Magnesium မက်ဂနီဆီယမ်ဓါတ်ဆား

မက်ဂနီဆီယမ်ဟာ စတုတ္ထအများဆုံးဓါတ်ဆားဖြစ်တယ်။ လူ့ခန္ဓာကိုယ်ထဲမှာ ပရိုဆင်းဓါတ်နဲ့တွဲရှိနေတဲ့ မက်ဂနီဆီယမ် ဓါတ်ဆား စုစုပေါင်း ၃၇၅ဝ ရှိတယ်။ အင်ဇိုင်းမ်ပေါင်း ၃ဝဝ မှာ သူပါမှဖြစ်တယ်။ နည်းနေတာ မကောင်းဘူး။ မက်ဂနီဆီယမ် နည်းရင်ဘာဖြစ်သလဲနဲ့ မက်ဂနီဆီယမ်ကြွယ်ဝတဲ့အစားအစာတွေကို ရေးပါမယ်။

1. Muscle Cramps And Spasms ကြွက်တက်တာ၊

ကြွက်သားနာတာတွေဖြစ်မယ်။

2. Cravings For Chocolate ချောကလက်ကို အတင်းစားချင်နေမယ်။ (သူများတိုင်းပြည်မှာပါ။)

3. Anxiety စိုးရိမ်စိတ်ကဲနေမယ်။

4. Insomnia အိပ်မရဖြစ်မယ်။

5. Constipation ဝမ်းချုပ်မယ်။

6. High Blood Pressure သွေးတိုးမယ်။

7. Headache And Migraine ခေါင်းကိုက်မယ်။ မိုင်ဂရင်းဖြစ်နိုင်တယ်။

8. Irregular Heartbeat နှလုံးခုန်မူမမှန်ဖြစ်မယ်။

9. Acid Reflux အက်စစ်ဓါတ်အထက်ဆန်မယ်။

Magnesium မက်ဂနီဆီယမ်ပေါကြွယ်သည့်စားစရာများ

1. Brazil Nuts ဘရာဇီးလ်အစေ့အဆံ

2. Halibut ဟယ်လီဗတ် ပင်လယ်ငါး

3. Cocoa ကိုကိုး

4. Rice Bran ဖွဲနု

5. Cashews သီဟိုဠ်စေ့

6. Quinoa ပင်လယ်စာတမျိုး

7. Pumpkin Seeds ဖရုံစေ့

8. Almonds ဗာဒံ (မက်မွန်) စေ့

9. Spinach ဟင်းနုနွယ်ရွက်

သုတေသနက တခြားတိုင်းပြည်မှာဖြစ်လို့ သူတို့ဆီကအစားအစာတွေသာပါတယ်။ မြန်မာပြည်မှာစားကြတဲ့ ဖွဲနုနဲ့ဆိုင်တဲ့ ဆီကအစ၊ သွားရည်စာ၊ အစေ့အဆီမျိုးစုံ၊ ဟင်းနုနွယ်လိုအရွက်အရွက်တွေမှာ မက်ဂနီဆီယမ်ဓါတ် ပါပါမယ်။

လူဦးရေ ၈ဝ% လောက်မှ မက်ဂနီဆီယမ်ဓါတ်ဆားနည်းနေတယ်။ သုတေသနက အမေရိကန်လူမျိုးတွေမှာလုပ်တာပါ။ မြန်မာပြည်မှာလုပ်ထားတဲ့သုတေသန မတွေ့ပေမယ့် မတိမ်းမယိမ်းရှိမယ်လို့ ယူဆပါတယ်။

မက်ဂနီဆီယမ်ချို့တဲ့နေရင် အားအင်ယုတ်တာခံစားရမယ်။ ကြွက်သားတွေလဲနာမယ်။ ကိုယ်ခန္ဓာထဲမှာ နေရာပေါင်း ၃ဝဝ ကျော်မှာ ပါရတယ်။ ကြွက်သားအလုပ်ကနေ ဟော်မုန်းအထိပါတယ်။ သွေးထဲမှာ မက်ဂနီဆီယမ် ၁% သာနေတယ်။ အများစုက အရိုးနဲ့ အင်္ဂါအစိတ်အပိုင်းတွေမှာ နေကြတယ်။ ယောက်ျားတယောက်ဟာ တနေ့မှာ မက်ဂနီဆီယမ် ၃၁ဝ-၃၂ဝ မီလီဂရမ်လိုတယ်။  အမျိုးသမီးတယောက်ဆိုရင် ၄ဝဝ ကနေ ၄၂ဝ အထိလိုတယ်။

