Salt ဆားများလွန်းလို့ နှလုံးရောဂါနဲ့ သေဆုံးနေရသူပေါင်း တနှစ်မှာ ၁့၆၅ သန်းရှိ
၁၃-၈-၂၀၁၄ နေ့ ဝါရှင်တန်ကနေလာတဲ့သတင်းဖြစ်ပါတယ်။ ကမာ္ဘ့ကျန်းမာရေးအဖွဲ့ရဲ့သတ်မှတ်ချက် တနေ့မှာ ဆား ခေါ် ဆိုဒီယမ် ၂ ဂရမ်ထက်များရင် ကျန်းမာရေးအတွက် အန္တရာယ်ရှိပါမယ်။ ကမာ္ဘမှာ ဆားစားသုံးနေမှု ၂၀၁၀ တုံးက ၃့၉၅ ဂရမ်ရှိနေတယ်လို့ သိရတယ်။ သတိပေးချက်ထက် ၂ ဆရှိနေပါတယ်။ အာဖရိက ဆာဟာရ အောက်ပိုင်းနိုင်ငံတွေက ၂့၁၈ ဂရမ်နဲ့ အာရှအလယ်ပိုင်းက ၅့၅၁ ဂရမ် စားတယ်။ နှလုံးရောဂါနဲ့ သေဆုံးရသူတွေထဲက ၁၀% ဟာ ဆားများလို့ ဖြစ်တယ်။ တနှစ်မှာ ၁့၆၅ သန်းရှိတယ်။
အမေရိကန်ပြည်ထောင်စု မှာ သုတေသနလုပ်ထားတာကိုသာ ဖေါ်ပြနိုင်ပါတယ်။
၁။ ပေါင်မုန့်စသည် = စားသမျှဆားရဲ့ ၇့၂% ၇့၄%
၂။ ပြုပြင်ထားတဲ့အသား = ၅့၅% ၅့၁%
၃။ ပစ်ဇာ = ၅% ၄့၉%
၄။ အသား = ၄့၅% ၄့၅%
၅။ စွပ်ပြုပ် = ၄့၂% ၄့၃%
၆။ ဘာဂါ + ဆင်းဒဝစ်ချ် = ၄့၅% ၄%
၇။ ဒိန်ခဲ = ၃့၉% ၃့၈%
၈။ အသားဟင်းများ = ၃့၅% ၃့၃%
၉။ ပါစတာစသည် = ၃့၄% ၃့၂%
၁ဝ။ သွားရည်စာ = ၂့၈% ၃့၁%။
တနေ့မှာ ဆား ၃့၂၆၆ ဂရမ် လဖက်ရည်ဇွန်း ၁ ဇွန်းခွဲ စားသုံးတယ်။ လဖက်ရည်ဇွန်း ၁ ဇွန်းသာ စားသင့်တယ်လို့ အကြံပြုချက်ထုတ်ထားပါတယ်။
မြန်မာအစားအစာတွေအတွက် သုတေသနမတွေ့သေးပါ။ ကိုယ်စားတာ ငန်သလား ကိုယ်တိုင်သိကြပါမယ်။ ဆိုဒီယမ်ကို ဆားတမျိုးထဲကနေရနေကြတာ မဟုတ်ပါ။ ဆားနဲ့လုပ်ရတဲ့အစားအစာတွေ များလွန်းတယ်။ သိပ်မသိဘဲ သုံးနေကြတာက MSG ဟင်းချိုမှုန့်ဖြစ်တယ်။ အိမ်သုံးဆားရဲ့ ၃ ပုံ ၁ ပုံ ပါတယ်။ ဟင်းချိုမှုန့်ရဲ့ ပြဿနာတခုက စွဲတာဖြစ်တယ်။ သွေးတိုးရောဂါမှာ အငန်လျှော့လေ သက်သာလေဖြစ်တယ်။ ကိုယ်ရောင်နေသူတိုင်းဟာ အငန်မတည့်ပါ။
ဒေါက်တာတင့်ဆွေ
၁၅-၈-၂၀၁၄
Comments
Post a Comment