Dr. Tint Swe Medical and Knowledge Writings

(ကန်တော့) ၁။ ကျမအသက်(၄၅)သမီး(၂)ယောက်အမေပါရှင့် သားဥအိမ်(၂)ဘက်လုံးမှာသွေးလုံး၊ သားအိမ်အသားလုံးကြောင့် သားအိမ်၊သားဥအိမ်၊အူအတက် အကုန်ထုတ်ထားပီး(ပြီး) အခု(၆)လပြည့်မှာ OG က renorma ဆေး(၃)လသောက်ခိုင်းပြီး၊ oestrogel လိမ်းဆေး ဗိုက်တနေ့တကြိမ် လိမ်းရပါတယ်ရှင့်၊ renorma, oestrogel ဆေးတွေအကြောင်း ဆရာတင်ထားတာလဲဖတ်ပါတယ်ရှင့်၊အခုကျမခံစားနေရတာ အိပ်ရေးဝအောင်အိပ်လဲ(လည်း) မနက်နိုးလာရင် တကိုယ်လုံးညောင်းချိ အကြောတွေတင်း လူကမလန်းပဲ တနေ့လုံး အိပ်ချင်အိပ်ငိုက်နေတာ တော်တော်ခံရခက်ပါတယ်ရှင့် လူကလန်းဆန်းပေါ့ပါးမနေပဲ ထိုင်းမှိုင်း အကြောတွေထက် ခြေသလုံးတွေတင်းခြေဖဝါးလဲ(လည်း) နဲနဲနာနေလို့ပါဆရာ တနေ့ မိနစ်(၃၀)တော့ ရအောင်လမ်းလျှောက်ပါတယ်ရှင့် အခုခံစားနေရတာတွေ သက်သာအောင် ဘာဆေးထပ်သောက်ရမလဲ ကျေးဇူးပြုပြီး လမ်းညွှန်ပေးပါဆရာရှင့် ၂။ အသက်က ၄၀ ကျော် ၅၀ နီး စိတ်နဲ့ကိုယ်ကမကပ် တခါတလေ ဒေါသထွက်တယ် စိတ်တိုတယ် ဝမ်းနည်းတယ် အားငယ်တယ် စိတ်ဓာတ်ကျတယ် ဘာတွေဖြစ်မှန်းကို မသိတော့ဘူး သေမင်းနဲ့နှစ်ပါးသွားချင်‌တော့တာ ထင်တယ်။ (၂) က တင်ထားတာတခု ဖြစ်ပါတယ်။ အဲလိုဖြစ်နေသူဟာ အမျိုးသမီးသာဆိုရင်တော့ သွေးဆုံးချိန်ကို သေချာပေါက် စဉ်းစားရပါမယ်။ ကန်တော့။...

ဆရာ အခုရန်ကုန်မှာ (ခေတ်မှီဆေးခန်း) တို့ (နယူးဟောင်ကောင်) ဆေးခန်းတို့ ဖွင့်ထားပါတယ်။ သူတို့က လိင်အင်္ဂါ ရှည်စေဖို့ (2cm) ရှည်စေရမယ်လို့ ရေးထားပါတယ်။ အဲဒါ စိတ်ချရပါ့မလား။ မေးကြည့်တော့ ဆေးထိုးဆေးသောက် ၁ လလုပ်ရမယ်တဲ့။ ကျားလိင်အင်္ဂါကို ပြုပြင်ပေးနည်းတွေ (၅) ပုဒ်ရေးထားပါတယ်။ ဒီစာထဲမှာတော့ ခွဲစိတ်နည်းတခုထဲကိုသာ ရေးပါမယ်။ ကျားလိင်အင်္ဂါခွဲစိတ်နည်းက ၁၉၇၁ ကတည်းကပေါ်ပါတယ်။ အဓိကတီထွင်ရတာကတော့ Micropenis ခေါ်တဲ့ မွေးရာပါ လိင်င်္ဂါသေးလွန်းနေတာအတွက် ဖြစ်ပါတယ်။ ဒါ့ပြင် (Peyronie's disease) လိင်အင်္ဂါ ကင်ဆာနဲ့ ထိခိုက် ဒဏ်ရာရသူ (ဥပမာ လှီးဖြတ်ခံရသူ) တွေကိုလဲ လုပ်ပေးပါတယ်။ အမေရိကမှာ လုံးပတ်၊ အရှည်အတွက်ခွဲစိတ်မှုကို ၁၉၈ဝ ကျော်မှာလုပ်ပါတယ်။ နည်းစနစ်ဆိုတာကိုတော့ ၁၉၉ဝ ကျမှ ပေါ်ထွက်လာပါတယ်။ ခုထိ လူနာပေါင်း ၂ဝဝဝဝ ကျော် ခွဲစိတ်ပြုပြင်မှုခံယူပြီးဖြစ်ပါတယ်။ ဒါပေမဲ့ စနစ်ကျတဲ့ လေ့လာ ဆန်းစစ်မှုနဲ့ နောက်ဆက်တွဲဆိုးကျိုးတွေကို ထုတ်ပြန်ထားတာ မရှိသေးပါ။ လက်လှမ်းမီသလောက် ရလဒ်တွေက စိုးရိမ်စရာတွေ များပါတယ်။ Penile lengthening ရှည်စေနည်းမှာ Suspensory ligament အရွတ်ကိုဖြတ်ပေးမယ်။ ပိုရှည်လာမဲ့နေရာကို အရေပြား ဖုံးပေးမယ်။ ပ...

မုံလာဥဖြူပြုတ်စားခြင်းဟာ အူလမ်းကြောင်း ရှင်းပေးတယ်ဆိုတာ ဟုတ်ပါသလားဆရာ Daucus carota လို့ခေါ်တဲ့ မုန်လာဥဖြူမှာ ကျန်းမာရေးအကျိုးကျေးဇူးတွေ ရှိပါတယ်။  ဗီတာမင် A များစွာပါဝင်သဖြင့် မျက်စိအမြင်အာရုံ (ကြက်မျက်စိ)၊ ကိုယ်ခံအားနှင့် အရေပြားကျန်းမာရေးတို့ကို ကောင်းစေသည်။  ဗီတာမင် C ကြွယ်ဝစွာပါဝင်သဖြင့် ခုခံအားစနစ်ကို မြှင့်တင်ပေးပြီး အသားအရေအတွက် ကော်လာဂျင် ထုတ်လုပ်မှုကို ကူညီပေးသည်။  ဗီတာမင် K လည်းပါသဖြင့် သွေးခဲခြင်းနှင့် အရိုးကျန်းမာရေးအတွက် ကောင်းစေသည်။ အမျှင်ဓာတ်တွေ ကြွယ်ဝစွာပါဝင်ပြီး အစာချေဖျက်မှုနဲ့ အစာအိမ်ကျန်းမာရေး ကောင်းစေသည်။  သွေးဖိအားကို ထိန်းညှိပေးပြီး နှလုံးကျန်းမာရေးအတွက် မရှိမဖြစ်လိုအပ်တဲ့ ပိုတက်စီယမ်ဓာတ်လည်း ပါဝင်ပါတယ်။  အာဟာရဓာတ်များပြီး ကယ်လိုရီနည်းသော အမြစ်ဟင်းသီးဟင်းရွက်ဖြစ်သည်။  ဓာတ်တိုးဆန့်ကျင်ပစ္စည်းတွေက ကင်ဆာဖြစ်နိုင်ခြေကို လျှော့ချပေးနိုင်ပါတယ်။ ဦးနှောက်ကျန်းမာရေးကို မြှင့်တင်ပေးနိုင်သည်။ အခြားအသုံးပြုမှုများ မုန်လာဥဖြူ၏ မရှိမဖြစ်လိုအပ်သောဆီထဲတွင် antihelmintic၊ antimicrobial၊ hypotensive နှင့် diuretic ဂုဏ်သတ္တိများ ရှိသည်။ ရိုးရာဆေးပညာတွင...

