Dr. Tint Swe Medical and Knowledge Writings

တခုလောက်သိချင်လို့ပါရှင့်သိသောသူများဖြေပေးကြပါနော် အမေရင်သားကင်ဆာဖြစ်တာ ၃နှစ်ရှိပါပီ(ပါပြီ) ခွဲစိတ်ကုသပီးပါပီ(ပြီးပါပြီ) ခုတလေား(ခုတလော) ညညဆို ရေခဏခဏဆာပီး(ပြီး) ပူနေလို့ပါ ရောဂါပြန်ထလာတာလား သိချင်လို့ပါရှင့် ဘာဖြစ်တာလည်းရှင့်ရေပဲတနေကုန်သောင်ချင်နေလို့ပါရှင့်အမေက ဒါလည်း ဆရာဝန်ကိုမေးတာ မဟုတ်ပါ။ ရေသောက်များတာက ရာသီဥတုကြောင့်လည်း ဖြစ်နိုင်။ ဆီးချိုလည်း စစ်သင့်။ ကင်ဆာကိုတော့ ပြန်ပြသရမဲ့အချိန်မှာ ပြန်ပြရပါမယ်။ တခုလောက်၊ ခုတလောနဲ့ တနေကုန် ရေးတာတွေ မှန်။ ကွန်ဂရက်ကျူလေးရှင်း။ ကင်ဆာနေရာတွေမှာနဲ့ မြန်မာစာနေရာတွေမှာ သတ်ပုံအမှား အများဆုံးတွေ့ရတယ်။ Puppy ပါပီ ခေါ် ခွေးကလေးချစ်သူတွေ ပေါများလာတာ မကြာလှသေးပါ။ ဒေါက်တာတင့်ဆွေ

ဒါလေးနားမလည်လို့ပါ စိုးရိမ်ရလား ဆရာဝန်ကို မမေးပါ။ သာလာယံဇရပ်နံရံမှာ ရေးတတ်ကြသလို ဖေ့စ်ဘွတ်မှာ ဘယ်သူဖတ်ဖတ် ဘယ်သူဖြေဖြေသဘောနဲ့ ရေးထားတာ။ ဆေးစစ်ချက် အဆုံးမှာ Uterine Fibroid လို့ ဖတ်ရတယ်။ ကျွန်တော့ကို မေးရင် မေးတဲ့သူရဲ့ စိတ်နေသဘောကို မသိတော့ ဖြေရတာ ခက်တယ်။ တချို့က ဘာလေးဖြစ်ဖြစ် အဖြစ်သည်းကြပြီး၊ တချို့က ဖ့စ်ဘွတ်အကောင့်ရှိသူတိုင်းကို ကင်ဆာအထူးကုလို့ထင်ပြီး အားကိုးကြတယ်။ မြန်မာပြည်မှာပါ။ အခုမေးတဲ့သူလိုဘဲ ရောဂါတခုခုကို ဆိုးသလား စိုးရိမ်ရသလားကိုသာ သိချင်သူက များတယ်။ ကာကွယ်နည်း၊ ကုသနည်းတွေကို မသိချင်ကြပါ။ မြန်မာပြည်မှာဘဲ။ Uterine Fibroid (1) သားအိမ်အလုံး (၁) https://dr-tint-swe.blogspot.com/2021/04/uterine-fibroid-1.html Uterine Fibroid (2) သားအိမ်အလုံး (၂) https://dr-tint-swe.blogspot.com/2022/04/uterine-fibroid-2.html Epidemiology of Uterine fibroids သားအိမ်အလုံးဖြစ်နှုန်း https://dr-tint-swe.blogspot.com/2021/05/epidemiology-of-uterine-fibroids.html ဒေါက်တာတင့်ဆွေ

