မနက်ခင်းနှင့် ညနေခင်းတို့၏ ကျန်းမာရေးဆိုင်ရာ ထိခိုက်သက်ရောက်မှု ကွာခြားချက်များ

မြန်မာပြည်မှာတော့ မနက်ခင်း၊ ကျွန်တော်ကတော့ ည ၁၂ နာရီ၊ အိပ်တော့မယ်။

လူတိုင်းအတွက် မနက်ခင်းနဲ့ ညနေပိုင်းကျန်းမာရေးအခြေအနေတွေ မတူပါ။

ကျန်းမာရေးဟာ လူတွေရဲ့ ဇီဝနာရီ (body clock) နဲ့ ဆက်စပ်နေပါတယ်။ မနက်ခင်းအချိန်မှာ သွေးတွင်းသကြားဓာတ် ထိန်းချုပ်ခြင်းနဲ့ ပုံမှန်အလေ့အထတွေ ပြုလုပ်ရန် အကောင်းဆုံးဖြစ်ပြီး၊ ညနေခင်းအချိန်မှာတော့ သွေးဖိအားကျစေရန်နဲ့ ကြွက်သားအင်အား အကောင်းဆုံးထုတ်သုံးနိုင်ရန် အထိရောက်ဆုံး ဖြစ်ပါတယ်။

မနက်ခင်း ကျန်းမာရေး သက်ရောက်မှုများ

ဇီဝနာရီ - မနက်ခင်း အလင်းရောင်သည် သင့်ဇီဝနာရီကို ပြန်လည်စတင်ပေးပြီး ခန္ဓာကိုယ်စနစ်တခုလုံးကို လန်းဆန်းတိုးတက်စေပါသည်။

သွေးတွင်းသကြားဓာတ် - မနက်စောစော လေ့ကျင့်ခန်းလုပ်ခြင်း သို့မဟုတ် အစာစားခြင်းသည် အင်စူလင် (Insulin) သုံးစွဲမှုကို ပိုမိုကောင်းမွန်စေပြီး အဆီများကို လောင်ကျွမ်းစေပါသည်။

ပုံမှန်အလေ့အထဖြစ်ခြင်း - မနက်ခင်း လှုပ်ရှားဆောင်ရွက်မှုများသည် နေ့စဉ် အနှောင့်အယှက် ခံရမှုနည်းပါးသဖြင့် ကျန်းမာရေးနှင့်ညီညွတ်သော အလေ့အထများကို စွဲစွဲမြဲမြဲ ပြုလုပ်နိုင်ရန် ပိုမိုလွယ်ကူပါသည်။

ညနေခင်း ကျန်းမာရေး သက်ရောက်မှုများ

သွေးဖိအား - နေ့လယ်ပိုင်း/ညနေပိုင်းများတွင် သွေးကြောများ ပိုမိုကျုံ့ဆန့်နိုင်စွမ်းရှိသဖြင့် သွေးဖိအားကို ကျစေပြီး နှလုံးဝန်ပိမှုကို လျှော့ချပေးပါသည်။

ခန္ဓာကိုယ်အင်အား - ကြွက်သားအင်အား၊ အဆုတ်လုပ်ဆောင်ချက်နှင့် အဆစ်အမြစ်များ၏ ရုန်းကန်လှုပ်ရှားနိုင်စွမ်းတို့သည် မွန်းလွဲပိုင်းနှင့် ညနေပိုင်းတို့တွင် အကောင်းဆုံး အနေအထားသို့ ရောက်ရှိပါသည်။

စိတ်ဖိစီးမှု လျှော့ချခြင်း - ညနေပိုင်း လှုပ်ရှားမှုများသည် တနေ့တာ စိတ်ဖိစီးမှုများကို လျှော့ချပေးနိုင်သော်လည်း အိပ်ရာဝင်ခါနီး ပြင်းထန်သော လေ့ကျင့်ခန်းများ ပြုလုပ်ပါက အိပ်စက်မှုကို အနှောင့်အယှက် ဖြစ်စေနိုင်ပါသည်။

မြန်မာပြည်သားတွေ ဘယ်မှာနေနေ ကျန်းမာကြစေသတည်း။

ဒေါက်တာတင့်ဆွေ