦးမယ်။ ဆေးအတုရောင်းနေတာတွေကို နှိမ်နင်းရဦးမယ်။ ခက်တယ်။

ဆေးပညာအသိ အဆင့်ရှိအောင် လုံးပမ်းရဦးမယ်။ အဲဒါလည်း ခက်တယ်။

ရေးတဲ့စာတွေ၊ ပြောတဲ့စကားတွေ၊ ဟောပြချက်တွေကို နားထောင်ကောင်းရင် အဟုတ်မှတ်ယူတဲ့ အသိကို ပြင်ရတယ်။ ပိုခက်တယ်။

အတိအကျရေးပါ၊ သတ်ပုံလည်းမမှားပါနဲ့လို့ပြောတဲ့ဆရာဝန်ကို ဆဲကြတယ်။

နေကောင်းကြပါစေ။

ဒေါက်တာတင့်ဆွေ

Comments

Post a Comment

Popular posts from this blog

Allergic skin အရေပြား အလာဂျီ

-
Image
ရေးထာတာ ၇ နှစ်တိတိရှိပြီ။ သြဂုတ်လကို အယားပေါ်တဲ့ရာသီလို့ခေါ်နိုင်တယ်။  ၁။ ဆရာ ကျွန်တော့်ကိုယ်နေရာအနှံ့မှာ ဘုသေးသေးလေးတွေထွက်လာပါတယ်။ လက်တွေ ခြေထောက်တွေ ပေါင်တွေ ကျောကုန်းတွေမှာရောပဲ ဆရာ။ အစုလိုက်ရော တလုံးချင်းရော။ ဘာဖြစ်မှန်းမသိဘူးဆရာ။ ဘုလေးတွေကယားတယ်။ သောက်ဆေး လိမ်းဆေးလေး ညွှန်ကြားပေးပါအုန်း ဆရာ။ ၂။ သမီး လက်နဲ့ခြေထောက်တွေမှာ အနီအဖုသေးလေးတွေထွက်လာတယ်။ အရေခွံလေးတွေက ပုံထဲမှာလိုပဲ ခြောက်သွားတယ်။ အရေခွံလေးတွေခြောက်လို့ လက်သည်းနဲ့ခြစ်လိုက်ရင် ဗောက်လိုပဲ အရေခွံလေးတွေ ပါလာတယ်။ ဒါပေမယ့်ပုံထဲကလို အရေပြားမှာအဖြူစက်ကလေးတွေကျန်နေတယ်ဆရာ။ သမီးလည်း အစကမနာတော့ သတိမထားမိဘူးဆရာ။ သတိထားမိတော့မှခြေထောက် လက်တွေမှာ ဆက်တိုက် ပေါက်နေတယ်။ အခုထိပဲဆရာ။ လိုအပ်တာကိုညွှန်ကြားပေးပါဦးဆရာ။  ၃။ ဆရာ Allergy အကြောင်းတင်တာနဲ ့သမီး ဖြစ်နေတာလေးပြောပါရစေ။ သမီးအသက် ၄၆ နှစ်ပါ။ လွန်ခဲ့တဲ့ ၅နှစ်ခန့်က အသားတွေယားလို ့သွေးစစ်ဘူးပါတယ်။ အထွေထွေအထူးကုသမားတော်နဲ့ပါ။ သွေးထဲမှာ Allergy ဖြစ်တဲ့သွေးပါတယ် ပြောပါတယ်။ အဲတုန်းကတဲ ကနေ CETRINE ဆေးကို တနေ့တလုံး သောက်လာတာ ၅နှစ်ခန် ့ရှိပါပြီ။ မသောက်ရင် အသားတွေယားလာတာပဲဆရာ။ အဲဒါ အဲဒီဆေးဆက်...
Read more

