Dr. Tint Swe Medical and Knowledge Writings

(ကန်တော့) ဆရာရှင့် လွန်ခဲ့တဲ့ ၈ နှစ်လောက်က ဆရာကိုအဆက်အသွယ်လုပ်ပြီး မေးမြန်းဖူးတဲ့ သူပါရှင် အဲတုန်းက သမီးလေးကိုယ်ဝန်ရှိပြီး ခုဆို ၇ နှစ်ရှိနေပါပြီ ခုနှစ် ၅ လပိုင်းကစပြီးသမီးမှာ နောက်ထပ်တယောက် ကိုယ်ဝန်ရှိနေပါတယ် ခုဆို ၁၁ ပတ်ထဲမှာပါ ပထမ လလယ်လောက်မှာ သွေးပုပ်ရောင်တွေ့လို့ULTRASOUND ရိုက်ခဲ့တော့ အကောင်အထည်သိပ်မပြပေမယ်ရှိတယ် ကောင်းတယ်လို့အဖြေထွက်ပါတယ် အဲဒါနဲ့နေလိုက်တာ  ခုမနက် ၇-၇-၂၀၂၄ မနက်ပိုင်းဆီးသွားရင်း အချွဲနဲ့သွေးဆင်းပါတယ် သွေးကလတ်ဆတ်တဲ့ရောင်ရှိပါတယ် day pap အသေးတခုစာလောက်ဆင်းပါတယ် ခန္ဓာကိုယ်ကိုက်ခြင်း မရှိသေးပါဘူးဆရာ အဲဒါနဲ့ OG ကိုသွားပြပါတယ် ULT ပြန်ရိုက်ခိုင်းပါတယ် သွားရိုက်လိုက်တော့ ကလေးက 36 cm ရှိပြီးနှလုံးမခုန်ဘူး အဲတော့ပျက်ပါတယ်လို့ ULT ဆရာမက ပြောလိုက်ပါတယ် သမီးအတော်ကိုစိတ်ထိခိုက်ရပါတယ်ဆရာ တခဏအတွင်း ကလေးကို နှလုံးမခုန်တော့ဘူးတပ်အပ်ပြောချလိုက်တာ မယုံနိုင်ဖြစ်ရတယ် မိခင်က ခုလက်ရှိ အစားအသောက် ကိုက်ခဲမှုမရှိပါဆရာ ဆရာရဲ့ အတွေးနဲ့အကြံကောင်းလေးများရှိရင်ပြောပြပေးပါဆရာ အရမ်းစိတ်ထိခိုက်လို့ငိုရပါတယ်။ ဆောရီး။ Fetal heartbeat ကိုယ်ဝန်ဆောင်စဉ် အထဲက သန္ဓေသားနှလုံးလှုပ်နေတာကို high quality, hig

၁။ လက်ကို မကြာမကြာဆေးပါ။ ရေနှင့် ရိုးရိုးဆပ်ပြာကိုသာ အသုံးပြုပါ။ ၂။ ချောင်းဆိုး နှာချေလျှင် တံတောင်ဆစ်ထဲမှသာ ပြုလုပ်ပါ။ ၃။ ကင်ဆာဖြစ်လျှင် စားစရာကို မေးမနေပါနဲ့။ စစ်ဆေးနည်းနဲ့ ကုသနည်းကိုသာ အမှန်အတိုင်း သိအောင်လုပ်ပြီး လိုက်နာဆောင်ရွက်ပါ။ ၃။ ဆိုရှယ်မီဒီယာနှင့် အစိုးရမီဒီယာတွေမှာရေးတဲ့ ကျန်းမာရေးပညာပေးတိုင်းကို မှန်တယ်လို့ မထင်ပါနဲ့။ ၅။ နေမကောင်းလျှင် မြန်မာလိုရေးတဲ့ ဖေ့စ်ဘွတ်ကို မေးမနေပါနဲ့ ဆရာဝန်တဦးဦးကိုသာ မေးပါ။ မြန်မာနိုင်ငံသားတွေ ဘယ်မှာနေနေ နေကောင်းကြပါစေ။ ဒေါက်တာတင့်ဆွေ

