Wuhan Pneumonia တနှစ်တိတိက ကျန်းမာရေးသတင်း

31 Dec 2019 

WHO ရဲ့ တရုပ်ပြည်ဆိုင်ရာရုံးကနေ Wuhan Municipal Health Commission ဝဘ်ဆိုက်မှာတင်ထားတဲ့ သတင်းတခုကို ရရှိတယ်။ Viral pneumonia in Wuhan လို့ တင်ထားတယ်။ WHO ရဲ့ တရုပ်ပြည်ဆိုင်ရာရုံးကနေ International Health Regulations (IHR) ကို အကြောင်းကြားလိုက်တယ်။ WHO ရဲ့ Epidemic Intelligence from Open Sources (EIOS) ကလည်း ဒီသတင်းကိုရရှိတယ်။


1 January 2020

WHO ကနေ တရုပ်တာဝန်ရှိသူများထံ သတင်းထုတ်ပြန်ပေးပါရန် အြေ့ာင်းကြားလိုက်တယ်။ WHO က အရေးပေါ်အဖြစ် Incident Management Support Team (IMST) ကိုစတင်ဆောင်ရွက်တယ်။ 


2 January 2020

တရုပ်ပြည်ဆိုင်ရာ WHO ကိုယ်စားလှယ်ကနေ တရုပ် National Health Commission ထံစာရေးတင်ပြပြီး WHO က ရောဂါအတွက် ကူညီမှုပေးပါမယ်လို့ တင်ပြတယ်။ သတင်းထုတ်ပြန်ပါရန်လည်း ထပ်မံတောင်းဆိုတယ်။ WHO ကနေ Global Outbreak Alert and Response Network (GOARN) ဆီအကြောင်းကြားတယ်။ 


3 January 2020

တရုပ်တာဝန်ရှိသူတွေကနေ WHO ကိုအြေ့ာင်းပြန်တယ်။ viral pneumonia of unknown cause identified in Wuhan လို့ ပါရှိတယ်။ အမျိုးအမည်မသိသေးတဲ့ ဗိုင်းရပ်စ်ကနေဖြစ်တဲ့ နူမိုးနီးယား ရောဂါ။


4 January 2020

WHO က အဲဒီသတင်းကို တွစ်တာကနေရေးတယ်။ တရုပ်ပြည် Hubei ပြည်နယ် Wuhan မှာ အမျိုးအမည်မသိသေးတဲ့ ဗိုင်းရပ်စ်ကနေဖြစ်တဲ့ နူမိုးနီးယား ရောဂါဖြစ်နေ။ သေဆုံးမှု မရှိသေး။ 


January 04, 2020

ကျွန်တော့်ဖေ့စ်ဘွတ်မှာ မြန်မာပြည်သူပြည်သားတွေအတွက် ဒီရောဂါသတင်းကို စတင်တင်ပြလိုက်ပါတယ်။


Wuhan pneumonia ဝူဟန် နူမိုးနီးယား

(စ) ၂၄ နာရီအတွင်းက သတင်းဖြစ်ပါတယ်။ တရုပ်ပြည် အလယ်ပိုင်း ဝူဟန်မြို့က စတင်ပြီး အခု စင်္ကာပူမှာလည်း သံသယဖြစ်စရာ တွေ့ရှိလာတယ်။ ဟောင်ကောင်မှာလည်း သတိထားနေရပြီ။ ဗိုင်းရပ်စ်တမျိုးကနေဖြစ်တဲ့ရောဂါ။ ဖြစ်နေကျ မဟုတ်တဲ့ နူမိုးနီးယား။ တရုပ်ပြည်မှာ လူနာ ၄၄ ယောက်။ ၁၁ ယောက်ကဆိုးဝါးတယ်။


တရုပ်ပြည်ကစတင်တဲ့ Sars virus ဆားစ်ဗိုင်းရပ်စ်ကြောင့် ၂၀၀၂-၂၀၀၃ တုန်းက တကမ္ဘာလုံးမှာ လူ ၇၀၀ သေဆုံးခဲ့ရလို့ လူတွေက စိုးရိမ်နေကြတယ်။ ဆိုရှယ်မီဒီယာကနေ အစိုးရိမ်လွန်အောင် ရေးသားလို့ တရုပ်ပြည်မှာ ၈ ယောက်ကို အရေးယူထားတယ်။


အခုထိ လူကနေ လူကို ကူးစက်တာ မတွေ့သေးပါ။ ပင်လယ်စာလုပ်ငန်းမှာ လုပ်ကိုင်နေသူတွေမှာ ကူးစက်ခံရတယ်။ ၄-၁-၂၀၂၀ နေ့က စင်္ကာပူမှာ ၃ နှစ်သမီးလေးတယောက်ကို ရောဂါသံသယရှိထားတယ်။ တရုပ်ပြည် ဝူဟန်ကပြန်လာသူ။


တိရစ္ဆာန်တွေ၊ ငှက်တွေ၊ ယုန်၊ တောနေကောင်လေးတွေမှာလည်း ဗိုင်းရပ်စ်ပိုး ကူးစက်နိုင်တယ်။ Respiratory Syncytial Virus ဗိုင်းရပ်စ်ကနေ အသက်ရှူလမ်းမှာ ရောဂါတွေရစေနိုင်တယ်။ ပင်လယ်စာမှာလည်း လက်ကားရောင်းရာနေရာကနေ ဖြစ်တယ်။ (ဆုံး)


ကိုဗစ်-၁၉ ကပ်ရောဂါ အဲဒီကနေစပါတယ်။ တနှစ်တိတိရှိပြီ။ တနှစ်အတွင်းမှာ သတင်းလိမ် သတင်းမှာတွေနဲ့ နပမ်းလုံးခဲ့ရတယ်။ ဘလော့ရတာတွေလည်း မနည်းပါ။ ၂၀၂၁ မှာ လူလိမ်တွေ နည်းပါစေသတည်း။


ဒေါက်တာတင့်ဆွေ

၎-၁-၂၀၂၀

၃၁-၁၂-၂၀၂၀


Comments

Popular posts from this blog

Cancer-Fighting Foods ကင်ဆာအတွက် အကောင်းဆုံးအစားအစာ

Colorectal cancer အူမကြီး ကင်ဆာ

Allergic skin အရပွေား အလာဂြီ