  hiv ပိုးက သွေးကတဆင့်ကူးစက်တာဆိုတော့၊ ဘယ်လောက်ထိကူးစက်မှုနှုန်းမြန်ပါလဲဆရာ။ hiv ပိုးရှိတဲ့သူရဲ့လက်ထိပ်ကိုဖောက်ပြီး၊အခြားပိုးမရှိတဲ့သူရဲ့ လက်ထိပ်ကိုလည်း ထပ်ဖောက်လိုက်ပြီး၊ ရောဂါရှိတဲ့သူရဲ့လက်ထိပ်နဲ့ ရောဂါမရှိတဲ့လူရဲ့လက်ထိပ်အချင်းချင်း ထိစပ်လိုက်ကြမယ်ဆိုရင်၊ ရောဂါမရှိတဲ့သူကို hiv ရောဂါပိုးကူးစက်ခြင်းခံရမှာဆိုတာကိုတော့သိပါတယ်ဆရာ။ ဒါပေမယ့်ကျနော့်အတွေးထဲ တခုထပ်ဝင်လာလို့မေးကြည့်တာပါဆရာ။ အဲဒီဒုတိယကူးစက်ခံရတဲ့သူရဲ့ လက်ထိပ်ကိုထပ်ဖောက်ပြီး တတိယရောဂါပိုးမရှိတဲ့သူရဲ့လက်ထိပ်ကို ထပ်ဖောက်ပြီး ချက်ချင်းထိကြည့်လိုက်တာနဲ့ တတိယလူကိုရောဂါကူးစက်နိုင်ပါသလားဆရာ။ကျနော်သိချင်တာလေးကအဲဒီရောဂါရဲ့ကူးစက်မှုနှုန်းဘယ်လောက်ထိမြန်ပါလဲဆိုတာကိုသိချင်တာပါဆရာ။ ကျေးဇူးပြု၍ - ဆေးသုတေသနဆိုတာ အပြေးပြိုင်ပွဲလို မဟုတ်ပါ။  - လူတွေအတွက် အမှန်တကယ်အကျိုးရှိစေမှာအတွက်သာ အချိန်၊ လူ၊ ငွေ အကုန်ခံပြီး လုပ်ဆောင်ပါတယ်။ - အသက်နဲ့ အလောင်းအစား မလုပ်ရပါ။ HIV အကြောင်းတွေ Blog မှာ အားလုံး တင်ထားတယ်။ မကြာခဏလည်း ဒီမှာ တင်ပါတယ်။ HIV Tests (1) စမ်းသပ်နည်းများ (၁) https://dr-tint-swe.blogspot.com/2021/05/hiv-tests-1.html World AIDS Day ကမ္ဘ...

ဘိန်းမပါသော အကိုက်အခဲပျောက်ဆေး အမျိုးအစားသစ်ကို အတည်ပြု အမေရိကန် အစားအသောက်နှင့် ဆေးဝါးကွပ်ကဲရေးဌာန (FDA) သည် အရွယ်ရောက်ပြီးသူများအတွက် အလယ်အလတ်မှ ပြင်းထန်ပြင်းထန်သော နာကျင်မှုကို ကုသရန် အရွယ်ရောက်ပြီးသူများအတွက် ဆေးအမျိုးအစားအသစ်ကို အနှစ် ၂၀ အတွင်း အတည်ပြုခဲ့သည်။ Journavx (suzetrigine) ဇီဝနည်းပညာကုမ္ပဏီ Vertex Pharmaceuticals မှ ထုတ်လုပ်သည့် ဆေးဝါးသည် ဤဝေဒနာအတွက် အသုံးပြုလေ့ရှိသော ဘိန်းပါသည့်ဆေးများနှင့် မတူဘဲ စွဲလမ်းစေသော ဂုဏ်သတ္တိများ မပါရိသည့် အကိုက်အခဲပျောက်ဆေး ဖြစ်သည်။ အသက် ၁၈ နှင့် ၈၀ နှစ်ကြား အရွယ်ရောက်ပြီးသူများအတွက် စမ်းသပ်မှု နှစ်ခုတွင် ပြင်းထန်သော နာကျင်မှုကို ၄၈ နာရီအတွင်း ၅၀% ခန့် လျှော့ချနိုင်သည်ကို တွေ့ရှိခဲ့သည်။ Journavx သည် အဖျားအနားအာရုံကြောစနစ်ရှိ NaV1.8 နာကျင်မှုအချက်ပြမှုကို တားဆီးခြင်းဖြင့် လုပ်ဆောင်သည်။  အခြားစမ်းသပ်မှုတွင် ခွဲစိတ်မှုမဟုတ်သော ပြင်းထန်သောနာကျင်မှုအခြေအနေများ ကျယ်ပြန့်သော လူနာများတွင်လည်း ဘေးကင်းပြီး ထိရောက်မှုရှိကြောင်း တွေ့ရှိခဲ့သည်။ အသည်းအတွင်းရှိ အင်ဇိုင်းအချို့ကို ပြင်းပြင်းထန်ထန် ဟန့်တားသည့် အခြားဆေးဝါးအချို့နှင့် မသုံးနိုင်ပါ။ Journavx ...

(ကန်တော့) Public အိမ်သာသုံးရင် HIV ပိုးကူးစက်နိုင်သလားဆရာ ထိုင်းကအဆိုတော်တယောက် Public အိမ်သာကနေ HPV ပိုးကူးစက်တယ်လို့ရေးထာတာကို ဆခရင်မရှော့ နဲ့ပို့တယ်။ အမှားကို မတင်တော့ပါ။ HPV နဲ့ HIV မတူပါ။ HIV ကူးစက်နိုင်တဲ့ နည်းလမ်းများ ၁။ ပိုးရှိသူ နှင့် လိင်တူ-လိင်ကွဲ ဆက်ဆံခြင်း၊ လူနာ ၉ဝ% က လိင်ဆက်ဆံရာက ကူးတယ်။ ၆ဝ-၇ဝ% က လိင်တူဆက်ဆံလို့ ကူးတယ်။ ၂။ ပိုးပါတဲ့ သွေးသွင်းခြင်း (၉ဝ% ကျော် ကူးနိုင်စွမ်းရှိတယ်)၊ ပိုးရှိသူနဲ့ ဆေးထိုးအပ် ဆေးထိုးပြွန် မျှဝေသုံးစွဲခြင်း၊ တကတူး ဆေးမင်ကြောင် ထိုးခြင်း၊ ဓါတ်အပ် စိုက်ခြင်း၊ ကွင်းတွေတပ်ဆင် အလှပြင်ခြင်း၊ ၃။ ကိုယ်ဝန်ဆောင် မိခင်က ကလေးကို ကူးစက်ခြင်း (၁၅-၃ဝ%) တို့ ဖြစ်တယ်။ HPV ကြွက်နို့ ဗိုင်းရပ်စ် Human papillomavirus (HPV) သည် များသောအားဖြင့် မိန်းမကိုယ်၊ စအို၊ သို့မဟုတ် ပါးစပ်ဖြင့် လိင်ဆက်ဆံစဉ်တွင် အရေပြားမှ အရေပြား ထိတွေ့ခြင်းမှတဆင့် ကူးစက်သည်။ HPV သည် လက္ခဏာများ သို့မဟုတ် လက္ခဏာများမပြသော်လည်း လိင်အင်္ဂါကို နီးကပ်စွာ ထိတွေ့ခြင်းဖြင့်လည်း ကူးစက်နိုင်သည်။  HPV ဘယ်လိုကူးစက်သလဲ။ အရေပြား-အရေပြား ထိတွေ့မှု HPV သည် မိန်းမကိုယ်၊ စအို၊ သို့မဟုတ် ပါးစပ်ဖြင့် လိင်ဆက်ဆံ...

