Rainbow Diet အရောင်စုံ စားသောက်ခြင်း၏ အကျိုးကျေးဇူး
အရောင်စုံ စားသောက်ခြင်း၏ အကျိုးကျေးဇူး
သစ်သီးဝလံနှင့် ဟင်းသီးဟင်းရွက်များကို အရောင်စုံ စားသောက်ခြင်းသည် ဗီတာမင်၊ သတ္တုဓာတ်နှင့် အန်တီအောက်စီဒင့်များကို မျိုးစုံ ရရှိစေသည်။ အရောင်တမျိုးချင်းစီသည် ကျန်းမာရေးအကျိုးပြု phytonutrients များကို ကိုယ်စားပြုထားသည်။ အရောင်စုံ မျှတသည့် ဟင်းလျာတပွဲတွင် အနီ၊ အဝါ/လိမ္မော်၊ အစိမ်း၊ အပြာ/ခရမ်း စသည့် အရောင်များ ပါဝင်သင့်ပြီး ကိုယ်ခံအားကို တိုးတက်စေကာ ရောဂါအန္တရာယ် လျော့နည်းစေသည်။
🌈 အရောင်အလိုက် အစားအစာများ
🔴 အနီ (အန်တီအောက်စီဒင့် / နှလုံးကျန်းမာရေး)
ခရမ်းချဉ်သီး၊ အနီရောင်ငရုတ်၊ စတော်ဘယ်ရီ၊ ရက်စဘယ်ရီ၊ ဖရဲသီး၊ ပန်းသီးအနီ၊ ချယ်ရီသီး၊ သလဲသီး၊ ကျောက်ကပ်ပဲ။
🟠🟡 လိမ္မော် & အဝါ (ကိုယ်ခံအား / မျက်စိကျန်းမာရေး)
မုန်လာဥနီ၊ ကန်စွန်းနီ၊ ငရုတ်အဝါ၊ သရက်သီး၊ လိမ္မော်သီး၊ ငှက်ပျောသီး၊ နာနတ်သီး၊ ဖရုံသီး၊ cantaloupe၊ ပြောင်းဖူး။
🟢 အစိမ်း (ကင်ဆာကာကွယ်ရေး / နှလုံးကျန်းမာရေး)
ဟင်းနုနွယ်ရွက်၊ kale၊ ဘရိုကိုလီ၊ ထောပတ်သီး၊ ကီဝီသီး၊ ပန်းသီးအစိမ်း၊ စပျစ်သီးအစိမ်း၊ asparagus၊ arugula ဟင်းနုနွယ်ရွက်အမျိုးမျိုး။
🔵🟣 အပြာ & ခရမ်း (ဦးနှောက်ကျန်းမာရေး / သွေးဖိအားလျော့)
ဘလူးဘယ်ရီ၊ ဘလက်ဘယ်ရီ၊ ဂေါ်ဖီခရမ်း၊ ခရမ်းသီး၊ သင်္ဘောသဖန်းသီးခြောက် (fig)၊ ပလမ်သီး၊ Concord စပျစ်သီး၊ စပျစ်ခြောက်။
⚪🟤 အဖြူ & အညို (ကိုယ်ခံအား / နှလုံးကျန်းမာရေး)
ကြက်သွန်ဖြူ၊ ကြက်သွန်နီ၊ မှို၊ ဂေါ်ဖီပွ၊ parsnip။
🌿 အရောင်စုံစားသောက်ရန် အကြံပြုချက်များ
✔ အရောင်မျိုးစုံ ပေါင်းစပ်ပါ
အသုပ် သို့မဟုတ် ဖျော်ရည်များတွင် အရောင်မျိုးစုံ ထည့်သုံးပါ။
✔ အေးခဲထားသည့် အသီးအနှံများ အသုံးပြုနိုင်သည်
အေးခဲထားသည့် သစ်သီးဝလံ၊ ဟင်းသီးဟင်းရွက်များသည် အာဟာရတန်ဖိုး ဆုံးရှုံးမှု မရှိသကဲ့သို့ အသုံးပြုလွယ်ကူသည်။
✔ အနည်းဆုံး အရောင်သုံးမျိုး ပါဝင်စေရန် ကြိုးပမ်းပါ
ဟင်းလျာတပွဲတိုင်းတွင် အနည်းဆုံး အရောင်သုံးမျိုး ပါဝင်စေခြင်းဖြင့် အာဟာရရရှိမှု မြင့်မားစေသည်။
အရောင်စုံ စားသောက်ခြင်းသည် ရိုးရှင်းသော်လည်း သိပ္ပံအခြေခံရှိသော ကျန်းမာရေးကာကွယ်နည်းတရပ် ဖြစ်သည်။
ဒေါက်တာတင့်ဆွေ
Comments
Post a Comment