Cimetidine ဆေး

ကနေ့ ဒေါ်မြမြအေး အိမ်ပြင်ထွက်တော့ မြန်မာပြည်ကလာသူ အမျိုးသမီးတဦးနဲ့တွေ့တယ်။ အဲဒီတယောက်က အလာဂျီ ခေါ် တခုခုနဲ့ မတည့်တာဖြစ်နေတာ ကြာပြီတဲ့။ အများသုံးတဲ့ အလာဂျီဆေးတွေသောက်တော့ ဖြစ်လိုက်ပျောက်လိုက်နေလို့ အခုတခါ Cimetidine ဆေးသောက်တော့ သက်သာနေပါသတဲ့။

Cimetidine ဆေးကို အများဆုံးသုံးတာက 

• heartburn associated with acid indigestion and sour stomach အအိမ်အက်စစ်များလို့ ရင်ပူခြင်း၊

• gastroesophageal reflux disease (GERD) အစာခြေရည်အထက်ဆန်ခြင်း၊

• Zollinger-Ellison syndrome ရောဂါတွေအတွက် ဖြစ်တယ်။

H2 blockers အမျိုးအစားဆေးဖြစ်တယ်။ အစာအိမ်ထဲက အက်စစ်ဓါတ်ကို ပျယ်စေ နည်းစေမယ်။ တနေ့မှာ ညတပြား၊ သို့မဟုတ် တနေ့ ၂-၄ ကြိမ်အထိ ပေးတယ်။ အစာနဲ့ သောက်သင့်တယ်။ heartburn ခေါ် ရင်ပူသူတွေက အစာမစားမီ နာရီဝက်ကြိုတင် သောက်ရမယ်။

တခြားအသုံးလည်း ရှိတယ်။

• hives and itching အလာဂျီရတာအတွက် ပေးတယ်။

• stress ulcers စိတ်ဖိအားကြောင့်လေနာဖြစ်တာအတွက်လည်း ပေးတယ်။

• viral warts ကြွက်နို့၊

• aspiration pneumonia မေ့ဆေးမပေးမီ အစာအိမ်ထဲကအရည်တွေ အထက်ဆန်ပြီး အသက်ရှူလမ်းရောက်မှာကို ကာကွယ်ဘို့လည်း ပေးတယ်။

Antihistamine ခေါ် အလာဂျီဆေးတွေကတော့ Cetirizine, Claritin, Zyrtec, Benadryly, Loratadine, Diphenhydramine HCl စတာတွေဖြစ်တယ်။ မြန်မာပြည်မှာ Burmeton လို ဆေးတွေ။ ဆေးမျိုးဆက်တော့ ကွာတယ်။

ဒေါက်တာတင့်ဆွေ