BBC World Service ၉-၁-၂၀၂၅  ကင်ဆာသည် လူငါးဦးတွင် တဦးဖြစ်နေသည့်ရောဂါဖြစ်သည်။ ၂၀၂၅ ခုနှစ်တွင် ကမ္ဘာတဝှမ်းရှိလူသန်း ၂၀ ခန့်သည် ကင်ဆာတမျိုးမဟုတ် တမျိုးရှိနေသည်ဟု ခန့်မှန်းထားသည်။ မကြာသေးမီက ကင်ဆာကာကွယ်ဆေးစမ်းသပ်မှုများစွာ လုပ်ဆောင်ခဲ့ရာ အနာဂတ်အတွက် မျှော်လင့်ချက်နှင့် အလားအလာကောင်းများရရှိလာသည်။ Covid-19 ကပ်ရောဂါကာလအတွင်း သုံးခဲ့သည့် နည်းပညာအသစ်ဖြစ်သော mRNA ခေါ် ကာကွယ်ဆေး အမျိုးအစားသစ်နည်းကို သုံးပါသည်။ ခန္ဓာကိုယ်တွင်းရှိပြီးသား ကင်ဆာဆဲလ်များကို ပစ်မှတ်ထားရန် အသုံးပြုနိုင်သည့် ကာကွယ်ဆေးများကို ဖန်တီးရန် လုပ်ဆောင်နေသည့် အခြေခံအုတ်မြစ်ချနည်းပညာ ဖြစ်သည်။ တနေ့တွင် လူနာတဦးချင်းစီအတွက်သီးသန့် ကင်ဆာကာကွယ်ဆေးအမျိုးအစား အသုံးပြုလာနိုင်မည် ဖြစ်သည်။ ဂူရယ်ဘာသာပြန်အတိုင်း တင်ထားခဲ့တာကို စာပြန်ချောရပါသည်။ ဒေါက်တာတင့်ဆွေ

(အရက်သောက်သူတွေကို သတိပေးအပ်ပါတယ်။ ဆေးလိပ်သောက်သူက သူ့ဘေး ၆ ပေပတ်လည်ကိုသာ ရောဂါ ရစေနိုင်တယ်။ အရက်ကတော့ သောက်တဲ့သူသာမက မိသားစုနဲ့ အသိုင်းအဝိုင်းကိုပါ ဒုက္ခအကြီးအကျယ် ပေးပါတယ်။ ကျွန်တော် ဆေးပညာစာရေးရင် ခြောက်လှန့်ချဲ့ မရေးပါ။ ဒီလိုမေးခွန်းမျိုးတွေ မကြာခဏလာတယ်။ ဆောရီး။) ဆရာရှင့် ကျွန်မအဖေက အသက် ၆၃ နှစ်ပါ။ အရင်ကအရက်သောက်လို့ အသည်းခြောက်ခဲ့ပါတယ်။ အခုကျွန်မတို့ မိသားစုကိုလဲ မမှတ်မိပါဘူး။ တချိန်လုံးအရူးတယောက်လိုလမ်းလျောက်နေပါတယ်။ တခါတလေ သူငယ်ပြန်ပါတယ်။ ကျွန်မတို့လဲ ဘယ်လိုလုပ်ရမှန်းမသိလို့ သူပျောက်မှာစိုးတာကြောင့် နောက်ကလိုက်နေရပါတယ်ဆရာ။ ကျွန်မတို့က (-) မြို့မှာနေတာပါဆရာ။ တချို့က အဲ့ရောဂါက ကုလဲမပျောက်ဘူးပြောလို့ ကုလို့ရ မရသိချင်ပါတယ်။ ဒီမှာ ဆရာဝန်နဲ့ပြတော့ မသက်သာလို့ပါဆရာ။ ဆရာကျန်းမာပါစေ။  အသည်းခြောက်ရောဂါဟာ တနည်းနည်းကြောင့် နာတာရှည်အသည်းရောဂါဖြစ်ပြီးနောက် ဆက်ဖြစ်လာတာဖြစ်တယ်။ အသည်းရောင် စီ၊ အသည်းရောင် ဘီ၊ အရက်စွဲရောဂါ နဲ့ အရက်ကြောင့်မဟုတ်ဘဲ အသည်းအဆီဖုံးသူတွေကနေ ဖြစ်လာနိုင်တယ်။ တခြားအကြောင်းတွေလည်း ရှိပါသေးတယ်။ ဖြစ်လာရင် အသည်းက လိုသလောက်နဲ့ လိုသလို မလုပ်နိုင်တော့ဘူး။ နောက်ဆက်တွဲတွေဖြစ်နိုင်...

၁။ ဆရာ သမီးဒေါ်ကြီး (၆၃ နှစ်)  သွေးတိုးရှိ ၊ ဆီးချို သွေးချို မရှိ၊ ၃ နှစ်ကြာသက်တမ်းရှိတဲ့ ပါးမှအကျိတ်ကို ကျွမ်းကျင်ဆရာဝန်နဲ့  ခွဲစိတ် ပြီး အသားစရဲ့အဖြေက (acinic cell carinoma) ပြောပါတယ်ရှင့်။ ခွဲစိတ်ဆရာဝန်က ကင်ဆာဆရာဝန်နဲ့ပြဖို့ တိုက်တွန်းပါတယ်။  ပါးက အကျိတ်ခွဲထုတ်ထားတာ ရက်ပေါင်း (၂၀) ရှိပါပြီရှင့်။ အခုဒေါ်ကြီးခံစားနေရတာက ခွဲစိတ်ဒဏ်ရာကောင်းပေမယ့် ပါးက ၂ ရက်ခြားတခါ အရည်တွေစုတ်ထုတ်နေရပါတယ် လူနာက မခံနိုင်အောင် နားထင်တွေ ခေါင်းတွေကိုက်ပါတယ်။ခွဲစိတ်ဆရာဝန်ရဲ့ပြောပြချက်အရ တံတွေးကရင်းအရည်လို့ သိရပါတယ်ရှင့်။ အခက်ကြုံနေတာက လူနာဒေါ်ကြီးက ကင်ဆာဆရာဝန်တွေ့ပြီး ဆရာဝန်လမ်းညွန်မှုအတိုင်း ပါးကိုခွဲထုတ်ဖို့ ဓါတ်ကင်ဖို့ ငြင်းဆိုနေတာပါ။သူငြင်းဆိုတဲ့အကြောင်းရင်းက ဘာလို့ခွဲစိတ်ဆရာဝန်က ကင်ဆာဆဲလ်ဆိုတာအရင်မစစ်ဆေးပဲ တံတွေးကရင်းနဲ့ပါးမှာတွယ်နေတဲ့ အကျိတ်ကိုခွဲထုတ်ရသလဲ၊ဆရာဝန်ခွဲလိုက်မှ အထဲက အာရုံကြောတွေထိသွားတယ်လို့ ယူဆနေတာပါ။ ကင်ဆာမှန်ရင် ဘာလို့ မခွဲခင်အချိန်က ၃ နှစ်ကြာ ဘာမျှထွေထူးမခံစားရပဲ အသက်ရှင်နေနိုင်သလဲ ပြောဆိုပြီး ကုသဖို့ငြင်းဆ်ိုကာ အခက်တွေ့နေရပါတယ်ရှင့်။ ဒေါ်ကြီးကို ကုသဖို့ ဘယ်လိုများတိုက်တွန...

- ဆရာ ရိုးတွင်းခြင်ဇီ (ရိုးတွင်းခြင်ဆီ) အလှူလုပ်တာ ခွဲစိတ်လှူဒါန်းတာက အန္တရာယ်များလားသိချင်လို့ပါ  အလှူရှင်၏ရိုးတွင်းခြင်ဆီမှ ပင်မဆဲလ်များကို ထုတ်ယူရန် ရိုးတွင်းခြင်ဆီ လှူဒါန်းခြင်းသည် အန္တရာယ်အချို့ကို သယ်ဆောင်ပေးပါသည်။ ဤအန္တရာယ်များသည် ယေဘုယျအားဖြင့် နည်းသော်လည်း ၎င်းတို့ကို သတိထားရန် အရေးကြီးသည်-  ကာလတိုအန္တရာယ်များ-  1. လှူဒါန်းသည့်နေရာ (ပုံမှန်အားဖြင့် ကျောအောက်ပိုင်း) တွင် နာကျင်မှုနှင့် မသက်မသာ၊ 2. လှူဒါန်းသည့်နေရာ၌ ပွန်းပဲ့ခြင်းနှင့် ရောင်ရမ်းခြင်း။ 3. ရောဂါပိုး 4. သွေးထွက်ခြင်း။ 5. ပျို့အန်ခြင်း (မေ့ဆေးကြောင့်)၊ 6. ပင်ပန်းနွမ်းနယ်ခြင်း။ - ခွဲစိတ်ရမယ်ပြောတယ် လုပ်လို့ မေ့ဆေးပေးပြီး ထုတ်ယူရမယ်။  - ဆရာ အသက်အန္တရာယ်ရှိနိုင်ပါသလား ရိုးတွင်းခြင်ဆီ လှူဒါန်းခြင်းသည် ယေဘုယျအားဖြင့် ဘေးကင်းသော်လည်း အန္တရာယ်အချို့ ပါဝင်သည်။ အလှူရှင်အများစုသည် လျင်မြန်စွာဖြေရှင်းနိုင်သော အပျော့စားဘေးထွက်ဆိုးကျိုးများကို ခံစားရပြီး အနည်းငယ်သောသူများသည် ရေရှည်ပြဿနာများရှိသည်။ Bone Marrow Donation: Who Can Donate and How It Works ဒေါက်တာတင့်ဆွေ

