Hibiscus ခေါင်ရန်း လက်ဖက်ရည်နှင့် ဖျော်ရည်တို့၏ ကျန်းမာရေး အကျိုးကျေးဇူးများ
အာဖရိကနှင့် အာရှတိုက်တို့၏ အီကွေတာဒေသများတွင် မူလပေါက်ရောက်သော ဤပန်းပွင့်စုံအပင်သည် ကျန်းမာရေးကို အထူးဂရုစိုက်သူများ၏ စိတ်ဝင်စားမှုကို ပိုမိုရရှိလာစေမည့် ကျန်းမာရေး အကျိုးကျေးဇူးများစွာကို ပေးစွမ်းနိုင်ပေသည်။ ကမ္ဘာ့ဒေသအများအပြားတွင် ဤကျန်းမာရေးနှင့် လန်းဆန်းမှုဆိုင်ရာ အကျိုးကျေးဇူးများကြောင့် ခေါင်ရန်းပန်းကို မျိုးဆက်များစွာတိုင်အောင် သုံးစွဲလာခဲ့ကြပြီး အလှအပပြင်ဆင်ရာများတွင်လည်း အသုံးပြုခဲ့ကြသည်။
သို့သော် ခေါင်ရန်းအမျိုးအစားအားလုံးသည် လူတို့စားသုံးရန် မသင့်လျော်ပေ။
အရေးကြီးသည်မှာ အာဟာရဖြစ်စေသော ဂုဏ်သတ္တိများစွာ ပိုင်ဆိုင်ထားသော်လည်း လူတိုင်းအတွက် မသင့်လျော်ပေ။ ကိုယ်ဝန်ဆောင် အမျိုးသမီးများသည် သားအိမ်ကျုံ့ခြင်းကို ဖြစ်စေနိုင်သဖြင့် ၎င်းကို ရှောင်ရမည်။ သွေးတိုးကျဆေး သောက်နေသူများ သို့မဟုတ် သွေးတိုးကျနေသူများအနေဖြင့်လည်း သွေးဖိအားကို ကျဆင်းစေသည့် သက်ရောက်မှုရှိသောကြောင့် သုံးစွဲမှုကို ကန့်သတ်ရန် အကြံပြုထားသည်။
သုံးစွဲသည့် အကောင်းဆုံးနည်းလမ်းမှာ လက်ဖက်ရည် (သို့မဟုတ်) အအေးဖျော်ရည်အဖြစ် သောက်သုံးခြင်းပင် ဖြစ်သည်။ ဗီတာမင်စီ၊ ပျော်ဝင်နိုင်သော အမျှင်ဓာတ်များ၊ သတ္တုဓာတ်များနှင့် ဓာတ်တိုးဆန့်ကျင်ပစ္စည်း ဖလေဗိုနွိုက် (Flavonoids) များ ကြွယ်ဝစွာပါဝင်သောကြောင့် ကျန်းမာရေးနှင့် အထူးညီညွတ်သော ဆေးဖက်ဝင် အချိုရည်တမျိုးအဖြစ် ရှုမြင်ကြသည်။
၎င်းတို့ကို အစိမ်းလိုက်ဖြစ်စေ၊ ချက်ပြုတ်၍ဖြစ်စေ စားသုံးနိုင်ပြီး အပူပိုင်းဒေသ အစားအစာ များစွာတွင် ပါဝင်လေ့ရှိသည်။
ခေါင်ရန်းပန်းပွင့်၏ အခြေတွင်ရှိသော ဖူးတံ (Calyx) ၏ စူးရှသောအရသာကို ဘယ်ရီသီး (Cranberry) နှင့် ရူးဘား (Rhubarb) တို့နှင့် မကြာခဏ နှိုင်းယှဉ်လေ့ရှိကြပြီး အချိုနှင့် အငန် ဟင်းလျာ နှစ်မျိုးစလုံးနှင့် လိုက်ဖက်ညီစွာ အစိမ်းလိုက် သို့မဟုတ် ချက်ပြုတ်၍ စားသုံးကြသည်။
ထို့အပြင် ၎င်းသည် ဆဲလ်အသစ်ဖြစ်ပေါ်မှုကို အားပေးနိုင်ခြင်း၊ အသားအရေ အသွင်အပြင်နှင့် အလှအပကို ပိုမိုကောင်းမွန်စေခြင်း၊ အရေးအကြောင်းများကို လျော့ပါးစေခြင်းတို့ကို လုပ်ဆောင်ပေးနိုင်သည်။ တချိန်တည်းမှာပင် ၎င်း၏ ချုံ့နိုင်စွမ်းရှိသော (Astringent) ဂုဏ်သတ္တိများသည် ဝက်ခြံများကို တိုက်ဖျက်ပေးနိုင်ပြီး၊ မွေးညှင်းပေါက်များကို ကျဉ်းစေကာ အဆီထွက်ရှိမှုကို ကန့်သတ်ပေးသည်။
ခေါင်ရန်းပန်း (Hibiscus / Shoe flower) သည် မြန်မာနိုင်ငံတွင် အိမ်တိုင်းနီးပါး စိုက်ပျိုးကြပြီး အလွန် ရေပန်းစားသော ပန်းတမျိုး ဖြစ်ပါသည်။
ခေါင်ရန်းပန်း၏ ထူးခြားချက်များနှင့် အသုံးဝင်ပုံများ
အလှဆင်ခြင်းနှင့် ယဉ်ကျေးမှု: မြန်မာ့ယဉ်ကျေးမှုတွင် ခေါင်ရန်းပန်းနီများကို ဆံထိုးအဖြစ် ဆင်မြန်းကြပြီး ဘုရားပန်းကပ်လှူရာတွင်လည်း အသုံးပြုကြသည်။
ဆံပင်သန့်စင်ဆေးနှင့် အလှအပ: ခေါင်ရန်းပန်းရွက်နှင့် ပန်းပွင့်များကို ရေနှင့်နယ်၍ ခေါင်းလျှော်ရည်သဘာဝအတိုင်း အသုံးပြုကြသည်။ ၎င်းသည် ဆံပင်သန်စွမ်းစေရန်၊ ဆံသားကြမ်းတမ်းမှုကို သက်သာစေရန်နှင့် ဗောက်ထခြင်းကို ကာကွယ်ရန် ကူညီပေးသည်။
ဆေးဖက်ဝင်ပုံ: တိုင်းရင်းဆေးပညာတွင် ခေါင်ရန်းပန်းပွင့်နှင့် အရွက်များကို ကိုယ်တွင်းအပူကန်ခြင်း၊ ဆီးသွားရခက်ခဲခြင်းနှင့် အသားအရေယားယံခြင်းတို့အတွက် သုံးစွဲကြသည်။
မှတ်ချက်
ဒီအကြောင်းအရာကို အင်္ဂလိပ်ဘာသာနဲ့ တခြားတိုင်းတွေက တင်ထားတာဖြစ်ပါတယ်။ မြန်မာပြည်ကအလေ့အထနဲ့ လေ့လာမှုတွေကို မသိသေးပါ။
ဒေါက်တာတင့်ဆွေ
Comments
Post a Comment