Itchy skin (pruritus) အရေပြားယားယံခြင်း

10/12/21, 8:12 PM

hello ဆရာ ကျမအသက် ၂၅ရှိပါပီ အပျိုတုန်းက အရေပြားတေယားတယ် သူများတေအခေါ် အတွင်းသွေးယားတာ ဉီးရေပြားတေလဲယားတယ် နေတာထိုင်တာလဲမညစ်ပတ်ပါဘူးဆရာ ဘာဆေးတွေသောက်ရမလဲရှင့် ဘာကြောင့် ယားတာလဲသိချင်လို့ပါရှင့်

(၁)

Itchy skin (pruritus) ယားယံခြင်းကို ဖြစ်စေသော အကြောင်းရင်းများ

အရေပြားယားယံခြင်းသည် အဖြစ်အများဆုံးဖြစ်သော အရေပြားခြောက်သွေ့ခြင်းအပြင် အခြားသော အကြောင်းရင်းများစွာကြောင့် ဖြစ်နိုင်ပါသည်။

၁။ အဖြစ်များသော အကြောင်းရင်းများ

အရေပြားခြောက်သွေ့ခြင်း (Xerosis): အသက်အရွယ်ကြီးရင့်ခြင်း၊ အေးမြခြောက်သွေ့သော ရာသီဥတု သို့မဟုတ် ရေခဏခဏချိုးခြင်းကြောင့် ဖြစ်တတ်ပါသည်။

အရေပြားရောဂါများ: နှင်းခူ (Eczema)၊ ဆိုရီရေးစစ် (Psoriasis)၊ အင်ပြင်ထခြင်း၊ ဗောက်ထခြင်းနှင့် ပွေး၊ ဝဲ၊ သန်း အစရှိသော ပိုးဝင်ခြင်းများ။

ဓာတ်မတည့်ခြင်း: ဆပ်ပြာ၊ အလှကုန်၊ လျှော်ဖွပ်ရေးပစ္စည်း၊ အစားအစာ သို့မဟုတ် ဝတ်မှုန်များနှင့် ဓာတ်မတည့်ခြင်း။

၂။ ကိုယ်တွင်းရောဂါများနှင့် အခြားအခြေအနေများ

ကိုယ်တွင်းရောဂါများ: အသည်းရောဂါ၊ ကျောက်ကပ်ရောဂါ၊ သွေးအားနည်းရောဂါ၊ ဆီးချိုရောဂါ သို့မဟုတ် သိုင်းရွိုက် (Thyroid) ပြဿနာများရှိပါက အဖုအပိမ့်မထဘဲ တကိုယ်လုံး ပြင်းထန်စွာ ယားယံတတ်ပါသည်။

အာရုံကြောဆိုင်ရာ ပြဿနာများ: ရေယုန်နှင့် အာရုံကြောညပ်ခြင်းများကြောင့် နေရာကွက်၍ ယားယံခြင်း။

ဆေးဝါးဘေးထွက်ဆိုးကျိုးများ: အကိုက်အခဲပျောက်ဆေး (Opioids)၊ ပိုးသတ်ဆေးနှင့် သွေးတိုးကျဆေးအချို့။

ကိုယ်ဝန်ဆောင်ခြင်း: ဟော်မုန်းအပြောင်းအလဲနှင့် ကိုယ်ဝန်ဆောင်ချိန် ဖြစ်တတ်သော အရေပြားအခြေအနေများ။

စိတ်ပိုင်းဆိုင်ရာ: စိတ်ဖိစီးမှု၊ စိုးရိမ်ပူပန်မှု သို့မဟုတ် စိတ်ဓာတ်ကျခြင်းတို့ကြောင့် ယားယံခြင်းကို ပိုမိုဆိုးရွားစေနိုင်ပါသည်။

ဆရာဝန်နှင့် ဘယ်အချိန်မှာ ပြသသင့်သလဲ

ယားယံခြင်းသည် အောက်ပါအခြေအနေများနှင့် ကြုံတွေ့ရပါက ကျွမ်းကျင်သော ဆရာဝန်နှင့် တိုင်ပင်ဆွေးနွေးသင့်ပါသည်။

ယားယံခြင်းမှာ တပတ် သို့မဟုတ် နှစ်ပတ် ကျော်သည်အထိ မပျောက်ကင်းဘဲ ကြာရှည်နေခြင်း။

ယားယံလွန်းသဖြင့် အိပ်ရေးပျက်ခြင်း သို့မဟုတ် နေ့စဉ်လူမှုဘဝကို ထိခိုက်စေခြင်း။

အကြောင်းရင်း မရှိဘဲ ရုတ်တရက် ယားယံလာခြင်း။

ယားယံခြင်းနှင့်အတူ နုံးချိခြင်း၊ ကိုယ်အလေးချိန်ကျခြင်း သို့မဟုတ် ဖျားခြင်း အစရှိသော လက္ခဏာများ တွဲဖက်ပါရှိခြင်း။

(၂)

