Dr. Tint Swe Medical and Knowledge Writings

မင်္ဂလာပါ ဆရာ သမီး ကိုယ်ဝန် ၃လ ပါ Brand ကြက်ပေါင်း ငှက်သိုက် overtone အနီရောင် သောက်လို့ရပါသလား ဆရာ ခဏခဏဖြေတယ်။ ကိုယ်ဝန်မှာ ကိုယ်တသက်လုံးစားသောက်လာတာတွေထဲက အနည်းဆုံး ၉၀% စားနိုင်တယ်။ ကလေးနို့တိုက်ချိန်လည်း အတူတူပဲ။ ကြော်ငြာအားဆေးတွေမှာ ဆေးသုတေသနမရှိ။ ကိုယ်ဝန်အပ်ရင် ကိုယ်ဝန်ဆောင်အားဆေး လိုသူတွေကို ပေးမယ်။ အစားအသောက်ဆိုတာ လုံလောက် + မျှတ + သန့်ရှင်း + လတ်ဆတ်ရတယ်။ အဲတာတွေထက်ကောင်းတဲ့အားဆေးမျိုး ဘယ်တိုင်းပြည်မှာမဆို မရှိပါ။ ကမ္ဘာပေါ်မှာ ၁၉၆ နိုင်ံရှိတယ်။ နိုင်ငံတိုင်းမှာ ကိုယ်ဝန်ဆောင်ရှိတယ်။ မေးခွန်ထဲဟာတွေ တလ ခြား ၁၉၅ နိုင်ငံမှာ မရှိ။ သူတို့ဆီမှာလည်း ကလေးတွေ ကျန်းမာကြပါတယ်။ ဒေါက်တာတင့်ဆွေ ၄-၁၁-၂၀၁၉

ကနေ့ခေတ်လူငယ်လူရွယ်တွေက ကျပ်ပြားဝိုင်းကို မသိလောက်ကြပါ။ ၁ ကျပြ်ပား။ ကျွန်တော့ မျက်စိမြင်လွှာမှာ Epiretinal membrane အပေါ်ယံအဖုံးလွှာတခုဖြစ်လို့ ၂၂-၁၀-၂၀၂၄ နေ့က ခွဲရတယ်။ မျက်စိထဲကို လေ(သို့)စီလီကွန်ပူဖေါင်း air or silicon oil bubble ထည့်ရသတဲ့။ တပတ်ကြာ မျက်စိတဖက်ဖုံးနဲ့ နေရတယ်။ အပြင်မထွက်ပါ။ မျက်စဉ်း နှစ်မျိုးကို တနေ့ ၄ ကြိမ်စီ ခတ်ရတယ်။ ပြန်ပြပြီးနောက်မှာ တနေ့ ၃ ကြိမ်။ ‘ဘာဘယ်’ ဆိုတဲ့ အနက်ရောင်ဝိုင်းစက်နေတာကို တွေ့နေရတယ်။ အစရက်တွေမှာ အပြည့်လိုလိုကွယ်နေတယ်။ ဆန်ကောဝိုင်းလောက်ရှိမည်။ ဆန်ကောတော့ တချို့ သိကြမယ်။ ပြီးခဲ့တဲ့အပတ်က တန်ဆောင်မုန်းလပြည့်ည လကို လငပုပ်ဖမ်းထားသလို အရွယ်အစားကြီးတယ်။ နောက် သေးသေးလာပါသည်။ ဟိုတနေ့က ကျပ်ပြားဝိုင်းလောက်။ တမြန်နေ့က ငါးမူးပြားလောက်။ မနေ့က ပဲစိလောက်။ ပဲဆိုတာ စားတဲ့ပဲ မဟုတ်ပါ။ ၁၆ ပဲ တကျပ်။ ဒေါ်လာနဲ့ 1 cent (penny) ပြားအရွယ်။ ကနေ့ မရှိတော့ပါ။  အမြင်စွမ်းအားကတော့ တဖြည်းဖြည်း တိုးတက်လာမယ်တဲ့။ ကနေ့ လက်ဖက်ရည်ဆိုင် ရောက်တယ်။ ကောက်ညှင်းပေါင်း စားခဲ့တယ်။ ခရီးဝေးတခု သွားစရာရှိပေမဲ့ မလိုက်နိုင်ပါ။ ဒေါက်တာတင့်ဆွေ

