First aid for minor skin injury မပြင်းထန်သော အရေပြားဒဏ်ရာများအတွက် ရှေးဦးသူနာပြုစုနည်း
.jfif)
မပြင်းထန်သော အရေပြားဒဏ်ရာများအတွက် ရှေးဦးသူနာပြုစုနည်း
လက်ကို စင်ကြယ်စွာ ဦးစွာဆေးကြောပါ၊ ထို့နောက် သွေးထွက်ရပ်စေရန် သန့်ရှင်းသော အဝတ်စဖြင့် ဖြည်းညှင်းစွာ ဖိပေးပါ။ ဒဏ်ရာထဲမှ အညစ်အကြေးများကို သန့်စင်ရန် အေးသော ရေပိုက်ရေဖြင့် ဆေးကြောပါ၊ ဟိုက်ဒရိုဂျင်ပါအောက်ဆိုက်ကဲ့သို့ ပြင်းထန်သော ပိုးသတ်ဆေးများကို ရှောင်ကြဉ်ပါ။ အနာကျက်မြန်စေရန် ပက်ထရိုလီယမ် ဂျယ်လီ (Petroleum jelly) ပါးပါးလိမ်းပြီး သန့်စင်သော ပတ္တီးစဖြင့် အုပ်ထားပါ။
လက်တွေ့လုပ်ဆောင်ရန် ပြုစုနည်းအဆင့်ဆင့်
- သွေးထွက်ရပ်အောင်လုပ်ခြင်း- ဒဏ်ရာမှ သွေးဆက်ထွက်နေပါက ဒဏ်ရာရရှိသော နေရာကို မြှင့်ထားပြီး ၂၀ မိနစ်ခန့်အထိ သေချာစွာ တိုက်ရိုက်ဖိထားပါ။
- သန့်စင်ခြင်း- ဒဏ်ရာဘေးပတ်လည်ကို ပျော့ပျောင်းသော ဆပ်ပြာနှင့် ရေဖြင့် ဂရုတစိုက် ဆေးကြောပါ၊ သို့သော် အနာကို တိုက်ရိုက် ပွတ်တိုက်ခြင်း မပြုရပါ။ မြင်နိုင်သော အညစ်အကြေးများကို အရက်ပြန်ဖြင့် သန့်စင်ထားသော ဇာဂနာဖြင့် အသာအယာ ဖယ်ရှားပါ။
- ကာကွယ်ခြင်း- အရေပြား စိုစွတ်မှုရှိစေရန်နှင့် အမာရွတ်ကျန်ခဲ့ခြင်းမှ ကာကွယ်ရန် ပက်ထရိုလီယမ် ဂျယ်လီ သို့မဟုတ် ပဋိဇီဝဆေးပါသော အဆီပြန်ဆေး (Antibiotic ointment) ပါးပါးလိမ်းပါ။
- ပတ္တီးစည်းခြင်း- ပတ္တီး သို့မဟုတ် သန့်စင်သော ဂေါ့စ (Gauze) ဖြင့် အုပ်ထားပြီး တနေ့လျှင် အနည်းဆုံး တကြိမ် (သို့မဟုတ်) ရေစိုသွားသည့်အခါ သို့မဟုတ် ညစ်ပတ်သွားသည့်အခါတိုင်း လဲလှယ်ပေးပါ။
အောက်ပါအခြေအနေများရှိပါက
- သေချာစွာ တိုက်ရိုက်ဖိထားသော်လည်း ၂၀ မိနစ်ကြာသည်အထိ သွေးထွက်မရပ်ပါက။
- ဒဏ်ရာသည် နက်ရှိုင်းပါက သို့မဟုတ် ပွင့်ထွက်နေပါက။
- ဖုန်၊ ဖန်ကွဲ သို့မဟုတ် အညစ်အကြေးများ နက်ရှိုင်းစွာ စွဲကျန်နေပြီး ဆေးကြော၍မရပါက သို့မဟုတ် အသာအယာ ကောက်ထုတ်၍ မရပါက။
- နီရဲခြင်း ပိုဆိုးလာခြင်း၊ အပူပြန့်လာခြင်း၊ ပြည်ထွက်ခြင်း သို့မဟုတ် ဖျားခြင်းကဲ့သို့ ပိုးဝင်သည့် လက္ခဏာများ တွေ့ရှိရပါက။
ကျန်းမာရေးဝန်ထမ်း သို့မဟုတ် အနီးစပ်ဆုံး အရေးပေါ်ဆေးခန်းသို့ ချက်ချင်းသွားရောက်ပြသပါ။
ဒေါက်တာတင့်ဆွေ
Comments
Post a Comment