Normocytic normochromic anemia ခေါ် သွေးအားနည်းခြင်း

ဆရာရှင့် လေးစားစွာ မေးခွင့်ပြုပါရှင့် ကျမအသက် ၅၀ ပြည့်တော့မှာပါရှင့် မဝပါဘူးရှင့် လွန်ခဲ့တဲ့ ၈ နှစ်ခန့်က အသားလုံးထုတ်ရင်းနဲ့ သားအိမ်ပါ ထုတ်ထားပြီးပါပြီ သားတယောက်နဲ့ အိမ်ထောင်မရှိပါရှင့် ခုတလော တပတ်တခါလောက် အခန့််မသင့်ရင် အပြင်းအထန် ခေါင်းကိုက် ပြီး အန်ပါတယ် အဲ့လို ဖြစ်လာရင် အသက်ရှုလည်း နည်းနည်း ကြပ်လာပါတယ် ရာသီဥတု ပူနေလည်း ဘောင်းဘီအရှည်ဆို ၂ ထပ် အင်္ကျီဆိုလည်း အတွင်းတထည် အပြင် တထည် ၂ ထပ် ဝတ်တဲ့နေ့ မှ အအေးမပတ်ပဲ ခေါင်းမကိုက်ပါ ညအိပ်ရင်လည်း ခြေသလုံး ခြေဖဝါးတွေကို အဝတ် ၁ ထပ်နဲ့ ခြုံပြီးမှ အိပ်ရပါတယ် တခါတလေအဝတ်တွေထပ်ဝတ်ပြီး ပူလို့ ချွေးထွက် များလာရင်လည်း ခေါင်းကိုက် အန်ပါတယ် ခေါင်းကိုက် အန်တာ အဲ့လိုဖြစ်တာ ၁၀ နှစ် ကျော် လောက်ကတည်းကပါ ခုတလောတော့ အရမ်းဆိုးဝါးလာပါတယ် အအေးမိလိုက်ရင် ခန္ဓာကိုယ် အပြင်က ချွေးတွေ ထွက်နေပေမဲ့လည်း အတွင်းက ချမ်းနေပါတယ် အရင်တုန်းကဆို တခါလောက် အန်ချ လိုက်ရင် တန်းသက်သာပါတယ် ခုကြ ၂ ခါ လောက်အန် မှ ခေါင်းကိုက် သက်သာပြီး အချမ်းလည်းသက်သာပါတယ် ဆရာ ဆေးစစ်တာက pkg နဲ့ တနှစ်တခါ စစ်ပါတယ် ဆရာ သွေးအဖြေတွေကတော့ ပုံမှန်ပါပဲ ဆရာ တခုမရှင်းတာက ဆေးစစ် စာရွက်တွေမှာ Red cells appear normochromic and normocytic လို့တော့ စစ်တိုင်းမှာပါပါတယ် သွေးပေါင်ကျစေတဲ့ အခါး တို့ ဒန့်သလွန် သီးတို့ စားမိရင် တခါတလေ မူးပါတယ် ဆရာ  ဘယ်လိုမျိုး special စစ်ဆေးမှု တွေ သွေး(သို့) ဘယ် ဗီတာမင် အမျိုးအစား စစ်ဆေးမှုတွေ လုပ်သင့်ပါလဲ ဆရာ ဘယ် specialist နဲ့ ပြရလဲဆရာ ဘယ် ဗီတာမင်တွေ လိုအပ်နေပါသလဲဆရာ နေ့စဉ်တိုင်းလိုလို နည်းနည်းလေး အေးရုံ နဲ့ကို နေမကောင်း ဖြစ်နေတာမို့ ဆရာ့ကို အားကိုးပြီး မေးရတာပါရှင့် ( - ) မှာ အလုပ်လုပ်နေတောမို့ air con နဲ့ နေရတာကို အဆင်မပြေ ဖြစ်နေလို့ပါ ဆရာ ကျေးဇူးအများကြီးတင်ပါတယ်ဆရာ စာအရေး အမှားပါရငိ ခွင့်လွတ်ပါဆရာ