တင်ထားတာတခုကို ဖတ်ကြည့်ပါသည်။ “မုန့်ဟင်းခါးထဲ ငရုတ်သီးမှုန့် မထည့်တော့ဘူးနော် ဘာလို့ဆို ငရုတ်သီးစားတာက အဖုတွေအပိန့်တွေ ထွက်တတ်တယ် ပြီးတော့ ကျန်းမာရေးနဲ့မ‌ညီညွတ်ဘူးလေ များများစားရင် ဗိုက်အောင့်တယ် ဥပမာပြောရရင် အိမ်နားကဦးလေးဆို ငရုတ်သီးအစားများပြီး ဗိုက်အောင့်ဆုံးတာပဲ ဒါကြောင့် တော်ပါပြီ” မဟုတ်လောက်ပါ။ မမှန်နိုင်ပါ။  သေဆုံးသူကို သေဆုံးရခြင်း အကြောင်းရင်း သိရအောင် ရင်ခွဲစစ်ဆေးရပါမည်။ ရောဂါအခံရှိနေရင သူ့ကိုကုသပေးနေတဲ့ ဆရာဝန်တွေက သိမည်။ အစာအိမ်ရောဂါလား။ အူရောဂါလား။ ကင်ဆာလား။ ငရုတ်သီးနဲ့ဆိုင် မဆိုင်သိမည်။ ငရုတ်သီးမှုန့် ဖြစ်ရင်ရင်လည်း သေဆုံးသူစားတဲ့ငရုတ်သီးကို ဓါတ်ခွဲစစ်ဆေးရပါဦးမည်။  လူကိုသေစေနိုင်တာပါနေရင် ငရတ်သီးရောင်းသူကို အရေးယူရမည်။ ပိတ်ပင်ရမည်။ အဲဒီ ငရုတ်သီးကို စားသုံးသူအရေအတွက် မနည်းလောက်ပါ။ အားလုံးကိုပါ မေးမြန်း စစ်ဆေးရပါမည်။ လူတယောက်သေဆုံးရတယ်ဆိုတာ လူသေမှုဖြစ်တယ်။ ပေါ့ပေါ့တန်တန်မလုပ်ရပါ။ သတင်းတခုကိုလည်း ပေါ့ပေါ့ဆဆ မရေးရပါ။ ငရုတ်သီးစားလို့ သေတာမှန်ရင် တကမ္ဘာလုံး တုန်လှုပ်သွားမည်။  မြန်မာပြည်မှာတော့ သတင်းမှားရင် ‘လိုက်ခ်’ တွေများပြီး ‘ဖေါ်လိုဝါ’ သာဝကတွေများမည်။ ‘ဆဲလီ’ ဖြစ်သွားမည်။ မြန

အခုပဲ အီးမေးလ်တခု ရောက်လာတယ်။  Hi there, My name is Melissa, I am the main editor at CBD Oil Room (http://www.cbdoilroom.com). While browsing your site, I noticed you have an amazing article from this page doctortintswe.blogspot.com/2015/10/elastic-epilepsy.html   ကျွန်တော့် ဘလော့မှာရေးတင်ထားတဲ့  အတက်ရောဂါတမျိုးကိုတွေရလို့တဲ့။ သူတို့ကုမ္ပဏီကထုတ်တဲ့ CBD oil ဆေးကို ကြော်ငြာတာဖြစ်ပါတယ်။ လင့်ကိုဖတ်ကြည့်ပါတယ်။ Cannabidiol လို့ခေါ်တဲ့ဆီ။ Cannabis ခေါ် Marijuana plant, ဆေးခြောက်ပင်ထဲက Cannabis sativa ထဲမှာပါတဲ့ ဒြပ်ပေါင်း ၁၀၄ မျိုးထဲကတခုဖြစ်တယ်တဲ့။ အဲဒီ Tetrahydrocannabinol (THC) ဓါတ်ဟာ -  1. Can Relieve Pain နာတာကို သက်သာစေမယ်။ 2. Could Reduce Anxiety and Depression စိုးရိမ်စိတ်နဲ့ စိတ်ဓါတ်ကျတာ သက်သာစေနိုင်တယ်။ 3. Can Alleviate Cancer-Related Symptoms ကင်ဆာနဲ့ဆက်နေတဲ့ ခံစားရတာတွေကို သက်သာစေမယ်။ 4. May Reduce Acne ဝက်ခြံကို သက်သာစေနိုင်လောက်တယ်။ 5. Might Have Neuroprotective Properties အာရုံကြောဆိုင်ရာအကျိုးကျေးဇူးတွေ ရှိကောင်းရှိမယ်။ 6. Could Benefit Heart Health နှလုံးကျန်းမာရေး အကျိုးပေးနိ

