"ညောင်ရွှေ နှင့် မန်ကျည်းရွက်"

ညောင်ရွှေစျေးမှာ မန်ကျည်းရွက်ရောင်းနေတာ တွေ့ပေါ့တဲ့။ ၂စျေး ၃စျေး တောင်ရှိနေပေါ့ဆိုဘဲ။  စျေးကလဲ ပေါမှပေါ။ လိုက်ဖက်ဟင်းတွေနဲ့ မန်ကျည်းရွက်ချဥ်ရေမန်ကျည်းရွက်သုတ် တွေကို ကြိုက်ကြတဲ့ ညောင်ရွှေသူ/သား များအတွက် လွမ်းစရာပါနော။

ညောင်ရွှေသား သူငယ်ချင်းက တင်ထားတာ။ သူကလည်းဆရာဝန်။ ကျွန်တော်အညာသားလည်း မန်ကျည်းရွက် ကြိုက်တယ်။ ဆရာဝန်ဆိုတာ ကျန်းမာရေးမှာ အမြင်မတော်တာတွေကို ထောက်ပြရတယ်။

ကျီးပေါင်းအတွက် မန်ကျည်းရွက်ကို ခေါင်းအုံးအိပ်ရင် ပျောက်တယ် တဲ့။ အရပ်ဆေးနည်းတွေထဲမှာ အသံထွက်ဆင်တူတာလိုက်ပြီး ဆေးနည်းပေးကြတယ်။ မှားတယ်။ မှန်တာ တခုမှ မရှိပါ။ 

• ကင်ဆာနဲ့ ကင်ပွန်းရွက်နဲ့ မဆိုင်။

• ကျီးပေါင်း နဲ့ မန်ကျည်းရွက် မဆိုင်။

• ကိုဗစ်နဲ့ ဗစ်ပရုပ်ဆီနဲ့ မဆိုင်။

• ခါးနာနဲ့ ခရမ်းခါးသီးနဲ့ မဆိုင်။

• ဆီးချိုနဲ့ နွားချိုနဲ့ မဆိုင်။

• တုပ်ကွေးနဲ့ ဒုတ်ကွေး မဆိုင်။

• ဒူးနာနဲ့ ဒူးရင်းသီးနဲ့ မဆိုင်။

• လျှာနာနဲ့ နွားလျှာ မဆိုင်။

• လိပ်ခေါင်းနဲ့ လိပ်ဥနဲ့ မဆိုင်။

• လေနာနဲ့ လေတိုက်တာနဲ့ မဆိုင်။

• ဝက်သက်နဲ့ ဝက်သားနဲ့ မဆိုင်။

• သန်ကောင်နဲ့ သံချောင်းနဲ့ မဆိုင်။

ဒီအရပ်မှာတော့ မန်ကျည်းရွက် မူးလို့တောင် ရှူစရာမရှိ။ မန်ကျည်းရွက်က အမူးပျောက်ဆေးတော့ မဟုတ်ပါ။

ဒေါက်တာတင့်ဆွေ