ကနေ့ ကျန်းမာရေးသတင်း ၂ ခုကို တယောက်ပြီးတယောက်က တင်ကြတယ်။ အသိပေးတာတော့ ကောင်းတယ်။ ဒါပေမဲ့ - တချို့က ကာလဝမ်းရောဂါလို့ ရေးကြတယ်။ တချို့က ပြင်းထန်ဝမ်းပျက်ရောဂါလို့ ရေးကြတယ်။ ရောဂါအမည်ကို ထင်သလိုရေးတာ မကောင်းပါ။ ဒုတိယရောဂါကို - တချို့က သွေးလွန်တုပ်ကွေး အသစ်တဲ့။ တချို့က တုတ်ကွေးတဲ့။ ရောဂါအမည်ကို ထင်သလိုရေးတာ မကောင်းပါ။ တုပ်ကွေးကို တုတ်ကွေးလို့ ရေးတာလည်း မှားတယ်။ ကျန်းမာရေးဆိုတာ  - ဖြဲမခြောက်ရပါ။ - လျှော့မပြောရပါ။ - မှားမရေးရပါ။ မြန်မာပြည်သားတွေ  ဘယ်မှာနေနေ ကျန်းမာကြပါစေ။  ဘယ်မှာနေနေ ကျန်းမာအောင်ရေးတတ်ကြပါစေ။ ဒေါက်တာတင့်ဆွေ

- ဝမ်းပျက်ဝမ်း​လျှော​ရောဂါ​ ပြင်းထန်မှု အထူးသတိပြုကြပါ - ကာလဝမ်းရောဂါ သတိပြုပါ - သာကေတမှာ ဝမ်းရောဂါတွေ ဖြစ်နေလို့  - ရန်ကုန်မှာကာလဝမ်းရောဂါအဖြစ်များနေပါတယ်။ - ဂရုစိုက်ကြပါ ကာလဝမ်းရောဂါ ကာလဝမ်းရောဂါနဲ့ ဝမ်းပျက်ဝမ်း​လျှော​ရောဂါ​ မတူပါ။ တကယ်ဖြစ်နေတာ ဘာရောဂါလဲ။ ဝမ်းစစ်ဆေးရင် သိတယ်။ V. cholerae တွေ့ရှိမှာသာ ကာလဝမ်းရောဂါဖြစ်ပါတယ်။ Cholera ကာလဝမ်းရောဂါ ကာလဝမ်းရောဂါဟာ အလွန်ကူးစက်မြန်တယ်။ ကုသမှုမရရင် နာရီပိုင်းအတွင်း သေဆုံးနိုင်တယ်။ နှစ်စဉ် ကမာ္ဘမှာ လူ ၁့၃ သန်း ကနေ ၄ သန်းအထိဖြစ်တယ်။ လူပေါင်း ၂၁ဝဝဝ ကနေ ၁၄၃ဝဝဝ သေဆုံးနေတယ်။ ကာကွယ်လို့ရတယ်။ ကုသလို့ရတယ်။ အမြန်လုပ်ရတယ်။ ကုန်ခမ်းသွားတဲ့အရည်နဲ့ ဓါတ်ဆားပြန်ဖြည့်ရမယ်။ ပိုးသေဆေး ပေးရတယ်။ ကာလဝမ်းရောဂါကို ကူးစက်မြန်ဝမ်းရောဂါလို့ခေါ်တယ်။ ပါးစပ်ထဲဝင်တဲ့ ရေနဲ့ အစားအသောက်ထဲမှာ Vibrio cholerae ပိုးပါနေလို့ကူးစက်တယ်။ ပိုးအမျိုးအစားကွဲတွေရှိတယ်။ O1 နဲ့ O139 ဖြစ်တယ်။ ကာလဝမ်းရောဂါဟာ ကပ်ရောဂါ ဖြစ်နိုင်တယ်။ နေရာတခုမှာသာ ကွက်ဖြစ်တာကနေ နေရာအများအပြားကို ပြန့်သွားနိုင်တယ်။ ကူးစက်ခံရရင် ဝမ်းအရည်တွေသွားမယ်။ ကလေးရော လူကြီးတွေပါဖြစ်တယ်။ ၁၂ နာရီကနေ ၅ ရက်အထိကြာတယ်။ တချို့မှာ ပ

