Brown Rice ဆန်လုံးညို

ဆရာရှင့် ကျမရိုသေစွာ စာရေးမေးမြန်းပါရစေရှင့် Brown rice နဲ့white rice မှာ white rice က အများကြီးစားရင် ကြာရင် side effect ဖြစ်တယ်လို့ပြောကြပါတယ်ရှင့် white rice ဆိုတာ ထိုင်းကလာတဲ့ဆန်မွှေးလိုမျိုး ပေါ်ဆန်းမွှေးလိုမျိုးကို ပြောတာပါရှင့် ဟုတ်ပါသလားရှင့် ဘာကြောင့်ပါလဲရှင့်

ကမာ္ဘမှာ စိုက်ပျိုးထုတ်လုပ်သမျှထဲက ဆန်ကို ၇၈%၊ ဂျုံကို ၆၄% နဲ့ ပြောင်းကနေ ၁၄% ကို စားသုံးခဲ့ကြတယ်။ ဆန်ကနေ အင်နာဂျီစုစုပေါင်းရဲ့ ၁၉% နဲ့ ပရိုတင်း ၁၃% ရကြတယ်။

မြန်မာပြည်လို မချမ်းသာသေးတဲ့ တိုင်းပြည်တွေမှာ ဆန်ကိုသာအားထားကြတယ်။ အာရှတိုက်မှာ ၉ဝ% စားသုံးကြတယ်။ သန်း ၅ဝဝ ကျော်တယ်။ အာဖရိတိုက်နဲ့ တောင်အမေရိကတိုက်မှာလည်း ဆန်းစားသူများတယ်။ ဆန်ကနေ ကယ်လိုရီ ၂ဝ% ကျော်ရကြတယ်။

Rice brown 1 cup (195 g) မှာပါတဲ့ အာဟာရဓါတ်များ

Calories 216

Total Fat 1.8 g 2%

Saturated fat 0.4 g 2%

Polyunsaturated fat 0.6 g

Monounsaturated fat 0.6 g

Cholesterol 0 mg 0%

Sodium 10 mg 0%

Potassium 84 mg 2%

Total Carbohydrate 45 g 15%

Dietary fiber 3.5 g 14%

Sugar 0.7 g

Protein 5 g 10%

Vitamin A 0%

Vitamin C 0%

Calcium 2% Iron 4%

Vitamin D 0%

Vitamin B-6 15%

Vitamin B-12 0%

Magnesium 21%

ဆန်လုံးညိုဟာ နှလုံးအတွက်ကောင်းတယ်။ အစာချေကောင်းတယ်။ ကင်ဆာဖြစ်မှာ နည်းစေတယ်။ ဆီးချိုသမားတွေ ဆန်ဖြူထက်တော့ သင့်တ်။ ကိုလက်စထောများသူတွေလည်းသင့်တယ်။ ဂျုံထဲမှာတဲ့ ဂလူတင်နဲ့မတည့်သူတွေ စားနိုင်တယ်။

သုတေသနအရတင်ပြတာဖြစ်ပါတယ်။ ဒါပေမဲ့ လူအများစုဟာ ကိုယ်စားနေကျအစားအသောက်ကိုသာ ခုံမင်ကြတယ်။ စာနေကျကနေ အစာအသစ်ပြောင်းရင် အစပိုင်းမှာ နည်းနည်း အဆင်မပြေဖြစ်တတ်တယ်။ အကျင့်ရသွားရင် အဆင်ပြေမယ်။

ဒေါက်တာတင့်ဆွေ