Yellow Peas စားတော်ပဲ

(၁)

(က) သီးနှံအမည် – စားတော်ပဲ

(ခ) ဒေသအခေါ်အဝေါ် – စားတော်ပဲ

(ဂ) အင်္ဂလိပ်အမည် – FIELD PEA, PEA, GARDEN PEA

(ဃ) ရုက္ခဗေဒအမည် – PISUM SATIVUM LINN

ဟိန္ဒီနှင့် အခြား တောင်အာရှ ဘာသာစကားများတွင် Matar (मटर) သည် အင်္ဂလိပ်ဘာသာဖြင့် Green peas (ပဲစိမ်း / ဥယျာဉ်ပဲ / စားတော်ပဲ) ကို ခေါ်ဆိုသည့် မူရင်းဝေါဟာရ ဖြစ်ပါသည်။

Rani Yellow Peas (Vatana, Matar) 

• Rani (ရာနီ): အိန္ဒိယ ကုန်ပစ္စည်း ကုန်အမှတ်တံဆိပ် (Brand) တခု ဖြစ်ပါသည်။

• Yellow Peas / Vatana (ဝါတာနာ): စားတော်ပဲ / စားတော်ပဲခြမ်း (အဝါရောင်) ကို အိန္ဒိယဘာသာစကားများဖြင့် Safed Vatana သို့မဟုတ် Pila Vatana ဟု ခေါ်ဆိုကြပါသည်။

• Matar (မတာ/မတာရ်): ဟိန္ဒီဘာသာဖြင့် ပဲမျိုးနွယ်ဝင် (Peas) ကို ယေဘုယျအားဖြင့် ခေါ်ဆိုခြင်း ဖြစ်ပါသည်။

(၂)

Yellow split peas စားတော်ပဲခြမ်း

ကျက်ပြီးသား စားတော်ပဲခြမ်း တခွက်စာတွင် ကယ်လိုရီ ၂၃၀ ခန့်၊ ပရိုတင်း ၁၆ ဂရမ်၊ ကာဗိုဟိုက်ဒရိုက် ၄၁ ဂရမ်၊ အမျှင်ဓာတ် ၁၆ ဂရမ်နှင့် အဆီ ၁ ဂရမ်အောက်သာ ပါဝင်ပါသည်။ ကိုလက်စထရော လုံးဝမပါဝင်ဘဲ ဆိုဒီယမ်ဓာတ် နည်းပါးရုံမျှမက သံဓာတ်၊ ပိုတက်စီယမ်နှင့် မဂ္ဂနီစီယမ်ကဲ့သို့ မရှိမဖြစ် လိုအပ်သော သတ္တုဓာတ်များ ကြွယ်ဝစွာ ပါဝင်ပါသည်။

အဓိက အဟာရဓာတ်များ (Key Macronutrients)

• ကယ်လိုရီ: ကျက်ပြီးသား တခွက်စာလျှင် ~၂၃၀ kcal ခန့်

• ပရိုတင်း: ကြွက်သားများကို အထောက်အကူပြုသည့် အပင်ထွက်ပရိုတင်း ~၁၆ ဂရမ် ခန့်

• ကာဗိုဟိုက်ဒရိုက်: ရှုပ်ထွေးသော ကစီဓာတ်အမျိုးအစား ~၄၁ ဂရမ် ခန့်

• အမျှင်ဓာတ်: အစာချေဖျက်မှုကို အထောက်အကူပြုပြီး ဗိုက်ဝစေသည့် အမျှင်ဓာတ် ~၁၆ ဂရမ် ခန့်

• အဆီ: ၁ ဂရမ်အောက်

ဗီတာမင်နှင့် သတ္တုဓာတ်များ

• ပိုတက်စီယမ်: ကျက်ပြီးသား တခွက်စာလျှင် ၇၀၀ မီလီဂရမ်အထက်

• ဖော့စဖောရက်စ်: ~၁၉၄ မီလီဂရမ် ခန့်

• မဂ္ဂနီစီယမ်: ~၇၀ မီလီဂရမ် ခန့်

• သံဓာတ်: ~၂.၅ မီလီဂရမ် ခန့်

• ဗီတာမင် ဘီအုပ်စု: ဖောလိတ် (Folate) နှင့် သိုင်ယာမင်း (Thiamin) တို့ မြင့်မားစွာ ပါဝင်ပါသည်

ကျန်းမာရေး အကျိုးကျေးဇူးများ

• ဂလူးကို့စ်အညွှန်းကိန်း နည်းပါးခြင်း (Low Glycemic Index): ပါဝင်သော ရှုပ်ထွေး ကစီဓာတ်များသည် ဖြည်းဖြည်းချင်းသာ အစာကျေဖျက်သဖြင့် သွေးတွင်းသကြားဓာတ်ကို ငြိမ်အောင် ထိန်းပေးပါသည်။