မနေ့ကတော့ မြဝတီမှာရေးထားတဲ့ ပညာပေးဆောင်းပါးခေါင်းစဉ်ကို ၃ ခါဖတ်လို့တောင် နားမလည်ပါကြောင်း တင်ပြလိုက်တယ်။  အဲဒီဆောင်းပါးအလိုအရ အသည်းကင်ဆာဖြစ်ရတာ စီပိုးလို့ ဆိုလိုတယ်။ မဟုတ်ပါ။ အသည်းကင်ဆာ ဖြစ်စေတဲ့အကြောင်းခံတွေ အမျိုးမျိုးရှိပါတယ်။ အတိအကျပြောမရပါ။ သေချာတာကတော့ အသည်းကို ပျက်စီးစေတဲ့အကြောင်းခံတွေကနေ ဆက်ဖြစ်တာ။ ပျက်စီးတယ်ဆိုတာ အသည်းအမာရွတ် ခေါ် Cirrhosis အသည်းခြောက်ခြင်းလည်း ပါတယ်။ Cirrhosis အသည်းခြောက်စေတဲ့အကြောင်းခံတွေဆိုတာ Hepatitis B ဘီပိုးနဲ့ C စီပိုး။ စီပိုးက အခုမှ လာပါတယ်။ နောက်တချက်က Alcohol အရက်။ နောက်တခုက Non-alcoholic fatty liver disease အရက်နဲ့မဆိုင်တဲ့ အသည်းအဆီဖုံးခြင်း။ နောက်ဆုံးတခုက Aflatoxin ဓါတ်သင့်ခြင်း။ လူတွေစားသုံးကြတဲ့ အစေ့အဆံတွေကို သိုလှောင်ရာကနေ မှိုပိုးဝင်လို့ ဆက်ဖြစ်တာ။ ဘယ်သာသာရပ်ကိုမဆို ပညာပေးရင် ခိုင်မာတိကျတဲ့အချက်အလက်တွေကိုသာ ရေးသား၊ ပြောဟော၊ ထုတ်ဝေ၊ ကြော်ငြာ၊ ရောင်းချသင့်ကြပါတယ်။ ပညာပေးတယ်ဆိုတာ လျှာ့လည်း မရေးရ။ ဖြဲလည်း မခြောက်ရ။ မြန်မာလိုရေးတဲ့ အွန်လိုင်းပညာပေးတွေ မှန်တာ ရှားတယ်။ ဆောရီး။  ဘယ်အကြောင်းအရာကိုမဆို လွဲရေးတာဆို လူကြိုက်များသေးတာ။ ကန်တော့။ ဒေါက်တာတင့်ဆ

ကျမရဲ့ မိခင်က သားဥအိမ်ကင်ဆာဖြစ်နေတာပါ လွန်ခဲ့တဲ့ ၃လပိုင်းတုန်းက အကျိတ်တွေ့လို့ ခွဲထုတ်ခဲ့ပြီးပါပြီး၊ ပြီးတော့ ကင်ဆာဆေးချိတ်ခိုင်းလို ၆ကြိမ်လည်း ချိတ်ခဲ့ပြီးပါပြီ၊ ဆေးချိတ်ပြီး လက်ရှိကို ကင်ဆာဆေးစားနေခဲ့တာ ၄လလောက်ရှိပါပြီ၊ အခု အကျိတ်က ထပ်ဖြစ်နေလို့ပါ၊ ဆရာဝန်ကို ပြတော့ ထပ်ပြီးခွဲစိတ်ရမယ်လို့ပြောပါတယ်၊ အကျိတ်က ဘာလို့ထပ်ဖြစ်နေရတာလဲရှင့်၊ ဘာဆက်လုပ်ရင် အဆင်ပြေနိုင်မလဲ လမ်းညွှန်ပေးကြပါဦးရှင့် ဆရာဝန်ကို မေးတာတော့ မဟုတ်ပါ။ ကင်ဆာမေးခွန်းကို ဆရာဝန် မမေးကြပါ။ ဖေ့စ်ဘွတ်အကောင့်ရှိသူတိုင်းကို ကင်ဆာအထူးကုလို့ ယူဆသူက များတယ်။ မြန်မာပြည်မှာ။ အဲလိုဖြစ်လာတာ ၁-၂ နှစ်သာ ရှိသေးတယ်။ Zoom ကနေ ကင်ဆာဆေးသွင်းပေးလို့ရတဲ့ခေတ်၊ မက်စင်ဂျာကနေ ဓါတ်ကင်ပေးလို့ရတဲ့ခေတ် ရောက်လာမလား မပြောတတ်။ ဆရာရှင့် ကျမက လွန်ခဲ့တဲ့ ၅နှစ်က ဘယ်ဘက်သားဥအိမ်မှာ အလုံးဖြစ်လို့ ခွဲစိပ်ပြီး သားဥအိမ်တဖက် ဖြတ်ထားပါတယ် ကီမို 4 cycle complete ဖြစ်ပြီးကုသခဲ့ပါတယ် ခု ညာဘက်သားဥအိမ်မှာ အလုံးထပ်ဖြစ်လို့ ခွဲစိပ်ပြီး သားဥအိမ်ရော သားအိမ်ပါထုတ်ထားပါတယ် ခွဲစိပ်ပေးတဲ့ OG ကတော့ ဆီးအိမ်ဘက်နားပြန့်နှံနေလို့ Stage 2B လိုသတ်မှတ်ပါတယ် Biopsy အဖြေကတော့ Stage 1C2 လို့ပြ

ဆရာဝန်တယောက်ရေးတဲ့ ကွန်မင့် = မင်းသားခြင်နိုင်ဆေးခွေမီးရှို့ထားရင်အနံ့ကအတော်ဆိုးတာ။ မန္တလေးတော့မပြောနဲ့ ရန်ကုန်မှာကိုခြင်လုံခန်းထဲမှာတောင်ခြင်ဘက်တံရမ်းရတယ်။ ဗီတာမင်ဘီဝမ်းစားထားရင် ခြင်မကပ်ဘူးတဲ့၊ သူ့အနံ့မကြိုက်လို့ဆိုပဲ။ ခြင်နှိမ်နင်းရေးအတွက် Vitamin B1 (Thiamin) ဗီတာမင်ဘီ-ဝမ်းကို ဆေးပညာနယ်ပယ်မှာ အမျိုးမျိုးပြောကြပါတယ်။ ဆန်းစစ်မှုရလဒ်တွေက မတူကြပါ။ • ၂ဝဝ၅ ထုတ် Journal of the American Mosquito Control Association မှာရေးထာတာရှိတယ်။ ဗီတာမင်ဘီ သောက်ထားသူအုပ်စု၊ ဗီတာမင်စီသောက်ထားသူအုပ်စုနဲ့ ဘာဆေးမှမသောက်သူအုပ်စု (၃)  စုကို လေ့လာတယ်။ မထူးခားဘူးလို့ ကောက်ချက်ချပါတယ်။ • သိပ်မကြာသေးခင်က ဘရာဇီးလ်မှာ ဗီတာမင်ဘီကို ဖြန်းဆေးလုပ်ပြီး စမ်းခဲ့တယ်။ မထူးဘူးလို့ကောက်ချက်ချတယ်။ • ၁၉၆ဝ ကျော်လာကက သုတေသနတွေအရ ဗီတာမင်ဘီ-ဝမ်းကို နေ့စဉ်နည်းနည်းသောက်တာ ခြင်ကိုက်မခံရ (သက်သာတယ်) လို့သိရပါတယ်။ လူ့အရေပြားအနံ့ကနေ ခြင်ပြေးအောင်လုပ်တာဖြစ်တယ်။ • ဒီဆေးနံ့ကို လူကမရပေမယ့် ခြင်ကအတော်မကြိုက်ပါလို့ Pediatric Clinics of North America, 16:191, 1969 မှာ ရေးသားထားပါတယ်။ • ဘီ-ဝမ်းဆေးပြားကို တနေ့မှာ 25 ကနေ 50mg အထိ ၂ ပါတ်ကြာသောက်ထားရ