၂-၁၁-၂၀၂၄ နေ့ လွန်ခဲ့တဲ့ ၁၇ နာရီကသတင်းဖြစ်ပါတယ်။ 1. ဆေးလိပ်သောက်ခြင်း၊  2. အဆိပ်သဘောဆောင်တဲ့ဓါတ်တွေနဲ့ ထိတွေ့ရခြင်း၊  3. မျိုးဗီဇထဲမှာ မြူတေးရှင်း ခေါ် ဗီဇပြောင်းစေနိုင်တာပါနေခြင်း ဆိုတဲ့အချက်တွေကနေ ကင်ဆာ ဖြစ်စေနိုင်တာ သိထားပြီးဖြစ်ပါတယ်။  နောက်ထပ်တချက်က ဗိုင်းရပ်စ်။ ဆေးသုတေသနတွေအရ ဗိုင်းရပ်စ် ၇ မျိုး။ 1. human papillomaviruses (HPV) ကြွက်နို့ဗိုင်းရပ်စ်၊ 2. hepatitis B virus (HBV) ဘီပိုး၊ 3. hepatitis C virus (HCV) စီပိုး၊ 4. Epstein-Barr virus (EBV) ပိုး၊ 5. Kaposi's sarcoma-associated herpesvirus ပိုး၊ 6. human T-cell lymphotropic virus ပိုး နဲ့  7. Merkel cell polyomavirus တွေဖြစ်တယ်။ human immunodeficiency virus (HIV) ကနေလည်း ဖြစ်နိုင်ခြေ များတာတွေ့ရတယ်။ ဒေါက်တာတင့်ဆွေ

ကလေးအသက်က သုံးလပြည့်ပါပြီ ပုံထဲကအတိုင်း အလုံးကသုံးလုံးဖြစ်နေလို့ပါ အဲဒါဘယ်လိုဖြစ်နိုင်ပါလဲ စိုးရိမ်ရလားဆိုတာဖြေကြားပေးပါအုံးရှင့် ဘယ်ဘက်အထက်က ဖောင်းနေတာက ကလေးအိပ်ပျော်ရင် ပျောက်သွားပြီး ငိုရင် ပိုဖေါင်းလာသလား။ ဒီပုံကခုမနက် အိပ်ရာနိုး ထပ်ရိုက်ထားတဲ့ပုံပါဆရာရှင့် ပုံကမှားသွားလို့ပါရှင့် အောက်ကပုံပါ ဖြစ်တာက ဘေးအိမ်က ကလေးပါ ကာကွယ်ဆေးထိုးပြီး ဖျားတဲ့အချိန်မှ အဲလိုဖြစ်လာတာလို့ပြောပါတယ် အိပ်နေရင်လဲအဲလိုအတိုင်းလို့ ပြောပါတယ်ရှင့် ပုံအရနဲ့ ပြန်ဖြေတာတွေအရ အစိတခုက အောက်ထိမကျသေးတာလား စဉ်းစားရတယ်။  ဆရာဝန်က လက်နဲ့စမ်းတာနဲ့ ဟုတ် မဟုတ် သိနိုင်တယ်။ ဖေါင်းတဲ့ဘက်မှာ အလုံး တခုမကဆိုရင် အူကျတာကို စဉ်းစားရတယ်။ တခုတည်းသာရှိရင် အစိက အောက်ထိ မကျသေးတယ်။ ဘယ်ရောဂါဖြစ်ဖြစ် အရေးပေါ် မဟုတ်ပါ။ အူကျတဲ့ပုံနဲ့ မုတ်ရောဂါပုံတွေကို မသုံးရဲပါ။ ၂၀၁၈ ခုနှစ်က တနှစ်သားလေး အူကျတဲ့ပုံတင်မိလို့ ဖေ့စ်ဘွတ်က တလဘလော့တာ ခံခဲ့ရတယ်။ သူများတွေတင်နေကြတဲ့ မဟုတ်က ဟုတ်ကပုံတွေကတော့ ပလူပျံလို့။ ဒေါက်တာတင့်ဆွေ

