PSA test စစ်ဆေးခြင်း

မေးခွင့်ပြုပါဆရာရှင့် ကျွန်မအမျိုးသားရဲ့ဦးလေး အသက်(၇၅)နှစ်ပါ ဆီးကျိတ်ရှိတာ ၇နှစ်ကျော်ပါပြီ အခုဆီးသွားလို့မရသဖြင့် ဆီးလမ်းကြောင်းအထူးကုဆရာဝန်ကြီးနှင့်ပြသနေပါသည် ဆရာကြီးမှဆီးကျိတ်ကကြီးနေသဖြင့် ခွဲစိတ်မှုမလုပ်ဘဲ လေဆာနှင့်ခြစ်ထုတ်ပစ်ရန်ပြောပါတယ် ဆီးကျိတ်အရွယ်အစားအရ အကုန်ခြေဖျက်ရန်အဆင်မပြေသဖြင့် ရသလောက်ခြစ်ထုတ်ပြီး ကျန်ရှိသည့်ဆီးကျိတ်ကိုဆေးဖြင့်ဆက်လက်ထိန်းထားရန်ပြောပါတယ် ယခုဆေး (၁၀)ရက်စာပေးပြီးတော့ရက်ချိန်းပြန်ပေးလိုက်ပါတယ်ရှင့် လိုအပ်တဲ့စစ်ဆေးမှုတွေအရ PSA အဖြေမှာ သတ်မှတ်ချက်ထက်ပိုပြီးမြင့်တက်နေသဖြင့်အဖြေမကြိုက်ဘူးလို့ပြောပါတယ် ဒီအဖြေအရ ဆီးကျိတ်ကင်ဆာဖြစ်နိုင်ခြေရှိနိုင်လားဆိုတာရယ် ဘယ်လိုစစ်ဆေးမှုတွေဆက်လုပ်သင့်လဲဆိုတာသိချင်ပါတယ်ဆရာရှင့် ဆေးမှတ်တမ်းနှင့်တကွ ဆေးစစ်ချက် Ultrasound Result တို့ကိုပို့ပေးထားပါတယ်

ကျေးဇူးတင်ပါတယ်ဆရာရှင့်

High PSA များတယ်ဆိုတာ

prostatic cancer ဆီးကျိတ်ကင်ဆာ၊

benign prostatic hyperplasia (BPH) ဆီးကျိတ်ကြီးခြင်းနဲ့

infection ပိုးဝင်ခြင်းတွေကြောင့် ဖြစ်တယ်။

age အသက်ကြီးလာရင်လည်း နည်းနည်း များလာတယ်။

အသက် 40-50 yrs = 0-2.5 ပုံမှန်

အသက် 50-60 yrs = 2.5-3.5 ပုံမှန်

အသက် 60-70 yrs = 3.5-4.5 ပုံမှန်

70-80 yrs = 4.5-5.5 ပုံမှန်

မကြာခဏ တင်ပြထားတယ်။ ဆေးစစ်ချက်တွေပို့ရင် ပုံတွေ မလိုအပ်ပါ။ ဆေးစစ်ချက်စာထဲက အောက်ဆုံးက မှတ်ချက်စာကိုသာ ဖတ်လိုတယ်။ လက်ရေးစာတွေ မဖတ်လို။ အသံဖိုင်၊ ဗီဒီယိုဖိုင် မဖွင့်ပါ။ မေးခွန်းပါလူနာကို ဆီးလမ်းအထူးကုဆရာဝန်က လိုတာ ညွှန်ပါမယ်။

ဒေါက်တာတင့်ဆွေ