ကြက်သွန်ဖြူဥတလုံး ၁။ မီးကင်စားရင် နှာရည်ယိုတာပျောက်တယ်လို့ရေးသားနေတာတွေ့ရပါတယ်ဆရာ။ ဖြစ်နိုင်မဖြစ်နိုင် ဖြေကြားပေးပါဦးခင်ဗျ။ ၂။ မိတ်ဆွေတယောက်က ကြက်သွန်ဖြူ အမွာကြီးသုံးမွာကို နေ့ခင်း တနေ့တကြိမ် ထမင်းစားတဲ့အခါ ရောစားဖို့ မှာပါတယ်ခင်ဗျ ကြက်သွန်ဖြူက ယောက်ျားလေးတေ (တွေ) အတွက်ကောင်းသလို သွေးလည်ပတ်မူလည်း ကောင်းပြီး သွေးခဲများကို ကြေနိုင်စေတဲ့လို့ ညွန်ပါတယ်ခင်ဗျ အစာကြေ လေကောင်းတယ်လို့ ညွန်ပါတယ်ခင်ဗျ အဒါနဲ့ ပက်သက်ပြီး ကျနော် သိချင်တာက ဘေးထွက်ဆိုးကျိုးနဲ့ကောင်းကျိုး ပြီးတော့စားသင့်မစားသင့် စားသင့်တဲ့အခါ ပမာဏ ပြီးတော့ အာနိသင်ပါ အဒါလေးကို ဖြေကြားပေးစေလိုပါတယ်။  လူတိုင်း နှစ်ပေါင်းများစွာ စားသောက်လာတဲ့အစားအစာတွေဟာ လူတွေနဲ့ သင့်တယ်လို့ ယေဘုယျ ပြောနိုင်တယ်။ Warfarin ခေါ် သွေးကျဲဆေးသောက်နေရသူတွေ vitamin K ဗီတာမင်ကေကို ပြောင်းလဲစေနိုင်လို့ အစိမ်းရင့်ရောင် အရွက်ဖါးဖါး ရှောင်ပါ။ နှလုံးရောဂါအတွက် ကောင်းစေနိုင်တဲ့ အစားအသောက်တွေ 1. Turmeric နနွင်း၊ 2. Ginger ဂျင်း၊ 3. Cayenne peppers ငရုတ်သီးစိမ်းတောင့်၊ 4. Vitamin E ဗီတာမင်အီး၊ 5. Garlic ကြက်သွန်ဖြူ၊ 6. Cassia cinnamon သစ်ကြံပိုး၊ 7. Ginkgo biloba 8. G...

၁။ အရိုးကင်ဆာ ဖြစ်စေသော အခြေခံ အကြောင်းအရင်း သိခွင့်ရနိုင်မလား ဆရာ ကျမ ခင်ပွန်းက အသက် ၅၉ နှစ်ထဲမှာပါ ရောဂါလက္ခဏာ မသိခဲ့ပေမယ့် မတ်တပ်ကြာကြာရပ်ရင် ခြေထောက်က ကိုက်တယ်လို့ ပြောတတ်တာ လေး ငါးလ ကြာပြီလို့ သတိထားမိပါတယ် ပြီးခဲ့တဲ့လ(December 9)ရက်ညနေ ဘုရားကန်တော့ရာကနေ ခါးပြန်မတ်တဲ့အချိန်မှာ ပေါင်ထိပ်ကဗျစ်ကနဲ့ အသံတချက်မြည်ခဲ့တာ တင်ပါးခွက်လွဲတယ်လို့ ထင်ခဲ့ရာက လမ်းလျှောက်ရင် နာလိုက် မနာလိုက်ဖြစ်တယ် ဆရာဝန်ပြတော့ ဆေးထိုးပေးခဲ့ စားဆေး ၅ ရက်စာပေးတာ သက်သာပေမယ့် ဆေးကုန်တဲ့အချိန်ပြန်နာလို့ ထပ်ပြပါတယ် နောက်တကြိမ် ဆေးထိုး စားဆေး ၅ ရက်စာပေးတော့လဲ သက်သာပါတယ် ပထမအကြိမ်လိုဘဲ ဆေးကုန်ရင်ပြန်ဖြစ်ပါတယ် January 8 ရက်မှာ အရိုးအကြာအထူးကု ဆရာဝန် ပြဖြစ်ပါတယ် ဓာတ်မှန် ၂ကြိမ်ရိုက်ပြီး စိတ်ထဲတော့ သိပ် မကြိုက်ဘူးလို့ပြောပါတယ် အခုရိုက်တဲ့ဓာတ်မှန်မှာ သေချာမသိနိုင်လို့ သံလိုက်ဓာတ်မှန်ရိုက်မှ သိနိုင်မည် လောလောဆယ် ဆေးတလုံးထိုးပေးလိုက်မယ် စားဆေး တလစာ ပေးလိုက်ပါတယ် ပထမဆယ်ရက်စာ တအုပ်စုနဲ့ နောက်ထပ် ရက်၂၀ ဆက်သောက်ရမည့်ဆေး စုစုပေါင်း တလစာဆေး စားပြီးလို့ မသက်သာရင် မန္တလေးကို သံလိုက်ဓာတ်မှန်ရိုက်ဘို့လွှတ်မယ်လို့ပြောလိုက်ပါတယ် ဆေး သောက်...

၁။ ဆရာခင်ဗျာ။ ကျနော် ညဘက်အိပ်ရင် သွားရည်များလည်းထိမ်းမရအောင်ကျတတ်ပါသည်။ လည်ချောင်းထဲသို့လည်း ပူစပ်ပူလောင်အရည်များ ဝမ်းထဲမှဆန်တက်ကာ တရေးနိုးရပါသည်။ လည်ချောင်းထဲမှာ ထိုအရည်များဆန်တက်သောအခါ မချိမဆန့်ခံစားရပါသည်။ စိုးရိမ်ရပါသလား ဆရာ။ ဘယ်သို့ဘယ်ပုံ ဘယ်လိုနေထိုင်စားသောက်ရမည်လဲ။ ဆေးသောက်လို့ရပါသလား။ သောက်ဆေးရှိပါသလား ဆရာ။ ပြနေတဲ့ဆရာလေးက အစာအိမ်အချဉ်ပြန်ရောဂါဟုပြောပါသည်။ မည်သို့နေထိုင်စားသောက်ရမည်ကို ညွှန်ပြပေးပါခင်ဗျာ။ ၂။ မဂ်လာပါဆရာ။ ညဘက်အိပ်တဲ့အခါ သွားရည် (ဝါ) အာပုတ်ရည်တွေအလိုအလျောက်ကျတဲ့ပြသနာ(ပြဿနာ)ရှိလို့ပါဆရာ။ အဲ့ဒီအာပုတ်(အာပုပ်)ရည်ကျရင်လည်း အလိုအလျောက် လန့်လန့်နိုးတတ်ပါတယ်ပါတယ်ဆရာ။ အရင်ကမဖြစ်ဘူးပေမဲ့အခုဖြစ်တာ တစ်နှစ်(တနှစ်)လောက်ရှိပါပြီဆရာ။ အဲဒါ ဘယ်လိုပြင်ဆင်နေထိုင် စားသောက်ရမလဲသိပါရစေဆရာ။ ဘာကြောင့်လဲသိပါရစေဆရာ။ လူတိုင်းမှာ သွားရည်ရှိတယ်။ ကျတယ်။ ထိန်းနိုင်တယ်။ တကယ်လို့ နေမကောင်းတဲ့အချိန်၊ အိပ်နေချိန်တွေမှာ မကျစေလိုဘဲ သွားရည်ကျတာမျိုးလည်းရှိတယ်။ ထိန်းတဲ့စနစ်အားနည်းတာနဲ့ သွားရည်က ထွက်သင့်တာထက် ပိုထွက်လို့ဖြစ်တယ်။ သွားရည်ထွက်တဲ့ (ဂလင်း) ခေါ် အိတ်လေးတွေရှိတယ်။ ၃ စုံ၊ ၆ ခုစီရှိတယ်။ ပါးစပ်အောက...