Normocytic normochromic anemia ခေါ် သွေးအားနည်းခြင်းဆိုတာ သွေးနီဥတွေက အရွယ်အစား နဲ့ အရောင် ပုံမှန်သာဖြစ်တယ်။ ဘာကြောင့် ဖြစ်သလဲ။ သိပ်မသိနိုင်လောက်တဲ့ ရောဂါပိုးတခုခုဝင်ခြင်းကနေ ဆက်ဖြစ်တယ်။ ဒါမှမဟုတ် နာတာရှည်ရောဂါ တခုခုရှိသလား။

အားနည်းနေမယ်၊ အရေပြားအရောင် ဖြူရော်ရော်နေမယ်။ တခါတခါ ခေါင်းမူးမယ်။ ခေါင်းကိုက်မယ်။ အာရုံစိုက်ရတာနဲ့ မှတ်မိတာ တခါတခါ နည်းမယ်။ အလုပ်မှာအာရုံစိုက်မှု နည်းတတ်တယ်။

vitamin B12 နဲ့ folic acid ဆေးတွေ နဲ့ ကုသရမယ်။ ထိုးဆေး + စားဆေး + အစားအသောက်။ စာတွေ ဘလော့မှာ ရှိတယ်။

မေးခွန်းမေးသူ အသက်အရ သွေးဆုံးချိန်နဲ့လည်း ဆက်စပ်နေနိုင်တယ်။ Menopause စာတွေ ဘလော့မှာ ရှိတယ်။ စာရေးတာ စာလုံးပေါင်းသတ်ပုံတွေ မှန်။ ကွန်ဂရက်ကျူလေးရှင်း။

Anemia သွေးအားနည်းရောဂါ 

မဂ်လာပါဆရာ ကျွန်တော်ညီမလေးအသက် ၁၅ အိမ်ထောင်မရှိ ရာသီမှန်ပါတယ် မကြာခန(ခဏ)ဆိုသလို ခေါင်းမူးတာ ဖြစ်ပါတယ် ခေါင်းမူးပြီးတာနဲ့ မောတာ တွေဖြစ်ပါတယ် ကျောင်းတက်တဲ့အရွယ်ဆိုတော့ စာလဲ တနာရီကနေပိုမကြည့်နိုင်ဘူးမျက်လုံးက အဲ့ဒါဘာဖြစ်တာလဲဆရာ ဘာရောဂါလဲ ဆောင်ရန်ရှောင်ရန်လေးသိပါရစေ။

ဒီအရွယ်မှာ ပဌမဆုံး သွေးအားနည်း မနည်းကို စဉ်းစားရမယ်။ သွေးထဲက Hb နည်းမနည်း စစ်ရင် သိမယ်။ မေးခွန်းပါကလေးမှာ အဲဒါဖြစ်နေတယ်လို့ ပြောတာတော့ မဟုတ်ပါ။

Anemia သွေးအားနည်းရောဂါ https://dr-tint-swe.blogspot.com/2021/09/anemia.html

Iron Deficiency Anemia သံဓါတ်နည်း သွေးအားနည်းရောဂါ https://dr-tint-swe.blogspot.com/2020/12/iron-deficiency-anemia.html

Anemia and Women အမျိုးသမီးနဲ့ သွေးအားနည်းရောဂါ https://dr-tint-swe.blogspot.com/2020/12/anemia-and-women.html

Macrocytic Anemia မက်ခရိုဆစ်တစ် သွေးအားနည်းရောဂါ https://dr-tint-swe.blogspot.com/2022/05/macrocytic-anemia.html

Normocytic normochromic anemia ခေါ် သွေးအားနည်းခြင်း https://dr-tint-swe.blogspot.com/2023/05/normocytic-normochromic-anemia.html

စာရေးတာ သတ်ပုံ မှန်။ ကွန်ဂရက်ကျူလေးရှင်း။ မြန်မာစာလည်း သွေးအားကောင်းလာပါစေသတည်း။

ဒေါက်တာတင့်ဆွေ