ဆရာမင်္ဂလာပါရှင်။ ပထမဆုံးအကြိမ်ဖြစ်လို့ အမှားပါရင် ခွင့်လွှတ်ပေးပါဆရာ။ သမီးကတောင်ငူမြို့မှာနေပါတယ်ဆရာ။ သားနှစ်ယောက်ရှိပါတယ် ၆ နှစ်နဲ့ ၃ နှစ်ပါရှင့်။ အခုသိချင်တာက probiotic အကြောင်းပါဆရာ။ ကလေးငယ်တွေကို တိုက်လို့ရပါသလားဆရာ။ ကိုယ်ခံအားကောင်းတယ်လို့ကြားလို့ပါ။ သားကြီး ဝမ်းကိုက်တုန်းကတော့ တခါတိုက်ဖူးပါတယ် ဆရာ။ ဆေးရဲ့အကျိုးအာနိသင်ကိုသိပါရစေရှင့်။ Probiotics (ပရိုဘိုင်အောတစ်) ဆိုတာ Probiotic bacteria (ပရိုဘိုင်အောတစ် ဗက်တီးရီးယား) အစာလမ်းကြောင်းမှာ ရှိနေကြတဲ့ ဗက်တီးရီးယားအကောင်းတွေနဲ့ Probiotic yeasts (ပရိုဘိုင်အောတစ် ယိစ်) တွေကိုခေါ်တယ်။ ကျန်းမာရေးအတွက် ကောင်းစေတယ်။ အထူးသဖြင့် အစာခြေရာမှာအသုံးကျတယ်။ (ပရိုဘိုင်အောတစ်) က ကိုယ်ထဲမှာလည်းရှိနေတယ်။ အစားအသောက်တွေထဲမှာလည်းပါနေတယ်။ အစားအသောက် တွေကနေ ဆေးအဖြစ်ထုတ်တယ်။ ဒါ့အပြင် အစာတွေကနေ ကင်ဆာဖြစ်စေမှာကိုလဲ တားနိုင်တယ်လို့ ဆိုပါတယ်။ ဇီဝ-ဓါတုဗေဒလိုပြောရရင် b-glucuronidase နဲ့ Nitro-reductase ခေါ်တဲ့ (အင်ဇိုင်းမ်) တွေကနေ ကင်ဆာဖြစ်စေမှာမျိုး ပြောင်းလဲ မသွားစေဘို့ရာ လုပ်ပေးနိုင်တယ်။ ကိုယ်ခန္ဓာရဲ့ ခုခံအားစနစ်တခုထဲကနေ ဒီတာဝန်ယူနေရတာကို ဒါတွေကနေ အကူညီပေးတယ်။ ရ

ဆရာရှင့် ဒီနေ့ Facebook မှာတင်ထားတာတွေ့လို့ သိချင်လို့ပါ။ ဆေးကိုချိုးပြီး စိပ်ပိုင်းပြီး မသောက်သင့်ဘူးဆိုတာ မှန်ပါလားရှင့်။ ကျွန်မလည်း တခါတရံ ဆေးလုံးကြီးတဲ့အခါ လည်ချောင်းထဲမှာ တစ်နေသလိုခံစားရလို့ လေးစိပ်ခွဲပြီး သောက်လေ့ရှိပါတယ်။ ပြီးတော့ ကျွန်မအဖေကို ရန်ကုန်မှာ အထူးကုဆေးခန်းမှာပြတဲ့အခါမှာလည်း ဆရာဝန်က 25mg အားပါတဲ့ဆေးသောက်ဖို့ညွှန်းပေမယ့် ဆေးအရောင်းကောင်တာက မရှိတဲ့အခါမှာ 50mg ပေးပြီး တခြမ်း သောက်ခိုင်းပါတယ်။ တခြားဆေးတွေလည်း အဲဒီလိုမျိုးခဏခဏပေးပါတယ်။ ကျေးဇူးပြုပြီး ညွှန်ကြားပေးပါဆရာ။  ပို့ပေးတဲ့ ဖေ့စ်ဘွတ်ပါစာကို မတင်တော့ပါ။ တချို့ကလုံးစေ့ပတ်စေ့မဖတ်ပဲ အဲတာမျိုးပဲ အမှန်ယူသွာတတ်ကြတယ်။ သတ်ပုံအမှား နမူနာတွေလည်း မတင်ပါ။ ကွန်မင့်မှာလာတင်တိုင်း ဖျက်တယ်။  ဆေးကို တဝက်၊ တစိတ်ခွဲခြမ်းသောက်သင့် မသောက်သင့်တဲ့။ ဒီမေးခွန်းအတွက် ဆေးသုတေသန ရှာရမလွယ်၊ ကျွန်တော်က မဟောသဓလည်းမဟုတ်ပါ။ ဆေးဆိုတာ သင်္ချာမဟုတ်ပါလို့ ပြောလိုက်သူဟာ ဆရာဝန်တော့ ဟုတ်ပုံမရပါ။ ထိုးဆေးနဲ့ ဆေးရည်မဟုတ်တဲ့ စားဆေးမှာ Pill ဆေးလုံး၊ Tablet ဆေးပြားနဲ့ Capsule ဆေးတောင့်လို့ရှိတယ်။ ခုခေတ် ပြည်တွင်းမှာ ဒုံးပျံဆိုတာ မေးခွန်းတွေထဲမှာပါလို့သိတယ်။ စအို

၁။ ဆရာ မင်္ဂလာပါရှင် ကျွန်မ အသက်၊ ၄၆ နှစ်ပါ။ မန္တလေး မြို့ကပါ။ မျက်နှာမှာ တင်းတိတ်ကျလာတာ ပိုပိုများ လာပါတယ်ဆရာ။ သူများပြောတဲ့လိမ်းဆေးများ ကြော်ငြာလိမ်းဆေးများ လိမ်းတာ ပိုများလာပါတယ်။ အရင်တခါ ဆရာ့အား မေးမြန်းဘူးပါတယ်။ ဆရာမှ Melasma တင်းတိတ် ဘလော့မှာဖတ်ရန် ညွှန်ကြား၍ ဖတ်သော်လည်း အင်္ဂလိပ်စာနှင့်ဆေးများကို သေချာစွာဖတ်ရှုနိုင်ခြင်းမရှိပါ။ သို့ပါ၍ လိမ်းဆေး သောက်ဆေးများကို ညွှန်ကြား ကူညီပေးစေလိုပါတယ်ရှင့်။ ကျေးဇူးတင်စွာဖြင့်။ ၂။ ဆရာရှင့်ကျမ အသက် ၃၅ နှစ်ပါ။ ကျမ လွန်ခဲ့တဲ့ ၈ နှစ်၊ သားဦးကိုယ်ဝန်ဆောင်ထားချိန်မှာ ကျမရဲ့ ပါးနှစ်ဖက်မှာ တင်းတိတ် ထွက်လာတာ ပေါ်လိုက်ပျောက်လိုက်ပါဘဲ။ ကျမကရွှေပြည်နန်းသနပ်ခါး တမျိုးဘဲ အမြဲလိမ်းပါတယ်။ ကျန်တာဘာဆိုဘာမှ မလိမ်းပါဘူး။ တခြားတခုခုကိုလိမ်းမိရင်လည်း အဖုလေးတွေထွက်လာတတ်လို့မလိမ်းပါဘူး။ ယခု လုပ်ငန်းခွင်သွားရတော့ ပါးပေါ်ကတင်းတိတ်တွေက ပိုမဲပြီးပေါ်လာပါတယ်။ ဘယ်လိုပျောက်အောင်လုပ်သင့်ပါသလဲဆရာ။ အရေပြားမှာ အရောင်ရင့် အစက်-အကွက်တွေ ဖြစ်လာတာကို Hyperpigmentation လို့ခေါ်တယ်။ ဒီလို ဖြစ်တာတွေ ထဲမှာ မှဲ့ခြောက်၊ တင်းတိပ်စသဖြင့်ပါတယ်။ အရုပ်ဆိုးတာကလွဲရင် ဒုက္ခမပေးပါ။ ဖြစ်တဲ့နေရာမှာ

