Melanoma Diagnosis မှည့်ကင်ဆာ ခွဲခြားစစ်ဆေးခြင်း

အိပ်လို့မရဘူးဖစ်(ဖြစ်)နေတယ်ဆရာ လက် အတွင်းထဲ မှဲ့လိုအမှတ်သစ်အလိုလို အမဲစက်လေးတွေ့မိလို့ပါ အရင်ကသတိမထားမိပါဘူးဆရာ မှဲ့ကင်ဆာများဖြစ်နေပြီလားဆရာ ရင်ပူပြီးအိပ်မရဖြစ်နေလို့ပါ အသက် ၃၂ အမျိုးသမီး အိမ်ထောင် ရှင်ပါဆရာ

ဖစ် နှင့် ကင်ဆာ အမျိုးတော်ပါသည် https://burmese-spelling.blogspot.com/2022/09/exclusive-club.html

ကင်ဆာဖြစ်နေသော (ဖ) https://burmese-spelling.blogspot.com/2022/09/blog-post_506.html

Moles မှဲ့ https://dr-tint-swe.blogspot.com/2021/06/moles.html

ဟုတ်ကဲ့ဆရာ ခုကျွန်မလက်မှာဖြစ်နေတာမှဲ့ကင်ဆာလားဆရာ။

ကင်ဆာဟုတ်မဟုတ်ကို စနစ်တကျ စမ်းသပ်စစ်ဆေးမှသာ သိနိုင်တယ်။

Melanoma မှဲ့ကင်ဆာ https://dr-tint-swe.blogspot.com/2021/10/melanoma.html

ကျေးဇူးပါ ဆရာ ဘိုင်အိုစီ လုပ်ဖို့လိုအပ်သလားဆရာ ခုတိုင်းကြည့်တာ မှဲ့က 1mm ရှိပါတယ် ခန(ခဏ) စောင့်ကြည့်ရမလားဆရာ ဖြေကြားပေးပါအုံးဆရာ။

လင့် ကို ဖတ်ပါရန်။

တနေ့လုံးငိုတညလုံးငိုထားပီး(ပြီး) အရူးမီးဝိုင်းဖစ်(ဖြစ်)နေပါတယ်ဆရာ ဆရာဝန် ၂ ယောက်ပြတာ တယောက်က မစိုးရိမ်ရဘူးပြောပါတယ် နောက်တယောက်ကစောင့်ကြည့်ပီး(ပြီး)လှီးထုတ်လိုက်ရင်ပိုကောင်းမယ်ပြောလို့ မစောင့်နိုင်တော့ပါဘူး မနက်ဖနိ(နက်ဖြန်)ဘဲ လှီးထုတ်ဖို့ စီစဥ်ထားပါတယ်ဆရာ မှဲ့ကင်ဆာ အစောပိုင်းအဆင့်ဆို 7/8 နှစ်လောက်နေရနိုင်မလားဆရာ ကလေးအရမ်းငယ်သေးလို့ပါ

ပြန်စာ

မှည့်ကင်ဆာ ကို မီလန်နိုမာ လို့ ခေါ်တယ်။ 

၁။ Physical Examination အပြင်ပိုင်းစစ်ဆေးခြင်း

တင်းတိမ်များ၊ အရေပြားအမာရွတ်များ သို့မဟုတ် ရှိပြီးသား တင်းတိမ်များတွင် အပြောင်းအလဲရှိမရှိ စစ်ဆေးမည်။

ABCDE စံနှုန်းများကို စစ်ဆေးမည် –

A: Asymmetry (တခြမ်းစီမညီခြင်း) – ပုံစံများ မညီမညာ ဖြစ်ခြင်း

B: Border (အနားသတ်) – မညီညာ၍ အကျဉ်းအနားများ၊ အဝက်အကျစ်အနားများ

C: Color (အရောင်) – တင်းတိမ်တစ်ခုထဲတွင် အရောင်မျိုးစုံ (အနက်၊ အညို၊ အနီ၊ အဖြူ၊ အပြာ စသည်) ပါဝင်ခြင်း

D: Diameter (အချင်း) – အရွယ်အစား ၆ မီလီမီတာ (ခဲတံပုံဖျတ်သမားခလုတ်အရွယ်အစား) ထက် ကြီးမားခြင်း

E: Evolving (အပြောင်းအလဲရှိခြင်း) – အရွယ်၊ ပုံစံ၊ အရောင်၊ အထင်းအပြားများ အချိန်ကြာလျှင် အပြောင်းအလဲရှိခြင်း

၂။ Dermoscopy ဒါမော့စကိုပီ နည်းဖြင်စစ်ဆေးခြင်း

မီလန်နိုမာ ဖြစ်နိုင်သော အထူးလက္ခဏာအသေးစိတ်များကို တွေ့နိုင်သည်။

၃။ Biopsy ဘိုင်အော့ပ်စီ ခေါ် အသားစဖြတ်ယူ စစ်ဆေးနည်း

Biopsy အမျိုးအစားများ –

Excisional biopsy – မှည့်၊ အမှတ်အပြည့်အစုံနှင့် အနီးအနားအရေပြားကို ဖြတ်ထုတ်ခြင်း

Punch biopsy – စက်ဝိုင်းပုံစံ သေးငယ်သော အရေပြားတစ်စိတ်တစ်ပိုင်း ထုတ်ယူခြင်း

Shave biopsy – အပေါ်ယံအလွှာများကို ဖြတ်ထုတ်ခြင်း

၄။ Imaging Tests ရုပ်ပုံပုံဖော် စမ်းသပ်ခြင်းများ

Ultrasound အာထွာဆောင်း၊ CT scan စီတီစကန် သို့မဟုတ် MRI အမ်အာရ်အိုင်။

၅။ Genetic Testing မျိုးဗီဇစမ်းသပ်ခြင်း 

Biopsy မှ အရေပြားနမူနာကို စမ်းသပ်သည်။

အခြားအချက်များ

အလင်းရောင်ထိတွေ့မှု၊ မိသားစု၌ အရေပြားကင်ဆာရှိဖူးခြင်း၊ ပုံမမှန်သော မှည့်၊ အစက်များရှိခြင်း။ 

အဆင့်ကို အရွယ်အစား၊ အနက်၊ ကျယ်ပြန့်မှု စသည့်အရ သတ်မှတ်သည်။

စာရေးတာ တခြားစာလုံးတွေ မှန်။ ကောင်း၏။

အသားစဖြတ်ယူစစ်ဆေးလို့ အဖြေရလာရင် အဖြေစာကြောင်းနဲ့တကွ မေးလိုက မေးနိုင်။ ပုံတွေ မလိုအပ်ပါ။

ဒေါက်တာတင့်ဆွေ