Liver tonics အသည်းအားဆေး လိုသလား

ဆရာခင်ဗျာ ဘီပိုးနဲ့ပတ်သက်တဲ့သောက်ရတဲ့ဆေးတွေ နောက်ပြီး ဘီပိုးမရှိလည်း ကာကွယ်တဲ့အနေနဲ့ရော အသည်းအားဖြစ်တဲ့အနေနဲ့ရော သောက်လို့ရတဲ့ဆေးတွေရှိပါသလားဆရာ ကာကွယ်ဆေးထိုးတာအပြင် ရှိရှိမရှိရှိသောက်လို့ရတဲ့ဆေးလေး ရှိမရှိသိချင်ပါတယ်ခင်ဗျာ

Liver tonics, cleanses, and detox supplements are generally not effective nor necessary for a healthy person. 

အသည်းအားပေးဆေးများ၊ အသည်းသန့်စင်ခြင်း (cleanse) နှင့် detox ဖြည့်စွက်စာများသည် ကျန်းမာသန်စွမ်းသူတဦးအတွက် ယေဘုယျအားဖြင့် ထိရောက်မှုမရှိသကဲ့သို့ မလိုအပ်လည်း မလိုအပ်ပါ။ အသည်းသည် ကိုယ်တိုင် သန့်စင်နိုင်သော အင်္ဂါတရပ်ဖြစ်ပြီး အကူအညီမလိုဘဲ အဆိပ်အတောက်များကို စစ်ထုတ်ပေးနိုင်ပါသည်။ စည်းမျဉ်းထိန်းချုပ်မှုမပြည့်စုံသော ထိုထုတ်ကုန်များတွင် အသည်းလုပ်ဆောင်ချက်ကောင်းမွန်စေသည်ဟု သက်သေပြနိုင်သော ခိုင်လုံသည့် ဆေးဘက်ဆိုင်ရာ သက်သေခံချက်များ မရှိပါ။ ထို့ပြင် အချို့တွင် အသည်းထိခိုက်စေနိုင်သဖြင့် (အာဟာရညီညွတ်စွာ စားသောက်ခြင်း၊ လေ့ကျင့်ခန်းပြုလုပ်ခြင်း၊ အရက်သောက်ခြင်း လျှော့ချခြင်း) စသော လူနေမှုပုံစံ ပြောင်းလဲမှုများကသာ အကောင်းဆုံး အထောက်အပံ့ဖြစ်သည်။

အသည်းအားပေးဆေးများနှင့် detox ဖြည့်စွက်စာများသည် ကျန်းမာသူများအတွက် မလိုအပ်သကဲ့သို့ ထိရောက်ကြောင်းလည်း သက်သေပြထားခြင်းမရှိပါ။ ဆေးပညာပညာရှင်များ၏ သဘောတူညီချက်အရ အသည်းသည် ကိုယ်တိုင်လုံလောက်သော အင်္ဂါဖြစ်ပြီး ပြင်ပမှ သန့်စင်ခြင်း သို့မဟုတ် အထူးအားပေးဆေးများ မလိုအပ်ဘဲ ခန္ဓာကိုယ်အတွင်းရှိ အဆိပ်အတောက်များကို သဘာဝအတိုင်း စစ်ထုတ်နိုင်ပါသည်။

ထိရောက်မှုနှင့် လိုအပ်ချက်

ကျန်းမာသူများသည် အသည်းကို “သန့်စင်ထုတ်ပယ်ရန်” သို့မဟုတ် “detox ပြုလုပ်ရန်” လိုအပ်ကြောင်းဆိုသည့် အဆိုများအတွက် ဆေးပညာအခြေခံမရှိပါ။

သဘာဝသန့်စင်လုပ်ငန်းစဉ် – အသည်းသည် နေ့ရောညပါ မပြတ်မလပ် လုပ်ဆောင်လျက်ရှိပြီး အရက်၊ ဆေးဝါးများနှင့် ခန္ဓာကိုယ်အမှိုက်အညစ်များကို စီမံခန့်ခွဲကာ ပစ်လွှတ်ပေးသည် (သည်းရည် သို့မဟုတ် ဆီးမှတဆင့်)။

ဆေးဘက်ဆိုင်ရာ သက်သေခံချက်မလုံလောက်ခြင်း – ကျန်းမာသည့် အသည်းရှိသူများတွင် အသည်းအားပေးဆေးများက အသည်းလုပ်ဆောင်ချက်ကို ကောင်းမွန်စေကြောင်း အရည်အသွေးမြင့် သုတေသနသက်သေမရှိပါ။ milk thistle ကဲ့သို့သော ပစ္စည်းများအတွက် အကျိုးရှိနိုင်ကြောင်း ပြသသည့် သုတေသနများသည်လည်း အများအားဖြင့် အသည်းရောဂါရှိသူများ (ဥပမာ – အသည်းကင်ဆာမဟုတ်သော အသည်းမာခြင်း၊ အသည်းရောင်ရောဂါ) တွင်သာ ပြုလုပ်ထားခြင်းဖြစ်သည်။

စည်းမျဉ်းထိန်းချုပ်မှု ကန့်သတ်ခြင်း – ထိုထုတ်ကုန်များသည် FDA စည်းမျဉ်းအောက်တွင် မရှိသဖြင့် လုံခြုံမှု၊ သန့်ရှင်းမှုနှင့် ထိရောက်မှုတို့ကို အာမခံမရနိုင်ပါ။