(ကန်တော့) ဆရာ ကျွန်မ အသက် ၃၅ နှစ်ပါ။ ကလေးလိုချင်လို့ အမျိုးသားအဝေးကပြန်လာချိန်ကြိုးစားတာ အဆင်မပြေပါ။ HSG စစ်တာ စစ်မရလို့ပဲသိရပါတယ်။ ရှင်းပြပေးပါရှင်။ ကျေးဇူးတင်ပါတယ်။ သားအိမ်အဝ အတွင်းပေါက် ပိတ် (သို့) ကျဉ်းနေ။ အဲတာကို အိုဂျီက ဘာလုပ်ပေးမလဲ မသိပါ။ အဲ့လိုဖြစ်ရင် ကုသပြီး ကလေးရနိုင်ပါသလားဆရာ။ ကျွန်မ ကလေးရနိုင်ဖို့ မျှော်လင့်ချက်မရှိဘူးလားရှင့်။ ဆရာကတော့ ပြောမရ။ IUI လုပ်ရင်ရော ရနိုင်မလား ဆရာ။ သာအိမ်အဝလမ်းကျဉ်းနေတယ်ဆိုတာ တချို့မှာဖြစ်တယ်။ သားအိမ်ဝ (တချို့က သားအိမ်ခေါင်းလို့ခေါ်ကြတယ်) သားအိမ်လည်ပင်းလို့ပြောတာက ပိုနီးစပ်တယ်။ အပေါက်ရှိတယ်။ အတွင်းဖက်ပေါက်နဲ့ အပြင်ပေါက်လို့ ရှိတယ်။ မေးတဲ့သူမှာ အတွင်းပေါက်ကျဉ်းနေတယ်လို့ထင်တယ်။ တစိတ်တပိုင်းသာကျဉ်းတာဖြစ်တယ်။ တချို့က လုံးလုံး ပိတ်နေတယ်။ သွေးဆုံးပြီးအမျိုးသမီးတွေမှာ ဖြစ်တယ်။ သွေးမဆုံးခင်မှာ ပိုးဝင်လို့ အနာကျက်ဖြစ်စဉ်အရ ထူထဲရာကနေ လမ်းကျဉ်းမယ်။ တခါတလေ သွေးဆင်းမယ်။ နာမယ်။ ပိတ်မယ်။ တချို့မှာ မွေးရာပါဖြစ်တယ်။ colposcopy, cone biopsy, or a cryosurgery procedure ခေါ် သားအိမ်ဝကို ပစည်းကရိယာတွေသုံးပြီး စစ်ဆေးစမ်းသပ်မှုတွေကြောင့်လည်း ကျဉ်းနိုင်တယ်။ ထိခိုက်ဒဏ်ရာက...

ဆရာရေ Edward Syndrome ရောဂါအကြောင်းရေးပေးပါလားရှင့် edward ကလေးမွေးထားတဲ့မေမေပါ ၆ လရှိပါပြီးကလေးက Edwards syndrome ဆိုတာ မွေးရာဂါရောဂါတခု ဖြစ်တယ်။ trisomy 18 မျိုးဗီဇချို့ယွင်းချက်ပါလာတာ။ chromosome 18 အပိုတခုပါနေတာ။ နှလုံး၊ အဆုတ်၊ ကျောက်ကပ်၊ အူ၊ အစာအိမ်တို့မှာ ချို့ယွင်းချကတွေပါနေမယ်။ ကလေးဦးခေါင်းအရွယ်အစား သေးမယ်။ မေးရိုးသေးမယ်။ ခြေဖနောင့်ထင်ရှားမယ်။ မျက်နှာက တခြားကလေးတွေနဲ့ မတူပါ။ ၉၀% လောက်မှာ မွေးရာပါနှလုံးရောဂါ ပါတယ်။ အစားအစာကျွေးရတာ ခက်တယ်။ အသက်ရှူရ ခက်မယ်။ ပျောက်အောင် ကုသလို့ မရပါ။ ဆောရီး။ အသက် ၁ နှစ်ထိရှင်တာ ၅% ရှိတယ်။ ဒေါက်တာတင့်ဆွေ

ဗီတာမင်ဒီဟာ နေရာင်ရရင် အလိုလို ခန္ဓာကိုယ်ကနေထုတ်လုပ်ပေးပါတယ်။ နေရောင်ရတိုင်းတော့ မဟုတ်ပါ။ ပူတဲ့ဒေသမှာနေကြသူတွေမှာလည်း နည်းတာရှိပါတယ်။ ရေးထားတာကြာပြီဖြစ်လို့ အရေးအသားက စာလိုသာ ဖြစ်နေပါတယ်။ သတ်ပုံလည်း စစ်ရဦးမယ်။ ဗီတာမင် (ဒီ) သည် အဆီတွင်ပျော်ဝင်သော (စတီရွိုက်) ဖြစ်သည်။ နေရောင်ခြည်သည် ဗီတာမင် (အေ) အား အရေပြားတွင် အလိုအလျောက် (ဒီ) ဖြစ်အောင်ပြောင်းပေးသဖြင့် နေရောင်သင့်တင့်စွာရနေသူများအဖို့ ဗီတာမင် ဒီ သောက်စရာမလိုပါ။ ဗီတာမင် ဒီ တွင် ၁-၂-၃-၄-၅ ဟူ၍ ၅ မျိုးရှိသည်။ ၂ နှင့် ၃ ကပိုအရေးပါသည်။ calciferol ဟုလည်း ခေါ်သည်။ ကိုယ်အလေးချိန်နှင့် ဗီတာမင် (ဒီ) ဆက်စပ်မှု ရှိနိုင်သည်ကို မကြာသေးမီက သိလာရသည်။ အစားအစာထဲပါသည့် (ကယ်လ်စီယံ)နှင့် (ဖေါ့စ်ဖါးရပ်စ်) ဓါတ်ဆားများ ပျော်ဝင်သွားအောင်နှင့် အူမှစုပ်ယူစေရန် ဗီတာမင် ဒီ ကလုပ်ပေးသည်။ ၄င်းတို့သည် အရိုးအတွက်ကောင်းသည်။ နည်းနေပါက ကြွက်တက်ခြင်းဖြစ်စေမည်။ ခုခံအားအတွက်လည်း ပါဝင်သည်။ အအေးမိသည်အား ဗီတာမင် (ဒီ) ရော (စီ) ကိုပါ ပေးလာကြသည်။ အသက်ကြီးသူများ၏ ဦးနှောက်ကောင်းစေရန်လည်းပေးသည်။ ပန်းနာသည်များ၊ အမျိုးသမီးများ (ရူမတွိုက်) အဆစ်နာ၊ ကင်ဆာကာကွယ်ရေးတို့အတွက်လည်းပေးသည်။ ဗီတာမင...

၁။ G6PD အကြောင်း သိချင်တာနဲ့ ဆရာတင်ထားတာတွေ့ရလို့ကျေးဇူးတင်ပါတယ်ဆရာ။ ကျမနားမလည်တာရှိလို့ မေးပါရစေ။ G6PD ကမွေးရာပါလို့ပြောတဲ့အတွွက် ကုရင်ပျောက်နိုင်ပါသလား။ ဘယ်အစားအစာတွေရှောင်ပေးရမလဲ။ G6PD ရှိတဲ့လူနာကို Quinine ငှက်ဖျားဆေး ထိုးလိုက်တဲ့အခါမှာ ဆီးသွားရင်သွေးတွေနှင့် အသားစတွေပါလာတာ ကျောက်ကပ်ကိုထိခိုက်နိုင်ပါသလား။ အဘယ်ကြောင့် ဆီးတွင်သွေးနှင့်အသားစပါလာသလဲ့။ မည်သို့နေထိုင် စားသောက်ရမည်နည်း။ ၂။ ကျေးဇူးပါဆရာ ကျမသားက G6PD မွေးပြီးသွေးလဲထားရပါတယ်။ ဘယ်ချိန်ပျောက်ကင်းနိုင်ပါသလဲ။ အခု သူအသက် ၆ နှစ်ကျော်ပါ။ ဘယ်အချိန်သွေးပြန်စစ်ရပါမလဲ ကျေးဇူးပြုပြီးပြောပေးပါလားဆရာ။ ၃။ G6PD ရှိတဲ့ကလေးတယောက်ဟာ ဘယ်လိုနေထိုင် စားသောက်ရမယ် ဆိုတာ ရှင်းပြပါဆရာ။ ဆေးတွေက ဆရာ ပို့ထားတဲ့စာနဲ့လုံလောက်ပါပြီ။ ဒီလိုကလေးဟာ ဘာရောဂါတွေ ထပ်ဖြစ်လာနိင်သေးလဲ ဆရာ။ ကျန်းမာပျော်ရွင်စွာနဲ့ရော သက်တန်းစေ့နေနိင်ပါ့မလား။ သားဦးဖြစ်ပြီး ဒီရောဂါရှိတော့ ကျွန်မရူးတော့မယ်။ မေးသမျှကို ပြန်ဖြေပေးတဲ့ဆရာကို ကျေးဇူးတင်ပါတယ်။ ၄။ ဆရာခင်ဗျား ကျွန်တော့်သမီးလေးက -22-4-2015 မှာမွေးပါတယ်။ ကလေးက G6PD ဖြစ်နေတယ်ပြောပါတယ်။ ဆရာ့ ဆောင်းပါးဖတ်ကြည့်ထားလို့ paracetamol နဲ့မတ...

