ဆရာဝန်ဆီစာရေးတာ မှန်မှန်ကန်ကန် ရေးသင့်တယ်
လူနာက အရင်မေးခွန်းထဲကတယောက်လား နောက်တယောက်လား မသိ။
ပြန်ဖြ = နောက့်တစ်ယောက့်ပါဆရာ လူနာကအသက် ၅၀ပါဆရာ အမျိုးသမီးပါဆရာ လူနာက အသံဝင်တာ ၂လရှိလို့ ဆေးခန်းကအဆုတ့်ကိုဓာတ့်မှန်ရိုက့်တာအဆုတ့်မှာအလုံးတွေ့တယ်လို့ပြောပါတယ်ဆရာ
ပြန်စာ
အဆုတ်မှာ ရောင်ရမ်းမှုလား တခြားနေရာကနေပြန့်လာတဲ့ ကင်ဆာလား သံသယရှိ။
မှတ်ချက်
အဲလိုပဲ အရင်မေးခွန်းမှာ ဖြစ်သူတယောက်။ နောက်တခါတယောက် မေးကြတယ်။ ခဏခဏလာတယ်။ အရင်နဲ့နောက် ကျား မ မတူ။ ကလေး လူကြီး မတူ။
နောက့်တစ်ယောက့်လို့ရေးတာမှာ မလိုတဲ့ အပိုတွေပါနေတယ်။ နောက်တယောက်လို့သာ ရေးရတယ်။ အဆုတ့်ကိုဓာတ့်မှန်ရိုက့်လို့ရေးတာမှာ မလိုတဲ့ အပိုတွေပါနေတယ်။ အဆုတ်ကိုဓာတ်မှန်ရိုက်လို့ရေးရတယ်။
လူကြီးမင်းတို့ရဲ့ ဖရင်းတွေဆီတော့ ကြိုက်သလိုရေးပါ။
ဆရာဝန်ဆီကို ကင်ဆာရောဂါမေးတာမှာတော့ မှန်မှန်ကန်ကန် ရေးသင့်တယ်။
တမင်တကာမှားမှား၊ မသိလို့မှားမှား စာရေးမှားတဲ့ရောဂါကိုတော့ ဆရာဝန်မ ကုမရနိုင်။
ဒေါက်တာတင့်ဆွေ
၁၇-၁၀-၂၀၁၉
Comments
Post a Comment