Azithromycin အဇစ်သရိုမိုင်စင်

မင်္ဂလာပါဆရာရှင့်။ ကျွန်မအသက် ၃၁ နှစ်ပါ။ ကျွန်မမျက်နှာမှာ ဝက်ခြံဖုတွေများလာလို့ အရေပြားဆေးခန်းက ဒီပိုးသတ်ဆေး ၆ လုံးသောက်ဖို့ပေးလိုက်ပါတယ်ဆရာ။ မကြာခင်ကိုယ်ဝန်ဆောင်မှာမလို့ ဒီဆေးသောက်ရမှာ ကြောက်လို့ပါ။ ခဏခဏမေးခွန်းမေးလို့စိတ်မရှိပါနဲ့ဆရာ။ ကျွန်မနယ်မှာတာဝန်ကျနေလို့ ရန်ကုန်မှာလိုအဆင်မပြေလို့ပါ။

Azithromycin ဆေးကို FDA ကနေ B အဆင့်သတ်မှတ်ထားတယ်။ ဆိုလိုတာက အကျိုးက ဘေးထွက်ဆိုးကျိုးထက်ပိုရင် သောက်နိုင်တယ်။ ကလေးအတွက်စိုးရိမ်ရန်မရှိပါ။ ကိုယ်ဝန်ဆောင်နေချိန်မှာ azithromycin က erythromycin ထက်ပိုစိတ်ချရတယ်။ ကလေးနို့တိုက်ရင် နို့ထဲမှာ ဆေးပါတယ်။ သတိထားသင့်တယ်။

အဇစ်သရိုမိုင်စင်ဆိုတာ ပဋိဇီဝဆေးဖြစ်တယ်။ နားအလည်ပိုင်းရောင်ခြင်း၊ အာသီးရောင်ခြင်း၊ အာခေါင်ရောင်ခြင်း၊ လေပြွန်ရောင်ခြင်း၊ နူမိုးနီးယား၊ ဆိုင်းနူဆိုက်တစ်၊ လိင်ကတဆင့် ကူးစက်တဲ့ ဆီးပြွန်ရောင်ခြင်း၊ သားအိမ်ဝရောင်ခြင်း၊ ခရီးသွားဝမ်းပျက်ခြင်း၊ ကြက်ညှာချောင်းဆိုးရောဂါတွေအတွက် ပေးနိုင်တယ်။ အစာမစားမီ ၁ နာရီ၊ စားပြီး ၂ နာရီ ပေးပါ၊

• ရက်တို နားအလယ်ပိုင်းရောင်ခြင်း၊ လူစုလူဝေးက ရတဲ့ နူမိုးနီးယား၊ အာသီး-အာခေါင်ရောင်ခြင်း၊ အရေပြားအနာများ၊ ဆိုင်းနပ်စ် ရောဂါ။ Chlamydia ကဲလ်မီဒီးယားကြောင့် ဆီးပြွန်အဝ-သားအိမ်အဝ ရောင်ခြင်း၊ = ပဌမနေ့မှာ 500 mg ပေး၊ ဒိနောက် 250 mg တရက်တခါ၊ ၄ ရက်။

• နာတာရှည် လေပြွန်ရောင်၊ လိုင်မ်ရောဂါ၊ လိင်မှတဆင့် ကူးစက်ရောဂါများ၊ နှလုံးအတွင်းသား-အရိုးအဆစ်-အစာခြေလမ်း- သားအိမ်အဝ ရောင်ခြင်း၊ နားပြည်ယိုခြင်း၊ သာမန် တိုက်ဖွိုက်၊ အသက်ရှူလမ်း၊ အရေပြား ပိုးဝင်ခြင်း၊ နူမိုးနီးယား = 250-500 mg Daily (7.5-20 mg/kg) တနေ့တခါသောက်ပါ။

• နာတာရှည် အသက်ရှူလမ်းပိတ် ရောဂါ ပြန်ထခြင်း = 500 mg တရက်ပေး၊ ဒိနောက် 250 mg တရက်တခါ၊ ၄ ရက်။