(ပုံအတွက် ကန်တော့။) ကျေးဇူးအထူးတင်ပါတယ်ဆရာရှင့်။ ရောဂါအကြောင်းဆက်မေးပါရစေဆရာ။ အခု ကျွန်မ ခြေထောက် နှင့် ခန္ဓာကိုယ်မှ ရောဂါအား အရေပြားဆရာဝန်မှ Livedoid vasculitis နှင့် Livedoid vasculopathy ဟု သတ်မှတ်ပါတယ် ။ ရောဂါပြင်းထန်ချိန်တွင် ခြေထောက်အနာများကြောင့် လနှင့်ချီ၍ အိပ်မရအောင် ခံစားရပါသည်ဆရာရှင့်။ ရောဂါလက္ခဏာ များမှာ ရောဂါအမည်နှင့် ခံစားရသည်များ ကိုက်ညီခြင်းရှိသော်လဲ  ဆရာဝန်ပေးသော ဆေးများမှာ သက်သာခြင်းမရှိပါရှင့်။ ဆရာဝန်မှ PENTOXIFYLLINE ER 400 mg တနေ့လျှင် 3ကြိမ်နှင့် Asprin 81 Mg 1ကြိမ် သောက်ခိုင်းပါသည်။ ကျွန်မသည် ယခု ( - )မှာ နေထိုင်ပါသည်ရှင့်။ သို့ဖြစ်ပါ၍ ရောဂါနှင့်ပတ်သက်သော အကြောင်းအရာနှင့် မည်သို့ ဆင်ခြင်နေထိုင်စားသောက်ရမည်ကို ဆရာထံမှ ညွှန်ကြားအကြံပြုချက်ကို သိပါရစေရှင့်။ လိုအပ်သည့် Supplements များလဲ ညွှန်ကြားပေးပါရှင့်။ လေးစားစွာဖြင့် Livedoid vasculopathy ဆိုတာ ရှားပါးတဲ့ အရေပြားအနာရောဂါဖြစ်တယ်။  ခြေထောက်မှာ ဖြစ်တယ်။ အရေပြား အရောင်ပြောင်းမယ်။ နာတဲ့ အနာတွေပေါက်မယ်။ အမာရွတ်ထင်ကျန်ရစမယ်။ ဘာလို့ဖြစ်သလဲ သေချာ မသိပါ။ ကုသနည်း ဖြစ်စေတဲ့အကြောင်းခံ မသိရလို ခံစားရတာကိုသာ သက်သောအေ...

ဆရာရှင့် ၆နှစ်ခွဲရှိပြီဖြစ်တဲ့ ကလေးစကားမပီတာကို ကုသလို့ရပါသလားရှင့်။ က၊ခ၊ဂ၊လ အသံထွက်တွေမပီတာပါ။ စကားလုံးတိုင်းလည်း မဟုတ်ပါဘူးရှင့်။ Types of speech disorders အမျိုးအစားများ Fluency disorders: Stuttering, cluttering, or lisping တိတိကျကျပီပီသသ မပြောနိုင်ခြင်း၊ Articulation disorders: Difficulty learning to make specific sounds စာသင်ယူရာတွက် အသံထွက် မမှန်ခြင်း၊ Phonological disorders: Errors children make when learning to speak ရောဂါကြောင့် မပီသခြင်း၊ Voice disorders: Problems with pitch, volume, or tone အသံအရည်အသွေးအားနည်းခြင်း၊ Apraxia: Difficulty coordinating the muscles used for speech စကားလုံးများလုံးထွေးနေခြင်း၊ Dysarthria: Slurred or imprecise speech စကားလေးနှေးနေခြင်း၊ Aphasia: Difficulty reading, writing, speaking, or understanding information စာဖတ်၊ စာရေး၊ စကားသံများ မရှင်းလင်းခြင်း၊ Dysphagia: Swallowing difficulties မျိုချရာ၌ ပုံမှန်မဟုတ်ခြင်း၊ Causes of speech disorders အကြောင်းခံများ Brain damage: Can be caused by neurodevelopmental conditions, traumatic brain injury, stroke...

ကွန်မင့်တခု = အမျိုးသမီးဆရာဝန်ကို ဆရာမလို့ ခေါ်လို့မရတာလား ဆရာ။ မရဘူးလို့တော့ မရှိပါ။ ဘယ်လိုခေါ်ခေါ် ဆေးကုပေးကြပါတယ်။ သူနာပြုနဲ့ သားဖွားဆရာမတို့နဲ့ ရောထွေးနိုင်တယ်။  ခေါ်ချင်သူတွေကတော့ ထင်သလို ကြိုက်သလို ခေါ်နေကြပါတယ်။ ကျွန်တော်တို့ ဆေးကျောင်းသားခေတ်မှာ အထူးကုအဆင့် အမျိုးသမီးဆရာဝန်မကြီးတွေကို မမ လို့သာ ခေါ်တယ်။ အထူးကုအဆင့် အမျိုးသားဆရာဝန်ကြီးတွေကို ဆရာ ဦး ( - )၊ ဒေါက်တာ ( - ) လို့ အဆင်သင့်သလို ခေါ်ကြတယ်။ ယူအက်စ်အေမှာ ဒေါက်တာ ( - ) လို့ မည်တပ်ခေါ်ကြတယ်။ ဒီတိုင်းပြည်မှာ ဆရာဝန်၊ သူနာပြုတွေက သူတို့အမည်နဲ့ လူနာကို မိတ်ဆက်ပေးကြတယ်။ ကျွန်တော် ( - ) ပါ။ ကျမ ( - ) ပါ။ ကျောင်းတွေ၊ အလုပ်ဌာနတွေမှာလည်း လူအမည်၊ နောက်ဆုံး အမည်ကို သုံးကြတယ်။ သူတို့ယဉ်ကျေးမှု။ အမျိုးတပ်ခေါ်တာ မရှိပါ။  ဒေါက်တာ။ သူနာပြုကို ခေါ်ချင်ရင် ဥပမာ အေမီ၊ ကက်သရင်း စသဖြင့်။ Share your name ကျွန်တော်/ကျမ နာမည်က ( - ) ပါ။ Share your credentials ကျွန်တော်/ကျမက ဆရာဝန်/သူနာပြု ဖြစ်ပါတယ်။ မြန်မာပြည်မှာတော့ နေရာတိုင်းလိုလိုမှာ ယဉ်ကျေးမှု အတည်တကျမရှိ။ ကြုံသလို ကျပန်း။ နည်းလာနေသလား မသိ။  အဲလို စကားပြော၊ စာရေး၊ အခေါ်အသုံးတွေ ကျ...

