သွေးတိုးရင် မူတယ်လို့ လူအများက ပြောလေ့ရှိကြတယ်
သွေးဖိအား မြင့်တက်ရုံမျှဖြင့် လက္ခဏာများ မပြတတ်ပါ၊၊ ထိုသို့ ဖြစ်ပွားနေသည်ကို သိရှိနိုင်မည့် တခုတည်းသော နည်းလမ်းမှာ သွေးဖိအားကို မှန်မှန် စစ်ဆေးပေးခြင်းသာ ဖြစ်ပါသည်၊၊ သင်၏ ကျန်းမာရေးစောင့်ရှောက်မှုပေးသူ (ဆရာဝန်) ထံသို့ သွားရောက်သည့်အခါတိုင်း သွေးဖိအားကို တိုင်းတာစစ်ဆေးမှု ခံယူပါ၊၊ ထို့ပြင် မိမိအိမ်၌လည်း အိမ်သုံး သွေးဖိအားတိုင်းကိရိယာဖြင့် မိမိဘာသာ စစ်ဆေးနိုင်ပါသည်၊၊
ပြင်းထန်သော သွေးတိုးရောဂါ၏ ထင်ရှားသော လက္ခဏာများ
သွေးဖိအား အလွန်အမင်း မြင့်တက်လာသောအခါ ခန္ဓာကိုယ်အပေါ် ဖိစီးမှုများပြားလာပြီး အောက်ပါလက္ခဏာများကို ခံစားရတတ်ပါသည်၊၊
ခေါင်းကိုက်ခြင်း: မကြာခဏ ပြင်းထန်စွာ ကိုက်ခဲခြင်းနှင့် တဒိန်းဒိန်း ထိုးကိုက်ခြင်း၊၊
မောပန်းခြင်း / အသက်ရှူကျပ်ခြင်း: အသက်ရှူရ ခက်ခဲခြင်း သို့မဟုတ် အသက်ရှူ မဝခြင်း၊၊
ရင်ဘတ်အောင့်ခြင်း: ရင်ဘတ်တဝိုက်တွင် ဖိစီးအောင့်တောင့်တောင့် ဖြစ်ခြင်း၊၊
အမြင်အာရုံ ပြောင်းလဲခြင်း: ဝေဝါးစွာ မြင်ရခြင်း၊ တခုတည်းကို နှစ်ခုထပ်မြင်ရခြင်း သို့မဟုတ် မျက်စိကိုက်ခြင်း၊၊
မူးဝေခြင်း: ခေါင်းထဲ ပေါ့ပါးသွားခြင်း သို့မဟုတ် ချာချာလည်အောင် မူးဝေခြင်း၊၊
နှာခေါင်းသွေးလျှံခြင်း: အကြောင်းရင်းမရှိဘဲ သို့မဟုတ် မကြာခဏ နှာခေါင်းသွေးယိုခြင်း၊၊
အရေးပေါ် သွေးတိုးရောဂါ အခြေအနေ၏ လက္ခဏာများ
သွေးဖိအား တိုင်းတာချက်သည် 180/120 mmHg သို့မဟုတ် ထိုထက် မြင့်မားနေပါက ဆေးပညာအရ အရေးပေါ် အခြေအနေ ဖြစ်ပါသည်၊၊ သွေးဖိအားသည် ဤပမာဏအတွင်း ရှိနေပြီး အောက်ပါလက္ခဏာများ တွဲဖက်ဖြစ်ပွားလာပါက အရေးပေါ်လူနာတင်ယာဉ် (သို့မဟုတ် 911) သို့ ချက်ခြင်း ဆက်သွယ်ပါ၊၊
ရုတ်တရက် ပြင်းထန်စွာ ခေါင်းကိုက်ခြင်း၊၊
ရင်ဘတ်အောင့်ခြင်းနှင့်အတူ အသက်ရှူကျပ်ခြင်း၊၊
ထုံကျင်ခြင်း၊ အားနည်းခြင်း သို့မဟုတ် စကားပြောရ ခက်ခဲခြင်း၊၊
ဝေဝါးဝေခွဲမရဖြစ်ခြင်း သို့မဟုတ် စိတ်အခြေအနေ မမှန်မကန် ဖြစ်ခြင်း၊၊
ဒေါက်တာတင့်ဆွေ
Comments
Post a Comment