Rabies Vaccine ခွေးရူးကာကွယ်ဆေး
၁။ လူများအတွက် ကာကွယ်ဆေး အာနိသင်
ခွေးရူးပြန်ရောဂါ ကာကွယ်ဆေး (၃) ကြိမ် ထိုးနှံပြီးသူများ၏ ၉၅ ရာခိုင်နှုန်းခန့်တွင် ရောဂါကို ကာကွယ်နိုင်စွမ်း ရှိပါသည်။ ထိုကာကွယ်နိုင်စွမ်း ကြာရှည်မှုမှာ တယောက်နှင့်တယောက် မတူညီနိုင်သော်လည်း ယေဘုယျအားဖြင့် အနည်းဆုံး (၁) နှစ်မှ (၂) နှစ်အထိ ခံလေ့ရှိပါသည်။ ရောဂါကူးစက်နိုင်ခြေ အမြဲရှိနေသူများအနေဖြင့် ဆက်လက် ကာကွယ်မှုရရှိစေရန် ကာကွယ်ဆေး အားဖြည့်တိုးမြှင့် (Booster) ထိုးနှံရန် တကြိမ် သို့မဟုတ် တကြိမ်ထက်မက လိုအပ်နိုင်ပါသည်။
၂။ ခွေးများအတွက် ကာကွယ်ဆေး ထိုးနှံမှု
ပုံမှန်အားဖြင့် ခွေးကလေးများ အသက် (၃) လမှ (၄) လဝန်းကျင်တွင် ပထမဆုံး ခွေးရူးပြန်ကာကွယ်ဆေး စတင်ထိုးနှံပေးရပြီး၊ (၁) နှစ်အကြာတွင် အားဖြည့်တိုးမြှင့်ကာကွယ်ဆေး တကြိမ် ထပ်မံထိုးနှံရပါသည်။ ထိုသို့ ထိုးနှံပြီးနောက်တွင် ခွေးများအား (၁) နှစ်မှ (၃) နှစ်လျှင် တကြိမ်ကျစီ ခွေးရူးပြန်ကာကွယ်ဆေး ထပ်မံထိုးနှံပေးရန် လိုအပ်ပါသည်။
၃။ ကာကွယ်မှု ကြာရှည်ချိန်နှင့် အခြေအနေများ
ခွေးရူးပြန်ကာကွယ်ဆေး၏ ကာကွယ်နိုင်စွမ်း ကြာရှည်ချိန်သည် ကာကွယ်ဆေး အမျိုးအစားနှင့် ရောဂါပိုးနှင့် ထိတွေ့နိုင်ခြေ အဆင့်အတန်း စသည့် အချက်များအပေါ်တွင် မူတည်ပါသည်။ ရောဂါပိုးနှင့် မထိတွေ့မီ ကြိုတင်ကာကွယ်ဆေး (၃) ကြိမ် အပြည့်ထိုးနှံထားသည့် ခရီးသွားများအတွက် ကာကွယ်နိုင်စွမ်းမှာ (၁) နှစ်မှ (၃) နှစ်အထိ ကြာရှည်နိုင်ပါသည်။ အချို့သော အခြေအနေများတွင်၊ အထူးသဖြင့် တိရစ္ဆာန်များနှင့် အမြဲထိတွေ့ လုပ်ကိုင်နေရသူများ သို့မဟုတ် ခွေးရူးပြန်ရောဂါ အဖြစ်များသော ဒေသများသို့ ခဏခဏ သွားလာနေရသူများအတွက်မူ ကိုယ်ခံအားစနစ် ဆက်လက် တည်ရှိနေစေရန် အားဖြည့်တိုးမြှင့်ကာကွယ်ဆေးများ ထိုးနှံရန် အကြံပြုလိုပါသည်။
ဒေါက်တာတင့်ဆွေ
Comments
Post a Comment