Most cancer types just bad luck ကင်ဆာနဲ့ ကံတရား

-

နိုင်ငံရေးကို အကဲဒမစ် ခေါ် လေ့လာ သုတေသနဘက်မှာ အားသန်သူတဦးနဲ့ တလောက လက်ဖက်ရည်ဆိုင်မှာ စကေားပြောကြယင်း ကင်ဆာနဲ့ ကံတရားကို ပြောမိတော့ ရှိသလားလို့ မေးပါတယ်။ ရေးထားတာတခုကို တင်ပြမယ်။ မနှစ်က ရေးထားတာ။ မူရင်း ဆေးပညာဆောင်းပါးကို ဘီဘီစီ အင်္ဂလိပ် ဝဘ်ဆိုက်မှာ ၂-၁-၂၀၁၅ တုန်းက တင်ထားတာ။
Most cancer types just bad luck https://www.bbc.com/news/health-30641833
Luck ကို ကံ၊ ကံကောင်းခြင်း၊ ကံတရားလို့ ဘာသာပြန်ကြပါတယ်။ အခုဆေးသုတေသနအရ ကံမကောင်းခြင်းပါ ထည့်ရမလို။
ကျွန်တော်ဆေးပညာစာတွေရေးတာ ဖြေတာထဲမှာ ဘာလို့ဖြစ်မှန်းမသိနိုင်သေးတဲ့ ရောဂါတွေဆိုရင် ကံ၊ စိတ်၊ ဥတု၊ အာဟာရဆိုတဲ့အကြောင်းလေးပါးကို ထည့်ရေးပါတယ်။ ဆေးသုတေသနအရရေးတာတော့ မဟုတ်ပါ။ ၂-၁၂-၂၀၁၅ နေ့ထွက် ဆေးသုတေသနသတင်းအရ ကျွန်တော်ပြောတာ မမှားကြောင်းသိလာရပါတယ်။
အမေရိကန်သုတေသနလုပ်တဲ့အဖွဲ့တခုရဲ့ တွေ့ရှိချက်အရ (တစ်ရှူး) အမျိုးအစားတချို့ဟာ ကင်ဆာဖြစ်စေဘို့ အဆပေါင်း သန်းနဲ့ချည်ပြီး ခံနိုင်ရည်မရှိကြတာကို သိလာတာဖြစ်ပါတယ်။ လေ့လာမှုလုပ်သမျှ ကင်ဆာတွေထဲက ၃ ပုံ ၂ ပုံဟာ မတော်တဆပြောပြော ကံတရားအရဆိုဆို (မြူတေးရှင်း) ဖြစ်ကြတယ်။ လူနေမှုပုံစံအရ ကင်ဆာဖြစ်တယ်လို့ပြောမရပါ။
လူ့ကိုယ်မှာ (ဆဲလ်) တွေဟာ အသစ်ဖြစ်လာ၊ ရင့်အိုပြီး သေနေကြတယ်။ အသစ်ဖြစ်ဘို့ရာ (စတမ်ဆဲလ်) တွေက ပွါးများလာရတယ်။ အဲဒီပွါးများဖြစ်စဉ်မှာ (မြူတေးရှင်း) ခေါ်တဲ့ မဖြစ်သင့်တာကိုပြောင်းရင် ကင်ဆာဖြစ်နိုင်တယ်။
ဆေးသုတေသနလုပ်သူတွေကနေ (စတမ်ဆဲလ်) ၃၁ မျိုးကို လေ့လာတယ်။ တွေ့ရှိချက်ကတော့ ကင်ဆာ ၃ ပုံ ၂ ပုံဟာ ကံမကောင်းလို့ဖြစ်တာကိုတွေ့လာရတယ်။ အဲလိုဖြစ်တာကို တားလို့လဲမရပါ။ အဲဒီကင်ဆာအမျိုးအစားတွေထဲမှာ Glioblastoma ခေါ်တဲ့ ဦးနှောက်ကင်ဆာ၊ အူသိမ်ကင်ဆာနဲ့ သရက်ရွက်ကင်ဆာတွေ ပါတယ်။
လူနေမှုပုံစံကြောင့်ဖြစ်ရတာတွေလဲ အသေအချာရှိပါတယ်။ အရက်သေစာသောက်တာ၊ နေရောင်ထဲအကြာကြီးနေတာ၊ ကိုယ်အလေးချိန်များတာတွေပါတယ်။ ဆေးလိပ်သောက်လို့ ကင်ဆာဖြစ်ရတာ ကင်ဆာအားလုံးရဲ့ ၅ ပုံ ၁ ပုံရှိပါတယ်။
- Basal cell carcinoma (ဘေဆယ် ဆဲလ် ကာစီနိုးမား) အရေပြားကင်ဆာက ခရမ်းလွန်ရောင်ခြည်များတာနဲ့ ဆိုင်တယ်။
- Lung cancer အဆုပ်ကင်ဆာက ဆေးလိပ်နဲ့ဆိုင်တယ်။
- Colon cancer အူမကြီးကင်ဆာက အစားအသောက်ညံ့တာနဲ့ မျိုးဗီဇနဲ့ဆိုင်တယ်။
အမေရိကမှာ ၆့၉% အဆုပ်ကင်ဆာဖြစ်နေတယ်။ ဝ့၆% ဦးနှောက်ကင်ဆာဖြစ်တယ်။ လူတသန်းမှာ ရ့၂ ယောက် အသံအိုးကင်ဆာဖြစ်တယ်။ အစာခြေလမ်းထက်ပိုပြီး အစားအသောက်နဲ့ မတွေ့ရတဲ့ ဦးနှောက်မှာ ကင်ဆာဖြစ်တာက အူသိမ်ကင်ဆာထက် ၃ ဆ များနေတယ်။ 
အံစာတုံးပြစ်ရင် ဘာဂဏန်းကျမလဲမသိနိုင်သလိုပါပဲ။ တချို့ကင်ဆာတွေက ဘာလို့ဖြစ်သလဲပြောမရပါ။ ကံတရားပါပဲ။ ကံကောင်းကြပါစေ။ ကံကောင်းချင်ရင် စိတ်ကောင်းထားပါလေ။
ဒေါက်တာတင့်ဆွေ