ကျန်းမာသူများအတွက် ဖြစ်နိုင်သော အန္တရာယ်များ

အသည်းဖြည့်စွက်စာများ သောက်သုံးခြင်းသည် အကျိုးထက် အန္တရာယ်ပိုဖြစ်နိုင်ပါသည်။

ဆေးကြောင့်ဖြစ်သော အသည်းထိခိုက်မှု – အချို့ အပင်အခြေပြု ပစ္စည်းများသည် ပြင်းထန်သော အသည်းထိခိုက်မှုကို ဖြစ်စေနိုင်ပြီး တခါတရံ အရေးပေါ် အသည်းပျက်ကွက်ခြင်းအထိ ဖြစ်နိုင်ပါသည်။

အန္တရာယ်ရှိသော ပါဝင်ပစ္စည်းများ – green tea extract ကဲ့သို့သော အချို့ဖြည့်စွက်စာများကို ပမာဏမြင့် သောက်သုံးပါက အသည်းအဆိပ်ဖြစ်မှုနှင့် ဆက်နွယ်ကြောင်း တွေ့ရှိထားသည်။

အသည်း၏ မက်တဘောလစ် လုပ်ငန်းစဉ်များကို နှောင့်ယှက်ခြင်း – ဖြည့်စွက်စာများသည် တခါတရံ အသည်း၏ သဘာဝသန့်စင်လုပ်ငန်းစဉ်ကို အလွန်အကျွံ ဖိအားပေးနိုင်ပါသည်။

အသည်းအားပေးဆေးများတွင် တွေ့ရလေ့ရှိသော ပါဝင်ပစ္စည်းများ

အချို့ပါဝင်ပစ္စည်းများသည် အထူးရောဂါအခြေအနေများတွင် သုတေသနအရ အလားအလာရှိနိုင်သော်လည်း ကျန်းမာသူများတွင် ကာကွယ်ရေးရည်ရွယ်ချက်ဖြင့် ပုံမှန်သုံးစွဲရန်ကို အသည်းအထူးကုဆရာဝန်များက မထောက်ခံပါ။

Milk Thistle (Silymarin) နွားနို့တမျိုး – antioxidant သတ္တိရှိသည်ဟု ယူဆကြသော်လည်း လူ့သုတေသနများတွင် အသည်းကျန်းမာရေးတိုးတက်စေကြောင်း အထွေထွေသက်သေများသည် မတည်ငြိမ်သေးပါ။

Artichoke Leaf အရွက်တမျိုး – အဆီတင်အသည်းရောဂါရှိသူများတွင် အသည်းထိခိုက်မှုညွှန်းကိန်းများ လျှော့ချနိုင်ကြောင်း အချို့သုတေသနများရှိသော်လည်း ကျန်းမာသူများတွင် ထိရောက်မှုကို သက်သေပြထားခြင်း မပြည့်စုံသေးပါ။

Turmeric (Curcumin) ဆနွင်းမှုန့် – ရောင်ရမ်းဆန့်ကျင်သတ္တိရှိသော်လည်း အထူးထုတ်ယူထားသော ပမာဏမြင့် ဖြည့်စွက်စာများကို သောက်သုံးရာတွင် အသည်းထိခိုက်မှုဖြစ်ရပ်များနှင့် ဆက်နွယ်မှုတွေ့ရှိထားသည်။

အသည်းကျန်းမာရေး ထိန်းသိမ်းရန် အကြံပြုချက်များ

အားပေးဆေးများအပေါ် မမှီခိုဘဲ တည်တံ့နိုင်သော လူနေမှုပုံစံများကို ဆရာဝန်များက အကြံပြုပါသည်။

အာဟာရညီညွတ်စွာ စားသောက်ခြင်း – ဖိုင်ဘာဓါတ်များ၊ အရွက်စိမ်းများ၊ အစေ့အနှံအစုံနှင့် အဆီနည်း ပရိုတိန်းများပါဝင်သည့် Mediterranean မြေထဲပင်လယ်ဒေသ စားသောက်ပုံစံကို ဦးစားပေးပါ။

လေ့ကျင့်ခန်းမှန်မှန်ပြုလုပ်ခြင်း – ကိုယ်လက်လှုပ်ရှားမှုသည် အသည်းတွင် အဆီတင်မှု လျှော့ချနိုင်ပြီး အဆီတင်အသည်းရောဂါ အန္တရာယ်ကို လျှော့ချပေးနိုင်သည်။

အရက်သောက်ခြင်း ကန့်သတ်ခြင်း – အရက်လျှော့သောက်ခြင်းသည် အသည်းရောင်ရမ်းခြင်းနှင့် အမာရောင်ဖြစ်ခြင်းကို ကာကွယ်ရန် အထိရောက်ဆုံးနည်းလမ်းများထဲမှ တခုဖြစ်သည်။

ရေဓါတ်လုံလောက်စွာ သောက်သုံးခြင်း – ရေသည် အသည်းနှင့် ကျောက်ကပ်လုပ်ဆောင်ချက်ကို ထောက်ပံ့ရာတွင် အရေးပါသည်။

မှတ်ရန် 

တိုင်းပြည်တိုင်းမှာ တကယ်မလိုအပ်တဲ့ ကြော်ငြာဆေးတွေ အတော်ကိုများတယ်။

ဒေါက်တာတင့်ဆွေ