မနှစ်လောက်က ဆေးခြောက်စာတင်တော့ အတော်အလုပ်ရှုပ် ခေါင်းရှုပ်ခဲ့ရတယ်။ ဆေးခြောက်စွဲနေတဲ့ခင်ပွန်းရဲ့ ဇနီးက မေးတာနဲ့ တင်တယ်။ အိမ်တွင်းရေးအဆင်မပြေမှုတွေကို အတိုချုပ်ထည့်လိုက်တယ်။ ဆေးခြောက်သမားတွေက ဝိုင်းဆဲကြလို့ လက်မလည်အောင် ဘလော့ရလို့ တင်ထားတာကို ဖျက်လိုက်ရတယ်။ နောက်တော့ စာကို ခေါင်းစဉ်တမျိုးနဲ့ ပြန်တင်ပါတယ်။  အဲဒီထဲမှာ ဆရာဝန်မတဦးက ဆေးခြောက်ကောင်းကြောင်းတွေကို ပြောလာတယ်။ ဆေးခြောက်ထဲပါတဲ့ ဓါတ်အကြောင်း ဆေးဝါးဗေဒအကိုးအကားတွေပါတယ်။ ကျွန်တော့်ကို မေးတယ်။ သူသိသလောက် သိရဲ့လားသဘော။ ကနေဒါ အစိုးရကနေ ဒေါ်လာသန်း ၅၀၀ အကုန်ကျခံတဲ့ ပရောဂျက်အကြောင်းကိုလည်း အားဖြည့်ပြောတယ်။ အဲဒီဆရာဝန်အမျိုးသမီးက ဘယ်ဒေါင့်ကနေ တင်ပြသလဲ။  ဆေးခြောက်ကို မြန်မာပြည်မှာပါ တရားဝင်ဖြစ်စေချင်သူ။ ကျွန်တော့် ရည်ရွယ်ရင်းနဲ့ မတူပါ။ သူက ကျွန်တော့်ထက် ဆေးခြောက်အကြောင်း ပိုသိနိုင်တယ်။ အကြောင်းအရာတိုင်းမှာ ရည်ရွယ်ရင်းမတူတာတွေရှိတယ်။  ကျွန်တော်က ဆေးခြောက်ရဲ့ အကောင်းနဲ့ အဆိုး တင်ပြပါတယ်။ THC ဆိုတာ Marijuana ထဲမှာပါတဲ့ စိတ်ကိုပြောင်းလဲစေတဲ့ဓါတ်။ အဲတာဟာ လူ့ဦးနှောက်မှာရှိတဲ့ Cannabinoid receptors ခေါ်အာရုံခံတွေရဲ့ တွေးခေါ်မှု၊ မှတ်ဉာဏ်၊ ပူးပေါင်းလု

(ကန်တော့) အသက်လို့ဘယ်တော့သတ်မှတ်သလဲ ဆေးပညာဘက်မှာ  အပြင်းပွါးတာတော့ရှိတယ်။ အများဆုံးလက်ခံထားကတော့ သုက်ပိုးနဲ့ မိန်းမမျိုးဥတို့  (တွေ့ဆုံ + ပေါင်းစပ် + ဆဲလ်တွေပွါးများ)၊ ဒိနောက်မှာ သားအိမ်ပြွန်ကနေ သားအိမ်ထဲကို ဆင်းလာ၊ နောက်ဆုံး သားအိမ်အတွင်းနံရံမှာလာပြီး တွယ်ကပ်၊ မြုတ်ဝင်ချိန်ရောက်မှသာ သန္ဓေသားလို့ ခေါ်တယ်။ ဒီအဆင့် ရောက်ဘို့ရာ အတူနေပြီးနောက် အနည်းဆုံး ၆ ရက်ကြာမယ်။ ဒါတောင်မှ နှလုံးခုန်တာကို မသိနိုင်သေးပါ။ ကိုယ်ဝန် ၉-၁၀ ပါတ်မတိုင်ခင်အထိ စက်နဲ့တောင် နားထောင်မရသေးပါ။ သုက်ပိုးတမျိုးတည်းကို အသက်လို့ မသတ်မှတ်ပါ။ မမျိုးဥကိုလဲ အတူတူယူဆနိုင်တယ်။ မမျိုးဥက လှုပ်ရှားမှုမရှိပါ။ သုက်ပိုးကသာ လှုပ်ရှား ကူးခတ်နိုင်တယ်။ ကိုယ်ဝန် အရေးပေါ်တားဆေးကိုလဲ သေစေတာလလား၊ တားတာလားငြင်းချက်တွေ အပြန်အလှန်ရှိပါတယ်။  သုက်ပိုးရော မျိုးဥပါ အချင်းချင်းမတွေ့ကြရင် အလိုလိုပျက်စီးကြတယ်။ ပယောဂမပါဘဲ ပျက်စီးတာဖြစ်တယ်။ သိတဲ့အတိုင်း အရာရာဟာ စက္ကန့် (စက္ကန့်ထက် တိုချင်တိုမယ်) မှာ ဖြစ်-ကြီး-ပျက် ဖြစ်စဉ်အတိုင်း သံသရာလည် နေကြတယ် မဟုတ်ပါလား။ (ဘာသာရေးအဆုံးအမမှာ ဖြစ်-တည်-ပျက်) လူတယောက် သေပြီဆိုတာကို (၁) နှလုံးမလုပ်တော့တာနဲ့ (၂) အသက်မရှူတော့