မက်ဆေ့ချ်တခု = ဦးလေး မက်ဆေ့ချ်တခု = အဘ မက်ဆေ့ချ်တခု = အန်ကယ် မက်ဆေ့ချ်တခု = ဦးတင့်ဆွေ ဆရာဝန်တဦးဦးကို တကယ်အမျိုးမတော်ဘဲ အကို၊ ဦးလေး၊ ဦးကြီး၊ အဘ၊ ဘဘ၊ ဘကြီး စသည် မခေါ်သင့်ပါကြောင်း အကြိမ်ပေါင်းများစွာ တင်ပြထားပါတယ်။  ယဉ်ကျေးတယ် ဘာရယ် ဘယ်လိုပြောပြော အွန်လိုင်းကနေ ဆောင်ရွက်ကြရတဲ့ ဆရာဝန်တွေအတွက် နားလည်မှု အခက်အခဲ ရှိတယ်။ အွန်လိုင်းပေါ်က သူ့လူနာကို ဆရာဝန်က မြင်ရတာမဟုတ်။ ကလေး-လူကြီး မသိရ။ ကျား-မ မသိရ။ အမျိုးဆိုရင် ဘယ်သူ့သားသမီးလဲ ပြန်မေးရ။ ကျွန်တော့မှာ အမျိုးတွေ အများကြီး။ ဦးလေးနဲ့ အဘ လို့ခေါ်သူ မရှိပါ။ အကို ခေါ်သူလည်း မရှိပါ။ ဘယ်လိုခေါ်ရင် ဘယ်သူ့သားသမီးလို့ သိတယ်။ နောက်တချက် ဆရာဝန်တွေဟာ အမျိုးရင်းတွေကို အရေးကြီးရောဂါအတွက် ကိုယ်တိုင် ဆေးမကုကြရပါ။ ကျင့်ဝတ်။ ဆရာဝန်နဲ့ လူနာဆက်ဆံရေး စည်းကမ်းရှိတယ်။ ရေးထားတယ်။ မလိုရ မပိုရ။  လူ့နာ့အတွင်းရေးကို တခြားသူတွေသိစေအောင် မလုပ်ရ။ အပြန်အလှန် လေးစားသမှုရှိရတယ်။  အမျိုးသားဆရာဝန်ကို 'ဆရာ'၊  အမျိုးသမီးဆရာဝန်ကို 'ဒေါက်တာ'။  'ဆရာကြီး' ဆိုရင်ကို ပြောစရာရှိလာပြီ။ ဆေးရုံအုပ်ကြီးကိုသာ 'ကြီး' ထည့်ခေါ်ပါတယ်။ ဒေါက်တာတင့်ဆွေ

ဆရာရှင့် ရိုသေစွာမေးမြန်းအပ်ပါသည် ကျွန်မသည် နေမကောင်းဖြစ်ပြီး ပြန်လည်ကောင်းမွန်လာချိန်တွင် ညာဘက်နားမှ အတွင်းတွင်ယားယံခြင်းကို မခံနိုင်အောင်ထိယားယံနေပါသည် နားအတွင်းသို့ ဂျပန်နားသန့်ဆေးထည့်ပါသည် ခဏသာ သက့သာပါသည် ဘာဆေးသောက်ရင်အဆင်ပြေနိုင်မလဲ ကူညီဖြေကြားပေးစေလိုပါတယ်ဆရာရှင့် ရိုသေလေးစားလျက် ဖြစ်နိုင်သည်များ Earwax buildup နားဖါကြောင့် Infections ပိုးဝင်လို့ (နာတာကိုက်တာ ရှိမည်။ ပိုးသေဆေး လိုမည်။) Home treatments အိမ်မှာကုသနည်းများ Use a mild steroid ear drop or 70% alcohol အယ်လ်ကိုဟော + စတီရွိုက်နားထည့်ဆေး Take an antihistamine ဆေး ဥပမာ cetirizine 10 mg tablet စားဆေး Use hydrogen peroxide ထည့်ဆေး Earwax removal နားဖါရှင်းဆေးတခုခု မကုပ်မိပါစေနဲ့။ Photo: E+/Getty Images ဒေါက်တာတင့်ဆွေ

ဆရာ ကျွန်မအမျိုးသား အသက်၅၀ ခေါင်းမှာ ဗောက်လဲမရှိပါဘူးဆရာ ခေါင်းအနီဖု​လေးတော့နဲနဲရှိပါတယ် ဆံပင်အဖြူကတော့ရှိပါတယ် ကျောပြင်မှာတော့ အနီဖုလေးတွေအများကြီးရှိပါတယ် သူကုတ်ရင်အားနဲ့ကုတ်ရပါတယ်။ Rovate GM Neo cream လိမ်းဆေးဆိုတာ steroid clobetasol စတီရွိုက်ဆေး + anti-fungal miconazole ဖန်းဂတ်စ် ဆေး + antibacterial neomycin ပဋိဇီဝဆေး ၃ မျိုးရောထားတာဖြစ်တယ်။ eczematous disorders ခေါ် နှင်းခူနာလိုလိုဖြစ်တာမှာ tinea or yeast Infection မှိုပိုးပါရောနေတာမျိုးအတွက် သုံးနိုင်တယ်။ ဒေါက်တာတင့်ဆွေ

ဆရာခင်ဗျား၊ လေညှင်းပွင့်က ကျန်းမာရေးကောင်းကျိုးတွေရနိုင်ပါလားခင်ဗျ။  ကျေးဇူးတင်ပါတယ်ဆရာခင်ဗျ Benefits of Cloves လေးညှင့်ပွင့် Lower inflammation ရောင်ရမ်းမှုကို နည်းစေသည်။ Antioxidants လုပ်ပေးနိုင်စွမ်းရှိသည်။ Improved liver function အသည်းအလုပ်ကို ကောင်းစေ၏။ Benefits of Clove Oil လေးညှင်းဆီ သွားကိုက်တာ သက်သာစေမည်။ ထုံစေမည်။ ခံတွင်းနံ့ ကောင်းစေ၏။ ဘေးထွက်သက်ရောက်မှုများ Eugenol များလျှင် အသည်းကိုထိခိုက်စေနိုင်သည်။ Hypoglycemia သွေးထဲက သကြားဓါတ်ကျစေမည်။ တချို့က ဓါတ်မတည့်။ ဒေါက်တာတင့်ဆွေ

မဂ်လာပါရှင်ဆရာ ရောဂါ လကွဏာလေး သိရရင်ပြောပေးပါအုံးရှင် ရောဂါဖြစ်နေသူ အသက်-ကျား-မ မသိရ။ ဘယ်နေရာမှာ ဘာဖြစ်နေ၊ ဘယ်လိုခံစား မသိရ။ ဘယ်လောက်ကြာပြီ မသိရ။ ဆရာဝန်ကတော့ မဖြေတတ်ပါ။ ဆောရီး။ Infection Marburg disease ဆိုတဲ့ကူးစက်ရောဂါ ရဲ့ လကွဏာလေးကို မေးတာပါရှင့်ဆရာ Marburg virus disease (MVD) ရောဂါ ရှားပါးတဲ့ ဗိုင်းရပ်စ်ရောဂါတမျိုးဖြစ်တယ်။ သွေးထွက်မယ်။ ဖျားမယ်။ ဆိုးဝါးပြီး သေစေနိုင်တယ်။ လူနာနဲ့ တိုက်ရိုက်ထိတွေ့မှုကနေ ကူးစက်တယ်။  လင်းနို့ စတဲ့ အကောင်နဲ့ လူနာရဲ့ ခန္ဓာကိုယ်အရည်ကို ထိတွေ့မိခြင်း။ မျက်နှာပြင်ပေါ်ကျန်နေတဲ့ ပိုးတွေကို ထိကိုင်မိရင် ကူးစက်တယ်။ လူနာရဲ့ သွေးကနေလည်း ကူးစက်တယ်။ ဆေးရုံသုံး ကရိယာတွေမှာ ပိုးပါနေရင်လည်း ကူးစက်နိုင်တယ်။ ရောဂါလက္ခဏာများ ဖျား၊ အရေပြားအနီပြင်ထွက်၊ ဆိုးတိုးဝါးဝါးသွေးယို၊ ခေါင်းကိုက်၊ မအီမသာဖြစ်။ ကုသနည်း လိုအပ်တာတွေကို ကုသပေးရ။ ဖြည့်ပေးရ။  အောက်စီဂျင် စစ်ဆေးနေရ။ လိုရင်ပေးရ။  ထပ်ဆင့်ပိုးဝင်တာရှိရင် ကုသပေးရ။ စောစော ICU မှာ ကုသပေးနိုင်ရင် အလာအလာကောင်းနိုင်။ ကာကွယ်ဆေး မရှိသေး။ ဗိုင်းရပ်စ် သေဆေး မရှိ။  လူနာသေဆုံးရင် လိုက်နာရမဲ့ စည်းကမ်းတွေရှိတယ်။ Marburg vi...