• နှလုံးကျန်းမာရေးကို အထောက်အကူပြုခြင်း: ပျော်ဝင်လွယ်သော အမျှင်ဓာတ်များသည် ကိုလက်စထရောပမာဏကို လျှော့ချပေးနိုင်ပါသည်။

• အစာအိမ်နှင့် အူလမ်းကြောင်း ကျန်းမာရေး: အမျှင်ဓာတ် ကြွယ်ဝစွာ ပါဝင်သဖြင့် ပုံမှန် အစာချေဖျက် စွန့်ထုတ်မှုကို အားပေးပါသည်။

(၃) 

One cup of boiled green garden peas 

ပြုတ်ပြီးသား မာတာပဲ တခွက်စာတွင် ကယ်လိုရီ ၁၃၄ kcal၊ ပရိုတင်း ၈.၆ ဂရမ်နှင့် အမျှင်ဓာတ် ၈.၈ ဂရမ် ပါဝင်ပါသည်။ စားတော်ပဲခြမ်း (Yellow split peas) များသည် အခြောက်ခံ၍ ခြမ်းထားခြင်းဖြစ်၍ ကယ်လိုရီနှင့် ပရိုတင်းဓာတ် ပိုမိုသိပ်သည်းသော်လည်း မတာပဲများကိုမူ နုပျိုချိုမြိန်စဉ် ရိတ်သိမ်းထားခြင်းဖြစ်၍ ရေဓာတ်ပိုမိုပါဝင်ပြီး ကယ်လိုရီနည်းကာ ဗီတာမင် စီ ပိုမိုကြွယ်ဝပါသည်။

အာဟာရဓာတ် ပါဝင်မှု ပြဇယား (Nutrition Breakdown)

• ကယ်လိုရီ: ပြုတ်ပြီးသား တခွက်စာလျှင် ၁၃၄ kcal

• ပရိုတင်း: အပင်ထွက် ပရိုတင်း ၈.၆ ဂရမ်

• ကာဗိုဟိုက်ဒရိုက်: သဘာဝသကြားဓာတ် ပါဝင်မှုအပါအဝင် ၂၅ ဂရမ်

• အမျှင်ဓာတ်: အူလမ်းကြောင်းကျန်းမာရေးကို အဓိကအားပေးသည့် အမျှင်ဓာတ် ၈.၈ ဂရမ်

• အဆီ: ၀.၄ ဂရမ် (အဆီဓာတ် လုံးဝမရှိသလောက် နည်းပါးပါသည်)

• ဗီတာမင် စီ: တနေ့တာ လိုအပ်ချက်၏ ၃၅ ရာခိုင်နှုန်းအထက်

အဓိက ကွဲပြားချက် - မာတာပဲ နှင့် စားတော်ပဲခြမ်း (Green vs. Yellow Peas)

စားတော်ပဲခြမ်းများသည် အခြောက်ခံ၍ သိပ်သည်းဆ မြှင့်ထားခြင်းဖြစ်သောကြောင့် လတ်ဆတ်သော မတာပဲပြုတ်များနှင့် အာဟာရဓာတ် ပါဝင်မှု ပမာဏ သိသိသာသာ ကွဲပြားခြားနားပါသည်။

(၄)

စားတော်ပဲကို အိန္ဒိယမှာတုန်းကလည်း မကြာခဏစားကြတယ်။ တခါတလေ စားတော်ပဲနဲ့ မတူသလို ထင်ခဲ့တယ်။

ယူအက်စ်အေမှာ မနှစ်က ဒီလိုနေ့မှာ စားတော်ပဲပြုတ်တာ ငယ်ငယ်က ပဲပြုတ်သည်ရဲ့ ခံတောင်းထဲကရတဲ့ အနံ့အတိုင်းပဲ။ 

မုံရွာအိမ်မှာ ညနေပိုင်း ၃ နာရီလောက်ဆို အသည်လာပြီ။ အမေကဝယ်တယ်။ စားတော်ပဲ၊ စွန်တာနီနဲ့၊ ပဲဖြူလေး။

ပဲနီ (စွန်တာနီ) နဲ့ ပဲဖြူလေးက ရေနွေးသောက်ပန်းကန် တခွက် ၁၅ ပြား၊ စားတော်ပဲက ပြား ၂၀၊ ၂၅ ပြား (တမတ်)။

ဒီကရတဲ့ တံဆိပ်ကိုသေချာဖတ်တော့ ကနေဒါထွက်တဲ့။ အမေရိကန်ဈေးကွက်အတွက်တဲ့။ တံဆပ်အမည်နဲ့ ဒီဇိုင်းက မြင်တာနဲ့ အိန္ဒိယလို့သိတယ်။ ဗမာတွေက ကြိုက်တယ်။

World is peas ကမ္ဘာကြီးသည် ပဲဖြစ်၏။

ဒေါက်တာတင့်ဆွေ