ယားယံခြင်းအတွက် ထိရောက်သော လိမ်းဆေးများနှင့် ပါဝင်ပစ္စည်းများ

အရေပြားယားယံခြင်း၊ အင်းဆက်ကိုက်ခြင်းနှင့် နှင်းခူ (Eczema) စသည့် အခြေအနေများအတွက် အောက်ပါဆေးများနှင့် ပါဝင်ပစ္စည်းများကို ရွေးချယ်အသုံးပြုနိုင်ပါသည်။

အကြံပြုထားသော လိမ်းဆေး အမျိုးအစားများ

စတီးရွိုက်မပါဘဲ အကောင်းဆုံးဆေး (Best Overall): CeraVe Itch Relief Moisturizing Cream ဖြစ်ပါသည်။ ၎င်းတွင် Pramoxine HCl ၁ ရာခိုင်နှုန်း ပါဝင်ပြီး မိနစ်ပိုင်းအတွင်း ယားယံမှုကို သက်သာစေကာ ၈ နာရီခန့်အထိ အာနိသင်ခံပါသည်။

အသားအရေခြောက်ပြီး နုနယ်သူများအတွက်: Aveeno Anti-Itch Concentrated Lotion သည် ကယ်လမင်း (Calamine) နှင့် အုတ်ဂျုံ (Oatmeal) ပါဝင်သဖြင့် အရေပြားကို အေးမြစေပြီး စိတ်မချမ်းမြေ့စရာ ယားယံမှုများကို သက်သာစေပါသည်။

ပြင်းထန်စွာ ယားယံခြင်းနှင့် ရောင်ရမ်းခြင်းအတွက်: Cortizone 10 (Hydrocortisone 1%) သည် စတီးရွိုက် (Steroid) ပါဝင်သောဆေးဖြစ်ပြီး နှင်းခူနှင့် အဖုအပိမ့်များကြောင့် ရောင်ရမ်းယားယံခြင်းကို ထိရောက်စွာ လျှော့ချပေးနိုင်ပါသည်။

အင်းဆက်ကိုက်ခြင်းနှင့် နေလောင်ခြင်းအတွက်: Sarna Anti-Itch Lotion (သို့မဟုတ် မန်သော် - Menthol ပါသောဆေးများ) သည် အရေပြားကို အေးမြစေပြီး ယားယံမှုကို လျင်မြန်စွာ ဖုံးအုပ်ပေးနိုင်ပါသည်။

အသက်ကြီးသူများ၏ အရေပြားအတွက်: DerMend Moisturizing Anti-Itch Lotion သည် အသက်အရွယ်ကြောင့် ခြောက်သွေ့ယားယံသော အရေပြားကို အစိုဓာတ်ပြန်လည်ဖြည့်တင်းပေးရင်း သက်သာစေပါသည်။

ဆေးဝယ်ယူရာတွင် သတိပြုကြည့်ရှုရမည့် အဓိကပါဝင်ပစ္စည်းများ

၁။ Pramoxine Hydrochloride (1%): ထုံဆေးအပျော့စားဖြစ်ပြီး စတီးရွိုက်မပါဘဲ ယားယံမှုကို လျင်မြန်စွာ ပျောက်ကင်းစေပါသည်။

၂။ Hydrocortisone: ရောင်ရမ်းခြင်းနှင့် နီမြန်းခြင်းကို လျှော့ချပေးပါသည်။

၃။ Colloidal Oatmeal/Shea Butter: အရေပြားကို စိုပြေစေပြီး ပျက်စီးနေသော အရေပြားအလွှာကို ပြန်လည်ပြုပြင်ပေးပါသည်။

၄။ Menthol/Camphor: အေးမြသော ခံစားမှုကိုပေးစွမ်းပြီး ယားယံသည့် အာရုံကို လွှဲပြောင်းပေးပါသည်။

၅။ Ceramides: အရေပြား၏ သဘာဝအကာအကွယ်အလွှာကို အားကောင်းစေပြီး ထပ်မံယားယံခြင်းမှ ကာကွယ်ပေးပါသည်။

သတိပြုရန် - စတီးရွိုက် (Hydrocortisone) ပါဝင်သော ဆေးများကို ဆရာဝန်ညွှန်ကြားချက်မပါဘဲ ရေရှည် သို့မဟုတ် မျက်နှာကဲ့သို့ နုနယ်သော နေရာများတွင် တဆက်တည်း မလိမ်းသင့်ပါ။ သင်၏ အခြေအနေမှာ တပတ် ထက်ကျော်လွန်၍ မသက်သာပါက ဆရာဝန်နှင့် တိုင်ပင်ဆွေးနွေးရန် လိုအပ်ပါသည်။

ဖြေပြီးပြီ။

သော်တာဆွေ ရေးသလို "ပြောရဦးမယ် မမြရီရေ"

၁။ ပါပြီ ကို ပါပီ လို့ မရေးရပါ။

၂။ တွေ ကို တေ လို့ မရေးရပါ။

၃။ စာကို မှန်အောင်ရေးတတ်သူတွေက အဲလိုရေးတာတွေမြင်ရင် ယားတယ်။ သတ်ပုံမှန်ခေတ်က ဆရာမဆရာမတွေဆိုရင် မှားရေးတဲ့ ကျောင်းသူကျောင်းသာတွေကို ရိုက်ချင်လို့ လက်ယားကြမယ်။

ဒေါက်တာတင့်ဆွေ