• ဂနိုရီးယားဆီးပြွန်ရောင်ခြင်း၊ သားအိမ်ဝရောင်ခြင်း = 2 g တခါတည်းပေး။

• လိင်လမ်း ရှန်ကာအနာ၊ ဂနိုရီးယားမဟုတ်တဲ့ ဆီးပြွန်ရောင်ခြင်း၊ သားအိမ်ဝရောင်ခြင်း = 1 g တခါတည်းပေး။

• ဂိုနိုးရီးယားကြောင့် မျက်စိနာခြင်း = 20 mg/kg တခါတည်းပေးပါ။ 1% မျက်စဥ်းခတ်ပါ။

• ရက်တိုဖြစ်တဲ့ တင်ပါးဆုံတွင်း အင်္ဂါတွေရောင်ခြင်း = 500 mg IV ကို သွေးပြန်ကြောထဲ ၁ နာရီအတွင်းသွင်းပါ၊ ၁-၂ ရက်။

• လိင်ကတဆင့်ကူးစက်ရောဂါ ကာကွယ်ရန် = 1 g တခါတည်းသောက်ပါ။

• လိင်ကတဆင့်ကူးစက်ရောဂါ ကာကွယ်ရန် = ဆေး ၃ မျိုးတွဲနည်းအရ (Ceftriaxone or Cefixime + Metronidazole + Azithromycin or Doxycycline) ပေးပါ။

အဇစ်သရိုမိုင်စင်ဆေးရည်မှာ 100mg/5mL နဲ့ 200mg/5mL လာတယ်။

• နားအလည်ပိုင်း ရောင်ခြင်း၊ အသက် ၆ လ အထက်ကလေး = 30 mg/kg ၃ ရက်တိုက်။ (သို့) 10 mg/kg ပဌမနေ့ တိုက်ပြီးနောက် 5 mg/kg ၂-၅ ရက်တိုက်ပါ။

• လူစုလူဝေးကနေရတဲ့ နူမိုးနီးယား၊ အသက် ၆ လ အထက်ကလေး = 10 mg/kg ပဌမနေ့တိုက်ပြီးနောက် 5 mg/kg ၂-၅ ရက်တိုက်ပါ။

• ရက်တို ဗက်တီးရီးယားကြောင့်ဖြစ်တဲ့ ဆိုင်းနူဆိုက်တစ် = 10 mg/kg ဆေးရည် ၃ ရက်။

• အာသီး၊ အာခေါင်ရောင်ခြင်း၊ ၂ နှစ်အထက် = 12 mg/kg ၅ ရက်။ 500 mg/day ထက်မပိုရ။

• Mycobacterium avium complex (MAC) ကာကွယ်ရန်၊ ၆ နှစ်အထက် ကလေး = 20 mg/kg တပါတ်တခါပေးပါ။

လူကြီး ပဌမနေ့မှာ Azithromycin 500 mg နဲ့၊ ဒိနောက် 250 mg တရက်တခါ၊ ၄ ရက်။ ၆ လကနေ ၂ နှစ်ကလေး = 10 mg/kg (maximum: 500 mg/dose) တနေ့ ၁ ကြိမ်၊ ၃ ရက်။

ဘေးထွက်သက်ရောက်မှုများ

ပျို့-အန်၊ အရေပြားနီ၊ ဗိုက်အောင့်၊ ဝမ်းပျက်၊ ခေါင်းကိုက်၊ မူး၊ လေတက်၊ ကိုယ်ဝန်ဆောင် နဲ့  နို့တိုက်မိခင်တွေကို သတိဖြင့်ပေးပါ၊ Aluminum နဲ့ Magnesium ပါတဲ့ Antacids လေနာသက်သာဆေးတွေနဲ့ တွဲမသောက်ပါနဲ့။ 

Dr. တင့်ဆွေ