Daflon 500 mg လိပ်ခေါင်းဆေး

-
Image
(ကန်တော့) ၁။ မင်္ဂလာပါဆရာ ကျွန်​​တော်​လိပ်​​ခေါင်​းဖြစ်​​နေတာကြာပြီခင်​ဗျ ဝမ်​းသွားလျှင်​​သွေးပန်​းထွက်​​နေလို့ပါဆရာ deflon 500mg စွဲ​သောက်​ရင်​အန္တာရာယ်​ရှိတတ်​လားခင်​ဗျ အခြားဘာ​ဆေး​တွေ​သောက်​ဖို့လိုလဲဆရာ​ကျေးဇူးပြု ပြီး​ဖြေကြား​ပေး​ပါ ၂။ မင်္ဂလာပါ ဆရာ ဆရာ့ကို ရိုသေစွာမေးချင်တာလေးရှိလို့်ပါဆရာ သမီးယောင်းမက ကိုယ်ဝန် လေးလကျော်ရှိပါပြီဆရာ အခုဝမ်းချုပ်တော့ သွေးပါတယ်ဆရာ အဲ့ဒါ surgeon နဲ့ပြတယ် Daflon လိပ်ခေါင်းဆေးရယ် သွေးတိတ်ဆေးရယ် ပေးလိုက်ပါတယ် သူကိုယ်ဝန်ရှိတဲ့အကြောင်းကိုလဲ ပြောထားပါတယ်ဆရာ လိပ်ခေါင်းဆေး Daflon သောက်ရင် ကိုယ်ဝန် ဆိုးကျိုးရှိလားသိချင်လို့ပါဆရာ (လူနာ အသက် မသိ။) Daflon 500 mg ဆေးကို vasoprotector venotonic agent လို့ခေါ်တယ်။ 90% diosmin နဲ့ 10% flavonoids expressed as hesperidin ဆေးတွေပါတယ်။ ကိုယ်ဝန်ရှိနေသူသောက်ရင် အချင်းလမ်းကြောင်းကနေ ဆေးဖြတ်သွားတာ အလွန်နည်းတယ်။ နို့ရည်ထဲရောက်နိုင်တာလည်း အလွန်နည်းတယ်။ လူနာပေါင်း ၂၈၅၀ ယောက်ကို Daflon 500 mg ဆေး တနေ့မှာ ၂ ပြား ၆ ပတ်ကနေ ၁ နှစ်ကြာပေး လေ့လာထားတာ။ Hemorrhoids (Piles) ခေါ် လိပ်ခေါင်းဆိုတာ စအိုနဲ့ အစာဟောင်းအိမ်အောက်ပိုင်းမှာ သွေးပြန်...
Read more

Colorectal cancer အူမကြီး ကင်ဆာ

-
Image
၁။ မင်္ဂလာပါခင်ဗျာ အူမကြီးကင်ဆာဖြစ်ရင်ဘယ်လိုလက္ခဏာတွေပြပါလည်းခင်ဗျာ ပြန်ပြီးအလင်းပြပါနော် ချမ်းသာကျမ်းမာကြပါစေ (ကျွန်တော့ကိုမေးတာတော့ မဟုတ်ပါ။ ဖေ့စ်ဘွတ်မှာတွေ့လို့သာ) ၂။ ဆရာကျေးဇူးပြု၍ COLON CANCER အကြာင်းရှင်းပြပေးပါ။ ကျွန်တော့်အဖေမှာ ခွဲစိတ်ပြီး colon cancer stage 2 ဖြတ်ထုတ်ပြီး အလုံးရဲ့ နုတ်ခမ်းပတ်လည်မှာ cancer cell လွတ်ကြောင်းသိရပါတယ်။ Bowel cancer အူကင်ဆာလို့ ခေါ်တာဟာ Colorectal cancers ဖြစ်တယ်။ Colon cancer အူမကြီး-ကင်ဆာ နဲ့ Rectal cancer အစာဟောင်းအိမ်-ကင်ဆာကို ပေါင်းခေါ်ထားတာ ဖြစ်တယ်။ အမျိုးသားတွေမှာ တတိယမြောက် နဲ့ အမျိုးသမီးတွေမှာ စတုတ္ထမြောက် အဖြစ်အများဆုံး ကင်ဆာဖြစ်တယ်။ ဖွံ့ဖြိုးတိုးတက်နိုင်ငံတွေမှာ ပိုဖြစ်တယ်။ ၆ဝ% ရှိတယ်။ ၂ဝဝ၈ လေ့လာမှုအရ တကမ္ဘာလုံးမှာ လူနာသစ်ပေါင်း ၁့၂၃ သန်းရှိပြီး၊ ၆ သိန်းကျော် သေဆုံးရတယ်။ အူသိမ်မှာ ကင်ဆာဖြစ်တာ ရှားတယ်။ Colon cancer အူမကြီး-ကင်ဆာ အများစုက ကင်ဆာမဟုတ်တဲ့ Polyps အသားပိုကနေစတယ်။ ဖြစ်ကာစမှာ အူမကြီးရဲ့ အတွင်းဆုံးလွှာကနေဖြစ်ပြီး စောစောမသိလို့ ဆေးမကုရင် အူမကြီးရဲ့ ကြွက်သားလွှာအထိ ရောက်လာမယ်။ နောက် ဆက်ပြန့်မယ်။ အူနံရံမှာသာ ဖြစ်နေသေးရင် ကုရတာလွယ်တယ်။...
Read more