Metformin ဆီးချိုစားဆေး ဘယ်လိုပေး
Metformin ဆေးကို အစာနဲ့သောက်သင့်တယ်။ ဘာလို့လည်းဆိုတော့ အစာရှိရင် ဆေးကို ကိုယ်ကနေစုပ်ယူတာ ပိုကောင်းတယ်။ နောက်ပြီး ဆေးရဲ့ဘေးထွက်ဆိုးကျိုးလည်း နည်းစေမယ်။ အစာမစားမီလည်းသောက်နိုင်တယ်။ ဘာလို့လည်းဆိုတော့ ဆေးသောက်ထားလို့ သွေးထဲကို ဆေးရာက်ချိန်မှာ သကြားဓါတ်တက်လာတော့မှာကို အဆင်သင့်လျှော့ချပေးမယ်။ စားပြီးပြီးချင်းလည်း သောက်နိုင်တယ်။ ဆေးအညွှန်းအတိုင်းသောက်တာ အကောင်းဆုံး ဖြစ်တယ်။ ဆေးကို ဝါးမစားပါနဲ့။ ရေတခွက်နဲ့သောက်ပါ။
• အသက် 10 to 16 500 mg တနေ့ ၂ ကြိမ်၊ တနေ့ 2000 mg အကြိမ်ခွဲပေးတာ အများဆုံး၊
• အသက် 17 နှင့်အထက် 500 mg တနေ့ ၂ ကြိမ်၊ (သို့) 850 mg တတေ့ ၁ ကြိမ်၊ တနေ့ 2550 mg အကြိမ်ခွဲပေးတာ အများဆုံး။
• Metformin + Insulin 500 mg တနေ့ ၁ ကြိမ်၊ တနေ့ 2500 mg အများဆုံး၊ metformin ER ဆိုရင် တနေ့ 2000 mg အများဆုံး၊
• တချို့အထူးကုဆရာဝန်တွေကတော့ သတ်မှတ်ချက်မထားဘူး။ လူကြီးအတွက် 2550 mg ကို အများဆုံး၊ ကလေး (၁ဝ-၁၆) အတွက် 2000 mg အကြိမ်ခွဲပေးလို့ သတ်မှတ်တာလဲရှိတယ်။
• 500 mg တနေ့ ၂ ကြိမ်၊ ဒါမှမဟုတ် 850 mg တနေ့ ၁ ကြိမ်နဲ့ စပေးတယ်။ တပါတ်မှာ တခါ 500 mg ဒါမှမဟုတ် ၂ ပါတ်မှာ 850 mg တိုးပေးပြီး၊ အများဆုံး 2000 mg အကြိမ်ခွဲပေးတာလဲရှိတယ်။
• ၂ ပါတ်နေရင် 500 mg တနေ့ ၂ ကြိမ်၊ ဒါမှမဟုတ် 850 mg တနေ့ ၂ ကြိမ်နဲ့ ပေးတာလဲရှိတယ်။ ဒီနည်းမှာ တနေ့ အများဆုံး 2550 mg အကြိမ်ခွဲပေးစေတယ်။
• ကလေးတွေကို 500 mg တနေ့ ၂ ကြိမ်စပေးပြီး၊ တပါတ်မှာ 500 mg တိုးပေးပြီး၊ အများဆုံး 2000 mg အကြိမ်ခွဲပေးတယ်။
Metformin ဘေးထွက်-ဆိုးကျိုးများ
သာမန်ဘေးထွက်-ဆိုးကျိုးတွေက ခေါင်းကိုက်၊ ကြွက်သားနာမယ်။ အားနည်းမယ်။ ပျို့ချင်မယ်။ ဝမ်းပျက်မယ်။ ဗိုက်နာမယ်။ ဆီးချိုရှိနေသူတိုင်း ဆေးကြောင့်မဟုတ်ဘဲ ဆီးချိုကနေဆက်ဖြစ်တာတွေကိုသာ သတိထားရမယ်။
ဆေးနဲ့မတည့်သူတွေရှိတယ်။ တခါမှမသောက်ဘူးသူက သတိထားရမယ်။ အင်ပြင်ထွက်မယ်၊ မျက်နှာ၊ လည်ချောင်းရောင်လာမယ်၊ အသက်ရှူကြပ်မယ်၊ ရှော့ခ်ရမယ်။
ဒေါက်တာတင့်ဆွေ
မြန်မာစာ တိတိကျကျဖတ်လို့ရပါတယ်။
ReplyDeleteကျေးဇူးပါဆရာ။