Mosquito coils health concerns ခြင်ဆေးခွေနှင့် ကျန်းမာရေး

ဆရာရေးသားပေးပါသောပြည်သူ့ကျန်းမာရေး ပို့စ်များအတွက်ကျေးဇူးများစွာတင်ရှိပါတယ်လို့ဦးစွာပြောကြားလိုပါတယ် ကျနော်တခုတောင်းဆိုချင်လို့ပါ ကိုဗစ်ဖြစ်သောလူနာများအိမ်တွင် မြန်မာလူမျိုးများ၏အလေ့အကျင့်အရ ခြင်ဆေးခွေထွန်းခြင်း၏နောက်ဆက်တွဲဆိုးကျိုးများကိုရေးသားပေးဖို့တောင်းဆိုပါရစေ ကျေးဇူးတင်ပါတယ် ဆရာ

မြန်မာပြည်မှာ ခြင်က အတော်ကိုဒုက္ခပေးပါတယ်။ နှစ်တွေကြာပြီ။ အခြေခံအဆောက်အအုံ တိုးတက်မှုက အတော်ကို နှေးတယ်။ စစ်တပ်က အာဏာသိမ်းပြီး ကျန်းမာရေးစောင့်ရှောက်မှုပါ ပိုနှေးတော့တယ်။

insecticide products ခေါ် အင်းဆက်ကောင်တွေအတွက် သုံးနေတာတွေက ယေဘုယျအားဖြင့် စိတ်ချရပါတယ်။

smouldering mosquito coil ခြင်ဆေးခွေမီးရှို့သုံးတာမှာ သတိထားစရာတွေရှိတယ်။ ခြင်ဆေးခွေတခုကို မီးရှို့ခြင်းဟာ စီးကရက် ၇၅ လိပ်ကနေ ၁၃၇ လိပ်ကို မီးရှို့ခြင်းနဲ့ တူတယ်လို့ သုတေသနတခုက ဆိုပါတယ်။ 

ခြင်ဆေးခွေနဲ့ စီးကရက်မှာ Heavy metals ဓါတ်တွေ ပါတယ်။ အသက်ရှူလမ်းကို ဒုက္ခပေးတယ်။

ခြင်ဆေးခွေကို အခန်းထဲမှာ (၈) နာရီအထိသာ ထွန်းသင့်တယ်လို့ အိန္ဒိယသုတေသနတခုက ဆိုပါတယ်။

ခြင်ဆေးခွေကို မတော်တဆ စားမိရင် လည်ချောင်းနာ၊ ပျို့၊ အန်၊ ဗိုက်နာမယ်။ 

ဆေးလိပ်ငွေ့၊ ခြင်ဆေးခွေမီးရှို့ခြင်းအပါအဝင် လေကို သဘာဝအတိုင်း မဟုတ်စေတာမှန်သမျှ အသက်ရှူခြင်းကို မကောင်းဖြစ်စေနိုင်တယ်။ 

အငွေ့အသက်တွေ၊ အနံ့တွေ၊ စက်ရုံနဲ့ မီးဖိုက ညှော်နဲ့တွေ။ 

အနံ့ဆိုတာ မီးဖိုက ဆီညှော်တာကိုသာ မြင်ကြသူက များတယ်။ 

သဘာဝလေထဲမှာ တခြားအနံ့အသက်တိုင်းက လေထုမှာပါဝင်တဲ့ ဓါတ်ငွေအချိုးအစားကို ပြောင်းစေတယ်။ 

လေထဲမှာ အောက်စီဂျင် (၂၁%) ပါတာ ပုံမှန်။ 

ရေမွှေးကို လိုတာထက် များလွန်းရင်လည်း အောက်စီဂျင် (%) နည်းစေမယ်။

Mosquito control summary ခြင်နှိမ်နင်းရေးအချုပ် https://dr-tint-swe.blogspot.com/2021/06/mosquito-control-summary.html

Insecticide-Treated Bed Nets ခြင်ထောင်ကို ခြင်ဆေးစိမ်နည်း https://dr-tint-swe.blogspot.com/2021/07/insecticide-treated-bed-nets.html

ဒေါက်တာတင့်ဆွေ


Comments

Popular posts from this blog

Hair Loss (1) ဆံပင်ကျွတ်ခြင်း (၁)

Omicron Positive အိုမီခရွန် ကူးစက်ခံရလျှင်

Ringworm ပွေး