အယ်လ်ဇိုင်းမားရောဂါကုသရန် ဆေးသစ် အတည်ပြုချက်ရရှိ။ Kisunla (donanemab-azbt) injection ဆေးကို ၄ ပတ်တခါ သွေးကြောထဲ သွင်းပေးရပါတယ်။ ဒေါက်တာတင့်ဆွေ

"ကောင်းသော ဆရာဝန်သည် အနာရောဂါကို ကုသပါသည်။ ထူးချွန်သော ဆရာဝန်သည် အနာရောဂါ ရှိသော လူနာကို ကုသပါသည်။" – ဝီလီယမ် အော့စလား "The good physician treats the disease; the great physician treats the patient who has the disease." – William Osler (Listener's Heaven Audiobooks - အသံစာအုပ်) ဖြည့်စွက်ပါမည်။ ခွဲစိတ်ဆရာဝန်သည် မည်သို့မည်ပုံ ခွဲစိတ်ကုသရမည်ကိုသိ၏။ ထူးချွန်သော ခွဲစိတ်ဆရာဝန်သည် ခွဲစိတ်ရန် မလိုအပ်သည်ကိုလည်း သိ၏။ ကျွန်ုပ်ဆရာဝန်သည် မေးခွန်းများကို ကြိုးစားဖြေကြားနေပါ၏။ မှန်ကန်သည်များကို ဖြေရသကဲ့သို့ မဟုတ်မမှန်သော ဆေးနည်းများကိုပါ ဖြေကြားနေရ၏ လူနာအများစုသည် ကုသနည်းကို မမေးဘဲ၊ ဘယ်အစားအစာတွေကို ရှောင်ရမလဲဟုမေးကြ၏။ လူကြီးမင်း၏ရောဂါအတွက် ရှောင်စရာမလိုပါ။ တသက်လုံးစားလာသမျှ စားလို့ရပါသည်ဟုလည်း ဖြေရတတ်၏။ သို့သော် ဆရာဝန့်စကားကို ယုံသူ နည်းပါး၏။ ဆီးချို၊ သွေးတိုး၊ ကိုလက်စထောနှင့် ဂေါက်ရောဂါရှိသူများကိုမူ ရှောင်စရာစာရင်းနှင့်တကွ ဖြေပေးရ၏။ သို့သော် စာကို ကုန်အောင်ဖတ်သူနည်းပြီး၊ လိုက်နာသူ ပို၍နည်း၏။ မြန်မာပြည်ကြီး ကိုယ်ရော စိတ်ပါ နေကောင်းပါစေသတည်း။ ဒေါက်တာတင့်ဆွေ

၁။ သမီးခြေထောက်တွေမှာ အရေကြည်ဖုသေးသေးလေးတွေ ပေါက်ပါတယ် တအားယားပါတယ်ဆရာ အမာရွတ် ကျန်တဲ့နေရာကလည်း ပြန်ယားပါတယ်ရှင့် အခုသမီးမှာ အမာရွတ်တွေအများကြီးနဲ့မို့ အပြင်မသွားရဲသလောက် ဖြစ်နေလို့ပါရှင့် အသက် ၂၃ နှစ်ပါဆရာရှင့်။ A သွေးပါ သမီးအရေကြည်ဖုတွေပေါက်တာ ပျောက်အောင်ဘာလုပ်ရမလဲရှင့်  ဖြစ်တာ ၆ နှစ်လောက်ရှိပါပြီ လိမ်းဆေးလည်းစုံနေပါပြီရှင့် ကူညီဖြေကြားပေးပါ ဆရာရှင့် ၂။ ဆရာရှင့် ကျွန်မ သမီးလေးမှာ အနီစက်ကလေးတွေ မပျောက်လို့ ဆရာဝန်ပြတာ ဆင်နှင်း ခူလို့ပြောပါတယ်ရှင့်။ ကလေးအသက်က ၁၁နှစ်ပါရှင့်။ အရေပြားအထူးကုနဲ့ ၂ပတ်တခါပြရပါတယ်ရှင့်။ အနီစက်အကွက်လေးတွေက ရဲရဲလေးတွေဖြစ်ရင်ဆေး လိမ်းလိုက် ပျောက်ရင် အဖြူကွက်လေးတွေကျန်ခဲ့ပါတယ်ရှင့်။ အဲ့ရောဂါ အကြောင်းလေးနဲ့ ဆောင်ရန်ရှောင်ရန်နှင့် တသက်လုံးပျောက်နိုင်မပျောက်နိုင် အသက်အန္တရာယ် စိုးရိမ်ရလားသိချင်ပါတယ်ရှင့်။ ၃။ ဆရာ အသက်က ၂၁ နှစ်ယောကျ်ားလေးပါ။ မျက်နှာနဲ့ ခေါင်းတွေယားနေလို့ dermatologist ဆီ သွားပြတာ ပထမတော့ allergic ဖြစ်တယ်လို့ပြောပါတယ်။ဆေးပေးလိုက်တာ မသက်သာလို့ နောက် ၁၀ ရက်နေပြန်ပြတော့ seborrheic dermatitis ဖြစ်နေတယ်လို့ ကောက်ချက်ချပါတယ်။ ခေါင်းရော မျက်နှာရောကို လိမ်းဆေး C

မေးနည်းစည်းကမ်းကိုလည်း အကြိမ်တထောင်လောက် တင်ပြထားတယ်။ အီးမေးလ် နဲ့ မက်စင်ဂျာ ကနေမေးပါရန်လို့ ပါရှိတယ်။ - ဖုန်းနဲ့မေးတာ မဖြေပါ။ အသံဖိုင်နဲ့မေးတာ မဖြေပါ။ - ဖြစ်တဲ့သူ အသက်-ကျား-မကို အရင်ဆုံးရေးပါ။ လူအမည်တွေ မလိုပါ။ - ဖြစ်တဲ့သူက အမျိုးသမီးဆိုရင် ရာသီ၊ အိမ်ထောင်ရေး၊ ကလေး၊ ကိုယ်ဝန်။  - ဆေးစစ်ချက်တွေမှာ ပုံမလိုပါ။ မှတ်ချက်စာသာလိုတယ်။  - ဖုန်းဆက်ပြီး မမေးပါနဲ့။ အသံဖိုင်နဲ့ ဗီဒီယိုဖိုင်လည်း မပို့ပါနဲ့။ - စာရေးတာ သတ်ပုံမမှန်လည်း ဖတ်လို့နားလည်ရင် ဖြေပါတယ်။ - မေးနည်းစည်းအတိုင်း မမေးလိုသူတွေက ဘလော့မှာရှာဖတ်နိုင်ပါတယ်။  - drswe2018@gmail.com - doctortintswe@gmail.com - Telegram တယ်လီဂရမ် https://t.me/TintSwe_Yamuna_Oline_Clinic - တို့စာ တို့စကား တို့တိုင်းပြည် https://burmese-spelling.blogspot.com/ - Dr. Tint Swe Medical and Knowledge Writings https://dr-tint-swe.blogspot.com/ မြန်မာနိုင်ငံသားတွေ ဘယ်မှာနေနေ ကျန်းမာကြပါစေ။ စည်းကမ်းရှိကြပါစေ။  ဒေါက်တာတင့်ဆွေ