နနွင်းလက်ဖက်ရည် (Turmeric tea)

နနွင်းလက်ဖက်ရည်တွင် ပြင်းထန်သော ဓာတ်တိုးဆန့်ကျင်ပစ္စည်း (antioxidant) နှင့် ရောင်ရမ်းမှုကို လျှော့ချပေးနိုင်သော ဂုဏ်သတ္တိများကြောင့် လူသိများသည့် သဘာဝအပင်ထွက် ဒြပ်ပေါင်းတမျိုး ဖြစ်သော ကာကျူမင် (curcumin) ပါဝင်သည်။

အဓိက ကျန်းမာရေး အကျိုးကျေးဇူးများ

- နာတာရှည် ရောင်ရမ်းမှုများကို သက်သာစေပြီး ဒူးဆစ်ရောင် ရောဂါလက္ခဏာများနှင့် အဆစ်အမြစ် နာကျင်ခြင်းများကို လျှော့ချပေးနိုင်သည်။

- ခန္ဓာကိုယ်အတွင်းရှိ ဖရီးရယ်ဒီကယ် (free radicals) များကို အဆိပ်အတောက် ကင်းစင်စေပြီး ဆဲလ်များကို ဓာတ်တိုးဖိစီးမှု (oxidative stress) မှ ကာကွယ်ပေးသည်။

- အင်ဆူလင် တုံ့ပြန်မှု စွမ်းရည် (insulin sensitivity) ကို ပိုမိုကောင်းမွန်စေပြီး ကျန်းမာရေးနှင့် ညီညွတ်သော ကော်လက်စထရော ပမာဏနှင့် သွေးတွင်းသကြားဓာတ် ထိန်းချုပ်မှုကို အထောက်အကူပြုသည်။

- အစာစားပြီးနောက် လေပွခြင်း၊ လေထခြင်း နှင့် အစာမကြေ ရင်ပြည့်ရင်ကယ် ဖြစ်ခြင်းတို့ကို သက်သာစေနိုင်သည်။

- ကယ်ဖိန်းဓာတ် မပါဝင်ခြင်း နှင့် ကယ်လိုရီ နည်းပါးခြင်း: ပုံမှန်အားဖြင့် တခွက်လျှင် ကယ်လိုရီ ၁၀ မှ ၃၀ အထိသာ ပါဝင်ပြီး ကယ်ဖိန်းဓာတ် လုံးဝမပါဝင်သောကြောင့် ညနေခင်း/ညဘက်များတွင် စိတ်လက်ပေါ့ပါးစွာ သောက်သုံးရန် သင့်တော်သည်။

- စုပ်ယူမှုကို အကောင်းဆုံးဖြစ်အောင် မည်သို့ပြုလုပ်မလဲ

- ငရုတ်ကောင်းနက်တွင် ပိုက်ပါရင်း (piperine) ပါဝင်သောကြောင့် ခန္ဓာကိုယ်မှ ကာကျူမင် (curcumin) စုပ်ယူနိုင်စွမ်းကို ၂,၀၀၀% အထိ မြှင့်တင်ပေးနိုင်သည်။

- ကာကျူမင်သည် အဆီတွင် ပျော်ဝင်သော ဒြပ်ပေါင်းဖြစ်သဖြင့် နို့ သို့မဟုတ် အပင်အခြေပြုနို့ (ဥပမာ- "Golden Milk" ပြုလုပ်သကဲ့သို့) နည်းနည်းထည့်၍ သောက်သုံးခြင်း သို့မဟုတ် အစာနှင့်တွဲဖက် သောက်သုံးခြင်းက ခန္ဓာကိုယ်မှ စုပ်ယူမှုကို ပိုမိုကောင်းမွန်စေသည်။

ဘေးကင်းလုံခြုံရေး နှင့် ကြိုတင်သတိပြုရန်များ

နနွင်းသည် သွေးအားနည်း/သွေးကျဲဆေးများ၊ ဆီးချိုဆေးများနှင့် သွေးခဲတားဆေး (antiplatelet drugs) များနှင့် ဓာတ်ပြုမှု ဖြစ်ပေါ်နိုင်သည်။

တနေ့လျှင် ၁ ခွက်မှ ၂ ခွက်အထိ သောက်သုံးခြင်းသည် အများအားဖြင့် ဘေးကင်းသည်ဟု သတ်မှတ်နိုင်သော်လည်း ပမာဏ အလွန်အမင်း အသောက်လွန်ခြင်း သို့မဟုတ် အာနိသင် ပြင်းအားမြှင့်ထားသော အာဟာရဖြည့်စွက်စာ (supplements) များ သောက်သုံးခြင်းသည် အစာချေစနစ်ကို မအီမသာ ဖြစ်စေနိုင်သည့်အပြင် အသည်းကို ထိခိုက်စေနိုင်သည့် စွန့်စားရမှုများလည်း ရှိနိုင်သည်။

ဒေါက်တာတင့်ဆွေ