Abstraction ဝါးလုံးသိမ်းကောက်ချက်
တင်ထားတာတခုဖြစ်ပါတယ်။ စာရေးတာ စာလုံးပေါင်းသတ်ပုံ မှန်တယ်။ ကွန်ဂရက်ကျူလေးရှင်း။
အချက်အလက်ကိုတော့ ပြောချင်တယ်။
ယေဘုယျကောက်ချက်တိုင်းမှာ ချွင်းချက်တွေရှိတယ်။
ယောက်ျားတိုင်းသည်၊ အမျိုးသမီးတိုင်းသည်၊ မြန်မာလူမျိုးတိုင်းသည် စဖြင့် ကောက်ချက်ချတာတွေက ရာခိုင်နှုန်းတချို့သာ မှန်နိုင်တယ်။
အမျိုးသမီးနဲ့ အမျိုးသားတွေမှာ ထူးခြားချက်တွေ မတူတာတော့ အမှန်ရှိပါတယ်။
ကျား-မ ဦးနှောက်အလုပ်မတူကြပါ။
ဓါတ်ခွဲခန်းအဖြေ ပုံမှန်ကိန်းဂဏန်းတွေကို ကျား-မ ခွဲထားတာရှိတယ်။
ကင်ဆာစာရင်းမှာလည်း ကျား-မ ခွဲထားတာရှိတယ်။
ရောဂါတိုင်း ဖြစ်နှုန်း၊ သေဆုံးနှုန်းမှာလည်း ကျား-မ ခွဲထားတာရှိတယ်။
အသက်ရှည်နှုန်းလည်း ကျား-မ မတူကြပါ။
ဦးနှောက်အရွယ်အစား မတူကြပါ။
ကမာ္ဘ့ အိုင်ကျူအမြင့်ဆုံး (၁ဝ) ဦးစာရင်းထဲမှာ အမျိုးသမီး ၂ ဦးပါတယ်။
မြန်မာပြည်မှာ သုတေသနလုပ်ရင် အလွန်စိတ်ဝင်စားစရာ ရလဒ်တွေ ထွက်လာပါမယ်။ ကျွန်တော် ပြည်တွင်းမှာ ဆရာဝန်အလုပ်ကို ၁၇ နှစ်လုပ်ခဲ့တယ်။ အများအားဖြင့် အညာမြေပြန့်ဒေသမှာသာဖြစ်တယ်။ သူငယ်ချင်းဆရာဝန်တွေက တခြားနေရာတွေမှာ တာဝန်ကျတယ်။ ကျွန်တော်တို့တတွေ အများဆုံးကုသပေးကြရတဲ့ ရောဂါစာရင်း မတူကြပါ။
ကျွန်တော် နယူးဒေလီမှာ ၁၂ နှစ်ကြာ ယမုန်နာဆေးခန်းဖွင့်ခဲ့တယ်။ လူနာ ၉၅% က တိုင်းရင်းသူတိုင်းရင်းသားတွေ။ ပြည်တွင်းမှာ တွေ့ခဲ့တဲ့ အဖြစ်များရောဂါတွေ သိသိသာသာမတူတာ တွေ့ပါတယ်။
ယူအက်စ်အေမှာ သုတေသနအများစုမှာ အသားဖြူ၊ အသားမည်း၊ အာရှသွေးပါသူ စသဖြင့် ခွဲပြီး လေ့လာပါတယ်။
အချုပ်
ဘယ်အကြောင်းအရာကိုမဆို ဝါးလုံးသိမ်းကောက်ချက်တိုင်း မခိုင်မာ မတိကျပါ။ လွဲနိုင်တယ်။
ဒေါက်တာတင့်ဆွေ
Comments
Post a Comment