ဒီဓါတ်ဆားနည်းနေရင် အစားအသောက်ပျက်မယ်။ အားယုတ်မယ်။ ဒီလိုမျိုးက အကြောင်းပေါင်းများစွာကနေ ဖြစ်နိုင်လို့ ဆေးစစ်မှသာ နည်းတာကိုသိနိုင်တယ်။ အဆင့်ဆင့်ရှိတယ်။ ထုံကျင်တာ၊ ကြွက်တက်၊ မျက်ခွံလှုပ်တာတာလောက်သာ ခံစားရမှာက အနုစားအဆင့်နဲ့ နှလုံးခုန်မမှန်တာက ဆိုးတဲ့အဆင့်။

ဆိုဒါသောက်တာ၊ ကေဖင်းပါတာတွေသောက်တာကနေ မက်ဂနီဆီယမ်ကိုနည်းစေနိုင်တယ်။ အရက်သောက် များတာကနေလဲ ဗီတာမင် (ဒီ) ကိုနည်းစေလို့ မက်ဂနီဆီယမ်စုပ်ယူနိုင်စွမ်းကိုပါ နည်းစေနိုင်တယ်။ ဖြူဖွေးနေတဲ့ သကြားကြောင့်လဲ ကျောက်ကပ်ကနေ မက်ဂနီဆီယမ်ကိုပိုပြီးစွန်ထုတ်စေတယ်။

မက်ဂနီဆီယမ်ဆေးသောက်တာမှာလဲ လိုတာထက်မပိုစေရပါ။ 350 non-food milligrams ထက်မများစေရပါ။ များသွားရင် Arrhythmia နှလုံးခုန်မမှန်ဖြစ်မယ်။ ဆီးချိုရှိနေရင် ပိုသိသာတယ်။ အစိမ်းရောင်ဟင်းသီးဟင်းရွက်တွေမှာ မက်ဂနီဆီယမ်ပါတယ်။ ဥပမာ ဟင်းနုနွယ်ရွက်ဟင်းတခွက်မှာ ၁၅၇ မီလီဂရမ် ပါတယ်။ ဖယုံစေ့တခွက်မှာ ၁၁၃ မီလီဂရမ်ပါတယ်။

မက်ဂနီဆီယမ်ဓါတ်ဆားနည်းနေရင် (၁ဝ) မျိုးခံစားရနိုင်ပါတယ်။

၁။ Low Energy အင်နာဂျီ ခေါ် ခွန်အားနည်းနေမယ်

၂။ Anxiety and Depression စိုးရိမ်စိတ်ကဲပြီး စိတ်ဓါတ်ကျနေမယ်

၃။ Sleep Problems အိပ်ရေးပျက်မယ်

၄။ Calcification of the Arteries သွေးလွှတ်ကြောတွေမှာ ကယ်လ်စီယမ်ဖြစ်စဉ်ကြောင့်မာနေမယ်

၅။ High Blood Pressure / Hypertension သွေးတိုးမယ်

၆။ Muscle Spasms and Cramps ကြွက်တက်မယ်

၇။ Pregnancy Complaints ကိုယ်ဝန်မှာခံစားရတာတွေရှိမယ်

၈။ Hormone Problems ဟော်မုန်းမညီမျှမှုဖြစ်မယ်

၉။ Bone Health အရိုးကျန်းမာရေးထိခိုက်မယ်

၁ဝ။ Other Mineral Deficiencies တခြားဓါတ်ဆားတွေလည်းနည်းနေမယ် (ဥပမာ ဗီတာမင်ဒီ)

Top 10 Magnesium Rich Foods မက်ဂနီဆီယမ်ကြွယ်ဝတဲ့အစာအသောက် (၁ဝ) မျိုး

၁။ Spinach ဟင်းနုနွယ် 1 cup: 157 milligrams (40% DV)

၂။ Chard အရွက်စိမ်းဖါးဖါးတမျိုး 1 cup: 154 milligrams (38% DV)

၃။ Pumpkin seeds ဖယုံစေ့ 1/8 cup: 92 milligrams (23% DV)

၄။ Yogurt or Kefir နို့ထွက်အစားအစာ 1 cup: 50 milligrams (13% DV)

၅။ Almonds မက်မွန်သီး 1 ounce: 80 milligrams (20% DV)

၆။ Black Beans ပဲသီး ½ cup: 60 milligrams (15% DV)

၇။ Avocado ထောပတ်သီး 1 medium: 58 milligrams (15% DV)

၈။ Figs သင်္ဘောသဖန်းသီး ½ cup: 50 milligrams (13% DV)

၉။ Dark Chocolate ချောကလက်အမည်း 1 square: 95 milligrams (24% DV)

၁ဝ။ Banana ငှက်ပျောသီး 1 medium: 32 milligrams (8% DV)

ဒေါက်တာတင့်ဆွေ