ကော်ဖီ နဲ့ ဘာနဲ့ တွဲမသောက်ရဘူးဆိုတာမျိုးတွေ မကြာခဏတွေ့ပါတယ်။ အရက်နဲ့ တွဲမသောက်ရတာကို ဆရာဝန်ကသာ ရေးရတယ်။ ယူအက်စ်အေမှာ ကော်ဖီသောက်သူဟာ အရွယ်ရောက်ပြီးသူအားလုံးရဲ့ ၆၇% ရှိတယ်။ တကမ္ဘာလုံးမှာ ကော်ဖီသောက်သူပေါင်း ၁ ဘီလီယန်ရှိတယ်။ ကမ္ဘာ့လူဦးရေရဲ့ ၁၂့၆% ဖြစ်တယ်။ ယူအက်စ်အေမှာ အရက်သောက်သူဟာ အရွယ်ရောက်ပြီးသူအားလုံးရဲ့ ၇၉့၁% ရှိတယ်။ အမျိုးသား ၈ဝ့၁% နဲ့ အမျိုးသမီး ၇၂့၆% ရှိတယ်။ အနည်းအများနဲ့ အချိန်ကာလ ထည့်မရေးတော့ပါ။ အရက်နဲ့တွဲမသောက်သင့်တဲ့ဆေးစာရင်းလည်း တင်ပြထားပါတယ်။ ကော်ဖီနဲ့ တွဲမသောက်သင့်တဲ့ဆေးတွေကတော့ - Blood thinners သွေးကျဲဆေးများ၊ aspirin, clopidogrel, ibuprofen, and warfarin တွေဖြစ်တယ်။ Antidepressants စိတ်မကျဆေးများ  tricyclic antidepressants (TCAs) တွေဖြစ်တယ်။ Allergy and cold medications အလာဂျီဆေးများ pseudoephedrine (Sudafed) ဆေးများဖြစ်တယ်။ Birth control pills ကိုယ်ဝန်တားဆေးများ Lithium စိတ်ဆေး Osteoporosis medications အရိုးဆေးများ Blood pressure medications သွေးတိုးကျဆေးများ (verapamil (Verelan) ဆေး)။ ကော်ဖီကိုလည်း အတိုင်းအဆနဲ့ ဆင်ခြင်ရတယ်။ အရက်ကတော့ တခွက်ဆိုတခွက် စိတ်၊ ဦးနှောက်နဲ့ အသံ

ပါရာစီတမော နဲ့ ကော်ဖီ လုံးဝတွဲမသောက်သင့်ပါလို့ ထပ်တင်တာတွေလည်းတွေ့တယ်။ အဲတာ မမှန်ပါ။ မှားတယ်။ Paracetamol ပါရာစီတမောဆိုတာ Acetaminophen ဆေးဖြစ်တယ်။ အမေရိကမှာ Tylanol အမည်နဲ့ရောင်းတယ်။ တခြားတိုင်းပြည်တွေမှာ အမည်အမျိုးမျိုးနဲ့ရောင်းကြတယ်။  ကော်ဖီ၊ လက်ဖက်ရည်၊ ကိုလာစတဲ့ ကေဖင်းဓါတ်ပါတာတွေနဲ့ တွဲသောက်ရင်တော့ သတိထားရတယ်။ ကေဖင်းဓါတ်ရဲ့ ဘေးထွက်သက်ရောက်မှုကို ပိုဆိုးစေနိုင်လို့သာဖြစ်တယ်။ မတည့်တာ မဟုတ်။ အဆိပ်သင့်တာ မဟုတ်ပါ။ Acetaminophen ခေါ် အစီတာမိုင်နိုင်ဖင် (ပါရာစီတမော) နဲ့ ဓါတ်ပြုနိုင်တဲ့တြာခးဆေးစာရင်းရှိတယ်။ Interaction reports လို့ခေါ်ပါတယ်။ Advil (ibuprofen) Aleve (naproxen) Aspirin Benadryl (diphenhydramine) Butalbital Calcium 600 D (calcium / vitamin d) Codeine Cymbalta (duloxetine) Glucosamine & Chondroitin with MSM (chondroitin / glucosamine / methylsulfonylmethane) Iron Sulfate (ferrous sulfate) Lexapro (escitalopram) Norco (acetaminophen / hydrocodone) Phenergan (promethazine) Pyrilamine Topamax (topiramate) Tylenol (acetaminophen) Vitamin B Complex 100 (multivitamin) Vitamin B1