Fluocinonide (ဖလူအိုစီနိုနိုက်) ခရင်

မဂ်လာပါဆရာရှင့်။ ဆရာဝန်က အနာအတွက် Fusidic acid ပေးပါတယ်ဆရာရှင့် ဆယ်ရက်ခန့်လိမ်းပြီးပါပြီ။ပျောက်သွားတဲ့အနာပေါ်မှာ အဖုအသေးလေးတွေထပ်ထွက်လာပြီး ယားပါတယ်ဆရာရှင့် ဆရာဝန်ပေးတဲ့ Fusidic ဆက်လိမ်းရအုံးမလားရှင့် Fluocinonide cream လိမ်းလို့ရပါသလားရှင့် ဖြေကြားပေးပါဆရာရှင့်။

Fluocinonide (ဖလူအိုစီနိုနိုက်) ခရင်သည် ပြင်းအားမြင့်မားသော ဆရာဝန်ညွှန်ကြားချက်ဖြင့်သာ သုံးစွဲရသည့် စတီးရွိုက် (corticosteroid) လိမ်းဆေးတစ်မျိုး ဖြစ်သည်။ ၎င်းကို အမျိုးမျိုးသော အရေပြားပြဿနာများကြောင့် ဖြစ်ပွားတတ်သည့် ရောင်ရမ်းခြင်း၊ နီမြန်းခြင်း၊ ဖောင်းကြွခြင်း၊ အရေပြားကွာခြင်းနှင့် ယားယံခြင်းတို့ကို အမြန်ဆုံး သက်သာစေရန် အသုံးပြုသည်။

၎င်းကို အောက်ပါအရေပြားရောဂါများအတွက် အများဆုံး အသုံးပြုကြသည် -

နှင်းခူ (Eczema / Atopic Dermatitis): အရေပြားခြောက်သွေ့ခြင်း၊ ယားယံခြင်းနှင့် အနီကွက်များ ဖြစ်ပေါ်ခြင်းတို့ကို သက်သာစေသည်။

ဇက်ပိုးနာ/စောရီယေးစစ် (Psoriasis): ထူထဲပြီး နီမြန်းကာ အကြေးခွံကဲ့သို့ ကွာကျနေသော အရေပြားအကွက်များကို လျော့ပါးသက်သာစေသည်။

အရေပြားရောင်ရမ်းခြင်းနှင့် ဓာတ်မတည့်ခြင်းများ (Dermatitis & Allergies): အရာဝတ္ထုတခုခုနှင့် ထိတွေ့မိ၍ ဖြစ်ပွားသော အရေပြားရောင်ရမ်းခြင်း (contact dermatitis)၊ အင်းဆက်ကိုက်ခံရ၍ ပြင်းထန်စွာရောင်ရမ်းခြင်းနှင့် အခြားသော ဓာတ်မတည့်မှုကြောင့်ဖြစ်သည့် အရေပြားတုံ့ပြန်မှုများကို ကုသပေးသည်။

Fluocinonide သည် ပြင်းအားကောင်းသော စတီးရွိုက်ဆေးတမျိုး ဖြစ်သောကြောင့် ၎င်းကို များသောအားဖြင့် ကာလတို (ယေဘုယျအားဖြင့် ၂ ပတ်အထိသာ) သုံးစွဲလေ့ရှိပြီး ဆရာဝန်က အတိအကျ ညွှန်ကြားထားခြင်းမရှိပါက မျက်နှာ၊ ပေါင်ခြံ သို့မဟုတ် ဂျိုင်းကြားတို့တွင် မလိမ်းရပါ။ ဤဆေးသည် အပြင်ပိုင်း လိမ်းရန်အတွက်သာဖြစ်ပြီး အရေပြားပိုးဝင်ခြင်း (Skin infections) များကိုမူ ကုသနိုင်ခြင်းမရှိပါ။

ဒေါက်တာတင့်ဆွေ