Comments

Post a Comment

Popular posts from this blog

Allergic skin အရေပြား အလာဂျီ

-
Image
ရေးထာတာ ၇ နှစ်တိတိရှိပြီ။ သြဂုတ်လကို အယားပေါ်တဲ့ရာသီလို့ခေါ်နိုင်တယ်။  ၁။ ဆရာ ကျွန်တော့်ကိုယ်နေရာအနှံ့မှာ ဘုသေးသေးလေးတွေထွက်လာပါတယ်။ လက်တွေ ခြေထောက်တွေ ပေါင်တွေ ကျောကုန်းတွေမှာရောပဲ ဆရာ။ အစုလိုက်ရော တလုံးချင်းရော။ ဘာဖြစ်မှန်းမသိဘူးဆရာ။ ဘုလေးတွေကယားတယ်။ သောက်ဆေး လိမ်းဆေးလေး ညွှန်ကြားပေးပါအုန်း ဆရာ။ ၂။ သမီး လက်နဲ့ခြေထောက်တွေမှာ အနီအဖုသေးလေးတွေထွက်လာတယ်။ အရေခွံလေးတွေက ပုံထဲမှာလိုပဲ ခြောက်သွားတယ်။ အရေခွံလေးတွေခြောက်လို့ လက်သည်းနဲ့ခြစ်လိုက်ရင် ဗောက်လိုပဲ အရေခွံလေးတွေ ပါလာတယ်။ ဒါပေမယ့်ပုံထဲကလို အရေပြားမှာအဖြူစက်ကလေးတွေကျန်နေတယ်ဆရာ။ သမီးလည်း အစကမနာတော့ သတိမထားမိဘူးဆရာ။ သတိထားမိတော့မှခြေထောက် လက်တွေမှာ ဆက်တိုက် ပေါက်နေတယ်။ အခုထိပဲဆရာ။ လိုအပ်တာကိုညွှန်ကြားပေးပါဦးဆရာ။  ၃။ ဆရာ Allergy အကြောင်းတင်တာနဲ ့သမီး ဖြစ်နေတာလေးပြောပါရစေ။ သမီးအသက် ၄၆ နှစ်ပါ။ လွန်ခဲ့တဲ့ ၅နှစ်ခန့်က အသားတွေယားလို ့သွေးစစ်ဘူးပါတယ်။ အထွေထွေအထူးကုသမားတော်နဲ့ပါ။ သွေးထဲမှာ Allergy ဖြစ်တဲ့သွေးပါတယ် ပြောပါတယ်။ အဲတုန်းကတဲ ကနေ CETRINE ဆေးကို တနေ့တလုံး သောက်လာတာ ၅နှစ်ခန် ့ရှိပါပြီ။ မသောက်ရင် အသားတွေယားလာတာပဲဆရာ။ အဲဒါ အဲဒီဆေးဆက်...
Read more