ဆရာဝန်ကို မေးတာမဟုတ်တဲ့ မေးခွန်း = ကင်ဆာရောဂါ ရှိသူကို ငှက်သိုက်တို့လင်ဇီး ပိုလန်တို့ ကျွေးရလားရှင့် အစာအိမ်ကင်ဆာပါ ဆရာဝန်မဟုတ်သူတွေရဲ့ ကွန်မင့်များ - ဆရာဝန်ကတော့အမဲသားငှက်သိုက်တသက်လုံးရှောင်လို့ပြောပါတယ် - ကျမရဲ့ဆရာမကြီးကတော့ ရှောင်ခိုင်းပါတယ် - ညီမ ကင်ဆာဆရာဝန်က ငှက်သိုက် သောက်ဖို့မေးတာ မသောက်ခိုင်းပါဘူး မေးခွန်းပါ ငှက်သိုက်၊ လင်ဇီး၊ ပိုလန်၊ ခေါ်  ဖြည့်စွက်စာ ခေါ် ဓာတ်စာခေါ် ကြော်ငြာဆေး ခေါ် မြန်မာပြည်မှာသာ ရောင်းချဲတဲ့၊ ဆေးနည်းပေးကြတဲ့၊ လူပြောများပြီး မှားယွင်းတဲ့ ပို့စ်တွေ၊ မေးခွန်းတွေကို တင်ပြရတိုင်းမှာ အားနာစရာဖြစ်ပါတယ်။  ရောင်းသူတွေ၊ ပွဲစားတွေနဲ့ သုံးစွဲနေသူတွေကို အားနာတယ်။ နှစ်ပေါင်းများစွာလည်းကြာပြီ။ ထပ်ထပ်လာတော့ ထပ်ထပ် အားနာရတယ်။ ကင်ဆာကို ကုသရတာ ပိုက်ဆံ အင်မတန်ကုန်တယ်။ အပိုတွေ အကုန်မခံပါနဲ့။ အပိုကို အားပြုသူမျိုးဟာ အလိုမှာ မသိဖြစ်တတ်တယ်။  တခြားဖြည့်စွက်စာဆိုတာတွေကလည်း မနည်းမနောရှိသေးတယ်။ အားနာနာနဲ့ ရေးပါတယ်။ မတတ်နိုင်။ ဒေါက်တာတင့်ဆွေ

ဒီဆေးဘယ်မှာဝယ်လို့ရမလဲ ဆေးဆိုင် မသိပါ။  ဆေးဈေး မသိပါ။ ဆေး မရောင်းပါ။ ဆောရီး။ ဆေးအကြောင်း ရောဂါအကြောင်းတွေကိုသာ ရေးပါသည်။ ဒေါက်တာတင့်ဆွေ

အမေက ရင်သားကင်ဆာပါ B ပိုးဆေးသောက်ရင် ဘလို(ဘယ်လို) ခံစားရလဲဟင် အမေက ပင်ပန်းတယ် ‌ပြောလို့  ၂ရက်ခြားတခါ သောက်မယ်လို့ ‌‌ပြောနေတယ်။ ဆရာဝန်ကို မေးတာ မဟုတ်။ တရက်လို့ရေးတာ မှန်။ ကွန်ဂရက်ကျူလေးရှင်း။ ကွန်မင့်ရေးသူတွေပြောတာလည်း အချက်အလက်မှန်တယ်။ ကွန်ဂရက်ကျူလေးရှင်း။ အခြေခံအချက်ကတော့  - ရောဂါအခံတခုခုရှိသူတွေ ကိုဗစ်ကာကွယ်ဆေး ထိုးလို့ရမလား အတော်များများက မေးကြတယ်။ ၉၆ ပါးလောက်ရှိပြီ။ အခြေခံအချက်ကတော့ ရောဂါတခုခုရှိသူ နောက်ထပ်ရောဂါသစ် ထပ်မရရန် လိုတယ်။  - ခုခံအားမကောင်းသူတွေဆို ကာကွယ်ဆေး ပိုလိုတယ်။  - အသည်းရောင်ဘီပိုးရှိသူ နာတာရှည်အသည်းရောင် မဖြစ်အောင် ဆေးနဲ့ စဉ်ဆက်မပြတ် ထိန်းထားရမယ်။ - ဆေးတိုင်းမှာ ဘေးထွက်သက်ရောက်မှုတွေ ရှိတယ်။ စမ်းသပ် ကုသပေးနေတဲ့ ဆရာဝန်တွေက ဆေးမသောက်နဲ့၊ လျှော့သောက်ပါ၊ ရက်ခြာပါ၊ မပြောသူတိုင်း ဆေးထိုးနည်း၊ သောက်နည်၊း လိမ်းနည်း၊ ကင်နည်းတွေ အတိအကျ လိုက်နာရမယ်။ ဒေါက်တာတင့်ဆွေ

