စောစောအိပ်ထ ပြုကျင့်က တွင်းပ ကိုယ်ခန္ဓာ

နေ့စဉ်နံနက်တိုင်း နိုးထလာရခြင်းသည် ကျွန်ုပ်တို့ရရှိနိုင်သော အကြီးမားဆုံးသော ကောင်းချီးမင်္ဂလာများထဲမှ တခုပင် ဖြစ်ပါသည်။ အကြောင်းမူကား ၎င်းသည် ကျွန်ုပ်တို့အတွက် အသက်ရှင်ရန်၊ ချစ်ခြင်းမေတ္တာထားရန်၊ သင်ယူရန်နှင့် တိုးတက်ရန် နောက်ထပ်အခွင့်အရေးတခု ရရှိလိုက်ခြင်းပင် ဖြစ်သောကြောင့် ဖြစ်သည်။ ကျွန်ုပ်တို့အား အသက်ရှူနိုင်ခွင့်၊ သိစိတ်ရှိခွင့်နှင့် ဘဝဟူသော လက်ဆောင်ကို ယုံကြည်စွာ အပ်နှင်းထားခြင်းဖြစ်ရာ ထိုလက်ဆောင်ကို မည်သို့အသုံးချမည်၊ ဘဝကို မည်သို့ဖြတ်သန်းမည်ဆိုသည်ကို ရွေးချယ်နိုင်သော စွမ်းအားသည် ကျွန်ုပ်တို့လက်ဝယ်တွင် ရှိနေပါသည်။

ဤကောင်းချီးမင်္ဂလာကို နေ့စဉ်ဘဝ၏ ရုန်းကန်လှုပ်ရှားမှုများကြားတွင် မကြာခဏဆိုသလို သတိမမူမိဘဲ လျစ်လျူရှုတတ်ကြပါသည်။ အသက်ရှင်ရခြင်း၏ အလှတရား၊ အံ့ဩဖွယ်ရာများနှင့် အခြားသူများနှင့် ဆက်သွယ်ခွင့်၊ မိမိတို့၏ အိမ်မက်များကို အကောင်အထည်ဖော်ခွင့် ရရှိခြင်းတို့ကို ပြန်လည်ဆင်ခြင်ရန် မေ့လျော့နေတတ်ကြပါသည်။

သို့ရာတွင် နေ့စဉ်နံနက် နိုးထလာရခြင်းသည် ကောင်းချီးမင်္ဂလာတခုတည်းသာမက တာဝန်တခုလည်း ဖြစ်ပါသည်။ ၎င်းသည် လောကကြီးအတွက် ကောင်းကျိုးပြုရန်၊ အပြုသဘောဆောင်သော သက်ရောက်မှုများ ရှိစေရန်နှင့် နောင်လာနောက်သားများအတွက် အတုယူဖွယ်ရာ အမွေအနှစ်ကောင်းများ ချန်ထားရစ်ရန် အခွင့်အရေးရရှိခြင်းပင် ဖြစ်သည်။

ထို့ကြောင့် ဤကောင်းချီးမင်္ဂလာနှင့် အဖိုးတန်လက်ဆောင်ကို အကောင်းဆုံး အသုံးချကြပါစို့။ ကျေးဇူးသိတတ်သောစိတ်၊ ရည်မှန်းချက်ရှိသောစိတ်၊ ထက်သန်သောစိတ်တို့ဖြင့် နိုးထလာသည့်အခါ ဖြစ်နိုင်ခြေရှိသော အခွင့်အလမ်းများစွာ ပွင့်လင်းလာမည်ဖြစ်ပြီး ထူးခြားဆန်းသစ်၍ မေ့မရနိုင်သော ဘဝတခုကို တည်ဆောက်နိုင်ခွင့် ရရှိမည် ဖြစ်ပါသည်။

ကောင်းတဲ့အဆိုစကားတွေကို တင်ပြနေတဲ့ ကျွန်တော်ဟာ မနက်စောစောထရမှာ ပျင်းတဲ့သူသာဖြစ်ပါတယ်။

လုပ်နိုင်သူတွေကို ချီးကျူးပါတယ်။

အခုနေရတဲ့အရပ်မှာတော့ အလုပ်ချိန်က စောရင် စောသလို မထချင်လည်း အိပ်ရာထကြရပါတယ်။

ဒေါက်တာတင့်ဆွေ