When a diabetes patient can have kidney complications?
ပြန်စာ
ဆီးချိုရောဂါရှင်များတွင် ကျောက်ကပ်ဆိုင်ရာ နောက်ဆက်တွဲ ဝေဒနာများ မည်သည့်အခါတွင် ဖြစ်ပွားနိုင်သနည်း။
သိမှတ်ဖွယ်ရာ အချက်အလက်များ
အမျိုးအစား (၁) ဆီးချိုရောဂါ (T1D) လူနာများ၏ ၃၀ ရာခိုင်နှုန်း ခန့်နှင့် အမျိုးအစား (၂) ဆီးချိုရောဂါ (T2D) လူနာများ၏ ၄၀ ရာခိုင်နှုန်း ခန့်တွင် ဆီးချိုကြောင့်ဖြစ်သော ကျောက်ကပ်ရောဂါ (DKD) ခံစားရလေ့ ရှိပါသည်။
အမျိုးအစား (၁) ဆီးချိုရောဂါ (T1D) - ဖျားနာမှု သက်တမ်း ၁၀ နှစ် မတိုင်မီတွင် ကျောက်ကပ် နောက်ဆက်တွဲ ဝေဒနာများ ဖြစ်ပွားခဲပါသည်။ ပုံမှန်အားဖြင့် ရောဂါသက်တမ်း ၁၅ နှစ်မှ နှစ် ၂၀ ခန့်အကြာတွင် စတင် ပေါ်ပေါက်လာလေ့ ရှိပါသည်။
အမျိုးအစား (၂) ဆီးချိုရောဂါ (T2D) - အမျိုးအစား (၂) ဆီးချိုရောဂါသည် လက္ခဏာ မပြဘဲ ဖြစ်ပေါ်နေတတ်ခြင်းကြောင့် ဆီးချိုရောဂါရှိကြောင်း စတင် သိရှိချိန်၌ပင် နာတာရှည် ကျောက်ကပ်ရောဂါ (CKD) ရှိနေနိုင်ပါသည်။ ထင်ရှားသော နာတာရှည် ကျောက်ကပ်ရောဂါ လက္ခဏာများသည် များသောအားဖြင့် ဆီးချိုစတင် ဖြစ်ပွားပြီး ၁၀ နှစ်မှ နှစ် ၂၀ ခန့်အကြာတွင် ပေါ်လာတတ်ပါသည်။
အမျိုးအစား (၂) ဆီးချိုရောဂါရှင်များ၏ ၂၅ ရာခိုင်နှုန်း ခန့်တွင် ရောဂါရှိကြောင်း သိရှိပြီး ၁၀ နှစ်အတွင်း ကျောက်ကပ်ဝေဒနာ ခံစားရနိုင်ပါသည်။
အဓိက ဖြစ်နိုင်ခြေ အကြောင်းရင်းများ - သွေးတွင်း သကြားဓာတ်ကို ကောင်းစွာ မထိန်းချုပ်နိုင်ခြင်း၊ သွေးတိုးရောဂါ၊ သွေးတွင်း အဆီဓာတ်များခြင်း၊ အဝလွန်ခြင်း၊ ဆေးလိပ်သောက်ခြင်းနှင့် မိသားစုအတွင်း ရောဂါရာဇဝင် ရှိခြင်းတို့ ဖြစ်ပါသည်။
နာတာရှည် ကျောက်ကပ်ရောဂါသည် အဆင့် ၄ သို့မဟုတ် ၅ သို့ မရောက်မချင်း များသောအားဖြင့် ရောဂါလက္ခဏာ ပြလေ့မရှိပါ။ ထို့ကြောင့် စောစီးစွာ သိရှိနိုင်ရန် စနစ်တကျ စစ်ဆေးမှုများ လိုအပ်ပါသည်။
ရောဂါ ရှိ၊ မရှိ စစ်ဆေးခြင်း
အမျိုးအစား (၁) ဆီးချိုရောဂါ - ရောဂါရှိကြောင်း သိရှိပြီး ၅ နှစ်မှ စတင်၍ စစ်ဆေးရပါမည်။
အမျိုးအစား (၂) ဆီးချိုရောဂါ - ရောဂါရှိကြောင်း သိရှိသည့် အချိန်မှ စတင်၍ စစ်ဆေးရပါမည်။
နှစ်စဉ် စစ်ဆေးရန် - ဆီးအတွင်း အယ်လ်ဗျူမင်နှင့် ခရီယက်တနင်း အချိုး (ACR) ကို စစ်ဆေးခြင်းနှင့် ကျောက်ကပ်၏ လုပ်ဆောင်ရည်နှုန်း (eGFR) ကို တိုင်းတာခြင်းတို့ ပြုလုပ်ရပါမည်။
ဒေါက်တာတင့်ဆွေ
Comments
Post a Comment