၂၀-၁-၂၀၂၅ နေ့ သတင်းဖြစ်ပါတယ်။ တန်ဇန်နီယားနိုင်ငံ အစွန်ပိုင်းနေရာမှာ တွေ့ရှိ။ ကူးစက်တယ်။ ကုသမှုမခံယူရင် ၈၈% သေဆုံးနိုင်တယ်။ ဒေါက်တာတင့်ဆွေ

ကင်ဆာ ကာကွယ်တဲ့ အသီး ကင်ဆာ ပျောက်တဲ့ အရွက် ကင်ဆာအတွက်ကောင်းတဲ့ အပွင့် ဆေးသုတေသနပါဘဲရေးတာမှန်သမျှ မမှန်ပါ။ ရောင်းအားကောင်းချင်လို့နဲ့တော့ အဲလိုမရေးသင့်ပါ။ လူအများ နေ့တိုင်းလိုလို စားသောက်နေတာတွေအကုန် ကောင်းပါတယ်။ တနေရာကတွေ့လို့ စေတနာနဲ့ဆိုလည်း စေတနာမှာ ပညာမပါရင် ဒုက္ခပေးတယ်။ 10 Cancer-Fighting Foods You Should Be Eating | Moffitt ဒေါက်တာတင့်ဆွေ

ရှူးရှဲလက်ဖက်ကို အမေရိကန်မှာ ကင်ဆာ ဖြစ်စေနိုင်တဲ့ အစားအသောက်စာရင်းထဲ ထည့်လိုက်ပါပြီတဲ့ ၂၀-၁၂-၂၀၂၄ နေ့ကတခါ တင်ပြထားပါတယ်။ ရှူးရှဲလက်ဖက်ကိုတော့ အမေရိကန်မှာ ကင်ဆာ ဖြစ်စေနိုင်တဲ့ အစားအသောက်စာရင်းထဲ ထည့်လိုက်ပါပြီတဲ့ ဒီသတင်းကို တယောက်ပြီးတယောက်က တင်နေကြတယ်။ အောက်ကနေ ကွန်မင့်ရေးလိုက်တယ်။ ဒီသတင်းလာတဲ့ Sourse ပင်ရင်း သိပါသလား။ အခုထိ ပြန်ရေးတာ မတွေ့သေးပါ။ ဒီစာရေးဖို့ လိုက်ရှာပါတယ်။ အင်္ဂလိပ်လိုရေးတာ တခုမှာ Burmese tea leaves မြန်မာပြည်ကလာတဲ့ လက်ဖက်ကို ယူအက်စ်အေမှာ မရနိုင်။ ဓါတုဆိုးဆေး chemical dye Auramine O ကြောင့်ဖြစ်သည်။ လက်တွေ့ ယူအက်စ်အေ မြို့တိုင်းမှာ မြန်မာပြည်ကလက်ဖက် ရောင်းနေတယ်။  Auramine O သည် မျက်စိနှင့် အရေပြားကို အနေရခက်စေသည်။ တာရှည်ထိတွေ့မှုများပါက bladder cancer ဆီးအိမ်ကင်ဆာဖြစ်စေနိုင်တယ်။ Curry powder အရောင်တင်မှုန့်၊ Chicken ကြက်သား၊ Turmeric powder နနွင်းမှုန့် တွေထဲမှာလည်း ပါတယ်။ စွဲစေနိုင်တယ်။ စားစရာအရောင်ဆိုးဆေးထဲမှာလည်း ပါနိုင်တယ်။ စစ်ဆေးကြည့်မှသာ သိမယ်။ ယူအက်စ်အေမှာ FDA ဌာနတွေက ပြည်နယ်တိုင်း၊ မြို့နယ်တိုင်းမှာ ရှိတယ်။  တချို့နေရာတွေမှာ မြန်မာပြည်ကလာတဲ့ အစားအသောက်တ...

၁။ မဂ်လာပါဆရာရှင့် သမီးသိချင်တာလေးမေးချင်လို့ပါ။ အကင်စားရင်ကင်ဆာဖြစ်တတ်တယ်လို့ဖတ်ဖူးလို့ပါဆရာ။ ကျွန်မအိမ်မှာ Air fryerလေးဝယ်ထားပါတယ်၊ အိမ်မှာပဲစက်နဲ့ အသားငါးကိုယ်တိုင်ကင်စားပါတယ်။ ၂။ ဆရာ ခင်ဗျား အနံ့ဆိုးများကြောင့် ကင်ဆာ ရောဂါ ဖြစ်နိုင်ပါသလားဗျ ၃။ ဆေးပညာ နောက်ဆုံးသုတေသန ကင်ဆာဖြစ်စေတဲ့ အစားအစာခုနှစ်မျိုး (မမှန်သော အသိပေးစာ) 1. အာလူးအကြွပ်ကြော် 2. အာလူးအချောင်းကြော် 3. ကော်ဖီမစ်ထုပ် 4. ပိုင်ကိတ် 5. အကင်များ 6. ကွမ်းသီး ဆေးမှိုမျာ 7. မြေပဲလျှော် မြေပဲပြုတ် ဒီစာကို တယောက်ပြီးတယောက်က တင်နေကြတယ်။ အဲလို တယောက်ပြီးတယောက်က တင်နေတာတိုင်းဟာ အမှားတွေသာများတယ်။ ခုနစ်မျိုးကို ခုနှစ်မျိုးလို့လည်း မှားတယ်။ စာလုံးပေါင်းသတ်ပုံမမှန်ရင် အချက်အလက်ကိုလည်း သံသယရှိပါလို့ မကြာခဏထောက်ပြနေပါတယ်။ ကင်ဆာဖြစ်စေနိုင်တာကို ဆေးပညာမှာ ကာစီနိုဂျင် လို့ ခေါ်တယ်။ ဆေးသုတေသနတွေအရ ကာစီနိုင်ဂျင်ပေါင်း ရှိတယ်။ ဒါတောင် နောက်ဆုံးထွက်တဲ့သုတေသန မဟုတ်သေးဘူး။ Carcinogens ကာစီနိုဂျင် ၃ မျိုး 1. chemical carcinogens ဓါတုနှင့် ဇီဝကာစီနိုင်ဂျင်များ 2. physical carcinogens ရုပ်ဝတ္ထုနဲ့ 3. oncogenic viruses ဗိုင်းရပ်စ်များ။ န...

၁။ ဆရာကျွန်မ အသက် ၇၉ထဲပေါ့ဆရာ platelet increase ဖြစ်နေဒါ ကုသနေပါတယ်ဆရာ အခုရောဂါကရှေ့ကိုဆက်နွယ်ပြီး ဘာတွေထပ်ဖြစ်လာနိုင်ပါသေးလဲဆရာ အခုတလတခါဆေးစစ်ပြီး ဆေးပြန်ပြန်ညှိပေးပါတယ်ဆရာ Hydroxyurea Capsules UPS 500mgသောက်နေပါတယ်ဆရာ ကျေးဇူးပါဆရာ ၂။ PLT များနေရင်ဘာလုပ်ရမလဲဘာစားရမလဲမသိဘူး 800 နားကပ်နေလို့ပါ ဆရာဝန်ကို မေးတာ မဟုတ်ပါ။ ၃။ PLT က h ဖြစ်နေတယ် အဲဒါကဘာဖြစ်လို့လဲသိချင်တာ ဆရာဝန်ကို မေးတာ မဟုတ်ပါ။ ၄။ ဆရာရှင့် ဆေးစစ်ချက်ကို attach လုပ်ထားပါတယ်။ ဖြစ်သူက အသက် ၈၉ နှစ် ကျွန်မ အဖွားပါ။ အမြဲ နှာစီးခြင်း၊ pressure များခြင်း၊ (၁၆၀/၁၂၀)လောက်ထိက ပုံမှန်ရှိနေတတ်ပါတယ်။ ချောင်းဆိုးလို့ သလိပ်ပိုးစစ်ပြီး ဆေးရုံတက်ကာ ပိုးသတ်ရပါတယ်။ TB ပိုးတော့ မဟုတ်ပါဆရာ။ တုပ်ကွေးကာကွယ်ဆေး ထိုးထားပါတယ်။ အခုသက်သာပါတယ်။ ဆေးစစ်ပြီး ရန်ကုန်က ဆရာဝန်ကို result လှမ်းပို့ပြီး treatment ခံယူပါတယ်၊ ပုံမှန်ဆို တနှစ်တခေါက်လောက်ဘဲ ရန်ကုန်လာလို့ပါ။ result ကို ဆရာဝန်က တော်တော်မကြိုက်ပါ။ LAB result မှားတာလည်း ဖြစ်နိုင်တယ်ပြောပါတယ်။ အခု ပြန်စစ်ခိုင်းထားပါတယ်။ November 2015 မှာဆေးစစ်ပြီး January 2016 အခုမှာ ပြန်စစ်တော့ ဒီလတွေအတွင်း WBC ကတက်မလာဘူ...