Daflon 500 mg လိပ်ခေါင်းဆေး

-
Image
(ကန်တော့) ၁။ မင်္ဂလာပါဆရာ ကျွန်​​တော်​လိပ်​​ခေါင်​းဖြစ်​​နေတာကြာပြီခင်​ဗျ ဝမ်​းသွားလျှင်​​သွေးပန်​းထွက်​​နေလို့ပါဆရာ deflon 500mg စွဲ​သောက်​ရင်​အန္တာရာယ်​ရှိတတ်​လားခင်​ဗျ အခြားဘာ​ဆေး​တွေ​သောက်​ဖို့လိုလဲဆရာ​ကျေးဇူးပြု ပြီး​ဖြေကြား​ပေး​ပါ ၂။ မင်္ဂလာပါ ဆရာ ဆရာ့ကို ရိုသေစွာမေးချင်တာလေးရှိလို့်ပါဆရာ သမီးယောင်းမက ကိုယ်ဝန် လေးလကျော်ရှိပါပြီဆရာ အခုဝမ်းချုပ်တော့ သွေးပါတယ်ဆရာ အဲ့ဒါ surgeon နဲ့ပြတယ် Daflon လိပ်ခေါင်းဆေးရယ် သွေးတိတ်ဆေးရယ် ပေးလိုက်ပါတယ် သူကိုယ်ဝန်ရှိတဲ့အကြောင်းကိုလဲ ပြောထားပါတယ်ဆရာ လိပ်ခေါင်းဆေး Daflon သောက်ရင် ကိုယ်ဝန် ဆိုးကျိုးရှိလားသိချင်လို့ပါဆရာ (လူနာ အသက် မသိ။) Daflon 500 mg ဆေးကို vasoprotector venotonic agent လို့ခေါ်တယ်။ 90% diosmin နဲ့ 10% flavonoids expressed as hesperidin ဆေးတွေပါတယ်။ ကိုယ်ဝန်ရှိနေသူသောက်ရင် အချင်းလမ်းကြောင်းကနေ ဆေးဖြတ်သွားတာ အလွန်နည်းတယ်။ နို့ရည်ထဲရောက်နိုင်တာလည်း အလွန်နည်းတယ်။ လူနာပေါင်း ၂၈၅၀ ယောက်ကို Daflon 500 mg ဆေး တနေ့မှာ ၂ ပြား ၆ ပတ်ကနေ ၁ နှစ်ကြာပေး လေ့လာထားတာ။ Hemorrhoids (Piles) ခေါ် လိပ်ခေါင်းဆိုတာ စအိုနဲ့ အစာဟောင်းအိမ်အောက်ပိုင်းမှာ သွေးပြန်...
Read more

Colorectal cancer အူမကြီး ကင်ဆာ

-
Image
၁။ မင်္ဂလာပါခင်ဗျာ အူမကြီးကင်ဆာဖြစ်ရင်ဘယ်လိုလက္ခဏာတွေပြပါလည်းခင်ဗျာ ပြန်ပြီးအလင်းပြပါနော် ချမ်းသာကျမ်းမာကြပါစေ (ကျွန်တော့ကိုမေးတာတော့ မဟုတ်ပါ။ ဖေ့စ်ဘွတ်မှာတွေ့လို့သာ) ၂။ ဆရာကျေးဇူးပြု၍ COLON CANCER အကြာင်းရှင်းပြပေးပါ။ ကျွန်တော့်အဖေမှာ ခွဲစိတ်ပြီး colon cancer stage 2 ဖြတ်ထုတ်ပြီး အလုံးရဲ့ နုတ်ခမ်းပတ်လည်မှာ cancer cell လွတ်ကြောင်းသိရပါတယ်။ Bowel cancer အူကင်ဆာလို့ ခေါ်တာဟာ Colorectal cancers ဖြစ်တယ်။ Colon cancer အူမကြီး-ကင်ဆာ နဲ့ Rectal cancer အစာဟောင်းအိမ်-ကင်ဆာကို ပေါင်းခေါ်ထားတာ ဖြစ်တယ်။ အမျိုးသားတွေမှာ တတိယမြောက် နဲ့ အမျိုးသမီးတွေမှာ စတုတ္ထမြောက် အဖြစ်အများဆုံး ကင်ဆာဖြစ်တယ်။ ဖွံ့ဖြိုးတိုးတက်နိုင်ငံတွေမှာ ပိုဖြစ်တယ်။ ၆ဝ% ရှိတယ်။ ၂ဝဝ၈ လေ့လာမှုအရ တကမ္ဘာလုံးမှာ လူနာသစ်ပေါင်း ၁့၂၃ သန်းရှိပြီး၊ ၆ သိန်းကျော် သေဆုံးရတယ်။ အူသိမ်မှာ ကင်ဆာဖြစ်တာ ရှားတယ်။ Colon cancer အူမကြီး-ကင်ဆာ အများစုက ကင်ဆာမဟုတ်တဲ့ Polyps အသားပိုကနေစတယ်။ ဖြစ်ကာစမှာ အူမကြီးရဲ့ အတွင်းဆုံးလွှာကနေဖြစ်ပြီး စောစောမသိလို့ ဆေးမကုရင် အူမကြီးရဲ့ ကြွက်သားလွှာအထိ ရောက်လာမယ်။ နောက် ဆက်ပြန့်မယ်။ အူနံရံမှာသာ ဖြစ်နေသေးရင် ကုရတာလွယ်တယ်။...
Read more