Louis-Dreyfus အမေရိကန် ဟာသမင်းသမီး
.jpeg)
မနေ့က တီဗွီအစီအစဉ်တခုက အမေရိကန်သမတရွေးကောက်ပွဲ သတင်းတခုမှာ သူ့ကို အင်တာဗျူး လုပ်ပါတယ်။ ဟာသမင်းသမီးက ကမလာဟဲရစ်ကို ထောက်ခံတယ်။
တင်ပြလိုတာက သူသမတလောင်းရွေးချယ်တာကို မဟုတ်ပါ။
သူ ဘာ့ကြောင့်ရွေးသလဲမေးခွန်းရဲ့ အဖြေက ပိုပြီး စိတ်ဝင်စားစရာကောင်းတယ်။
သူ့မှာ ၂၀၁၈ ခုနှစ်ကတည်းက ရင်သားကင်ဆာ ကုသထားရတယ်။ ရင်သားနှစ်ဖက်လုံး ဖြတ်ထုတ်ပြီးနောက် ခီမို ၆ ကြိမ်သွင်းထားတယ်။
အခု သူဟာ စိတ်ပေါ့ပါးပြီး လွတ်လပ်မှု ရှိပါသတဲ့။ ကင်ဆာကြောင့်တော့ သူမသေတော့ဘူးလို့လည်း ဆိုပါတယ်။
သမတလောင်းနှစ်ယောက်ထဲက ကျန်းမာရေးအတွက် ဦးစားပေးသူကို ရွေးချယ်တယ်လို့လည်း ပြောပါတယ်။ ဒေါ်နယ်ထရမ့်က ကျန်းမာရေးအာမခံ၊ လူမှုဖူလုံရေးအထောက်အပံ့တွေကို ဖြတ်မဲ့သူ။ သမတဂျိုးဘိုင်ဒင်က ကင်ဆာကြောင့် သေဆုံးရနှုန်းကို နောက် ၂၅ နှစ်မှာ ၅၀% ကျစေရေး ဒေါ်လာ ၂ ဘီလီယန်ရင်းနှီးထားတယ်။
နိုင်ငံရေးကို ဘက်ရွေးရာမှာ ကိုယ့်အမြင်၊ ကိုယ့်ဘဝနဲ့ ကိုယ့်လိုအပ်ချက်တွေကို ကြည့်သင့်ပါတယ်။ အများစုအကျိုးကိုလည်း ကြည့်ရမယ်။
လူတိုင်းမှာ ကျန်းမာရေးထက် အရေးကြီးတာ မရှိပါ။
ဒေါက်တာတင့်ဆွေ
Comments
Post a Comment