၃၉ နှစ်
မင်္ဂလာပါ သားရဲ့ကောင်းမလေးက အသက် ၃၉ရှိပါပြီ ရာသီမလာဘူးဖြစ်နေတယ် ဘာကြောင့်ပါလဲဆရာ
ကောင်မလေးလို့ရေးချင်တာကို ကောင်းမလေးလို့ရေးတာတော့ အကြောင်းမဟုတ်လှပါ။
အသက် (၃၉) နှစ်ဆိုရင် အမျိုးသမီးလို့ ရေးသင့်တယ်။
အဲလိုပဲ သမီးကောင်လေးလို့လည်းရေးကြတာ ခဏခဏလာတယ်။ သမီးကောင်လေးလည်း (၃၉) နှစ်ဆိုရင် သမီးဆိုသူက သွေးဆုံးလောက်ပြီ။ (ကန်တော့)။
တချို့ကလည်း ညမ တဲ့။ ညထွက် ပိုက်ဆံရှာသူလို ထင်စေမယ်။
ကျယ်မ ပိုရိုင်းတယ်။
အသက် ၅၀ နားကပ်နေသူ အမျိုးသားတချို့ကလည်း ယောက်ျားလေးလို့ ရေးနေတယ်။
မိန်းကလေးနဲ့ အမျိုးသမီး ခွဲခြားမရေးတတ်ကြသူတွေ အတော်ကိုများတယ်။
ကျွန်တော့်မိန်းမလို့ရေးတာ ရိုင်းတယ်။ ဇနီးလို့ ရေးသင့်တယ်။ ကျမခင်ပွန်း၊ အမျိုးသား၊ အိမ်ထောင်ဘက် သင့်မှန်တယ်။
လူမြင် အဘလို့ခေါ်တဲ့ခေတ်ကစပြီး ယဉ်ကျေးတဲ့ အခေါ်အသုံးတွေ ပျက်စီးလာတာ။
ကျွန်တော်၊ ကျနော်၊ ကျမ၊ ဗျ၊ ရှင် စကားလုံးတွေ ရှားပါးကုန်ပြီ။
ဒေါက်တာတင့်ဆွေ
၂၃-၄-၂၀၁၇
Comments
Post a Comment