"ဆေး"
- ဆေးစိမ် ဘာညာ။
- ဘဲဥတဲ့။
- ဆေးအုပ် ဘာညာ။
- ငှက်ပျောသီးတဲ့။
"ဆေး" ဆိုတဲ့ဝေါဟာရက အစွမ်းထက်တယ်။
- ခေါင်းကိုက်တာလည်း ပျောက်စေနိုင်တယ်။
- ကင်ဆာကိုလည်း ကုလို့ရတယ်။
ဆေးသမာကလည်း တမျိုးမက ရှိတယ်။
- ဆေးကုပေးသူ။
- ဆေးသုံးစွဲသူ။
ဆေးကုပေးသူတွေကလည်း အမျိုးမျိုး။
- ရိုးရိုးဆရာဝန်
- အထူးကုဆရာဝန်
- ရမ်းကုဆရာ
- ဖေ့စ်ဘွတ်ဆရာ
ဆေးက တန်ခိုးကြီးပါပေတယ်။
- ကာယရောဂါမပျောက်လည်း စိတ်သက်သာရစေတာလည်းရှိတယ်။
- ၉၆ ပါးပျောက်သည်ဆို ရောင်းကောင်းတဲ့ခေတ်။
- မိုးမွှန်နေအောင်ပြောရင် ဝယ်သူများတဲ့ခေတ်။
- လူပုံပြရောင်းရင် အော်ဒါတွေများတဲ့ခေတ်။
ပျောက်ရင် ကောင်းပါတယ်။
ပျောက်နည်းကလည်း အမျိုးမျိုး။
- ရောဂါပျောက်၊
- ပိုက်ဆံပျောက်၊
- အသက်ပျောက်။
ကျန်းမာကြစေသတည်း။
ဒေါက်တာတင့်ဆွေ
Comments
Post a Comment