၂၀၁၅ ခုနှစ် ဇူလိုင်လတုန်းက HIV ပညာပေးဘလော့ခ်မှာရေးခဲ့တာဖြစ်ပါတယ်။ HIV ပိုးတွေ ပုန်းအောင်နေရာကနေ ထွက်လာအောင် ကင်ဆာဆေးနဲ့လုပ်နိုင်တယ်လို့ ၃၁-၇-၂ဝ၁၅ နေ့ ဆေးသုတေသန သတင်းကဆိုပါတယ်။ Anti-retroviral therapy (ART) ဆေးကနေ ပိုးတွေကို သေစေနိုင်တယ်။ ဒါပေမယ့် ဆေးနဲ့မတွေ့နိုင်တဲ့ ပိုးတွေကိုတော့ ဘာမှမတတ်နိုင်ပါ။ Mississippi baby မစ်ဆစ်စပီ ကလေးမလေးကို ကြည့်ရင် ပိုးအား ခိုအောင်းနေနိုင်စွမ်း ရှိတာ သိသာတယ်။ UC Davis School of Medicine ဆေးကျောင်းမှာ PEP005 ဆေးနဲ့စမ်းသပ်ခဲ့တာဖြစ်ပါတယ်။ ဒီဆေးကို နေလောင်ရာကနေဖြစ်တဲ့ကင်ဆာအတွက်သုံးပါတယ်။ လူနာ ၁၃ ယောက်ဆီကနေယူထားတဲ့ ဓါတ်ခွဲခန်းထဲမှာ ဆဲလ်တွေကို ဆေးနဲ့တွေ့စေခဲ့ပါတယ်။ အခုတွေ့ရှိချက်ဟာ အလွန်စိတ်ဝင်စားစရာကောင်းပါတယ်။ လူနာအတွက်စိတ်ချရမှုကိုတော့ လေ့လာရပါအုံးမယ်။ ဒေါက်တာတင့်ဆွေ 

သို့မဟုတ် ရောင်းကုန်နှင့် အခမဲ့တို့၏ ခြားနားချက်တခု (ကန်တော့) ၁။ အမ္ဗပါလိ (အမ္ဗပါလီ) အမ္ဗပါလိသည် ဝေသာလီပြည်၌ အလှဂုဏ်တို့ဖြင့် ထင်ရှားကျော်ကြားသော ပြည့်တန်ဆာမ(တစ်)ဦးဖြစ်ခဲ့သည်။ ပိုက်ဆံနဲ့ ရောင်းချတဲ့ ဝတ္တုစာအုပ်ထဲက အရေးအသားဖြစ်ပါတယ်။ ၂။ အခမဲ့ဖြန့်ဝေတဲ့ ကျန်းမာရေးအသိပေး ဘလော့်ခ်ထဲက ဖြစ်ပါတယ်။ မနှင်းဆီ ပါးလိုက်တဲ့ HIV သတင်းစကား ခင်ပွန်းဖြစ်သူဆုံးပါးချိန်မှာ မနှင်းဆီ (အမည်လွှဲထား) အသက်က ၂၆ နှစ် ဖြစ်သည်။ အားကိုးရာ မြင်းမိုရ်တောင် ပြိုလဲသွားပြီး နောက်ပိုင်း သားသမီး ၄ ဦးကို ရှာဖွေကျွေးမွေးရမည့် တာဝန်မှာ မုဆိုးမဖြစ်သည့် သူ့ပခုံးပေါ် ကျရောက်လာခဲ့တော့သည်။ ငယ်ရွယ်သူ မုဆိုးမတဦးအတွက် ရွေးချယ်စရာ အလုပ်အကိုင် အခွင့်အလမ်း အနည်းငယ်ထဲကမှ ငွေရလွယ်သည့် ခန္ဓာရင်း၍ စီးပွားရှာသော ညဉ့်ငှက်ဘဝကို မလွှဲမရှောင်သာ သူရွေးချယ်ခဲ့ရသည်။ ဒီလိုနှင့် မနှင်းဆီတယောက် ကလေးမီးဖွားပြီးသည်မှာ ၃ လသာ ရှိသေးသော အချိန်မှာပင် ညဉ့်ငှက်ဘဝကို ဝင်ရောက်ခဲ့တော့သည်။ https://hivinfo4mm.org/ မနှင်းဆီ နေကောင်းပါစေသတည်း။ မြန်မာစာ ခုခံအားကောင်းလာပါစေသတည်း။ ဒေါက်တာတင့်ဆွေ